फिलिप्‌पि 3:10 - आठपहरिया

¹⁰ आङाना उदेसेम्‍बाक् खिरिस्‍ट मिसेन् निमा हिट्‌नुङ् माङ्‌हाङ्‌ङा येसु सियानालाम्‍मा उहिङ्‌ग्‍वाट् चोगुना बोल् ठाहा टोग्‍मा ए॥ हिट्‌नुङ् उन्‍ङा आङ्‌डुना याङ्‌छामा आङा चा आङ्‌डुङ्‌टुङ् हिट्‌नुङ् उसिमा सोम्‍मा उन् गाड्‌डे डोक् लिमा उहिङा नुङ् मिट्‌टुङ्‌टुङ्॥

फिलिप्‌पि 3:10 Iomraidhean Croise

मात्‌ति 20:23

टब येसुङा हिट्‌नागा लोडुचे, “छेम्‍बा डोक्, आङा ठुङुङ्‌ना खोरे खानिङा आठुङुम्‍टुम्, टरो आङाना छुप्‍टाङ्‌लेङ् हिट्‌नुङ् फेन्‍साङ्‌लेङ् युङ्‌मा पिमाउम्‍बाक् आङाना आमुक्‌ङि वाइना॥ नागा ठोङ् जुन् लोङ्‌सा आङाना माङ्‌हाङ् पाबाङा टेयार चोगुएसुए, हिट्‌नागा लोङ्‌सा एरोक् पिडुचिचि॥”

युहान्‍ना 10:18

खोनाङा चा आङाना आचोला सेप्‍मा उहिडुन्‍ना, टरो आप्‍पे आनिङ्‌ग्‍वालाम्‍मा पिडुङ्‌टुङ्॥ आङालोक् आसोक्‍मा पिमाना आधिकार चा युङ्‌ग्‍वा, हिट्‌नुङ् फेरि नोक्‍माना आधिकार चा आङालोक् युङ्‌ग्‍वा॥ आङाना पाबाङा आङा याङ्‌पिडाना आग्‍याँ चा ना डोक्॥”

युहान्‍ना 17:3

लाट्‌निना चोला नुङ् खान् ठिबाङ् एडोक् छेम्‍बाना माङ्‌हाङ् मिसेन् निमा, हिट्‌नुङ् खान्‍ङा आपाङ्‌सुना येसु खिरिस्‍ट मिसेन् निमा ए॥

रोमि 8:17

पोङ्‌भोने आनि माङ्‌हाङ् ओछालेट्‌चि ए, हिट्‌नुङ् ओछालेट्‌चि लाउङ्‌सा उन्‍ङा पिमा युङ्‌सुना आसिक् चा आनि टोगुम्‍टुम्, हिट्‌नुङ् हिट्‌ना आसिक् खिरिस्‍टलोक् एक्‍केउ आनि चा टोगुम्‍टुम्॥ टरो खिरिस्‍टङा मान् टोगु गाड्‌डे डोक् आनि चा मान् टोगुम्‍टुम् भोने, खिरिस्‍टङा याङ्‌छामा आङ्‌डु गाड्‌डे डोक् आनि चा याङ्‌छामा आङ्‌मा कोन्‌युक्॥

रोमि 8:29

पोङ्‌भोने सोब्‍बे थोक् उटुम् लिमा पाइले डोक् माङ्‌हाङ्‌ङा उइछाचि लिमा हिट्‌नागा उन्‍ङा सेगुचिचि नुङ् निसुचिगा डागा, हिट्‌नुङ् हिट्‌नागा आप्‍पे उइछा गाड्‌डे डोक् उलियुक् नुङ् उन्‍ङा निङ्‌ग्‍वा चोगुए॥ हिट्‌डेउङ् खिरिस्‍टउम्‍बाक् तुम्‍सामिङ् छा ए हिट्‌नुङ् आनि सोब्‍बेम्‍बाक् उन्‍ङाना भुम्‍भु-झान्‍झाचि हिट्‌नुङ् नाना-झान्‍झाचि ए॥

