फिलिप्‌पि 1:5 - आठपहरिया

⁵ पोङ्‌भोने खानिङा नुना खाबोर बिस्‍वास आचोगुम्‍ना बेलालाम्‍मा डोक् ना नुना खाबोर याप्‌मिचि लोमाउङ्‌सा आङा घुवार आफाडेट्‌टिङा॥

फिलिप्‌पि 1:5 Iomraidhean Croise

मुलिचेला टोॽवा 2:42

हिट्‌नुङ् हिट्‌नागा मुलिचेलाचिगा हिसिक्‍मा, साङ्‌गातिङि, चामा-ठुङ्‌माङि हिट्‌नुङ् बिन्‌टिङि सोरोक् लाहाब् उलिसे॥

रोमि 11:17

याहुदि याप्‌मिचि माङ्‌हाङ्‌ङा लेट्‌टुना हिट्‌नुङ् स्‍यारसुसार चोगुना ओचेट्‌नुना जैतुन उभुङ्‌मालोक् टोङ्‌मा हिडुम्‌चिम्‌चिम्, टरो इम्‍टेप्‍मा ओहागेप्‍पाचिम्‍बाक् ओएगाडे॥ हिट्‌नुङ् खानि पानिछोङ्‌बाचि जाङ्‌गालि जैतुन उभुङ्‌माङाना ओहागेप्‍पाचिलोक् टोङ्‌मा हिडुम्‍टुम्, खानि हिट्‌ना ओचेट्‌नुना सिङ् उभुङ्‌माङाना ओहागेप्‍पाचिङि कालामि मारेक्‍टेसिए॥ हिट्‌डेउङ् हाट्‌ले खानिङा हिट्‌ना ओचेट्‌नुना जैतुन उभुङ्‌मालाम्‍मा बारगाट् हिट्‌नुङ् चोला आटोगुम्‍टुम्॥

रोमि 12:13

आभोरङि ओठायागा माङ्‌हाङ् ओयाप्‌मिचि घुवार फाडानुम्‌चिम्, हिट्‌नुङ् पाङ्‌ङि ओटागा पाहुनाचि ओचेट्‌नुलोक् मेट्‌टानुम्‌चिम्॥

१ कोरिन्‌थि 1:9

माङ्‌हाङ्‌ङा ना रिङ् चोगुटु, पोङ्‌भोने उन् बिस्‍वासयोग्‍ए वाहेट्॥ उन्‍ङा डोक् उन्‍ङाना छा आनि टाङ्‌बा येसु खिरिस्‍टलोक् साङ्‌गातिङि युङ्‌माउङ्‌सा खानि माछेम्‌डिएसिए॥

२ कोरिन्‌थि 8:1

मायालु बिस्‍वासि भुम्‍भु-झान्‍झाचि हिट्‌नुङ् नाना-झान्‍झाचि, माङ्‌हाङ्‌ङा माकेडोनियाङिगा माङ्‌पाङ्‌ङिगा मायादाया चोगुचिगा रिङ् खानिङा चा ठाहा टोगानुम् नुङ् लोनाँनि॥

एफिसि 3:6

हिट्‌ना राहस्‍सेङाना रिङ्‌ङाना योजानाम्‍बाक् ना ए, नुना खाबोरङि बिस्‍वास ओचोगुङ् एडोक् पानिछोङ्‌बाचि चा एक्‍केउ याहुदिचिलोक् खिरिस्‍ट येसुङि हाकवाला उलियुक्॥ हिट्‌नागा ठिक्‍ए येम्‌ङाना आङ्‌गाचि गाड्‌डेगा ए॥ हिट्‌नुङ् हिट्‌नागाँ माङ्‌हाङ्‌ङाना चामारसिङाङाना ओभागा चा ओटोगुटु॥

फिलिप्‌पि 1:12

आम्‍भु-आन्‍झाचि, नाहि आचोलाङि उलिसागा ओचाफेन्‍गा रिङ्‌चिङा याप्‍मा याप्‌मिचिङा नुना खाबोर खेम्‍मा ओटोगुना रिङ् खानिङा चा ठाहा टोगानुम् नुङ् आनिङ्‌ग्‍वा युङ्‌ग्‍वा॥

फिलिप्‌पि 1:16

हिट्‌नागा ओचेट्‌नुना निङ्‌ग्‍वाङा पारचार काचोक्‌चिङा आङा माया याङ्ओचोक्‍ङागा, पोङ्‌भोने माङ्‌हाङ्‌ङा नुना खाबोरङाना छेम्‍बाना रिङ् जोगाँ चोक्‍ङा आङा नाहि याङ्‌युङ्‌साना नुङ् हिट्‌नागाँ ठाहा ओटोगुएसुए॥

फिलिप्‌पि 1:27

मुलि रिङ्‌म्‍बाक् खिरिस्‍टङाना नुना खाबोर गाड्‌डेना खान्‍डुना खानि चाल चालान् लिमा कोन्‌युक्॥ हिट्‌नुङ् आङा खानि टुब्‍मा आप्‍मा चा, टुब्‍मा आप्‌निङ्‌चा खानिङा ठिक्‍ए निङ्‌ग्‍वा आचोगिउङ् ठिक्‍ए उदेसेङि जोम् याप्‌मिचिङा नुना खाबोर बिस्‍वास ओचोगुवाक् नुङ् टोॽवा आचोगुम्‍ना रिङ् खेम्‍मा ओटोगुङ् नुङ् निङ्‌ग्‍वा चोगुङ्‌टुङ्॥

