फिलिप्‌पि 2:12 - आठपहरिया

¹² नाड्‌डेउङ् मायालु आम्‍भु-आन्‍झाचि, आङा खानिलोक् लिसाङ्‌नाँ खानिङा सोरोक् आरिङ् पालान् आचोगुम्‍मे, हाट्‌ले आङा खानिलाम्‍मा लाप्‍माङ् लिङा चा खानिङा आरिङ् झान् याप्‍मा टेम्‍मा कोन्‌युक्॥ हिट्‌नुङ् खानिङा आटोगुम्‍ना मुक्‌टिङाना रिङ् पारकाट् चोक्‍मा आड्‌डिक् मिहिनेत चोगानुम्, हिट्‌नुङ् आड्‌डिक् मान् हिट्‌नुङ् किट्‌सा माङ्‌हाङ् पालान् चोगानुमुङ् हिड्‌डे चोगानि॥

फिलिप्‌पि 2:12 Iomraidhean Croise

मात्‌ति 11:12

बाप्‌टिस्‍मा कापि युहान्‍नाङाना टाला नुङ् ना बेला सोम्‍मा टोनालोग्‌ङिना मुलुक् औधि जाबारजास्‌तिलोक् पोसा खाट्‌युगेट्, हिट्‌नुङ् बिरोधि याप्‌मिचिङाम्‍बाक् जाबारजास्‌ति हिट्‌ना लाप्‍मा ओकोलुएट्‌टु॥

मात्‌ति 11:29

आङाना जुवा खुयानुम् हिट्‌नुङ् आङालाम्‍मा सिकाँ लिसानि, पोङ्‌भोने आङा मेयोक्‍ना हिट्‌नुङ् आनिङ्‌ग्‍वा दायालु ए, हिट्‌नुङ् खानिङा आराम आटोगुम्‍टुम्॥

मुलिचेला टोॽवा 16:29

ना रिङ् खेम्‍सुङ् हिट्‌ना हाकिमङा कुपि हाप्‍मा मेट्‌टुचिउङ् पिन्‍सा भिट्‌रा आबे, हिट्‌नुङ् उकिट्‌माङा पिलिम् पिलिम् योक्‍टाउङ् पावाल हिट्‌नुङ् सिलास उन्‌चि टोकानाङि हाम्‍बोम्‍फोप् चोगे॥

मुलिचेला टोॽवा 9:6

हाट्‌ले खान् कोबाउङ् खालाङ्‌गाङि खाडा हिट्‌नि खान्‍ङा पाक् चोक्‍मा कोन्‌युक्‍ना खान् मालोयुक्॥”

रोमि 2:7

जुन् याप्‌मिचिङा ओचेट्‌नुना टोॽवा ओचोगुयाक्‍टुटु, माङ्‌हाङ्‌ङाना माहिमा, मान् चोक्‍मा, हिट्‌नुङ् सिनिना चोला लाउङ्‌सा उहिङ्‌युक् हिट्‌नागा माङ्‌हाङ्‌ङा लाट्‌निना चोला पिडुचिचि॥

१ कोरिन्‌थि 15:58

हिड्‌नाड्‌डेउङ् आमायालु आम्‍भु-आन्‍झाचि हिट्‌नुङ् आनो-आन्‍झाचि, खानिङा आचोगुम्‍ना बिस्‍वासङि निङ्‌ग्‍वा मिरिङे बोलियो लिसानिउङ् युङायाक्‍टानि॥ टाङ्‌बाङाना ओटोॽवा सोरोक् निङ्‌ग्‍वा पिडानुमुङ् चोगानुम्, पोङ्‌भोने खानिङा आचोगुम्‍ना सोब्‍बे थोक् उन्‌ङि खेरो खाट्‌निना नुङ् खानिलाउङ्‌सा ठाहा युङ्‌ग्‍वा॥

१ कोरिन्‌थि 2:3

आङा खानि सोरि आबाङ्‌नाँ निम्‍छारो वासेट्‌टाङ्‌ना हिट्‌नुङ् किप्‍माङा पिलिम् पिलिम् योग्‍सा युङाङे॥

१ कोरिन्‌थि 4:14

आङा नागा रिङ् खानि मोम्‍मासिमा आलिसि नुङ् छेप्‍टुङ्‌ना माखाक्, टरो आङा माया चोगुङ्‌चिगा आप्‍पे आइछाचि गाड्‌डे खानि साल्‍लाह पिमा लोङ्‌सा छेप्‍टुङ्‌ना ए॥

