फिलिप्‌पि 2:19 - आठपहरिया

¹⁹ टाङ्‌बा येसुङा निङ्‌ग्‍वा चोगुटु भोने, तिमोथिलाउङ्‌सा खानि टुब्‌सिङा एला डोक् पाङ्‌सुङ्‌टुङ् नुङ् आसा चोगुङ्‌टुङ्॥ हिट्‌नुङ् उन्‌लाम्‍मा खानि बारेङि नुना खाबोर खेम्‍मा टोगुङ्‌नाँ आङाना चा आचाप् टायुक्॥

फिलिप्‌पि 2:19 Iomraidhean Croise

मात्‌ति 12:21

हिट्‌नुङ् सोब्‍बे छोङ्‌चिङा उन्‌चि आसा उनिङ्‌ङि डोक् उयुङ्‌सुटु॥”

मुलिचेला टोॽवा 16:1

पावाल डारबि हिट्‌नुङ् लुस्‍टरा खालाङ्‌गाङि चा होन्‍डा टाए॥ हिट्‌नि तिमोथि उनिङ् लिसाना ठिबाङ् चेला डाना॥ उमाम्‍बाक् टाङ्‌बाङि बिस्‍वास काचोक् याहुदि छोङ्‌बाङिना डाना, टरो उप्‍पाम्‍बाक् गिरिक् छोङ्‌बा याप्‌मि डाना॥

रोमि 15:12

हिट्‌नुङ् आरको ठोङ्‌ङि माङ्‌काटा यासैयाङा नाड्‌डे छेप्‍टुटु, “यिसैङाना उपुङ्‌लालाम्‍मा ठिबाङ् याप्‌मि टायुक्, उन्‍ङा पानिछोङ्‌बाचि सासान् चोगुचिचि, हिट्‌नागाँ उन्‌ङि आसा उयुङ्‌सुटु॥”

रोमि 16:21

आङालोक् टोॽवा काचोक् तिमोथिङा खानि बाबा माहाक्‍टेसिए, हिट्‌नुङ् याहुदि आसाइबाचि लुकियास, यासोन हिट्‌नुङ् सोसिपाटरोसङा चा खानि सोब्‍बेलाउङ्‌सा बाबा माहाक्‍टेसिए॥

१ कोरिन्‌थि 4:17

नाड्‌डेउङ् आङा माया चोगुङ्‌ना हिट्‌नुङ् टाङ्‌बाङि बिस्‍वासङि बोल्‍लेउ आइछा गाड्‌डेना तिमोथि खानि सोरि पाङ्‌सुङ्‌गेट्‌टुङ्॥ आङा सोब्‍बे डेन्‌ङि लोक् ख्‍वाप्‍पा माङ्‌पाङ्‌ङि हिसिक्‍टुङ्‌चिङ् गाड्‌डे डोक् खिरिस्‍टङि आङाना आचोला खोड्‌डेना हिट्‌ना रिङ् उन्‍ङा खानि फेरि माहिसिक्‌टिटि॥

एफिसि 1:13

हिट्‌नुङ् खानि पानिछोङ्‌बाचिङा चा ना नुना खाबोर हिट्‌ना मुक्‌टि आपिना छेम्‍बाना रिङ् आखेम्‍सुमुङ् खिरिस्‍टङि बिस्‍वास आचोगुम्‍मे॥ हिट्‌नुङ् जब खानिङा बिस्‍वास आचोगुम्‍मे, माङ्‌हाङ्‌ङा माङ्‌हुप् चोगुना सेङ्‌सेङ्‌ना हाङ्‌सा पाङ्‌सुङ् खानि उन्‍ङाना ओयाप्‌मिचि माचोगिना पारमान् मापिडिए॥

फिलिप्‌पि 1:1

ना चिट्‌ठिम्‍बाक् आच्‍याँ खिरिस्‍ट येसुङाना सेवा काचोक् पावाल लोक् तिमोथिलाम्‍मा ए॥ ना चिट्‌ठि आङा फिलिप्‌पि खालाङ्‌गाङिगा खिरिस्‍ट येसुङि उलिसागा माङ्‌हाङ्‌ङाना सोब्‍बे सेङ्‌सेङ्‌गा ओयाप्‌मिचि लाउङ्‌सा, हिट्‌नुङ् माङ्‌पाङ्‌ङिगा ओठेडोङ्‌चि हिट्‌नुङ् माङ्‌पाङ्‌ङिगा घुवार काफाबाचि लाउङ्‌सा छेप्‍टुएट्‌टुङ्॥

