फिलिप्‌पि 1:19 - आठपहरिया

¹⁹ पोङ्‌भोने खानिङा आङा लाउङ्‌सा बिन्‌टि आचोगुमुङ् हिट्‌नुङ् टाङ्‌बा येसु खिरिस्‍टङा आपिडाना सेङ्‌सेङ्‌ना हाङ्‌साङा घुवार याङ्‌फाडाउङ् छुट्‌कारा टोगुङ्‌ना नुङ् आङा ठाहा टोगुङ्‌टुङ्॥

फिलिप्‌पि 1:19 Iomraidhean Croise

मुलिचेला टोॽवा 16:7

हिट्‌नुङ् माइसिया छेट्‌राङाना साँधेरिङि ओटासुङ् हिट्‌नागा बिथिनिया छेट्‌रालेङ् खाप्‍माना निङ्‌ग्‍वा ओचोगुए॥ टरो येसुङाना ओहाङ्‌साङा हिड्‌डे चोक्‍मा पिडुवाट्‌टुन्‌चिन्॥

रोमि 8:28

माङ्‌हाङ् माया काचोक्‌चिलाउङ्‌सा उन्‍ङा सोब्‍बे रिङ् उन्‌चि ओचेट्‌नु लाउङ्‌सा डोक् चोगुटु नुङ् आनि ठाहा टोगुम्‍टुम्– हिट्‌नागा याप्‌मिचि डोक् माङ्‌हाङ्‌ङाना उनिङ्‌ग्‍वा गाड्‌डे छेम्‍डुचिगा याप्‌मिचि ए॥

रोमि 8:9

छेम्‍बा डोक्, माङ्‌हाङ्‌ङाना सेङ्‌सेङ्‌ना ओहाङ्‌सा खानिलोक् युङ्‌ग्‍वा भोने, खानि पापलोक्‍ना निङ्‌ग्‍वाङाना आधिन्‌ङि आवासिन्‍गा, टरो खानि माङ्‌हाङ्‌ङाना ओहाङ्‌साङाना आधिन्‌ङि आवासिटि॥ हिट्‌नुङ् खोना चा याप्‌मिलोक् खिरिस्‍टङाना ओहाङ्‌सा वाइना भोने, हिट्‌ना खिरिस्‍टङाना ओयाप्‌मि लिमा डोक् लिनिना॥

१ कोरिन्‌थि 4:17

नाड्‌डेउङ् आङा माया चोगुङ्‌ना हिट्‌नुङ् टाङ्‌बाङि बिस्‍वासङि बोल्‍लेउ आइछा गाड्‌डेना तिमोथि खानि सोरि पाङ्‌सुङ्‌गेट्‌टुङ्॥ आङा सोब्‍बे डेन्‌ङि लोक् ख्‍वाप्‍पा माङ्‌पाङ्‌ङि हिसिक्‍टुङ्‌चिङ् गाड्‌डे डोक् खिरिस्‍टङि आङाना आचोला खोड्‌डेना हिट्‌ना रिङ् उन्‍ङा खानि फेरि माहिसिक्‌टिटि॥

२ कोरिन्‌थि 1:11

हाट्‌ले खानिङा आन्‍याँ लाउङ्‌सा बिन्‌टि आठाङ्‌सुमुङ् घुवार याप्‌मि आफाएट्॥ नाड्‌डेउङ् याप्‍मा याप्‌मिचिङा आन्‍याँना सुरेक्‍छे लाउङ्‌सा बिन्‌टि ओठाङ्‌सुना माङ्‌हाङ्‌ङा हिट्‌नागाँ ओचोगुना बिन्‌टिङाना उत्‍तार पिडुचिचि, हिट्‌नुङ् आरु जोम् याप्‌मिचिङा माङ्‌हाङ् पोए-पोए ओठाङ्‌सुटु॥

गालाति 3:5

माङ्‌हाङ्‌ङा खानि सेङ्‌सेङ्‌ना हाङ्‌सा मापिडिटि हिट्‌नुङ् खानि माझाङि डोङ् ठोङ्‌डिना टोॽवा चोगुटु॥ पाक् खानिङा धारमाबिधि पालान् आचोगुमुङ् इ टे? माखाक्॥ नाउम्‍टे खानिङा खिरिस्‍टङाना बारेङि आखेम्‍सुम्‍ना खाबोरङि बिस्‍वास आचोगुमुङ् लिसाना ए॥

गालाति 4:6

हाट्‌ले आनि माङ्‌हाङ् ओछालेट्‌चि ए, हिट्‌नुङ् माङ्‌हाङ्‌ङा उइछाङाना ओहाङ्‌सा आनि निङ्‌ग्‍वाङि आठेन्‍डाबिडाइसे, हिट्‌नुङ् हिट्‌ना हाङ्‌सालाम्‍मा आनि उन् “हाउ आब्‍बा, पाबा” नुङ् छेम्‍मा हिडुम्‍टुम्॥

फिलिप्‌पि 1:18

जेसुकै उलियाक्, हाट्‌ले ओचेट्‌नुना निङ्‌ग्‍वा उलियाक् आथाबा ओचाफेन्‍ना निङ्‌ग्‍वाङा उलियाक् खिरिस्‍टङाना बारेङि जोसोङ् चा पारचार चोक्‍मा डोक् मुलि रिङ् ए॥ हिट्‌डेउङ् आङाम्‍टे हारका लिङा॥ छेम्‍बा, आङा हारका लिङा,

१ पाटरुस 1:11

माङ्‌काटाचिङा ना खोड्‌डेउङ् हिट्‌नुङ् खोना बेला लियुक्‍ना नुङ् ठाहा टोक्‍मा ओकोलुए॥ हिट्‌नुङ् हिट्‌नागा भिट्‌रा लिसाना खिरिस्‍टङाना सेङ्‌सेङ्‌ना ओहाङ्‌साङा उन्‍ङा याङ्‌छामा आङ्‌मा कोन्‌युक् हिट्‌नुङ् आड्‌डिक् मान् टोगुटु नुङ् पाइले डोक् लोडुचे॥