पारकास 11:2 - आठपहरिया

² टरो माङ्‌ठाना भारा टेल्‍लाङ्‌म्‍बाक् छिक्‍टुन्, पोङ्‌भोने हिट्‌ना डेन् माङ्‌हाङ्‌ङा पानिछोङ्‌बाचि पिडुएसुचे, हिट्‌नुङ् हिट्‌नागाँ बायालिस माइना सोम्‍मा यरुसलेम खालाङ्‌गा चियोप्-यायोप् ओयेप्‍टुटु॥

पारकास 11:2 Iomraidhean Croise

मात्‌ति 27:53

हिट्‌नुङ् हिट्‌नागा उहुम्‍पालाम्‍मा ओहोन्‍डे, हिट्‌नुङ् येसु सियानालाम्‍मा उहिङ्‌ग्‍वाट् लिसा कोबाउङ् हिट्‌नागा सेङ्‌सेङ्‌ना खालाङ्‌गाङि उलिगे हिट्‌नुङ् जोम् याप्‌मिचिङि ओठेट्‌टे॥

मात्‌ति 4:5

हिट्‌नुङ्‌ना सैतानङा येसु सेङ्‌सेङ्‌ना खालाङ्‌गाङि खाट्‌टुए, हिट्‌नुङ् माङ्‌ठाना ओछोम्‍बोङि खाट्‌टुए

मात्‌ति 5:13

“खानिउम्‍टे नाराङिगा याप्‌मिचिलाउङ्‌सा युम् गाड्‌डेगा डोक् ए॥ टरो युम्‌ङाना ओसाम् खाडे भोने, हिट्‌ना फेरि नुम्‍नुम् लोलोक् खोड्‌डेउङ् चोग्‍माना टे? हिट्‌नाउम्‍टे चालाँ चोक्‍मा डोक् लिनिना लियुङ् भारा लेप्‍टुम्‍टुम् हिट्‌नुङ् याप्‌मिचिङा ओयेप्‍टुडिसुटु॥

लुका 21:24

साट्‌टुरचिङा आम्‍टेप्‍मा याप्‌मिचि चेप्‍साङा ओचेप्‍टु ओसेडुचिचि हिट्‌नुङ् आरु लोङ्‌साम्‍बाक् याप्‍मा देसङि ओछाक्‍टुचिउङ् ओखाट्‌टुचिचि॥ पानिछोङ्‌बाचिगा बेला मिलाट्‌ङे सोम्‍मा हिट्‌नागाँ यरुसलेम खालाङ्‌गा चियोप्-यायोप् ओयेप्‍टुटु॥

हिब्‍रु 10:29

हाट्‌ले खानि आप्‍पेङा निङ्‌ग्‍वा रिसानुम् टे, जुन्‍ङा माङ्‌हाङ् छा चिम्‍मा फुट्‌टुटु, जुन्‍ङा आनि सेङ्‌सेङ् आचोक्‍ना माङ्‌हुप्‌ङाना हेलिक्‌ङाना मान् चोगुन्‍ना, हिट्‌नुङ् मायादाया आपिना सेङ्‌सेङ्‌ना हाङ्‌सा इन्‍कार चोगुटु हिट्‌नागाँ झान् आड्‌डिक् टुक्‍ना साजाए ओटोगुटु॥

पारकास 11:11

टरो सुम्‍बोक्‌उङ् ओफारा लेम्‍बा लाट्‌टाउङ् माङ्‌हाङ्‌ङा ओसोक्‍मा हिट्‌नागाचिङि ठेन्‍डुबिडुचे, हिट्‌नुङ् हिट्‌नागाचि उहिङ्‌ग्‍वाट् लिसाचिउङ् उन्‌चि लाङ्‌ङि येबाचे॥ हिट्‌डेना रिङ् लिसाना उनिसुङ् याप्‌मिचि आड्‌डिक् टुक्‍लोक् उकिट्‌टे॥

पारकास 11:3

हिट्‌नुङ् आङाना छेम्‍बाना खाबोर पारचार चोक्‌ङा आङाना इप्‍पाङ् साँचि कापिबाचि पाङ्‌सुङ्‌चिङ्‌चिङ्, हिट्‌नुङ् हिट्‌नागाचिङा सानिङ्‌ग्‍वा लोसा बोराङाना लोट्‌लिङ् वाट्‌चुचु हिट्‌नुङ् ठिक् हाजार इप्‍पोक् साए साठि लेम्‍बा सोम्‍मा आङाना खाबोर पारचार चोक्‍चुचु॥”

पारकास 12:6

हिट्‌नुङ् हिट्‌ना मेच्‍छेमा पिन्‍डाउङ् पाक्‍चा लिनिना डेन्‌ङि खाडे, हिट्‌नि ठिक् हाजार इप्‍पोक् साए साठि लेम्‍बा सोम्‍मा हिट्‌ना पुमा लाउङ्‌सा माङ्‌हाङ्‌ङा हिट्‌ना ठोङ् टेयार चोगुएसुना डाना॥

पारकास 21:10

हिट्‌नुङ्‌ना सेङ्‌सेङ्‌ना ओहाङ्‌साङा आङा आधिन् याङ्‌चोगे, हिट्‌नुङ् माङ्‌हाङ् रिङ् काउग्‍बाङा ठेना केना झोन्‍झोबाङि याङ्‌खाट्‌टे॥ हिट्‌नुङ् माङ्‌हाङ् रिङ् काउग्‍बाङा आङा टोनालोग्‌ङि माङ्‌हाङ्‌लाम्‍मा यो ठायागेट्‌टाना सेङ्‌सेङ्‌ना यरुसलेम खालाङ्‌गा याङ्‌निमेट्‌टे॥

पारकास 21:2

हिट्‌नुङ् आङा सेङ्‌सेङ्‌ना खालाङ्‌गा ओछोङ्‌ग्‍वाट् यरुसलेम निसुङे, हिट्‌ना टोनालोग्‌ङि माङ्‌हाङ्‌लाम्‍मा नाराङि उङ्‌सागेट्‌टाना॥ हिट्‌ना खालाङ्‌गा बेउला टुब्‍मा सिङ्‌गार लिसाना बेहुलि गाड्‌डे डोक् टेयार लिसाना आङा निसुङे॥

पारकास 22:19

कोइङा ना छाप्‍लाङि छेप्‍टागा माङ्‌हाङ्‌लाम्‍माना रिङ् इम्‍टेप्‍मा होट्‌टुटु भोने, ना छाप्‍लाङि छेप्‍टागा चोला आपिना सिङ् उभुङ्‌माङिना टुल्‍फुल चामाना ओभागा हिट्‌नुङ् सेङ्‌सेङ्‌ना खालाङ्‌गालाम्‍मा माङ्‌हाङ्‌ङा होट्‌टुडिसुटु॥