फिलिप्‌पि 4:17 - आठपहरिया

¹⁷ आङा खानिलाम्‍मा भेटि एडोक् टोक्‍माउङ्‌सा माट्‌टुङ्‌ना माखाक्, टरो खानिङा घुवार याङ्आफाडिनाँ माङ्‌हाङ्‌ङा आसिक् मापिडेयाक् नुङ् आङा निङ्‌ग्‍वा चोगुङ्‌टुङ्॥

फिलिप्‌पि 4:17 Iomraidhean Croise

युहान्‍ना 15:16

खानिङा आङा आसेगेट्‌टिन्‍ना, टरो आङा खानि सेग्‍नाने॥ हिट्‌नुङ् खानि खाडानिउङ् सोरोक् लियुयाक्‍ना टुल्‍फुल केङानुम् नुङ् खानिलोङ्‌सा टोॽवा पिनाने॥ हिट्‌डेउङ् खानिङा पाबालोक् आनिङ्‌ङि जे आनाक्‍टुम् चा उन्‍ङा खानि मापिडिटि॥

युहान्‍ना 15:8

खानिङा जोम् टुल्‍फुल आकेङुमे भोने, ना रिङ्‌ङा डोक् आङाना पाबाङाना माहिमा लियुक्, हिट्‌नुङ् खानि आचेलाचि आलिसिटि॥

रोमि 15:28

हिड्‌नाड्‌डेउङ् पाइले ना ओहाक्‍टुचिगा ओफाबा यरुसलेमङिगा बिस्‍वासिचि जिम्‍मा पिडुङ्‌चिङ्‌चिङ्, हिट्‌नुङुना आङा इस्‍पेनलेङ् खाट्‌नागेट्‌नाना बेला खानि टुब्‌सिङा आङा आप्‍ङा॥

२ कोरिन्‌थि 11:16

आङा फेरि लोनाँनि, आङा खोनाङा चा ठोनाबा याप्‌मि नुङ् याङ्उमिट्‌निङ्‌चा॥ टरो खानिङा ठोनाबा याप्‌मि नुङ् आमिट्‌टिटिङा भोने ठोनाबा याप्‌मि गाड्‌डे डोक् याङ्‌लाडानि, हिट्‌नाड्‌डेउङ् आङा खाट्‌टिप्‍मा आनाभुक् ठेलोक् चोक्‍मा टोगुङ्‌टुङ्॥

२ कोरिन्‌थि 9:5

नाड्‌डेउङ् खानिङा काबुल आचोगुम्‍ना भेटि टेयार चोग्‍मा घुवार माफाड्‌याक् नुङ् आङा आप्‍मा नुङ्‌ना पाइला डोक् नागा झान्‍झाचि खानि सोरि पाङ्‌मा ओचेट्‌नुयुक् नुङ् मिट्‌टाङे॥ हिड्‌डेउङ् हिट्‌ना भेटि पैसा निङ्‌ग्‍वा टुक्‍सा माखाक्, टरो निङ्‌ग्‍वालाम्‍मा डोक् पिमा कोन्‌युक्॥

फिलिप्‌पि 1:11

हिट्‌नुङ् येसु खिरिस्‍टङाना बोल्‌लाम्‍मा खानि चोलाङि धारमिक्‍ताङाना टोॽवा चोगानुम्, ना ओचेट्‌नुना टोॽवा याप्‌मिचिङा उनिसुङ् माङ्‌हाङ् मान् उपिडुटु हिट्‌नुङ् उनिङ् ओचोन्‍डुटु॥

फिलिप्‌पि 4:11

आङा आभोर लिसाङे नुङ् खानिलोक् नाड्‌डे माट्‌टुङ्‌ना माखाक्, पोङ्‌भोने आङालोक् लिचा लिनिचा सोन्‍टोक् लिमा आङा सिकाँ लिसेसाङे॥

१ थेसालोनिकि 2:5

खानिङा नुलोक् ठाहा आटोगुएसुम्‍मे, आन्‍याँ खानिलोक् लेगालाप्‍माना रिङ्‌पान् चा चोक्‍नेट्‌निम्‍मा, हिट्‌नुङ् सोगोप् पालोवालो टोक्‍माना आसाङि पाक्‍चा चोग्‍नेएट्‌निम्‍मा॥ ना रिङ्‌ङाना साँचि माङ्‌हाङ् वाहेट्॥

१ तिमोथि 3:3

टेडुना माखाक्, खेमाबुङ्‌मा चोक्‍ना माखाक् टरो टोङ्‌ना, ओचाट्‌ला नुना लिसाना हिट्‌नुङ् ओफाबाङाना एडोक् टोम्‌जिरिॽवा लिमा लिनिना॥