फिलिप्‌पि 1:7

खानि ख्‍वाप्‍पा लाउङ्‌सा खानि बारेङि आङा हिट्‌डे मिप्‍मा नुयुक्, पोङ्‌भोने आङा खानि आड्‌डिक् माया चोक्‍नानिगा॥ पोङ्‌भोने आङा हाट्‌ले खाम्‍बाङ्‌ङि लिङा चा आथाबा नुना खाबोर जोगाँ चोक्‍मा हिट्‌नुङ् नुना खाबोर छेम्‍बाना ए नुङ् पारमान् पिमाना टोॽवाङि चा माङ्‌हाङ्‌ङा आनि एक्‍केउ टोॽवा चोक्‍माउङ्‌सा दाया आचोगेसे॥

फिलिप्‌पि 2:12

नाड्‌डेउङ् मायालु आम्‍भु-आन्‍झाचि, आङा खानिलोक् लिसाङ्‌नाँ खानिङा सोरोक् आरिङ् पालान् आचोगुम्‍मे, हाट्‌ले आङा खानिलाम्‍मा लाप्‍माङ् लिङा चा खानिङा आरिङ् झान् याप्‍मा टेम्‍मा कोन्‌युक्॥ हिट्‌नुङ् खानिङा आटोगुम्‍ना मुक्‌टिङाना रिङ् पारकाट् चोक्‍मा आड्‌डिक् मिहिनेत चोगानुम्, हिट्‌नुङ् आड्‌डिक् मान् हिट्‌नुङ् किट्‌सा माङ्‌हाङ् पालान् चोगानुमुङ् हिड्‌डे चोगानि॥

फिलिप्‌पि 2:22

टरो तिमोथि बिस्‍वासयोग्‍य याप्‌मि नुङ् उन्‍ङा पाइले डोक् पारमान् चोगुना रिङ् खानिलाउङ्‌सा ठाहा युङ्‌ग्‍वा॥ हिट्‌नुङ् ठिबाङ् छाङा उप्‍पाङाना सेवा चोगु गाड्‌डे नुना खाबोर पारचार चोक्‍माना टोॽवाङि आङालोक् एक्‍केउ उन्‍ङा सेवा चोगुए॥

फिलिप्‌पि 4:3

हाउ बिस्‍वासिलो आसाइबा, खान्‍ङा नागाचि इप्‍पाङ् मेन्‍झेमाचि ओटोङ्‌चिउङ् उयुङ्‌चि नुङ् घुवार फाडुचि नुङ् लोनाँ, पोङ्‌भोने हिट्‌नागाचिङा आङालोक् एक्‍केउ नुना खाबोर पारचार चोक्‍मा घुवार याङ्‌फासाचे, हिट्‌नुङ् आङालोक् एडोक् माखाक्, हिट्‌नागाचिङा क्‍लेमेस हिट्‌नुङ् आङालोक् एक्‍केउ टोॽवा काचोक् आरु आसाइबाचिलोक् चा टोॽवा चोगाचुए, हिट्‌नागा सोब्‍बेङागा उन्‌चि निङ् चोला आपिना छाप्‍लाङि माङ्‌हाङ्‌ङा छेप्‍टुबिडुएसुचे॥

फिलेमोन 1:17

हिट्‌डेउङ् खान्‍ङा आङा खान्‌लोक् एक्‍केउ टोॽवा काचोक्‍बा याङ्आमिट्‌युक् भोने, आङा स्‍वागाट् याङ्आचोगा गाड्‌डे डोक् हिट्‌ना चा चोगु॥

हिब्‍रु 3:14

नाड्‌डेउङ् पाइले आनि उन्‌ङि बिस्‍वास चोगुम् गाड्‌डे आखेरि सोम्‍मा आनि चोलाङि बिस्‍वास जोगाँ चोगुम्‌याक्‍टुम्‍टुम् भोने, आनि खिरिस्‍टलोक् एक्‍केउ हाक्‍दार लिसिटि॥

२ पाटरुस 1:1

येसु खिरिस्‍टङाना मुलिचेला हिट्‌नुङ् उन्‍ङाना सेवा काचोक् आङा सिमोन पाटरुसङा ना चिट्‌ठि छेप्‍टुङ्‌ना ए॥ आङा ना चिट्‌ठि आनि माङ्‌हाङ् हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना धारमिक्‍तालाम्‍मा आन्‍याँना गाड्‌डे डोक् बाहुमुल्‍ले बिस्‍वास आटोगुम्‍गा खानि ख्‍वाप्‍पालोङ्‌सा छेप्‍टुङ्‌गेट्‌टुङ्॥

१ युहान्‍ना 1:3

आन्‍याँलोक् खानिगा साङ्‌गाति उलियाक् नुङ् डोक् आन्‍याँ जे निसुम्‍मे हिट्‌नुङ् खेम्‍सुम्‍मे, हिट्‌ना डोक् खानिलाउङ्‌सा लोनाँनि॥ आनि साङ्‌गातिउम्‍बाक् माङ्‌हाङ् पाबा हिट्‌नुङ् उन्‍ङाना छा येसु खिरिस्‍टलोक् युङ्‌ग्‍वा॥

१ युहान्‍ना 1:7

टरो उन् व्‍हाङ्‌ङि लिसाना गाड्‌डे डोक् आनि चा व्‍हाङ्‌ङि वासिटि भोने, आनि आनिङि साङ्‌गाति लियुक्, हिट्‌नुङ् उन्‍ङाना छा येसुङाना ओहेलिक्‌ङा आनि सोब्‍बे पापलाम्‍मा सेङ्‌सेङ् आचोक्‌युक्॥