फिलिप्‌पि 2:5 - आठपहरिया

⁵ खानि चाट्‌ला खिरिस्‍ट येसुङि लिसाना गाड्‌डेना डोक् लिमा कोन्‌युक्॥ हिट्‌नाम्‍बाक् नाड्‌डेना–

फिलिप्‌पि 2:5 Iomraidhean Croise

मात्‌ति 11:29

आङाना जुवा खुयानुम् हिट्‌नुङ् आङालाम्‍मा सिकाँ लिसानि, पोङ्‌भोने आङा मेयोक्‍ना हिट्‌नुङ् आनिङ्‌ग्‍वा दायालु ए, हिट्‌नुङ् खानिङा आराम आटोगुम्‍टुम्॥

लुका 22:27

हाट्‌ले मिट्‌टानुम्, साक्‍उम्‍बाक् ठेना लियुक्‍ना टे, चामा चासिङा युङ्‌ना डाङ्‌बा इ चामा पागुङ् कापिबा टोॽवा काचोक्‍बा याप्‌मि इ? पाक् चामा चासिङा युङ्‌ना याप्‌मि ठेना लिनिनै टे? टरो आङाउम्‍टे खानि सोरि ठिबाङ् सेवा काचोक्‍बा गाड्‌डेना डोक् ए पिक्‍सा लोनाँनि॥

मुलिचेला टोॽवा 10:38

खानिङि ठाहा युङ्‌ग्‍वा, माङ्‌हाङ्‌ङा नासारातङिना येसु सेङ्‌सेङ्‌ना हाङ्‌सा हिट्‌नुङ् बोल्‍ङा आभिसेक चोगुए हिट्‌नुङ् उन्‍ङा नुना टोॽवा चोक्‍सा सैतानङा लिन्‍डुचिगा ख्‍वाप्‍पा नुमानिङ् चोक्‍सा सोब्‍बे डेन्‌लेङ् खाडे, पोङ्‌भोने माङ्‌हाङ् उन्‌लोक् सोरोक् वासाना॥

मुलिचेला टोॽवा 20:35

नाड्‌डेडोक् खानिङा चामा-ठुङ्‌मा आप्‍पे छुम्‍मा उहिडुन्‍गा निम्‍छारो याप्‌मिचि घुवार फामा आड्‌डिक् डोक् टोॽवा चोक्‍मा कोन्‌युक् नुङ् आङा निमेट्‌नाँने॥ हिट्‌नुङ् ‘टाक्‍मा नुङ्‌ना पिडुम्‌चिम्‍नाङा डोक् जोम् आसिक् टायुक्’ नुङ् येसु डाङ्‌बाङा माट्‌टुना रिङ् मिट्‌टानुम्॥”

रोमि 14:15

हिट्‌नुङ् खान्‍ङा आचोना थोक्‌ङा आरको बिस्‍वासिङाना उनिङ्‌ग्‍वा आटुक्‍मेट्‌टुए भोने, हाट्‌ले खान्‍ङा उन् माया आचोगुन्‍ना नुङ् ठाहा लियुक्॥ खान्‍ङा जे आचोटु हिट्‌ना थोक्‍ङा आरको बिस्‍वासि जाखाम् उलिनियाक्, पोङ्‌भोने उन् लाउङ्‌सा चा खिरिस्‍ट सिए॥

रोमि 15:3

पोङ्‌भोने खिरिस्‍टङा चा उन् आप्‍पेलाउङ्सा हारका चोक्‍माना टोॽवा चोग्‍वाट्‌टुन्॥ धारमाछाप्‍लाङि नाड्‌डे छेप्‍टेसे, “माङ्‌हाङ्, खान् निन्‍दा काचोक् याप्‌मिचिङा आङा चा निन्‍दा याङ्ओचोगे॥”

