पारकास 11:6 - आठपहरिया

⁶ हिट्‌नागाचिङा माङ्‌हाङ् उरिङ् पारचार चोक्‍चुएट्‌चुना बेला व्‍हेट् ओटानि चा नुङ् टाङ्‌साङ् छाक्‍मा हिमाना साक्‌ति टोगैसाचुए॥ हिट्‌नागाचिलोक् चुवा हेलिक् चोक्‍माना साक्‌ति युङ्‌ग्‍वा॥ हिट्‌नुङ् हिट्‌नागाचिङा निङ्‌ग्‍वा चोक्‍चु गाड्‌डे चोक्‍मा हिट्‌नागाचिलोक् खाले-खाले बिपोत्‌ति टाप्‍माना साक्‌ति युङ्‌ग्‍वा॥

पारकास 11:6 Iomraidhean Croise

लुका 4:25

आरको ठिक् रिङ् आङा खानि लोनाँनि, माङ्‌काटा एलियाङाना टालाङि सुम्‍बोक् ओफारा बारखा टेप्‍मा व्‍हेट् टानेयाट्‌नि हिट्‌नुङ् ख्‍वाप्‍पा देसङि आनिकाल लाहाब् लिसे॥ हिट्‌नापाका इस्‍राएलङि जोम् लाङ्‌मेप्‍माचि ओवासेट्‌टागा॥

पारकास 11:3

हिट्‌नुङ् आङाना छेम्‍बाना खाबोर पारचार चोक्‌ङा आङाना इप्‍पाङ् साँचि कापिबाचि पाङ्‌सुङ्‌चिङ्‌चिङ्, हिट्‌नुङ् हिट्‌नागाचिङा सानिङ्‌ग्‍वा लोसा बोराङाना लोट्‌लिङ् वाट्‌चुचु हिट्‌नुङ् ठिक् हाजार इप्‍पोक् साए साठि लेम्‍बा सोम्‍मा आङाना खाबोर पारचार चोक्‍चुचु॥”

पारकास 16:3

दोस्‍रो माङ्‌हाङ् रिङ् काउग्‍बाङा ओखोरे सामुन्‍दराङि हुङ्‌सुए, हिट्‌नुङ् सामुन्‍दराङिना चुवा उसियागा याप्‌मिङाना ओहेलिक् गाड्‌डे डोक् लिसे॥ हिट्‌नुङ् सामुन्‍दराङि उलिसागा सोब्‍बे उहिङ्‌ग्‍वाट् पारानिचि उसिए॥

पारकास 16:4

हिट्‌नुङ् तेस्‍रो माङ्‌हाङ् रिङ् काउग्‍बाङा ओखोरे ठेना होङ् लोक् चुवा उपुन्‌ङि हुङ्‌सुए, हिट्‌नुङ् सोब्‍बे हेलिक् डोक् लिसाडे॥

पारकास 8:8

दोस्‍रो माङ्‌हाङ् रिङ् काउग्‍बाङा उन्‌लोक्‍ना उधुटुरिबा टेनुए, हिट्‌नुङ् मिङा हाट्‌टेटाना ठिक् ठेना झोन्‍झोन्‍बो गाड्‌डेना पाक्‍लोक् पाक् सामुन्‍दराङि ठाए, हिट्‌नुङ् सामुन्‍दराङाना एक तिहाइ ओखान्‍डाम्‍बाक् हेलिक् लिसे॥