पारकास 1:4 - आठपहरिया4-5 आङा युहान्नाङा ना खाबोर एसिया छेट्राङि उलिसागा सि ओटा माङ्पाङ्ङिगा लाउङ्सा छेप्टुएट्टुङ्॥ माङ्हाङ् पाबा, सि ओटा हाङ्सा हिट्नुङ् येसु खिरिस्टङाना मायादाया हिट्नुङ् हाङ्हाङ् खानिलोक् उलियाक्॥ माङ्हाङ् हाट्ले चा उन् युङ्ग्वा, पाइले चा डाना, हिट्नुङ् हान्डेङ् चा लियुक्॥ सि ओटा हाङ्सा माङ्हाङ् युङ्ना सिङासान् ओटाकानाङि युङ्ग्वा॥ येसु खिरिस्ट माङ्हाङ्ङा लोडुना रिङ्ङि बिस्वासिलो ए, उन् सियानालाम्मा उहिङ्ग्वाट् कोबाना पाइलेना याप्मि हिट्नुङ् उन् नाराङिगा हाङ्बाचि सासान् काचोक्बा ए॥ येसुङा आनि माया आचोक्युक् हिट्नुङ् उन्ङा आप्पेलाउङ्सा खाप्चेङि भोक् पिडुङ् आनि पापलाम्मा छुट्कारा आनि आपिडैसे॥ Faic an caibideil |
पारकास 1:4
41 Iomraidhean Croise
हिट्डेउङ् खानि सोब्बे रोमङि आयुङिगा मायालु याप्मिचि खानिलाउङ्सा माङ्हाङ्ङा माया माचोगिटि हिट्नुङ् ओयाप्मिचि नुङ् माछेम्डिगा खानि लाउङ्सा ना चिट्ठि छेप्टुङ्गेट्टुङ्॥ हिट्नुङ् खानिलाउङ्सा माङ्हाङ् आनि पाबा लोक् आनि डाङ्बा येसु खिरिस्टङा मायादाया लोक् हाङ्हाङ् मापिड्याक् नुङ् आङा बिन्टि चोगुङ्टुङ्॥
ना छाप्लाङा येसु खिरिस्ट माङ्हाङ्ङा पारकाट् चोगुना खाबोर बारेङि माट्टुटु॥ हिट्नुङ् ना खाबोर हाट्ले एला डोक् लिसालाबाना रिङ् माङ्हाङ्ङा ओसेवाक्चिङा ठाहा ओटोगुवाक् नुङ् उन्ङा येसु खिरिस्ट पिडुए॥ येसु खिरिस्टङा नागा रिङ् लोमा ओसेवाक् युहान्ना सोरि उन्ङाना माङ्हाङ् रिङ् काउग्बा पाङ्सुए॥
खान्ङा आछुप्टाङ् आमुक्ङि आनिसुगा सि ओटा चोक्चिङ्गेट्चि हिट्नुङ् सि ओटा साम्मेङ्ङा चोक्बालाक् कुपिदानिचि ठोबाना रिङ्ङाना उटुप्बाक् नाड्डे लियुक्, सि ओटा चोक्चिङ्गेट्उम्बाक् सि ओटा माङ्पाङ्ङाना माङ्हाङ् रिङ् काउग्बाचिगा बारेङि माट्टुटु, हिट्नुङ् सि ओटा साम्मेङ्ङा चोक्बालाक् कुपिदानिचिङाम्बाक् सि ओटा माङ्पाङ्ङाना बारेङि माट्टुटु॥”
आङा युहान्ना, खानि बिस्वासि साइबा॥ खानि गाड्डे डोक् आङा चा याङ्छामा आङ्डुएट्टुङ्, पोङ्भोने येसु आनि हाङ्बा ए, हिट्नुङ् उन्ङा आङ्मा हिमाना बोल् आनि आपियुक्॥ आङा माङ्हाङ् रिङ् पारचार चोगुङ्नाँ हिट्नुङ् येसुङाना बारेङि याप्मिचि लोडुङ्चिङ्नाँ आङा याप्मिचिङा पोत्मोस ओलोडुना टापुङि उयुङ्सेसाङे॥
“सारडिस खालाङ्गाङिना माङ्पाङ्ङिना माङ्हाङ् रिङ् काउग्बा लाउङ्सा ना खाबोर छेप्टु॥ ना खाबोरम्बाक् माङ्हाङ्ङाना सि टेप्मा हाङ्सा लोक् सि टेप्मा चोक्चिङ्गेट्चि लिसानाँ माट्टुना ए॥ उन्ङा माट्टुटु, ‘खानि टोॽवा आङा ठाहा टोगुङ्टुङ्॥ याप्मिचिङा खानि उहिङ्ग्वाट् डोक् आवासेट्टि नुङ् मालोडिगा, टरो खानि बिस्वास भोनेउम्टे सियाडाना ए॥’
“फिलाडेल्फिया खालाङ्गाङिना माङ्पाङ्ङिना माङ्हाङ् रिङ् काउग्बा लाउङ्सा ना खाबोर छेप्टु॥ हिट्नुङ् ना खाबोरम्बाक् सेङ्सेङ्ना हिट्नुङ् छेम्बाङाना ए॥ याप्मा बारखा पाइले दाउद हाङ्बाङा सासान् चोगु गाड्डे डोक् उन्लोक् चा सासान् चोक्माना बोल् युङ्ग्वा॥ उन्ङा ढुवारिक् ओङ्सुटु भोने, साङा चा छुप्मा उहिडुन्ना॥ उन्ङा ढुवारिक् छुप्टुटु भोने, खोनाङा चा ओङ्मा उहिडुन्ना॥
हिट्नागा टेम्बोक् उहिङ्ग्वाट् जिवाट्चिगा ङा-ङा ओटा उन्चि लाप्टाङ् ओडागा॥ हिट्नागाँगा उन्चि येम्टेप् उन्चि मिक् ए मिक् डाना, उन्चि लाप्टाङ् उछिक्ङि चा उन्चि मिक् डाना॥ हिट्नागा लेन्सेन् नाड्डे उपिगाउङ् छाम् ओलोसायाक्टागा डागा, “सोब्बे नुङ्ना माङ्बोल्लेउ माङ्हाङ् टाङ्बा सेङ्सेङ्ना, उन् सेङ्सेङ्ना, उन् सेङ्सेङ्ना॥ उन् उटुम्लाम् डोक् डाना, हाट्ले चा वाहेट्, हिट्नुङ् उन् सोरोक् लियुयाक्युक्॥”
हिट्नुङ् टेम्बोक् उहिङ्ग्वाट् जिवाट्चि हिट्नुङ् ओठेडोङ्चिङा याम्बा-नायाम्बालाम्मा उपुप्टुना हिट्ना सिङासान्ङिना माझाङि ठिक् थुमा येबाइसाना आङा निसुङे॥ हिट्ना थुमाम्बाक् कोइङा भोक् उपिडुना गाड्डे निङ्साना॥ हिट्नाङाना सि गोटा ओटाङ् हिट्नुङ् सि गोटा उमिक्चि डागा॥ हिट्नागाम्बाक् माङ्हाङ्ङा ख्वाप्पा नाराङि पाङ्सुचिगा सि गोटा ओहाङ्साचि ए॥
Sanasan