पारकास 10:1 - आठपहरिया

¹ हिट्‌नुङ्‌ना आङा आरको साक्‌तिसालि माङ्‌हाङ् रिङ् काउग्‍बा टोनालोग्‌लाम्‍मा उङ्‌सागेट्‌टाना निसुङे॥ हिट्‌नाङाना ओयेम् लोट्‌लिङ् गाड्‌डे डोक् खिमेमाङा टेप्‍टुएसुना डाना, हिट्‌नुङ् ओटेहेक्‌ङिम्‍बाक् फारकान्‍जा डाना॥ ओनाभाक् नाम् छेमा गाड्‌डे डोक् ओम्‍सेसाना, हिट्‌नुङ् ओलाङ्‌चि मि हाट्‌टाना ठोक्‍ला गाड्‌डे उनिङ्‌सागा डागा॥

पारकास 10:1 Iomraidhean Croise

मात्‌ति 17:2

हिट्‌नुङ् हिट्‌नि हिट्‌नागाँ उपुयुगेट्‌टुलोक् येसुङाना उरुप् फेराँ लिसे॥ उन्‍ङाना ओनाभाक् नाम् गाड्‌डे डोक् ओम्‍से, हिट्‌नुङ् ओलोट्‌लिङ् फुटुम्‍बुरि फुट्‌ना लिसाउङ् व्‍हाङ् गाड्‌डे ओम्‍से॥

लुका 21:27

हिट्‌नुङ्‌ना याप्‌मि छा खिमेमाङि साक्‌ति हिट्‌नुङ् माङ्‌ठेना माहिमाङि उङ्‌युगेट्‌ना याप्‌मिचिङा उनिसुटु॥

मुलिचेला टोॽवा 26:13

हाउ हाङ्‌बा, हिट्‌ना लेम्‍बा लाम्‍बोङि खाडिगेट्‌टिङाना बेला टाङ्‌साङ्‌लाम्‍मा नाम् छेमा नुङ्‌ना चा आड्‌डिक् ओम्‍साना व्‍हाङ् आङा हिट्‌नुङ् आसाइबाचि याम्‍बा-नायाम्‍बा ओम्‍साना आङा निसुङे॥

पारकास 1:7

ओछेक्‍छेक् लिसानिउङ् पुयानुम्, येसु खिमेमाङि उङ्‌युगेट्, हिट्‌नुङ् सोब्‍बे याप्‌मिचिङा उन् उनिसुटु॥ उन् ओरोक्‍टुना याप्‌मिचिङा चा उनिसुटु॥ हिट्‌नुङ् नाराङिगा ख्‍वाप्‍पा याप्‌मिचि उन् उनिसुङ् निङ्‌ग्‍वाङि दुखेसो ओचोक्‌युक्॥ छेम्‍बा नाड्‌डे लियुक्॥ आमेन्॥

पारकास 18:1

हिट्‌नुङ्‌ना आङा टोनालोग्‌लाम्‍मा यो उङ्‌सागेट्‌टाना आरको माङ्‌हाङ् रिङ् काउग्‍बा निसुङे॥ ना माङ्‌हाङ् रिङ् काउग्‍बाङाना माङ्‌ठेना ओसाक्‌ति डाना॥ हिट्‌ना माङ्‌हाङ् रिङ् काउग्‍बा ओम्‍से हिट्‌नुङ् नारा डोक् व्‍हाङ् चोगुए॥

पारकास 18:21

हिट्‌नुङ्‌ना ठिक् साक्‌तिसालि माङ्‌हाङ् रिङ् काउग्‍बाङा ठिक् ठेना झाँटा टेउना लुङ्‌गेॽवा फोगुङ् नाड्‌डे पिक्‍सा सामुन्‍दराङि लेप्‍टुए, “ना माङ्‌ठेना बेबिलोन खालाङ्‌गा चा नाड्‌डेउङ् डोक् जोडलोक् लेप्‌युक्, हिट्‌नुङ् हिट्‌ना फेरि काइले ठेट्‌निना॥

पारकास 20:1

हिट्‌नुङ्‌ना आङा घाइरो भाड्‌खालोङिना साँचो हिट्‌नुङ् ठिक् ठेना साङ्‌ला उमुक्‌ङि याङेसुना ठिक् माङ्‌हाङ् रिङ् काउग्‍बा टोनालोग्‌लाम्‍मा उङ्‌सागेट्‌टाना निसुङे॥

पारकास 4:3

हिट्‌नि कायुङ्‌बाउम्‍बाक् आड्‌डिक् ओम्‍साना मोति हिट्‌नुङ् रुबि गाड्‌डे डोक् निङ्‌साना डाना॥ हिट्‌नुङ् सिङासान् याम्‍बा-नाआम्‍बा पिङ्‌ना राङ्‌गाङाना माहाङ्‌गो पात्‍थार गाड्‌डे ओम्‍साना फारकान्‍जा डाना॥

पारकास 5:2

हिट्‌नुङ् हिट्‌नि माङ्‌बोल्‍लेउ ठिबाङ् माङ्‌हाङ् रिङ् काउग्‍बा ठेना ओसोरा चोगुङ् नाड्‌डे पिक्‍सा राट्‌टाना आङा निसुङे, “नागा छाप् लाहाब् चोक्‍बालाक् हेडुङ् छाप्‍लाङाना मुठा ओङ्‌मा योग्‍ए साक् वाहेट्‌ना?”

पारकास 8:13

हिट्‌नुङ् आङा पुयुङ्‌नाँ टो टाङ्‌साङ्‌ङि पेयेट्‌टाना ठिक् गारुड नाड्‌डे पिक्‍सा ठेना सोरा चोगुङ् राट्‌टाना खेम्‍सुङे, “एलाह्, आड्‌डिक् किप्‍माडुङ् रिङ् गोलो, नाराङि उलिसागा याप्‌मिचिङि आड्‌डिक् किप्‍माडुङ् याङ्‌छामा लियुक्॥ पोङ्‌भोने आरु सुम्‍बाङ् माङ्‌हाङ् रिङ् काउग्‍बाचिङा उन्‌चिलोक् लिसाना धुटुरिबा टेम्‍माना बेला लिसा लाबे॥”