फिलिप्‌पि 2:18

हिट्‌नाड्‌डे डोक् खानि चा आङालोक् चाप्‍टामा हिट्‌नुङ् आनान्‍दा चोक्‍मा कोन्‌युक्॥

फिलिप्‌पि 2:28

हिट्‌डेउङ् उन् खानि सोरि पाङ्‌माउङ्‌सा आङाना आड्‌डिक् आनिङ्‌ग्‍वा लोसेसे॥ हिड्‌डेउङ् खानिङा उन् फेरि आनिसुम्‍नाँ खानि चाप् टायुक्, हिट्‌नुङ् आनिङ्‌ग्‍वाङिना सुरटा चा याङ्-याङ् लियुक्॥

१ थेसालोनिकि 3:2

हिट्‌नुङ् आनि झान्‍झा तिमोथिम्‍बाक् आनिलोक् एक्‍केउ टोॽवा चोक्‍ना खिरिस्‍टङाना नुना खाबोर पारचार काचोक्‍बा माङ्‌हाङ्‌ङाना सेवाक ए॥ खानि बिस्‍वासङि दोरो चोक्‍मा हिट्‌नुङ् बिस्‍वासङि आँट् पिमालाउङ्‌सा खानिङि उन् डोक् पाङ्‌सुम्‍मे॥

१ थेसालोनिकि 3:5

हिड्‌नाड्‌डेउङ् आङा आरु याप्‍मा आङ्‌मा हिनेट्‌निउङ् खानि बिस्‍वास दोरो युङ्‌ग्‍वानि वाइना इ नुङ् ठाहा टोक्‍मा लोङ्‌सा खानिलोक् टुब्‌सिङा तिमोथि पाङ्‌सुङे, पोङ्‌भोने निङ्‌ग्‍वा काछिक्‍बाङा खानि निङ्‌ग्‍वा छिक्‍टुङ् वारिक्‌ङि माठेन्‌डिए होला हिट्‌नुङ् आन्‍याँ चोगुम्‍माना टोॽवा खेरोक् डोक् लियुक्‌नि नुङ् आङा किट्‌टाइसाङ्‌ना॥

२ थेसालोनिकि 1:3

भुम्‍बु-झान्‍झाचि हिट्‌नुङ् आनो-आन्‍झाचि, खानि लोङ्‌सा सोरोक् आन्‍याँ माङ्‌हाङ् पोए-पोए पिमा डोक् कोन्‌युक्, हिट्‌नुङ् नाड्‌डे चोक्‍मा नुयुक्‍चा, पोङ्‌भोने खानि बिस्‍वास माङ्‌जोम् पोयुगेट्, हिट्‌नुङ् खानिङा ठिबाङ्‌ङा आरको औधि जोम् माया चोग्‍गा चोक् आचोगेट्‌टि॥

२ तिमोथि 1:12

हिड्‌डेउङ् आङा याङ्‌छामा आङ्‌डुएट्‌टुङ्॥ टरो आङा मोन्‌निङ्‌सिनिङ्‌ना पोङ्‌भोने आङा साक्‌ङि बिस्‍वास चोगुएसुङेना हिट्‌ना ठाहा टोगुएसुङे॥ हिट्‌नुङ् उन्‍ङा आङा जिम्‍मा याङ्‌पिडाना रिङ् उन्‍ङा डोक् हिट्‌ना बेला सोम्‍मा लोङ्‌सा जागेडा चोगुङ् युङ्‌सुटु नुङ् आङा ढुक्‍का वाङेट्‌ङा॥

याकुब 4:15

खानिङा नाड्‌डेना रिङ्‌उम्‍टे माप्‍मा कोले, “माङ्‌हाङ्‌ङा उनिङ्‌ग्‍वा लिसे भोने, आनि हिङिटि हिट्‌नुङ् नागा रिङ् चोगुम्‍टुम् आथाबा हिट्‌नागा रिङ् चोगुम्‍टुम्॥”

१ पाटरुस 1:21

खिरिस्‍टलाम्‍मा खानिङा माङ्‌हाङ्‌ङि बिस्‍वास आचोगुम्‍मे, जुन्‍ङा उन् सियानालाम्‍मा उहिङ्‌ग्‍वाट् चोगुए हिट्‌नुङ् उन्‌लाउङ्‌सा मान् पिडुए, नाड्‌डेउङ् खानिङा बिस्‍वास लोक् आसा माङ्‌हाङ्‌ङि आयुङ्‌सुएसुम्‍मे॥