रोमि 8:36

आनिलाउङ्‌सा याङ्‌छामा लियुक् नुङ् धारमाछाप्‍लाङि नाड्‌डे चा छेप्‍टेसे, “आन्‍याँ खान्‌ङि बिस्‍वास चोगुम्‍मानाँ याप्‌मिचिङा सोरोक् याप्‌मिसेप्‍मा ओकोन्‌येट्, हिट्‌नुङ् हिट्‌नागाँ सेप्‍मा टेयार ओचोगुचिगा ठुँबाचि गाड्‌डे डोक् आन्‍याँ याप्‌मिओमेट्‌गा॥”

२ कोरिन्‌थि 1:10

उन्‍ङा आन्‍याँ आड्‌डिक् किप्‍माडुङ् सिमालाम्‍मा याप्‌मि हिङ्‌मेट्‌टे, हिट्‌नुङ् उन्‍ङा फेरि चा आहिङ्‌मेट्‌युक्॥ उन्‌ङि आनि आसा युङ्‌सुएसुम्‍मे, हिट्‌नुङ् उन्‍ङा आनि फेरि फेरि चा आहिङ्‌मेट्‌युक्॥

२ कोरिन्‌थि 1:5

पोङ्‌भोने खिरिस्‍टङा याङ्‌छामा आङ्‌डु गाड्‌डे आनि चा जोम् याङ्‌छामा आङ्‌डेट्‌टुम्, हिट्‌डेउङ् खिरिस्‍टलाम्‍मा जोम् आँट् टोगुम्‍टुम्॥

२ कोरिन्‌थि 13:4

छेम्‍बा डोक्, याप्‌मिचिङा खिरिस्‍ट खाप्‍चेङि उछुडुनाँ फेटुलो डाना, टरो चा माङ्‌हाङ् ओबोल्‍ङा उन् उहिङ्‌ग्‍वाट् चोगुए॥ हिट्‌नुङ् आनि चा उन् गाड्‌डे डोक् फेटुलो लिसेसिए, टरो माङ्‌हाङ् ओबोललाम्‍मा खानि माझाङि आन्‍याँ टोॽवाङि उन्‌लोक् हिङिटिङा॥

गालाति 2:20

आङा खिरिस्‍टलोक् खाप्‍चेङि छुडाइसाङे, हिट्‌नुङ् हाट्‌लेलाम्‍मा आङा आप्‍पे हिङ्‌निङ्‌ना, टरो खिरिस्‍ट डोक् आङि हिङ्‌युक्॥ आझै आङा ना येम्‌ङि हिङ्‌ङा, टरो आङा माया काचोक् हिट्‌नुङ् ओचोला कापि माङ्‌हाङ् छाङि बिस्‍वास चोगुङुङ् आङा हिङ्‌ङा॥

गालाति 6:17

हाट्‌ले नुङ् हिट्‌नागा माङ्‌जोगा हिसिक्‍मा आखेम्‍सुमुङ् आङा याङ्‌छामा याङ्‌चाट्‌नेनिङ्, पोङ्‌भोने आङा येसुङाना नोकार नुङ् निमेट्‌माना खेसिक्‌ङाना ओडाम् आयेम्‌ङि खुयुएसुङे॥

एफिसि 4:13

नाड्‌डेउङ् आनि सोब्‍बे बिस्‍वासङि ठिक्‍ए मिलेए सोम्‍मा, माङ्‌हाङ् छा बारेङि ठाहा मिटोक्‍ङे सोम्‍मा, बिस्‍वासङि मिपोङे सोम्‍मा, हिट्‌नुङ् खिरिस्‍ट गाड्‌डे डोक् पुरो पारिपाक्‍का याप्‌मि मिलिए सोम्‍मा ना टोॽवा चोक्‍मायाक्‍मा कोन्‌युक्॥

