फिलिप्‌पि 2:26 - आठपहरिया

²⁶ आङा उन् खानिङि पाङ्‌सुङ्‌गेट्‌टुङ्, पोङ्‌भोने खानि सोब्‍बेलाउङ्‌सा टुब्‍माना उन्‍ङा आड्‌डिक् उनिङ्‌ग्‍वा चोगेसुए॥ खानिङा उन् टुगाना रिङ् आखेम्‍सुम्‍मुङ् खानि निङ्‌ग्‍वा टुगाना रिङ् ठाहा टोगुनाँ खानिलोक् टुब्‍माना निङ्‌ग्‍वा आड्‌डिक् चोगेसुए॥

फिलिप्‌पि 2:26 Iomraidhean Croise

मात्‌ति 11:28

“हाउ सोब्‍बे आपोप्‌टिगा हिट्‌नुङ् माफेङ्‌डिगा खानि सोब्‍बे आङा सोरि आबानि, आङा खानि आराम पिनाँनि॥

मात्‌ति 26:37

टरो पाटरुस हिट्‌नुङ् जाब्‌दियाङाना इप्‍पाङ् उइछाचिम्‍बाक् उन्‌लोक् खाट्‌टुचे हिट्‌नुङ् येसु आड्‌डिक् निङ्‌ग्‍वा सागु लोक् याङ्‌छामाङि ठाए॥

मुलिचेला टोॽवा 21:13

टरो पावालङा माट्‌टुए, “खानि आहाबिउङ् पोङ् आनिङ्‌ग्‍वा आटुक्‍मेट्‌टुम्‍टुम्‍ना? पोङ्‌भोने टाङ्‌बा येसु उनिङ् लोङ्‌सा आङा खाम्‍बाङ्‌ङि ठामा एरोक् माखाक्, टरो यरुसलेमङि सिमा चा टेयार लिङा॥”

रोमि 1:11

पोङ्‌भोने बिस्‍वासङि खानि बोल्‍लेउ चोक्‍मा सेङ्‌सेङ्‌ना हाङ्‌साङा आपिना आसिक् खानिलोक् हाम्‍मा उहिडुङ् नुङ् खानि टुब्‌सिङा आप्‍मा औधि आनिङ्‌ग्‍वा लोसेसे॥

रोमि 12:15

मोज्‍जा ओचोग्‍गालोक् मोज्‍जा चोगानि, हिट्‌नुङ् ओहाब्‍गालोक् हाबानि॥

रोमि 9:2

आङाना याहुदि याप्‌मिचि लाउङ्‌सा याङ्‌छामाङा आनिङ्‌ग्‍वा टुग्‍ना हिट्‌नुङ् आड्‌डिक् सानिङ्‌ग्‍वा लिङाना॥

१ कोरिन्‌थि 12:26

ठिक् आङ्‌गा टुगे भोने सोब्‍बे येम् डोक् टुग्‌युक्॥ हिट्‌नुङ् ठिक् येम्‌ङिना आङ्‌गाङा मान् टोगुए भोने, सोब्‍बे येम् डोक् हारका लियुक्॥

२ कोरिन्‌थि 9:14

हिट्‌नुङ् माङ्‌हाङ्‌ङाना आड्‌डिक् याप्‍मा ओमायादाया खानिङि लिसानाँ हिट्‌नागाँ आड्‌डिक् माया माचोगिउङ् खानि लोङ्‌सा बिन्‌टि ओचोगुटु॥

गालाति 6:2

खानि याङ्‌छामाङि आठाइना बेला ठिबाङ्‌ङा आरको घुवार फागा फा चोगानि, नाड्‌डेउङ् खिरिस्‍टङाना धारमाबिधि खानिङा आयुडुम्‍टुम्॥

एफिसि 3:13

हिड्‌नाड्‌डेउङ् खानि लाउङ्‌सा आङा आङ्‌डुङ्‌ना याङ्‌छामा आनिसुमुङ् खानि निङ्‌ग्‍वा सेट्‌नेनुम् नुङ् खानि आनुरोध चोक्‍नाँनि॥ ना रिङ् सोब्‍बे खानिगा ओचेट्‌नुना लोङ्‌सा डोक् ए॥

फिलिप्‌पि 1:3

जाइले आङा खानि मिट्‌नाँनि हिट्‌ना बेला खानि लाउङ्‌सा आङाना माङ्‌हाङ् पोए-पोए ठाङ्‌सुङ्‌टुङ्॥

फिलिप्‌पि 1:8

आङा खानि टुब्‍माना आड्‌डिक् निङ्‌ग्‍वा चोगुङ्‌ना रिङ् छेम्‍बा डोक् ए नुङ् माङ्‌हाङ्‌लाउङ्‌सा ठाहा युङ्‌ग्‍वा, पोङ्‌भोने खिरिस्‍ट येसुङा खानि माया माचोगि गाड्‌डे डोक् आङा चा खानि माया चोक्‍नाँनि॥

फिलिप्‌पि 2:25

आनि झान्‍झा इपाफोरडिटास खानि सोरि फेरि पाङ्‌मा कोन्‌युक् नुङ् आनिङ्‌ग्‍वा लोसेसे॥ उन् खानिना खाबोर कालो हिट्‌नुङ् आङा आभोरङि लिसाङ्‌ना बेला घुवार याङ्ओफायाक् नुङ् आपाङ्‌सुम्‍ना॥ उन्‍ङा आङालोक् एक्‍केउ टोॽवा चोगुए, हिट्‌नुङ् नुना खाबोर सुरेक्‍छे चोक्‍माउङ्‌सा उन्‍ङा आङा घुवार याङ्‌फाडे॥

फिलिप्‌पि 2:27

छेम्‍बा डोक्, उन्‍ङाना आड्‌डिक् ओयेम् टुगाउङ् झान्‍डेङा उन् सियाट्‌टा॥ टरो माङ्‌हाङ्‌ङा उन् लुक्‍मा टुक्‍टुए, हिट्‌नुङ् उन् एडोक् माखाक्, टरो आझै आङि निङ्‌ग्‍वा सागु उठानि नुङ् उन्‍ङा आङा लुक्‍मा याङ्‌टुक्‍टे॥

फिलिप्‌पि 4:1

हिट्‌डेउङ् आमायालु आम्‍भु-आन्‍झाचि हिट्‌नुङ् आनो-आन्‍झाचि, आङा खानि माया चोक्‍नाँनि, हिट्‌नुङ् खानि टुब्‍माना निङ्‌ग्‍वा चोगुङ्‌टुङ्॥ हिट्‌नुङ् खानिङा आचाप् टालोक् याङ्आचोगेसिङे, हिट्‌नुङ् खानि डोक् आङा चोगुङ्‌ना टोॽवाङाना इनाम ए॥ आमायालु आसाइबाचि, नाड्‌डे डोक् खानि टाङ्‌बाङिना बिस्‍वासङि बोल्‍लेउ लिसानि॥

१ पाटरुस 1:6

नागा सोब्‍बे रिङ्‌ङि खानि हारका लिमा कोन्‌युक्, टरो चा खानिङा होप्‍मो बेला लोङ्‌सा पारिक् पारिक्‍ङागा याङ्‌छामा आङ्‌मा कोन्‌युक्॥