फिलिप्‌पि 3:13 - आठपहरिया

¹³ हाउ आम्‍भु-आन्‍झाचि, नागा सोब्‍बे थोक् आङा पाइले डोक् पुरो चोक्‍मा हिडेसुङे नुङ् मिट्‌निङ्‌ना, टरो आङा ठिक् टोॽवाउम् चोगुङ्‌टुङ्, हिट्‌नाम्‍बाक् पाइलेगा रिङ्‌चि मुन्‍डुङुङ् टोकानालेङ् उलिसागा रिङ्‌चि टोग्‍माउङसा कोसिस चोगुङ्‌टुङ्॥

फिलिप्‌पि 3:13 Iomraidhean Croise

लुका 10:42

टरो खान् लोङ्‌सा ठिक् रिङ् एडोक् चाहाब् आलिसाइसे, हिट्‌ना ओचेट्‌नुना रिङ्‌म्‍बाक् मारियामङा सेगुएसुए॥ ना रिङ् उन्‌लाम्‍मा नाप्‌निना॥”

लुका 9:62

टरो येसुङा हिट्‌ना याप्‌मि लोडुए, “हालो काफेङ्‌बाङा उमुक् आनाउङि युङ्‌सुङ् एङ्‌स्‍वालेङ् पुसा फेङ्‌सुगा भोने, हिट्‌ना माङ्‌हाङ् उमुलुक्‌ङाना सेवा चोक्‍मा लोङ्‌सा नुना लिनिना॥”

२ कोरिन्‌थि 5:16

हाट्‌ले नुङ् नाराङिगा याप्‌मिचिङा ओचोगु गाड्‌डे आन्‍याँ साक्‍चा मिट्‌निम्‌चिम्‍मागा॥ ठिक् बेला आन्‍याँ चा खिरिस्‍ट नाराङिगा याप्‌मिचिङा उमिट्‌टु गाड्‌डे मिट्‌टुम्‍मे, हाट्‌ले नुङ् उन् हिड्‌डे पारा मिट्‌निम्‍माना॥

फिलिप्‌पि 2:12

नाड्‌डेउङ् मायालु आम्‍भु-आन्‍झाचि, आङा खानिलोक् लिसाङ्‌नाँ खानिङा सोरोक् आरिङ् पालान् आचोगुम्‍मे, हाट्‌ले आङा खानिलाम्‍मा लाप्‍माङ् लिङा चा खानिङा आरिङ् झान् याप्‍मा टेम्‍मा कोन्‌युक्॥ हिट्‌नुङ् खानिङा आटोगुम्‍ना मुक्‌टिङाना रिङ् पारकाट् चोक्‍मा आड्‌डिक् मिहिनेत चोगानुम्, हिट्‌नुङ् आड्‌डिक् मान् हिट्‌नुङ् किट्‌सा माङ्‌हाङ् पालान् चोगानुमुङ् हिड्‌डे चोगानि॥

फिलिप्‌पि 3:12

आङा नागा सोब्‍बे थोक् पाइले डोक् चोक्‍मा हिडुङे आथाबा आङा सिद्‌दा लिसेसाङे नुङ् माट्‌टुङ्‌ना माखाक्॥ टरो आङा खिरिस्‍ट गाड्‌डे लिमा बोल् चोगेट्‌टुङ्, पोङ्‌भोने ना रिङ् लाउङ्‌सा डोक् खिरिस्‍ट येसुङा आङा याङ्‌सेगे॥

फिलिप्‌पि 3:8

नागा एडोक् माखाक्, खिरिस्‍ट येसु आटाङ्‌बा ए नुङ् मिसेन् निमा टोग्‍माना बाहुमुल्‍ले रिङ् ए, हिट्‌ना नुङ्‌ना आरु ख्‍वाप्‍पा थोक् बिथाँङिगा नुङ् मिट्‌टुङ्‌टुङ्॥ खिरिस्‍ट नुलोक् मिसेन् उनिसुङ् नुङ् आङा हिट्‌नागा सोब्‍बे थोक् नाडेसुङे, हिट्‌नुङ् हिट्‌नागा सोब्‍बे थोक् आङा भुसुॽवा गाड्‌डे डोक् मिट्‌टुङ्‌टुङ्॥

हिब्‍रु 6:1

नाड्‌डेउङ् खिरिस्‍टङाना बारेङि उटुम्‌ङिगा हिसिक्‍माचि एडोक् फेरि फेरि रिङ् चोगिन्‍चा, टरो हाङ्‌साङि बोल्‍लेउ आचोक्‍ना हिसिक्‍मालेङ् लाहाब् लिसि॥ हाट्‌ले आनिम्‍टे ओचाफेन्‍ना टोॽवाचिलाम्‍मा काएल्-काबु लिमाना रिङ् हिट्‌नुङ् माङ्‌हाङ्‌ङि बिस्‍वास चोक्‍माना रिङ् फेरि फेरि चोग्‌निम्‍चा॥

२ पाटरुस 3:8

टरो मायालु आसाइबाचि, ना ठिक् रिङ् खानिङा मुन्‍नेनुम्॥ टाङ्‌बा लाउङ्‌सा ठिक् लेम्‍बा हाजार बारखा गाड्‌डे हिट्‌नुङ् हाजार बारखा ठिक् लेम्‍बा गाड्‌डे लियुक्॥