रोमि 15:5

माङ्‌हाङ्‌ङा डोक् आनिलाउङ्‌सा आङ्‌मा हिमाना साक्‌ति लोक् आँट् आपियुक्॥ हिट्‌नुङ् खिरिस्‍ट येसुङाना उनिङ्‌ग्‍वा गाड्‌डे खानि सोब्‍बे ठिबाङ्‌ङा आरकोलोक् ठिक्‍ए निङ्‌ग्‍वाङि युङ्‌मा हिमाना बोल् उन्‍ङा खानि मापिड्‌याक् नुङ् आङा बिन्‌टि चोगुङ्‌टुङ्॥

१ कोरिन्‌थि 10:33

आङा चोगुङ् गाड्‌डे डोक् चोगानुम्॥ जोसो नुङ् चा आङा चोगुङ्‌ना सोब्‍बे टोॽवालाम्‍मा सोब्‍बे याप्‌मिचिगा उन्‌चि चाप् उटायाक् नुङ् कोसिस चोगुङ्‌टुङ्, आङा आप्‍पे लोङ्‌सा नुलोक् लिमाना रिङ् कोन्‌निङ्‌ना॥ टरो सोब्‍बे याप्‌मिचिङा मुक्‌टि ओटोगुवाक् नुङ् सोब्‍बेङाना नुलोक् लिमाना रिङ् कोलुङ्‌टुङ्॥

एफिसि 5:2

खिरिस्‍टङा आनि माया आचोगे हिट्‌नुङ् उन्‍ङा आप्‍पे ओचोला भोक् चोगुङ् आनि लाउङ्‌सा आपिडे हिट्‌नुङ् बुङ्‌बुङ् नाम्‍ना ढुपा गाड्‌डे डोक् माङ्‌हाङ्‌ङि ठाङ्‌सुए॥ हिट्‌डेडोक् खानिङा सोरोक् आरु याप्‌मिचि माया चोगानुम्‌चिम्॥

फिलिप्‌पि 1:1

ना चिट्‌ठिम्‍बाक् आच्‍याँ खिरिस्‍ट येसुङाना सेवा काचोक् पावाल लोक् तिमोथिलाम्‍मा ए॥ ना चिट्‌ठि आङा फिलिप्‌पि खालाङ्‌गाङिगा खिरिस्‍ट येसुङि उलिसागा माङ्‌हाङ्‌ङाना सोब्‍बे सेङ्‌सेङ्‌गा ओयाप्‌मिचि लाउङ्‌सा, हिट्‌नुङ् माङ्‌पाङ्‌ङिगा ओठेडोङ्‌चि हिट्‌नुङ् माङ्‌पाङ्‌ङिगा घुवार काफाबाचि लाउङ्‌सा छेप्‍टुएट्‌टुङ्॥

१ पाटरुस 2:21

पोङ्‌भोने ना रिङ् लाउङ्‌सा डोक् माङ्‌हाङ्‌ङा खानि माछेम्‌डिगा ए॥ खिरिस्‍टङा चा खानिलोङ्‌सा याङ्‌छामा आङ्‌डुए, हिट्‌नुङ् उन् डोक् खानिना नामुना ए॥ हिड्‌नाड्‌डेउङ् खानि चा उन्‍ङा मानिमेट्‌टिगा लाम्‍बोङि लाम्‌टिमा कोन्‌युक्॥

१ पाटरुस 4:1

नाड्‌डेउङ् खिरिस्‍टङा ओयेम्‌ङि याङ्‌छामा आङ्‌डुए, खानिङा चा उन्‍ङा गाड्‌डे डोक् निङ्‌ग्‍वा मिट्‌टानुमुङ् बोल्‍लेउ लिसानि, पोङ्‌भोने येम्‌ङि याङ्‌छामा आङ्‌मा काहिबाङा डोक् पाप चोक्‍मा नाडुटु॥

१ युहान्‍ना 2:6

माङ्‌हाङ्‌ङि वाङेट्‌ना पिक्‍ना याप्‌मिङा खिरिस्‍टङाना ओचाट्‌ला गाड्‌डे वामा कोन्‌युक्॥