फिलिप्‌पि 1:28 - आठपहरिया

²⁸ हिट्‌नुङ् खानि बिरोधिचिलोक् खोना रिङ्‌ङि चा किट्‌नेनिन्॥ ना रिङ्‌ङा खानि साट्‌टुरचि माङ्‌हाङ्‌ङा जाखाम् चोगुचिगा रिङ्‌ङाना पारमान् हिट्‌नुङ् उन्‍ङा खानि माहिङिना रिङ्‌ङाना पारमान् मापिडिटि॥ माङ्‌हाङ्‌ङा डोक् नागा सोब्‍बे चोगुटु॥

फिलिप्‌पि 1:28 Iomraidhean Croise

मात्‌ति 10:28

खानि येम् एडोक् कासेप्‍बाचिलोक् किट्‌नेनिन्, टरो हिट्‌नागाँ खानि हाङ्‌सा सेप्‍मा उहिडुन्‍ना॥ नाड्‌डेउङ् हाङ्‌सा लोक् येम् इप्‍पोक् डोक् योनालोग्‌ङि जाखाम् चोग्‍मा हिडुना माङ्‌हाङ्‌लोक् किट्‌टानि॥

मारकुस 3:3

येसुङा उमुक् चोबाना याप्‌मि लोडुए, “नाहि आबा हिट्‌नुङ् सोब्‍बेङागा टोकानाङि येबा॥”

लुका 3:6

हिट्‌नुङ् माङ्‌हाङ्‌ङा याप्‌मिचि उहिङ्‌ग्‍वाट् चोगुचिगा टोॽवा सोब्‍बेङा उनिसुटु॥’”

युहान्‍ना 16:8

हिट्‌नुङ् उन् उङ्‌युङ् उन्‍ङा नाराङिगा याप्‌मिचिगा पाप, माङ्‌हाङ्‌ङाना धारमिक्‍ता बारेङि हिट्‌नुङ् टायुगेट्‌ना माङ्‌हाङ्‌ङाना न्‍याएङाना बारेङि हिट्‌नागा निमेट्‌टुचिचि॥

मुलिचेला टोॽवा 28:28

“हिट्‌डेउङ् हाट्‌ले खानिङा ठाहा टोगानुम्, माङ्‌हाङ्‌ङाना ना मुक्‌टिङाना खाबोर पानिछोङ्‌बाचि लोङ्‌सा पाङ्‌सुएसुए, हिट्‌नुङ् हिट्‌नागाँ ओखेम्‍सुटु॥”

रोमि 8:17

पोङ्‌भोने आनि माङ्‌हाङ् ओछालेट्‌चि ए, हिट्‌नुङ् ओछालेट्‌चि लाउङ्‌सा उन्‍ङा पिमा युङ्‌सुना आसिक् चा आनि टोगुम्‍टुम्, हिट्‌नुङ् हिट्‌ना आसिक् खिरिस्‍टलोक् एक्‍केउ आनि चा टोगुम्‍टुम्॥ टरो खिरिस्‍टङा मान् टोगु गाड्‌डे डोक् आनि चा मान् टोगुम्‍टुम् भोने, खिरिस्‍टङा याङ्‌छामा आङ्‌डु गाड्‌डे डोक् आनि चा याङ्‌छामा आङ्‌मा कोन्‌युक्॥

१ थेसालोनिकि 2:2

खानिङि आप्‍मा पाइले फिलिप्‌पिङि आन्‍याँ याङ्‌छामा याङ्‌ओचाट्‌टाना हिट्‌नुङ् ओचाफेन्‍लोक् याप्‌मि ओमेट्‌टाना रिङ् खानिङा ठाहा आटोगुएसुम्‍मे, टरो औधि बिरोध लिसा चा माङ्‌हाङ्‌ङाना नुना खाबोर माट्‌मा माङ्‌हाङ्‌लाम्‍मा आन्‍याँ आँट् टोगुमे॥

हिब्‍रु 13:6

हिट्‌नाडेउङ् आन्‍याँ मिकिट्‌ङे नाड्‌डे माट्‌मा हिडुम्‍टुम्‍मा, “टाङ्‌बाङा डोक् आङा घुवार याङ्‌फायुक्, हिट्‌नुङ् आङा खोना बेला चा किट्‌निङ्‌ना॥ याप्‌मिचिङा आङा पाक्‍चा चोक्‍मा उहिनिङ्‌गा॥”

पारकास 2:10

हाट्‌ले खानिङा आङ्‌डुम्‍लाबुम्‍ना याङ्‌छामालोक् किट्‌नेनिन्॥ खानि बिस्‍वास जाँचा चोक्‍माउङ्‌सा खानि माड्‌डे कोइ-कोइ सैतानङा खाम्‍बाङ्‌ङि माठेन्‌डिटि॥ हिट्‌नुङ् खानिङा ठिमेक् लेम्‍बा टेप्‍मा याङ्‌छामा आआङ्‌डुम्‍टुम्॥ टरो सिमा डोक् कोन्‍ना लिचा आङि बिस्‍वास चोक्‍मा नानेनुम्, हिट्‌नुङ् आङा खानि खोना बेला चा लाट्‌निना चोलाङाना इनाम् पिनाँनि॥