फिलिप्‌पि 3:8

नागा एडोक् माखाक्, खिरिस्‍ट येसु आटाङ्‌बा ए नुङ् मिसेन् निमा टोग्‍माना बाहुमुल्‍ले रिङ् ए, हिट्‌ना नुङ्‌ना आरु ख्‍वाप्‍पा थोक् बिथाँङिगा नुङ् मिट्‌टुङ्‌टुङ्॥ खिरिस्‍ट नुलोक् मिसेन् उनिसुङ् नुङ् आङा हिट्‌नागा सोब्‍बे थोक् नाडेसुङे, हिट्‌नुङ् हिट्‌नागा सोब्‍बे थोक् आङा भुसुॽवा गाड्‌डे डोक् मिट्‌टुङ्‌टुङ्॥

कालास्‌सि 1:24

ना बेला आङा खानि ओचेट्‌नुना लाउङ्‌सा याङ्‌छामा आङ्‌मा हारका लिसाइसाङे॥ हिट्‌नुङ् खिरिस्‍टङा याङ्‌छामा आङ्‌डु गाड्‌डे डोक् खिरिस्‍टङाना ओयेम् लाउङ्‌सा उन्‍ङा आङ्‌मा बाँकि उलिसागा याङ्‌छामा आयेम्‌ङि आङ्‌डुङ्‌टुङ्, हिट्‌नाम्‍बाक् माङ्‌पाङ् ए॥

कालास्‌सि 2:13

ठिक् बेला खानिङा पाप आचोगुमुङ् हिट्‌नुङ् आझै खानिगा पापलोक्‍ना निङ्‌ग्‍वा टुक्‌निगेट्‌निना डानाउङ् खानि हाङ्‌साङि आसिएसिगा, टरो हाट्‌ले माङ्‌हाङ्‌ङा खानिगा ख्‍वाप्‍पा पापचि छेमा माचोगिबिडिउङ् खानि खिरिस्‍टलोक् उहिङ्‌ग्‍वाट् माचोगेइसे॥

कालास्‌सि 3:1

छेम्‍बा डोक्, खानि चा खिरिस्‍टलोक् उहिङ्‌ग्‍वाट् आलिसिगा ए, हिट्‌डेउङ् सोरोक् टोनालोग्‌ङिना रिङ् कोलानुम्, हिट्‌नि खिरिस्‍ट माङ्‌हाङ्‌ङाना छुप्‍टाङ् उमुक्‌लेङ् युङ्‌ग्‍वा॥

१ पाटरुस 1:3

आनि टाङ्‌बा येसु खिरिस्‍टङाना माङ्‌हाङ् पाबाङाना उनिङ् टो-टो चोन्‍डुम्॥ माङ्‌हाङ्‌ङा आनि आड्‌डिक् लुक्‍मा आटुक्‍टानाँ ओछोङ्‌ग्‍वाट् चोला आपिडे, पोङ्‌भोने उन्‍ङा येसु खिरिस्‍ट सियानालाम्‍मा उहिङ्‌ग्‍वाट् चोगुए॥ हिड्‌नाड्‌डेउङ् आनि ठेना आसा चोगुमुङ् हिङिटि,

२ पाटरुस 1:13

आङा हिङ्‌ङालोक् सोम्‍मा खानिलोङ्‌सा नागा रिङ् सोरोक् यान्‍दा चोक्‍मा मेट्‌मा ओचेट्‌नुयुक् नुङ् आङा मिट्‌टुङे॥

१ युहान्‍ना 2:3

हिट्‌नुङ् उन्‍ङाना आग्‍याँचि आनि पालान् चोगुम्‍मे भोने, छेम्‍बा उन् आनि मिसेन् निसुम्‍ना रैछो नुङ् ठाहा लियुक्॥

१ युहान्‍ना 2:5

टरो जुन्‍ङा उरिङ् पालान् चोगुटु, हिट्‌नाङा छेम्‍बा डोक् माङ्‌हाङ् माया चोगुटु॥ आनि उन्‌ङि वासेट्‌टि नुङ् ना रिङ्‌लाम्‍मा डोक् ठाहा लियुक्॥

पारकास 1:18

उहिङ्‌ग्‍वाट्म्‍बाक् आङा डोक् ए॥ आङा सियाङ् चा, आङा सोरोक् उहिङ्‌ग्‍वाट् ए॥ आङालोक् मिरतु हिट्‌नुङ् पातालङिना साँचो युङ्‌ग्‍वा॥