फिलिप्‌पि 4:3 - आठपहरिया

³ हाउ बिस्‍वासिलो आसाइबा, खान्‍ङा नागाचि इप्‍पाङ् मेन्‍झेमाचि ओटोङ्‌चिउङ् उयुङ्‌चि नुङ् घुवार फाडुचि नुङ् लोनाँ, पोङ्‌भोने हिट्‌नागाचिङा आङालोक् एक्‍केउ नुना खाबोर पारचार चोक्‍मा घुवार याङ्‌फासाचे, हिट्‌नुङ् आङालोक् एडोक् माखाक्, हिट्‌नागाचिङा क्‍लेमेस हिट्‌नुङ् आङालोक् एक्‍केउ टोॽवा काचोक् आरु आसाइबाचिलोक् चा टोॽवा चोगाचुए, हिट्‌नागा सोब्‍बेङागा उन्‌चि निङ् चोला आपिना छाप्‍लाङि माङ्‌हाङ्‌ङा छेप्‍टुबिडुएसुचे॥

फिलिप्‌पि 4:3 Iomraidhean Croise

लुका 10:20

टरो खानिङा ओचाफेम्‍मा रिमेट्‌चि होप्‍मा हिडुम्‌चिम्‍मे नुङ् खानि चाप् उटानि चा, टरो टोनालोग्‌ङि खानि निङ् छेप्‍टेसे नुङ् खानि चाप् उटायाक्॥”

रोमि 12:1

हिट्‌डेउङ् आम्‍बु-आन्‍झाचि हिट्‌नुङ् आनो-आन्‍झोचि, माङ्‌हाङ्‌ङा आनि आड्‌डिक् दाया आचोगानाँ खानि आप्‍पेलाउङ्‌सा सेङ्‌सेङ्‌ना हिट्‌नुङ् माङ्‌हाङ्‌ङाना उनिङ्‌ग्‍वा टासुना उहिङ्‌ग्‍वाट् भोक् ठाङ्‌सानुम् नुङ् आङा खानि लोनाँनि॥ पोङ्‌भोने खानिङा माङ्‌हाङ् सेवा चोक्‍मा कोन्‍ना छेम्‍बाना पाराम्‍बाक् ना डोक्॥

रोमि 16:12

टुरफेना हिट्‌नुङ् टोरफोसालाउङ्‌सा बाबा याङ्‌लोडाबिडानि॥ नागाचि मेन्‍झेमाचिङा मिहिनेत चोक्‍चुङ् टाङ्‌बाङाना टोॽवा चोक्‍चुगा॥ हिट्‌नुङ् मायालु पारसिस चा बाबा याङ्‌लोडाबिडानि, ना मेन्‍झेमाङा चा आड्‌डिक् मिहिनेत चोगुङ् टाङ्‌बाङाना टोॽवा चोगुगा॥

रोमि 16:9

खिरिस्‍ट लोङ्‌सा आनिलोक् एक्‍केउ टोॽवा काचोक् मायालु आसाइबा उरबानास बाबा याङ्‌लोडाबिडानि, हिट्‌नुङ् मायालु आसाइबा इस्‍ताखुसलाउङ्‌सा चा बाबा याङ्‌लोडाबिडानि॥

फिलिप्‌पि 1:12

आम्‍भु-आन्‍झाचि, नाहि आचोलाङि उलिसागा ओचाफेन्‍गा रिङ्‌चिङा याप्‍मा याप्‌मिचिङा नुना खाबोर खेम्‍मा ओटोगुना रिङ् खानिङा चा ठाहा टोगानुम् नुङ् आनिङ्‌ग्‍वा युङ्‌ग्‍वा॥

फिलिप्‌पि 1:16

हिट्‌नागा ओचेट्‌नुना निङ्‌ग्‍वाङा पारचार काचोक्‌चिङा आङा माया याङ्ओचोक्‍ङागा, पोङ्‌भोने माङ्‌हाङ्‌ङा नुना खाबोरङाना छेम्‍बाना रिङ् जोगाँ चोक्‍ङा आङा नाहि याङ्‌युङ्‌साना नुङ् हिट्‌नागाँ ठाहा ओटोगुएसुए॥

फिलिप्‌पि 1:27

मुलि रिङ्‌म्‍बाक् खिरिस्‍टङाना नुना खाबोर गाड्‌डेना खान्‍डुना खानि चाल चालान् लिमा कोन्‌युक्॥ हिट्‌नुङ् आङा खानि टुब्‍मा आप्‍मा चा, टुब्‍मा आप्‌निङ्‌चा खानिङा ठिक्‍ए निङ्‌ग्‍वा आचोगिउङ् ठिक्‍ए उदेसेङि जोम् याप्‌मिचिङा नुना खाबोर बिस्‍वास ओचोगुवाक् नुङ् टोॽवा आचोगुम्‍ना रिङ् खेम्‍मा ओटोगुङ् नुङ् निङ्‌ग्‍वा चोगुङ्‌टुङ्॥

फिलिप्‌पि 1:5

पोङ्‌भोने खानिङा नुना खाबोर बिस्‍वास आचोगुम्‍ना बेलालाम्‍मा डोक् ना नुना खाबोर याप्‌मिचि लोमाउङ्‌सा आङा घुवार आफाडेट्‌टिङा॥

