पारकास 1:9 - आठपहरिया9 आङा युहान्ना, खानि बिस्वासि साइबा॥ खानि गाड्डे डोक् आङा चा याङ्छामा आङ्डुएट्टुङ्, पोङ्भोने येसु आनि हाङ्बा ए, हिट्नुङ् उन्ङा आङ्मा हिमाना बोल् आनि आपियुक्॥ आङा माङ्हाङ् रिङ् पारचार चोगुङ्नाँ हिट्नुङ् येसुङाना बारेङि याप्मिचि लोडुङ्चिङ्नाँ आङा याप्मिचिङा पोत्मोस ओलोडुना टापुङि उयुङ्सेसाङे॥ Faic an caibideil |
पारकास 1:9
35 Iomraidhean Croise
पोङ्भोने आनि माङ्हाङ् ओछालेट्चि ए, हिट्नुङ् ओछालेट्चि लाउङ्सा उन्ङा पिमा युङ्सुना आसिक् चा आनि टोगुम्टुम्, हिट्नुङ् हिट्ना आसिक् खिरिस्टलोक् एक्केउ आनि चा टोगुम्टुम्॥ टरो खिरिस्टङा मान् टोगु गाड्डे डोक् आनि चा मान् टोगुम्टुम् भोने, खिरिस्टङा याङ्छामा आङ्डु गाड्डे डोक् आनि चा याङ्छामा आङ्मा कोन्युक्॥
खानि ख्वाप्पा लाउङ्सा खानि बारेङि आङा हिट्डे मिप्मा नुयुक्, पोङ्भोने आङा खानि आड्डिक् माया चोक्नानिगा॥ पोङ्भोने आङा हाट्ले खाम्बाङ्ङि लिङा चा आथाबा नुना खाबोर जोगाँ चोक्मा हिट्नुङ् नुना खाबोर छेम्बाना ए नुङ् पारमान् पिमाना टोॽवाङि चा माङ्हाङ्ङा आनि एक्केउ टोॽवा चोक्माउङ्सा दाया आचोगेसे॥
ना छाप्लाङा येसु खिरिस्ट माङ्हाङ्ङा पारकाट् चोगुना खाबोर बारेङि माट्टुटु॥ हिट्नुङ् ना खाबोर हाट्ले एला डोक् लिसालाबाना रिङ् माङ्हाङ्ङा ओसेवाक्चिङा ठाहा ओटोगुवाक् नुङ् उन्ङा येसु खिरिस्ट पिडुए॥ येसु खिरिस्टङा नागा रिङ् लोमा ओसेवाक् युहान्ना सोरि उन्ङाना माङ्हाङ् रिङ् काउग्बा पाङ्सुए॥
आङा युहान्नाङा ना खाबोर एसिया छेट्राङि उलिसागा सि ओटा माङ्पाङ्ङिगा लाउङ्सा छेप्टुएट्टुङ्॥ माङ्हाङ् पाबा, सि ओटा हाङ्सा हिट्नुङ् येसु खिरिस्टङाना मायादाया हिट्नुङ् हाङ्हाङ् खानिलोक् उलियाक्॥ माङ्हाङ् हाट्ले चा उन् युङ्ग्वा, पाइले चा डाना, हिट्नुङ् हान्डेङ् चा लियुक्॥ सि ओटा हाङ्सा माङ्हाङ् युङ्ना सिङासान् ओटाकानाङि युङ्ग्वा॥ येसु खिरिस्ट माङ्हाङ्ङा लोडुना रिङ्ङि बिस्वासिलो ए, उन् सियानालाम्मा उहिङ्ग्वाट् कोबाना पाइलेना याप्मि हिट्नुङ् उन् नाराङिगा हाङ्बाचि सासान् काचोक्बा ए॥ येसुङा आनि माया आचोक्युक् हिट्नुङ् उन्ङा आप्पेलाउङ्सा खाप्चेङि भोक् पिडुङ् आनि पापलाम्मा छुट्कारा आनि आपिडैसे॥
कोइ याप्मि खाम्बाङ्ङि ठामा कोन्युक् भोने, हिट्ना खाम्बाङ्ङि ठामा डोक् कोन्युक्, हिट्नुङ् कोइ याप्मि चेप्सालाम्मा सेट्मा कोन्युक् भोने, हिट्ना चेप्सालाम्मा सेट्मा डोक् कोन्युक्॥ हिट्डेउङ् माङ्हाङ्ङाना ओयाप्मिचिङा याङ्छामा आङ्मा कोन्युक् हिट्नुङ् बिस्वासङि बोल्लेउ लिमा डोक् कोन्युक्॥”
हिट्नुङ् हिट्ना माङ्हाङ् रिङ् काउग्बा माङ्ध्यान् चोक्मा लाउङ्सा ओटोकानाङि गुङ् चोगाङे, टरो हिट्नाङा आङा नाड्डे याङ्लोडे, “नाड्डे चोक्नेन्॥ आङाउम्टे खान् हिट्नुङ् बिस्वासि कासाइबाचि गाड्डे येसुङाना सेवा काचोक्बा एडोक् ए॥ खान्ङा माङ्हाङ् एडोक् माङ्ध्यान् चोक्मा कोन्युक्, पोङ्भोने छेम्बाना माङ्हाङ्लाम्माना रिङ् काचेक्बाङा एडोक् येसुङाना बारे आरु लोडुचिचि॥”
हिट्नुङ् आङा सिङासान् निसुङे, हिट्नि न्याए चोक्मा आधिकार ओटोगुगा याप्मिचि उयुङासागा॥ हिट्नि येसुङाना खाबोर लोक् माङ्हाङ् रिङ् पारचार ओचोगुनाँ नाराङि उन्चि टेहेक् ओचेप्टुचिगा याप्मिचिगा हाङ्सा चा निसुङे॥ हिट्नागाम्बाक् हिट्ना जिवाट् लोक् हिट्नाङाना मुरति साम्माङ् ओचोग्वाट्टुन् हिट्नुङ् हिट्नाङाना छाप् उन्चि नाम्धाङ्ङि आथाबा उन्चि मुक्ङि चा ओवाडुवाट्टुन्॥ हिट्नागा फेरि उहिङ्ग्वाट् उलिसे हिट्नुङ् खिरिस्टलोक् ठिक् हाजार बारखा सासान् ओचोगुए॥
Sanasan