फिलिप्‌पि 1:11 - आठपहरिया

¹¹ हिट्‌नुङ् येसु खिरिस्‍टङाना बोल्‌लाम्‍मा खानि चोलाङि धारमिक्‍ताङाना टोॽवा चोगानुम्, ना ओचेट्‌नुना टोॽवा याप्‌मिचिङा उनिसुङ् माङ्‌हाङ् मान् उपिडुटु हिट्‌नुङ् उनिङ् ओचोन्‍डुटु॥

फिलिप्‌पि 1:11 Iomraidhean Croise

मात्‌ति 5:16

हिड्‌डे डोक् कुपिङाना व्‍हाङ् गाड्‌डे डोक् खानि व्‍हाङ् चा याप्‌मिचि सोरि ओओम्‌याक्, हिट्‌डेउङ् हिट्‌नागाँ खानिङा आचोगुम्‍ना नुना टोॽवा उनिसुटुटु हिट्‌नुङ् टोनालोग्‌ङिना माङ्‌हाङ् पाबाङाना माहिमा ओचोगुटु॥

युहान्‍ना 15:16

खानिङा आङा आसेगेट्‌टिन्‍ना, टरो आङा खानि सेग्‍नाने॥ हिट्‌नुङ् खानि खाडानिउङ् सोरोक् लियुयाक्‍ना टुल्‍फुल केङानुम् नुङ् खानिलोङ्‌सा टोॽवा पिनाने॥ हिट्‌डेउङ् खानिङा पाबालोक् आनिङ्‌ङि जे आनाक्‍टुम् चा उन्‍ङा खानि मापिडिटि॥

युहान्‍ना 15:2

आङि लिसागा उसा केङुन्‍गा ओहागेप्‍पाचि उन्‍ङा खोक्‍टुचिचि, हिट्‌नुङ् उसा ओकेङुगा सोब्‍बे ओहागेप्‍पाचिङा आझै जोम् उसा ओकेङुवाक् नुङ् उन्‍ङा रुबुटु॥

युहान्‍ना 15:8

खानिङा जोम् टुल्‍फुल आकेङुमे भोने, ना रिङ्‌ङा डोक् आङाना पाबाङाना माहिमा लियुक्, हिट्‌नुङ् खानि आचेलाचि आलिसिटि॥

रोमि 15:28

हिड्‌नाड्‌डेउङ् पाइले ना ओहाक्‍टुचिगा ओफाबा यरुसलेमङिगा बिस्‍वासिचि जिम्‍मा पिडुङ्‌चिङ्‌चिङ्, हिट्‌नुङुना आङा इस्‍पेनलेङ् खाट्‌नागेट्‌नाना बेला खानि टुब्‌सिङा आङा आप्‍ङा॥

रोमि 6:22

टरो हाट्‌ले खानिङा पापलाम्‍मा छुट्‌कारा आटोगुएसुम्‍मे, हिट्‌नुङ् माङ्‌हाङ्‌ङाना कामारा आलिसेसिए॥ हाट्‌ले खानि सेङ्‌सेङ् आलिसिटि हिट्‌नुङ् खोना बेला चा लाट्‌निना चोला आटोगुम्‍टुम्॥

१ कोरिन्‌थि 10:31

नाड्‌डेउङ् आङा लोनाँनि, खानिङा आचाम्‍चा, आठुङुम्‍चा, जे सुके आचोगिचा, सोब्‍बे माङ्‌हाङ्‌ङाना उनिङ् चोन्‍मा लोङ्‌सा चोगानुम्॥

२ कोरिन्‌थि 9:10

माङ्‌हाङ्‌ङा टोॽवालासि काचोक् हिमाउङ्‌सा लालिक् हिट्‌नुङ् चामाउङ्‌सा चामागा थोक् पिडुटु॥ हिट्‌नाड्‌डे डोक् उन्‍ङा खानिलाउङ्‌सा चाहाब् लिना ख्‍वाप्‍पा थोक् मापिडिटि हिट्‌नुङ् जोम् जोम् माचोगिबिडिटि, हिट्‌नुङ् खानिङा आचोगुम्‍ना ओचेट्‌नुना टोॽवा आड्‌डिक् खुल्‍ला निङ्‌ग्‍वालाम्‍मा जोम् मापोइबिडिटि॥

एफिसि 1:12

हिट्‌नाड्‌डेउङ् आनि याहुदिचिम्‍बाक् खिरिस्‍टङा आनि बाचाँ आचोक्‌युक् नुङ् आसा काचोक्‍बाचि माड्‌डे पाइलेगा याप्‌मिचि ए॥ उन्‍ङाना निङ्‌ग्‍वाम्‍बाक् आनिलाम्‍मा उन्‍ङा मान् टोक्‍मा कोन्‌युक्॥

एफिसि 1:14

माङ्‌हाङ्‌ङा उन्‍ङाना सेङ्‌सेङ्‌ना हाङ्‌सा बैना युङ्‌बालाक् ओफाबा गाड्‌डे आनि भिट्‌रा आठेन्‍डाबिडेसे॥ हिट्‌नुङ् ना रिङ्‌ङा उन्‍ङा सेगुचिगा याप्‌मिचि छेम्‍बा डोक् हिङुचिचि नुङ् निमेट्‌माना निङ्‌ग्‍वा चोगुए॥ ना रिङ्‌ङाम्‍बाक् माङ्‌हाङ्‌ङाना उनिङ् चोम्‍माना लोक् माहिमा चोक्‍माना रिङ् टाडुटु॥