२ कोरिन्‌थि 7:15

खानि सोब्‍बेङा तितासङाना उरिङ् आखेम्‍सुम्‍मे हिट्‌नुङ् उन् किट्‌सा हिट्‌नुङ् आड्‌डिक् मान् आचोगुमुङ् स्‍वागाट् आचोगुमे॥ नागा सोब्‍बे रिङ् मिट्‌टुउङ् तितासङा खानि पाइले नुङ्‌ना चा आड्‌डिक् माया माचोगिटि॥

एफिसि 6:5

हाउ कामाराचि, ना नाराङिगा खानि डाङ्‌बाचिङा मालोडिगा रिङ् खेम्‍सानुम्॥ खानिङा खिरिस्‍टङाना सेवा आचोगुम् गाड्‌डे डोक् खानि निङ्‌ग्‍वालाम्‍मा डोक् आड्‌डिक् मान् चोगानुम्‌चिम्‍मुङ् उन्‌चि सेवा चोगानुम्॥

फिलिप्‌पि 1:27

मुलि रिङ्‌म्‍बाक् खिरिस्‍टङाना नुना खाबोर गाड्‌डेना खान्‍डुना खानि चाल चालान् लिमा कोन्‌युक्॥ हिट्‌नुङ् आङा खानि टुब्‍मा आप्‍मा चा, टुब्‍मा आप्‌निङ्‌चा खानिङा ठिक्‍ए निङ्‌ग्‍वा आचोगिउङ् ठिक्‍ए उदेसेङि जोम् याप्‌मिचिङा नुना खाबोर बिस्‍वास ओचोगुवाक् नुङ् टोॽवा आचोगुम्‍ना रिङ् खेम्‍मा ओटोगुङ् नुङ् निङ्‌ग्‍वा चोगुङ्‌टुङ्॥

फिलिप्‌पि 1:29

पोङ्‌भोने माङ्‌हाङ्‌ङा खानिङा खिरिस्‍टङि बिस्‍वास चोक्‍माउङ्‌सा एडोक् मापिडिगा माखाक्, टरो उन्‌ङि याङ्‌छामा आङ्‌डानुम् नुङ् चा खानि मौका मापिडेसे॥

फिलिप्‌पि 1:5

पोङ्‌भोने खानिङा नुना खाबोर बिस्‍वास आचोगुम्‍ना बेलालाम्‍मा डोक् ना नुना खाबोर याप्‌मिचि लोमाउङ्‌सा आङा घुवार आफाडेट्‌टिङा॥

फिलिप्‌पि 1:6

माङ्‌हाङ्‌ङा खानि निङ्‌ग्‍वाङि ठिक् नुना टोॽवा उटुम् चोगुएसुए, हिट्‌नुङ् उन्‍ङा एडोक् येसु खिरिस्‍ट नोक्‍ना उङ्‌ना बेला हिट्‌ना टोॽवा चोक्‍मा हिडुटु नुङ् आङा बिस्‍वास चोगुङ्‌टुङ्॥

फिलिप्‌पि 2:19

टाङ्‌बा येसुङा निङ्‌ग्‍वा चोगुटु भोने, तिमोथिलाउङ्‌सा खानि टुब्‌सिङा एला डोक् पाङ्‌सुङ्‌टुङ् नुङ् आसा चोगुङ्‌टुङ्॥ हिट्‌नुङ् उन्‌लाम्‍मा खानि बारेङि नुना खाबोर खेम्‍मा टोगुङ्‌नाँ आङाना चा आचाप् टायुक्॥

फिलिप्‌पि 4:1

हिट्‌डेउङ् आमायालु आम्‍भु-आन्‍झाचि हिट्‌नुङ् आनो-आन्‍झाचि, आङा खानि माया चोक्‍नाँनि, हिट्‌नुङ् खानि टुब्‍माना निङ्‌ग्‍वा चोगुङ्‌टुङ्॥ हिट्‌नुङ् खानिङा आचाप् टालोक् याङ्आचोगेसिङे, हिट्‌नुङ् खानि डोक् आङा चोगुङ्‌ना टोॽवाङाना इनाम ए॥ आमायालु आसाइबाचि, नाड्‌डे डोक् खानि टाङ्‌बाङिना बिस्‍वासङि बोल्‍लेउ लिसानि॥

फिलिप्‌पि 4:15

खानि फिलिप्‌पिङिगा आसाइबाचि, उटुम्‌ङि आङा खानि सोरि नुना खाबोर पारचार चोगुङुङ् माकेडोनिया पोक्‍टुङ् खाडाङ्‌नाँ आङा घुवार काफाबाचि खानि एडोक् नुङ् खानि आप्‍पेलाउङ्‌सा ठाहा युङ्‌ग्‍वा॥ खानिङा एडोक् आङा ओफाबा याङ्‌हाक्‌टिङाउङ् घुवार याङ्आफाडिङे॥

