फिलिप्‌पि 3:20 - आठपहरिया

²⁰ टरो आनिम्‍टे टोनालोग्‌ङिना नागारिक् ए, हिट्‌नुङ् हिट्‌नालाम्‍मा उङ्‌ना काहिङ्‌मेप्‍बा डाङ्‌बा आन्‍याँ टाङ्‌बा येसु खिरिस्‍टङाना ओलाम्‍बो आन्‍याँ पुयेट्‌टुम्‍मा॥

फिलिप्‌पि 3:20 Iomraidhean Croise

मात्‌ति 19:21

येसुङा हिट्‌ना लोडुए, “खान् माङ्‌हाङ् ओनाजारङि नुना लिमा आकोन्‌युक् भोने, खाडाउङ् खान्‌लोक् लिसागा ख्‍वाप्‍पा थोक्‌चि छोङ्‌सुङ् पाक्‍चा ओवानिगा लोङ्‌सा पिडुचि हिट्‌नुङ् खान्‍ङा टोनालोग्‌ङि माक्‍फेन्‍सुबेन् आटोगुटु॥ हिट्‌नुङ् आबाउङ् आचेला लिसा॥”

लुका 12:21

ना मुन्‍डुम् माप्‍मा हिडुङ् येसुङा माट्‌टुए, “आए, आप्‍पे लोङ्‌सा माक्‍फेन्‍सुबेन् काछुम्‍बा याप्‌मिचि हिट्‌नुङ् माङ्‌हाङ्‌लेङ् निङ्‌ग्‍वा ओचोगुन्‍गा याप्‌मिचिगा हालात नाड्‌डे डोक् लियुक्॥”

लुका 14:14

हिट्‌नुङ् खान्‍ङा आसिक् आटोगुटु, पोङ्‌भोने हिट्‌नागाँ काठेट्‌लोङ् हुङ्‌मा उहिडुन्‍गा॥ टरो धारमोति याप्‌मिचि उसियुङ् उहिङ्‌ग्‍वाट् उलिनाँ माङ्‌हाङ्‌ङा खान् ना टोॽवाङाना इनाम् मापियुक्॥”

मुलिचेला टोॽवा 1:11

हिट्‌नुङ् माट्‌टाचुए, “हाउ गालिलि याप्‌मिचि, पोङ् खानि टाङ्‌साङ्‌लेङ् पुसा नाहि आयेबेसिएगा? येसु खानिलाम्‍मा टोनालोग्‌लेङ् खाप्‍माहिडे, येसु टोनालोग्‌ङि फोगा खाडि गाड्‌डे डोक् उन् ठिक् लेम्‍बा फेरि नोक्‌यु उङ्‌युग्॥”

१ कोरिन्‌थि 1:7

हिड्‌नाड्‌डेउङ् आनि टाङ्‌बा येसु खिरिस्‍ट उङ्‌ना लाम्‍बो आहाङ्‌सुम्‍नाँ खानिलाउङ्‌सा खोना चा आत्‌मिक् बारदानङाना खाँचो लिनिना॥

१ कोरिन्‌थि 15:48

नाराङिगा ख्‍वाप्‍पा याप्‌मिचिगा येम् नाराङिना खाम्‌लाम्‍मा चोक्‍बालाक् याप्‌मिङाना येम् गाड्‌डेना डोक् लियुक्, हिट्‌नाडेडोक् टोनालोग्‌ङि ख्‍वाप्‍पा याप्‌मिचिगा येम् टोनालोग्‌लाम्‍मा उङ्‌साना याप्‌मिङाना येम् गाड्‌डेना डोक् लियुक्॥

२ कोरिन्‌थि 4:18

हिड्‌डेउङ् हाट्‌ले आन्‍याँलोक् लिसागा याङ्‌छामालेङ् आन्‍याँ पुनिम्‌याक्‌निम्‍मागा, टरो निनिम्‍गेट्‌निम्‍मागा थोक्‌चि आन्‍याँ पुयुम्‍टुम्‍मा॥ पोङ्‌भोने आन्‍याँ निसुम्‍मागा थोक्‌चि छोप्‍मोङ् धारिगा एडोक् ए, टरो आन्‍याँ निनिम्‍गेट्‌निम्‍मागा रिङ्‌चि सोरोक् लोङ्‌सा लियुक्॥

