पारकास 1:8 - आठपहरिया8 आनि माङ्हाङ् टाङ्बा सोब्बे नुङ्ना माङ्बोल्लेउ, उन् पाइले चा डाना, हाट्ले चा वाहेट्, हिट्नुङ् हान्डेङ् चा सोरोक् लियुयाक्युक्॥ उन्ङा माट्टुए, “आल्फा हिट्नुङ् ओमेगा आङा डोक्॥” Faic an caibideil |
पारकास 1:8
29 Iomraidhean Croise
आङा युहान्नाङा ना खाबोर एसिया छेट्राङि उलिसागा सि ओटा माङ्पाङ्ङिगा लाउङ्सा छेप्टुएट्टुङ्॥ माङ्हाङ् पाबा, सि ओटा हाङ्सा हिट्नुङ् येसु खिरिस्टङाना मायादाया हिट्नुङ् हाङ्हाङ् खानिलोक् उलियाक्॥ माङ्हाङ् हाट्ले चा उन् युङ्ग्वा, पाइले चा डाना, हिट्नुङ् हान्डेङ् चा लियुक्॥ सि ओटा हाङ्सा माङ्हाङ् युङ्ना सिङासान् ओटाकानाङि युङ्ग्वा॥ येसु खिरिस्ट माङ्हाङ्ङा लोडुना रिङ्ङि बिस्वासिलो ए, उन् सियानालाम्मा उहिङ्ग्वाट् कोबाना पाइलेना याप्मि हिट्नुङ् उन् नाराङिगा हाङ्बाचि सासान् काचोक्बा ए॥ येसुङा आनि माया आचोक्युक् हिट्नुङ् उन्ङा आप्पेलाउङ्सा खाप्चेङि भोक् पिडुङ् आनि पापलाम्मा छुट्कारा आनि आपिडैसे॥
हिट्नागाँ माङ्हाङ् ओसेवाक् मोसाङाना छाम्लोमा हिट्नुङ् थुमाङाना छाम्लोमा ओछाम्लोसेट्टागा, “माङ्हाङ् डाङ्बा, खान् सोब्बे नुङ्ना माङ्बोल्लेउ, हिट्नुङ् खान्ङा आचोगुना टोॽवा माङ्ठेना हिट्नुङ् डोङ् ठोङ्डिना ए॥ खान् सोब्बे छोङ्बाचिगा हाङ्बा ए, खान्ङागा सोब्बे टोॽवा सिधा हिट्नुङ् छेम्बागा ए॥
नागा ओभेन्गा रिमेट्चिलोक् डोङ् ठोङ्डिना टोॽवा चोक्माना साक्ति डाना॥ हिट्नागा नाराङिगा ख्वाप्पा हाङ्बाचिङि ओखाट्युक् हिट्नागाँगा उन्चि टिलिङ्गाचि चुङ्मा लाउङ्सा उछुम्सुचिचि, हिट्नुङ् सोब्बे नुङ्ना माङ्बोल्लेउ माङ्हाङ्ङा ओसाट्टुरचि साजाए पिडुचिना लेम्बा हिट्नागा माङ्हाङ्लोक् उचुङ्युक्॥
साट्टुरचि मेप्माचि लाउङ्सा ओयासिलाम् यान्ना चेप्सा भारा होन्डाइसाना, हिट्नुङ् उन्ङा नाराङिगा ख्वाप्पा याप्मिचि धाउङाना डान्डिङा टुक्लोक् सासान् चोगुचिचि॥ हिट्नुङ् आङ्गुर पेलाँ चोक्मा ठेना कोल्ङि ठेन्डि गाड्डे डोक् उन्ङा याप्मिचि माङ्बोल्लेउ माङ्हाङ्ङाना उकुन्जिरिक्वाङा साजाए पिडुचिचि॥
हिट्नुङ्ना आङा जोम् याप्मिचिगा खिमेयाङ्मे मुक्टाना, जोम् चुवा छाँगालाम्मा ठाया गाड्डे मुक्टाना हिट्नुङ् आड्डिक् ठेना घुरुङ्बा लोसाना गाड्डे मुक्टाना आङा खेम्सुङे, हिट्नाँ नाड्डे माट्टुए, “माङ्हाङ् उनिङ् टो-टो उलियाक्, पोङ्भोने आनि टाङ्बा सोब्बे नुङ्ना माङ्बोल्लेउ माङ्हाङ्ङा सासान् चोगुटु॥
हिट्नागा टेम्बोक् उहिङ्ग्वाट् जिवाट्चिगा ङा-ङा ओटा उन्चि लाप्टाङ् ओडागा॥ हिट्नागाँगा उन्चि येम्टेप् उन्चि मिक् ए मिक् डाना, उन्चि लाप्टाङ् उछिक्ङि चा उन्चि मिक् डाना॥ हिट्नागा लेन्सेन् नाड्डे उपिगाउङ् छाम् ओलोसायाक्टागा डागा, “सोब्बे नुङ्ना माङ्बोल्लेउ माङ्हाङ् टाङ्बा सेङ्सेङ्ना, उन् सेङ्सेङ्ना, उन् सेङ्सेङ्ना॥ उन् उटुम्लाम् डोक् डाना, हाट्ले चा वाहेट्, हिट्नुङ् उन् सोरोक् लियुयाक्युक्॥”
Sanasan