१ तिमोथि 6:10

पोङ्‌भोने माक्‍फेन्‍सुबेन्‌ङि माया चोक्‍माम्‍बाक् सोब्‍बे पारिक्‍ङागा ओचाफेन्‍ना निङ्‌ग्‍वाङाना लाम्‍बो लियुक्॥ आम्‍टेप्‍मा याप्‌मिचिङा ओफाबा कामाँ चोक्‍माङि एरोक् निङ्‌ग्‍वा उपिडुङ् बिस्‍वास चा ओनाडुएसुए, हिट्‌नुङ् कोइ याप्‌मिचिङा उन्‌चि निङ्‌ग्‍वा छुरिङा फाडि गाड्‌डे आड्‌डिक् याङ्‌छामाङा ओफाडुएसुए॥

तितास 1:7

माङ्‌पाङ्‌ङिना ओठेडोङ् माङ्‌हाङ्‌ङाना टोॽवा नुलोक् कापुबा लिसानाँ उन् साङा चा फाट्‌टुर आलाबुन्‍गेट्‌टुन्‍ना याप्‌मि लिमा कोन्‌युक्॥ आपुङ्‌गे चोक्‍ना, उन् एला ओरेक् काट्‌ना, आड्‌डिक् टेडुना, खेमाबुङ्‌मा काचोक्‍बा हिट्‌नुङ् ओफाबाङि टोम्‍ना याप्‌मि लिमा लिनिना॥

तितास 3:14

आनि याप्‌मिचिङा खेरोक् डोक् उन्‌चि चोला खेरो उटिसुन्॥ आनि याप्‌मिचि ओचेट्‌नुना टोॽवा चोक्‍मा लोङ्‌सा सिकाँ उलि हिट्‌नुङ् टुल्‍फुल केङ्‌मा उहिडुन्‍गा उलिनि चा॥

हिब्‍रु 6:10

माङ्‌हाङ् न्‍याए काचोक्‍बा ए॥ माङ्‌हाङ्‌ङा खानिङा आचोगुम्‍ना ओचेट्‌नुना टोॽवा हिट्‌नुङ् ओयाप्‌मिचि घुवार आफाडुम्‌चिम्‍मुङ् उन् माया पारकाट् आचोगुम्‍ना रिङ् उन्‍ङा मुन्‍डुन्‍ना॥ खानिङा हाट्‌ले चा हिट्‌नागा हिड्‌डेना सेवा डोक् आचोगेट्‌टुम्॥

१ पाटरुस 5:2

माङ्‌हाङ्‌ङा खानि जिम्‍माङि मापिडिगा ठुँबाचि निङ्‌ग्‍वा मिटाए मिटाए माखाक्, टरो खानि निङ्‌ग्‍वालाम्‍मा डोक् ओचेट्‌नुलोक् पुयानुम्‌चिम्॥ ओफाबा टोक्‍माउङ्‌सा माखाक्, टरो माङ्‌हाङ्‌ङाना उनिङ्‌ग्‍वा गाड्‌डे सेवा चोक्‍माना निङ्‌ग्‍वाङा ना टोॽवा चोगानुम्॥

२ पाटरुस 2:15

हिट्‌नागा सिधा लाम्‍भो ओनाडुङ् बोआर उइछा बालामङा चोगुना गाड्‌डे डोक् ओचाफेन्‍मा टोॽवा चोक्‍मा लाहाब् उलिसे॥ ना बालामङा ओचाफेम्‍मा टोॽवालाम्‍मा ओफाबा कामाँ चोक्‍मा निङ्‌ग्‍वा चोगुना डाना॥

२ पाटरुस 2:3

नागा काहिसिक्‍बाचि आड्‌डिक् लोभिचि उलियुक्, हिट्‌नुङ् नागाँ माङ्‌जोगा छिॽवाक् मुन्‍डुम्‌चि मालोडिउङ् खानि मासुबिटि॥ माङ्‌हाङ्‌ङा पाइले डोक् हिट्‌नागा साजाए पिमा निङ्‌ग्‍वा चोक्‍मा हिडुएसुए, हिट्‌नुङ् हिट्‌नागा जाखाम् चोक्‍मा उन् ढिलो चोक्‌निना॥

याहुदा 1:11

इनामा, नागा याप्‌मिचिलोङ्‌सा! हिट्‌नागाँ कायिनङाना लाम्‍बो ओलाबुए, जुन्‍ङा उन्‍झा सेडुए॥ ओफाबा टोग्‍मालोङ्‌सा बालामङा चोगुना ओचाफेम्‍मा टोॽवा डोक् चोक्‍माना निङ्‌ग्‍वा ओचोगुए॥ हिट्‌नुङ् कोरहङा बिरोध चोगु गाड्‌डे डोक् नागाँ चा ओचोगुए, हिट्‌नुङ् हिट्‌नागा चा कोरह गाड्‌डे डोक् जाखाम् उलियुक्॥