फिलिप्‌पि 3:21 - आठपहरिया

²¹ उन्‌लोक् सोब्‍बे थोक् सासान् चोक्‍माना बोल् युङ्‌ग्‍वा, हिट्‌ना ओसाक्‌तिङा डोक् आनिना ना सिना येम् उन्‍ङाना गाड्‌डेना डोक् ओम्‍ना येम् चोक्‍मा हिडुटु॥

फिलिप्‌पि 3:21 Iomraidhean Croise

मात्‌ति 17:2

हिट्‌नुङ् हिट्‌नि हिट्‌नागाँ उपुयुगेट्‌टुलोक् येसुङाना उरुप् फेराँ लिसे॥ उन्‍ङाना ओनाभाक् नाम् गाड्‌डे डोक् ओम्‍से, हिट्‌नुङ् ओलोट्‌लिङ् फुटुम्‍बुरि फुट्‌ना लिसाउङ् व्‍हाङ् गाड्‌डे ओम्‍से॥

मात्‌ति 22:29

येसुङा हिट्‌नागा लोडुचे, “खानि आबान्‌डिसिए, पोङ्‌भोने खानिङा धारमाछाप्‍लाङिना रिङ् हिट्‌नुङ् माङ्‌हाङ् ओबोल् बारे बुजा डोक् आचोक्‌निम्‍गेट्‌निम्॥

मात्‌ति 28:18

टब येसु हिट्‌नागा सोरि आबाउङ् लोडुचे, “टोनालोग् हिट्‌नुङ् नाराङि सोब्‍बे आधिकार माङ्‌हाङ्‌ङा आङा याङ्‌पिडैसे॥

रोमि 8:29

पोङ्‌भोने सोब्‍बे थोक् उटुम् लिमा पाइले डोक् माङ्‌हाङ्‌ङा उइछाचि लिमा हिट्‌नागा उन्‍ङा सेगुचिचि नुङ् निसुचिगा डागा, हिट्‌नुङ् हिट्‌नागा आप्‍पे उइछा गाड्‌डे डोक् उलियुक् नुङ् उन्‍ङा निङ्‌ग्‍वा चोगुए॥ हिट्‌डेउङ् खिरिस्‍टउम्‍बाक् तुम्‍सामिङ् छा ए हिट्‌नुङ् आनि सोब्‍बेम्‍बाक् उन्‍ङाना भुम्‍भु-झान्‍झाचि हिट्‌नुङ् नाना-झान्‍झाचि ए॥

कालास्‌सि 3:4

खिरिस्‍ट डोक् खानिगा ओछोङ्‌ग्‍वाट् चोलाङाना उपुन् ए, हिट्‌नुङ् उन् ठेट्‌ना बेला खानि चा उन्‌लोक् उन्‍ङाना माहिमाङि आठेट्‌टिटि॥

१ युहान्‍ना 3:2

मायालु आसाइबाचि, हाट्‌लेम्‍बाक् आनि माङ्‌हाङ्‌ङाना खालाक् डोक् ए॥ हिट्‌नुङ् हान्‍डेङ् आनि पाक् गाड्‌डेना लिसिटिगा हिट्‌ना रिङ् आनि ठाहा टोग्‌निम्‍ना॥ टरो खिरिस्‍ट उङ्‌नाँ आनि चा उन् गाड्‌डे डोक् लिसिटि नुङ् ठाहा टोगुम्‍टुम्, पोङ्‌भोने उन् खोड्‌डेना वाहेट्‌ना हिड्‌नाडेना डोक् उन् निसुम्‍टुम्॥

पारकास 1:8

आनि माङ्‌हाङ् टाङ्‌बा सोब्‍बे नुङ्‌ना माङ्‌बोल्‍लेउ, उन् पाइले चा डाना, हाट्‌ले चा वाहेट्, हिट्‌नुङ् हान्‍डेङ् चा सोरोक् लियुयाक्‌युक्॥ उन्‍ङा माट्‌टुए, “आल्‍फा हिट्‌नुङ् ओमेगा आङा डोक्॥”