२ कोरिन्‌थि 5:8

आन्‍याँ ढुक्‍का वासेट्‌टिङा नुङ् आङा फेरि माट्‌टुङ्‌टुङ्, हिट्‌नुङ् ना येम्‌ङि हिङ्‌मा नुङ्‌ना टाङ्‌बालोक् एक्‍केउ हिङ्‌माडोक् आन्‍याँ नुलोक् लोसिटिङा॥

गालाति 4:26

टरो साराम्‍बाक् टोनालोग्‌ङिना यरुसलेमलोक् टोङ्‌मा हिडुम्‍टुम्, पोङ्‌भोने उन् चाकारनि माखाक्॥ हिट्‌नुङ् हाट्‌ले सारा डोक् आनि मामा नुङ् लोमा हिडुम्‍टुम्॥

एफिसि 2:19

हिट्‌नाड्‌डेउङ् हाट्‌ले खानि भारागा हिट्‌नुङ् मिसेन् मिनिबालाक् याप्‌मिचि माखाक्, टरो खानि माङ्‌हाङ् ओयाप्‌मिचिलोक् एक्‍केउ नागारिक हिट्‌नुङ् माङ्‌हाङ् ओपाङ्‌ठाङ्‌ङिगा ओयाप्‌मिचि आलिसेसे॥

एफिसि 2:6

हिट्‌नुङ् माङ्‌हाङ्‌ङा आनि खिरिस्‍टलोक् उहिङ्‌ग्‍वाट् आचोगे, हिट्‌नुङ् टोनालोक्‌ङिना डेन्‌ङि खिरिस्‍ट येसुलोक् एक्‍केउ आयुङ्‌से॥

फिलिप्‌पि 1:10

हिट्‌डेउङ् एडोक् खानिङा सोब्‍बे नुङ्‌ना ओचेट्‌नुना रिङ् साम्‍मा आहिडुम्‍टुम्, हिट्‌नुङ् येसु खिरिस्‍ट उङ्‌ना बेला खानि सुद्‌दो हिट्‌नुङ् फाट्‌टुर मालेगा याप्‌मिचि आलिसिटि॥

फिलिप्‌पि 1:27

मुलि रिङ्‌म्‍बाक् खिरिस्‍टङाना नुना खाबोर गाड्‌डेना खान्‍डुना खानि चाल चालान् लिमा कोन्‌युक्॥ हिट्‌नुङ् आङा खानि टुब्‍मा आप्‍मा चा, टुब्‍मा आप्‌निङ्‌चा खानिङा ठिक्‍ए निङ्‌ग्‍वा आचोगिउङ् ठिक्‍ए उदेसेङि जोम् याप्‌मिचिङा नुना खाबोर बिस्‍वास ओचोगुवाक् नुङ् टोॽवा आचोगुम्‍ना रिङ् खेम्‍मा ओटोगुङ् नुङ् निङ्‌ग्‍वा चोगुङ्‌टुङ्॥

कालास्‌सि 1:5

खानि लोङ्‌सा टोनालोग्‌ङि सुराक्‌छिट् युङ्‌बालाक् आसाङा चोगुनाँ खानिङा खिरिस्‍टङि बिस्‍वास हिट्‌नुङ् माङ्‌हाङ् ओयाप्‌मिचि माया आचोगुम्‌चिम्‍गा ए॥ ना आसाङाना बारेङि खानिङा पाइले डोक् छेम्‍बाना नुना खाबोरङि आखेम्‍सेसुम्‍मे॥