फिलिप्‌पि 1:7

खानि ख्‍वाप्‍पा लाउङ्‌सा खानि बारेङि आङा हिट्‌डे मिप्‍मा नुयुक्, पोङ्‌भोने आङा खानि आड्‌डिक् माया चोक्‍नानिगा॥ पोङ्‌भोने आङा हाट्‌ले खाम्‍बाङ्‌ङि लिङा चा आथाबा नुना खाबोर जोगाँ चोक्‍मा हिट्‌नुङ् नुना खाबोर छेम्‍बाना ए नुङ् पारमान् पिमाना टोॽवाङि चा माङ्‌हाङ्‌ङा आनि एक्‍केउ टोॽवा चोक्‍माउङ्‌सा दाया आचोगेसे॥

फिलिप्‌पि 4:2

खान्‌चि इयोदिया हिट्‌नुङ् सुन्‍तुखेलाउङ्‌सा आङा बिन्‌टि चोक्‍नाबिनाँचि, खान्‌चि टोङाचिउङ् युङाचि, पोङ्‌भोने खान्‌चिलोक् टाङ्‌बा येसुङाना साम्‍बान्‍धा युङ्‌ग्‍वा॥

कालास्‌सि 1:7

ना रिङ् डोक् आन्‍याँलोक् एक्‍के टोॽवा काचोक् आनि मायालु इपाफारसङा खानि माहिसिक्‍टे॥ उन् खिरिस्‍टङाना सेवा काचोक् बिस्‍वासिलो झान्‍झा ए, हिट्‌नुङ् उन्‍ङा आन्‍याँ घुवार याप्‌मि फाएट्॥

पारकास 13:8

हिट्‌नुङ् नाराङिगा सोब्‍बे याप्‌मिचिङा हिट्‌ना जिवाट् साम्‍माङ् ओचोगुटु, हिट्‌नागा याप्‌मिचि माले जुन्‍ङाना उन्‌चि निङ् माङ्‌हाङ्‌ङा नारा सिरिस्‌टि चोक्‍मा पाइले डोक् काइले चा लाट्‌निना चोलाङाना छाप्‍लाङि छेप्‍टुबिडुएसुचे॥ हिट्‌ना छाप्‍लाम्‍बाक् याप्‌मिचिङा ओसेडुना थुमाङाना ए॥

पारकास 17:8

खान्‍ङा आनिसुना हिट्‌ना जिवाट् पाइले उहिङ्‌ग्‍वाट् डाना, टरो हाट्‌ले हिट्‌ना जिवाट् उहिङ्‌ग्‍वाट् वाइना॥ हिट्‌ना जिवाट् उहिङ्‌ग्‍वाट् लियुक् हिट्‌नुङ् घाइरो भाड्‌खालोलाम्‍मा भारा होन्‌युङ् जाखाम् लिङा खाट्‌युक्॥ जब नाराङिगा याप्‌मिचिङा हिट्‌ना जिवाट् उनिसुटु हिट्‌नागा डोङ् ओठोङ्‌युक्, पोङ्‌भोने ठिक् बेला हिट्‌ना जिवाट् उहिङ्‌ग्‍वाट् डाना, हाट्‌ले हिट्‌ना जिवाट् उहिङ्‌ग्‍वाट् वाइना, टरो हिट्‌ना जिवाट् फेरि टायुक्॥ नागा याप्‌मिचि डोक् हिट्‌नागाँगा उन्‌चि निङ् नारा सिरिस्‌टि लिसानालाम्‍मा जिबानङाना छाप्‍लाङि छेप्‌निगेट्‌निना॥

पारकास 20:12

हिट्‌नुङ् आङा ओठेयागा हिट्‌नुङ् उचिजिक्‍गा सोब्‍बे उसियागा याप्‌मिचि सिङासान् सोरि ओएबेसागा निसुङ्‌चें, हिट्‌नुङ् छाप्‍लाचि ओङ्‌से हिट्‌नुङ् हिट्‌नि आरको ठिक् जिबानङाना छाप्‍ला चा ओङ्‌से॥ हिट्‌नुङ् माङ्‌हाङ्‌ङा उसियागा याप्‌मिचि हिट्‌नागाँ ओचोगुना टोॽवाङाना बारेङि छाप्‍लाचिङि छेप्‌टि गाड्‌डे डोक् हिट्‌नागा न्‍याए चोगुचे॥

पारकास 21:27

टरो हिट्‌ना खालाङ्‌गाङि खोना चा आसुद्‌दो थोक्, ओचाफेन्‍ना टोॽवा काचोक्‍बाचि हिट्‌नुङ् माङ्‌जोगा रिङ् काचेक्‌चि लिग्‍मा ओटोगुन्‍गा॥ जुन् जुन्‍ङाना निङ् थुमाङाना चोला आपिना छाप्‍लाङि निङ् लियुक् हिट्‌नागा याप्‌मिचि एडोक् हिट्‌ना खालाङ्‌गाङि लिक्‍मा ओटोगुटु॥

पारकास 3:5

जुन् याप्‌मिङा दुस्‍टा मेट्‌टुटु, हिट्‌ना आङा फुट्‌टुम्‍बुरि फुट्‌ना लोट्‌लिङ् मेट्‌टुङ्‌टुङ्॥ हिट्‌नुङ् हिट्‌नाङाना उनिङ् खोना बेला चा लाट्‌नि चोलाङाना छाप्‍लालाम्‍मा होट्‌निङ्‌ना॥ टरो आङाना पाबा हिट्‌नुङ् उन्‍ङाना सोब्‍बे माङ्‌हाङ् रिङ् काउग्‍बाचि सोरि हिट्‌ना आयाप्‌मि ए नुङ् लोडुङ्‌टुङ्॥