१ थेसालोनिकि 1:3

आनि माङ्‌हाङ् पाबा ओटोकानाङि आनि टाङ्‌बा येसुङि खानिङा बिस्‍वास आचोगुम्‍मुङ् आचोगुम्‍ना टोॽवा, मायालोक् आचोगुम्‍ना दुखे हिट्‌नुङ् खानिङा आनि टाङ्‌बा येसु खिरिस्‍टङि आयुङ्‌सुम्‍ना आसाङि याङ्‌छामा आङ्‌डुम्‍ना रिङ् आन्‍याँ सोरोक् मिट्‌टुम्‍टुम्‍मा॥

२ तिमोथि 2:10

हिट्‌डेउङ् माङ्‌हाङ्‌ङा सेगुचिगा ओयाप्‌मिचि लोङ्‌सा खिरिस्‍ट येसुलाम्‍मा टोगुम्‍ना मुक्‌टि हिट्‌नुङ् खोना बेला चा लाट्‌निना माहिमा ओटोगु नुङ् सोब्‍बे याङ्‌छामा आङा आङ्‌डुङ्‌टुङ्॥

हिब्‍रु 12:1

हिट्‌नाडेउङ् नाट्‌टेप् औधि बिस्‍वासङाना साँचि कापिबा याप्‌मिचिगा ठेना खिमेयाङ्‌मेङा आकुप्‍टा गाड्‌डे, हाट्‌ले आनि लाम्‍बोङि ओटागा बाधाचि हिट्‌नुङ् आबान्‍गा पाप लेप्‍टुम्, हिट्‌नुङ् माङ्‌हाङ्‌ङा आनि सोरि आयुङ्‌साबिडाना दौड नुलोक् पिन्‌डि॥

हिब्‍रु 4:1

हिट्‌नाड्‌डेउङ् आनि आझै चा माङ्‌हाङ्‌ङाना आराम चोक्‍माना डेन्‌ङि लिग्‍मा हिडिटि नुङ् उन्‍ङाना बाचाङा माट्‌टुटु॥ नाड्‌डेउङ् ओछेक्‍छेक् चोगि, हिट्‌नुङ् हिट्‌ना आराम चोक्‍माना डेन्‌ङि लिग्‍मा ओटोगुन्‍गा खानि माड्‌डे साक्‍चा लिनेनिन्॥

हिब्‍रु 4:11

कोइङा माङ्‌हाङ्‌ङा लोडुना रिङ् खेम्‍सुन्‍ना भोने, हिट्‌ना माङ्‌हाङ्‌ङाना आराम चोक्‍मा ठोङ्‌ङि उलिग्‍नेट्‌निगा इस्‍राइलि याप्‌मिचि गाड्‌डे डोक् लियुक्, हिट्‌नाड्‌डेउङ् आनि हिट्‌ना युङ्‌माना डेन्‌ङि लिग्‍मा आड्‌डिक् निङ्‌ग्‍वा चोगुम्॥

हिब्‍रु 5:9

हिट्‌नुङ् येसुङा सोब्‍बे खाले याङ्‌छामा आङ्‌डुङ् पुरो सुद्‌दो लिसाउङ्, उन्‍ङाना आग्‍याँ पालान् ओचोगुगा सोब्‍बे लाउङ्‌सा उन् लाट्‌निना मुक्‌टिङाना उपुन् लिसे॥

१ पाटरुस 2:11

आसाइबाचि, ना नाराङि खानि होप्‍मो बेला सोम्‍मा आयुङिगा हिट्‌नुङ् भारा देसङि आयुङिगा गाड्‌डेगा डोक् ए॥ हिट्‌नुङ् खानि येम्‌ङा कोलुगा ओचाफेन्‍गा रिङ् चोक्‍मालाम्‍मा लाप्‍माङ् युङानि नुङ् खानि बिन्‌टि चोक्‍नाँनि॥ नाड्‌डेगा रिङ् हाङ्‌साङाना बिरुद्‌दाङि सोरोक् कोब्‌युयाक्‌युक्॥

२ पाटरुस 3:18

टरो सोरोक् आनि टाङ्‌बा हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना ओठोना हिट्‌नुङ् ओमायादायाङि पोसा खाडानि॥ हाट्‌ले हिट्‌नुङ् सोरोक् टाङ्‌बाङाना डोक् उनिङ् टो-टो उलियाक्॥ आमेन्॥