पारकास 11:3 - आठपहरिया3 हिट्नुङ् आङाना छेम्बाना खाबोर पारचार चोक्ङा आङाना इप्पाङ् साँचि कापिबाचि पाङ्सुङ्चिङ्चिङ्, हिट्नुङ् हिट्नागाचिङा सानिङ्ग्वा लोसा बोराङाना लोट्लिङ् वाट्चुचु हिट्नुङ् ठिक् हाजार इप्पोक् साए साठि लेम्बा सोम्मा आङाना खाबोर पारचार चोक्चुचु॥” Faic an caibideil |
पारकास 11:3
43 Iomraidhean Croise
“इनाबा, हाउ खानि खोराजिन हिट्नुङ् बेथसेदा खालाङ्गाङिगा याप्मिचि! खानि माझै चोक्बालाक् डोङ् ठोङ्डिगा टोॽवाचि टुरोस हिट्नुङ् सिदोन खालाङ्गाङिगा याप्मिचिङि चोगानाँ बे, हिट्निगा याप्मिचिङा पाइले डोक् सानिङ्ग्वा लोसा बोराङाना लोट्लिङ् ओवाडुङ् हिट्नुङ् ठाबुट् ओनेक्टुङ् काएल्-काबु उलिसाएट्टे बे॥
हिट्नुङ् माङ्हाङ्ङा डोक् माङ्पाङ्ङि– पाइले मुलिचेलाचि, दोस्रोम्बाक् माङ्काटाचि, तेस्रोम्बाक् काहिसिक्बाचि, हिट्नुङ् डोङ् ठोङ्डिगा टोॽवा काचोक्चि, हिट्नुङ् उटुगागा नुमानिङ् चोक्माना बारदान काटोक्चि, आरु घुवार काफाबाचि, माङ्पाङ् चालाँ काचोक् ओठेडोङ्चि हिट्नुङ् खाले-खाले रिङ्ङि चेक्माना बारदान ओटोगुगा याप्मिचि युङ्सुएसुचे॥
हिट्नागाचिङा माङ्हाङ् उरिङ् पारचार चोक्चुएट्चुना बेला व्हेट् ओटानि चा नुङ् टाङ्साङ् छाक्मा हिमाना साक्ति टोगैसाचुए॥ हिट्नागाचिलोक् चुवा हेलिक् चोक्माना साक्ति युङ्ग्वा॥ हिट्नुङ् हिट्नागाचिङा निङ्ग्वा चोक्चु गाड्डे चोक्मा हिट्नागाचिलोक् खाले-खाले बिपोत्ति टाप्माना साक्ति युङ्ग्वा॥
हिट्नुङ् हिट्ना माङ्हाङ् रिङ् काउग्बा माङ्ध्यान् चोक्मा लाउङ्सा ओटोकानाङि गुङ् चोगाङे, टरो हिट्नाङा आङा नाड्डे याङ्लोडे, “नाड्डे चोक्नेन्॥ आङाउम्टे खान् हिट्नुङ् बिस्वासि कासाइबाचि गाड्डे येसुङाना सेवा काचोक्बा एडोक् ए॥ खान्ङा माङ्हाङ् एडोक् माङ्ध्यान् चोक्मा कोन्युक्, पोङ्भोने छेम्बाना माङ्हाङ्लाम्माना रिङ् काचेक्बाङा एडोक् येसुङाना बारे आरु लोडुचिचि॥”
हिट्नुङ् आङा सिङासान् निसुङे, हिट्नि न्याए चोक्मा आधिकार ओटोगुगा याप्मिचि उयुङासागा॥ हिट्नि येसुङाना खाबोर लोक् माङ्हाङ् रिङ् पारचार ओचोगुनाँ नाराङि उन्चि टेहेक् ओचेप्टुचिगा याप्मिचिगा हाङ्सा चा निसुङे॥ हिट्नागाम्बाक् हिट्ना जिवाट् लोक् हिट्नाङाना मुरति साम्माङ् ओचोग्वाट्टुन् हिट्नुङ् हिट्नाङाना छाप् उन्चि नाम्धाङ्ङि आथाबा उन्चि मुक्ङि चा ओवाडुवाट्टुन्॥ हिट्नागा फेरि उहिङ्ग्वाट् उलिसे हिट्नुङ् खिरिस्टलोक् ठिक् हाजार बारखा सासान् ओचोगुए॥
Sanasan