१ थेसालोनिकि 1:10

हिट्‌नुङ् खानिङा टोनालोग्‌लाम्‍मा उङ्‌ना उन्‍ङाना छाङाना लाम्‍बो आपुयुएट्‌टुम् बो नुङ् ओमाट्‌टुए॥ हिट्‌ना येसु डोक् उन्‍ङा सियानालाम्‍मा उहिङ्‌ग्‍वाट् चोगुए, हिट्‌नुङ् उन्‍ङा डोक् टायुगेट्‌ना माङ्‌हाङ्‌ङाना उकुन्‌जिरिॽवालाम्‍मा आनि छुट्‌कारा आपियुक्॥

१ थेसालोनिकि 4:16

पोङ्‌भोने टाङ्‌बा आप्‍पे ठेना आग्‍याँङाना ओसोराङि, मुलि माङ्‌हाङ् रिङ् काउग्‍बाङाना ओसोरा हिट्‌नुङ् माङ्‌हाङ्‌ङाना धुटुरिबा ओटेनुना बेला टोनालोग्‌लाम्‍मा उङ्‌युग्, हिट्‌नुङ् खिरिस्‍टङि बिस्‍वास ओचोगुङ् उसियागाउम्‍बाक् सोब्‍बे नुङ्‌ना पाइले उहिङ्‌ग्‍वाट् उलियुङ् ओकोप्‌युक्॥

२ तिमोथि 4:8

हाट्‌लेउम् आङालोङ्‌सा धारमिक्‍ताङाना मुकुट् युङ्‌गुवा, हिट्‌ना मुकुट् नुलोक् न्‍याए काचोक्‍बा टाङ्‌बाङा हिट्‌ना बेला आङा याङ्‌पियुक्, हिट्‌नुङ् आङा एडोक् माखाक्, टरो उन् टाना ओलाम्‍बो उपुयुगा सोब्‍बेलोङ्‌सा पिडुचिचि॥

तितास 2:13

हिट्‌नुङ् आसिक्‌ङाना आसा आनि हाङ्‌सुएट्‌टुम्॥ हिट्‌ना डोक् आनि माङ्‌ठेना माङ्‌हाङ् हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना माहिमाङि ठेट्‌युक्॥

हिब्‍रु 12:22

टरो खानिम्‍टे सियोन झोन्‍झोबा हिट्‌ना यरुसलेम खालाङ्‌गाङि आटाइसे, हिट्‌नाउम् टोनालोग्‌ङि युङ्‌ग्‍वा॥ खानिम्‍टे उहिङ्‌ग्‍वाट् माङ्‌हाङ्‌ङाना खालाङ्‌गाङि आटाइसे, हिट्‌ना आड्‌डिक् जोम् माङ्‌हाङ् रिङ् काउग्‍बाचि उयुङ्‌ना डेन्, हिट्‌नि हिट्‌नागा उछुमाउङ् हारका लिसा उन्‍ङाना उनिङ् ओचोन्‍डुएट्‌टु॥

हिब्‍रु 9:28

हिट्‌नाडेडोक् सोब्‍बे याप्‌मिचिगा पाप टुग्‍माउङ्‌सा खिरिस्‍ट आप्‍पे ठिक्‍ए खेप् भोक् लिसे॥ हिट्‌नुङ् जब खिरिस्‍ट दोस्‍रो खेप् उङ्‌युक्, हिट्‌ना बेला याप्‌मिचिगा पाप टुग्‍मा माखाक्, टरो ओलाम्‍भो उपुयुङ् उयुङेसागा याप्‌मिचि बाचाँ चोक्‍माउङ्‌सा उङ्‌युक्॥

पारकास 1:7

ओछेक्‍छेक् लिसानिउङ् पुयानुम्, येसु खिमेमाङि उङ्‌युगेट्, हिट्‌नुङ् सोब्‍बे याप्‌मिचिङा उन् उनिसुटु॥ उन् ओरोक्‍टुना याप्‌मिचिङा चा उनिसुटु॥ हिट्‌नुङ् नाराङिगा ख्‍वाप्‍पा याप्‌मिचि उन् उनिसुङ् निङ्‌ग्‍वाङि दुखेसो ओचोक्‌युक्॥ छेम्‍बा नाड्‌डे लियुक्॥ आमेन्॥