एफिसि 2:10

माङ्‌हाङ्‌ङा आनि आचोगाना ए॥ खिरिस्‍ट येसुलोक् आनिना साम्‍बान्‍धा लिसानाँ, आनि चोलाङि नुना टोॽवा चोक्‍मा लाउङ्‌सा ओछोङ्‌ग्‍वाट् चोला आनि टोगुएसुम्‍मे॥ आनि हिट्‌नागा नुगा टोॽवा चोगुम् नुङ् माङ्‌हाङ्‌ङा पाइले डोक् टेयार चोगुएसुना॥

एफिसि 5:9

हिट्‌ना पारा खानि आवासिटि भोने, खोना रिङ्‌ङा टाङ्‌बा खुसि चोगुटुना हिट्‌ना रिङ् खानिङा ठाहा आटोगुम्‍टुम्, हिट्‌नुङ् हिट्‌ना पारा डोक् वासानि॥ हिट्‌नुङ् हिट्‌ना व्‍हाङ्‌ङाना फलङा ओचेट्‌नुना रिङ् चोक्‍मा, धारमोति लिमा हिट्‌नुङ् माहामाना टोॽवा चोक्‍मा खानि मामेट्‌टिटि॥

फिलिप्‌पि 4:17

आङा खानिलाम्‍मा भेटि एडोक् टोक्‍माउङ्‌सा माट्‌टुङ्‌ना माखाक्, टरो खानिङा घुवार याङ्आफाडिनाँ माङ्‌हाङ्‌ङा आसिक् मापिडेयाक् नुङ् आङा निङ्‌ग्‍वा चोगुङ्‌टुङ्॥

कालास्‌सि 1:10

खानिङा टाङ्‌बाङाना उनिङ्‌ग्‍वा टाना चोला गाड्‌डे चोगानिउङ् सोरोक् उन् हारका चोगानुम् नुङ् आन्‍याँ बिन्‌टि ठाङ्‌सुम्‍टुम्‍मा॥ हिट्‌नुङ् खानि चोलाङा सोब्‍बे नुगा टोॽवा हिट्‌नुङ् माङ्‌हाङ् आझै नुलोक् मिसेन् आनिसुम्‍टुम्॥

कालास्‌सि 1:6

ना खाबोर खानि सोरि टाइसे, हिट्‌नुङ् ना खाबोर ख्‍वाप्‍पा नाराङिगा याप्‌मिचिङा बिस्‍वास ओचोगेट्‌टु, हिट्‌नुङ् माङ्‌हाङ्‌ङाना निङ्‌ग्‍वा टाना रिङ् ओचोगेट्‌टु॥ हिट्‌नाड्‌डे डोक् खानिङा माङ्‌हाङ्‌ङाना मायादाया बारेङि ना छेम्‍बाना खाबोर आखेम्‍सुम्‍ना हिट्‌नुङ् बुजा आचोगुम्‍ना बेलालाम्‍मा डोक् खानि माझाङि चा हिट्‌नाड्‌डे डोक् लिएट्॥

२ थेसालोनिकि 1:12

हिड्‌डे लिसे भोने खानिलाम्‍मा आनि टाङ्‌बा येसुङाना उनिङ् माहिमित लियुक्, हिट्‌नुङ् उन्‌लाम्‍मा खानि चा माहिमित आलिसिटि, पोङ्‌भोने माङ्‌हाङ् लोक् टाङ्‌बा येसु खिरिस्‍टङाना मायादायाङा चोगुनाँ नागा सोब्‍बे थोक्‌चि लियुक्॥

तितास 3:14

आनि याप्‌मिचिङा खेरोक् डोक् उन्‌चि चोला खेरो उटिसुन्॥ आनि याप्‌मिचि ओचेट्‌नुना टोॽवा चोक्‍मा लोङ्‌सा सिकाँ उलि हिट्‌नुङ् टुल्‍फुल केङ्‌मा उहिडुन्‍गा उलिनि चा॥

हिब्‍रु 12:11

साधाँ लिमाना रिङ् उटुम्‌ङि टुक्‍ना लियुक् हिट्‌नुङ् निङ्‌ग्‍वा टाना लिनिना, टरो साधाँ लिमाना रिङ् पालान् काचोक् याप्‌मि, हान्‍डेङ् धारमोति लियुङ् युङ्‌युक् हिट्‌नुङ् हाङ्‌हाङ्‌ङाना चोला टोगुटु॥

१ पाटरुस 2:12

आबिस्‍वासि याप्‌मिचिगा माझाइ खानि चाट्‌ला नुना उलियाक्॥ हिट्‌नुङ् खानिङा आचोगुम्‍ना गाल्‌ति रिङ्‌ङाना हिट्‌नागाँ फाट्‌टुर मालाबिए भोने चा हिट्‌नागाँ खानिगा ओचेट्‌नुना टोॽवा उनिसुवाक् हिट्‌नुङ् माङ्‌हाङ्‌ङा नाराङिगा याप्‌मिचिगा न्‍याए चोगुनाँ हिट्‌नागाँ उन्‍ङाना माहिमा ओचोगुवाक्॥

१ पाटरुस 2:5

खानि चा उहिङ्‌ग्‍वाट् लुङ्‌गेॽवा लिसानिउङ् आबानि हिट्‌नुङ् आत्‌मिक् माङ्‌ठाना चोक्‍मा आप्‍पेलोङ्‌सा पिडानुम्॥ हिट्‌नि खानि येसु खिरिस्‍टङाना नाताङा चोगुनाँ माङ्‌हाङ्‌ङाना उनिङ्‌ग्‍वा टासुना आत्‌मिक् भोक् काठाङ्‌बा सेङ्‌सेङ्‌ना पुजारिङाना टोॽवा आचोगुम्‍टुम्॥

१ पाटरुस 2:9

टरो खानिम्‍टे माङ्‌हाङ्‌ङा मासेगिगा छोङ्‌बाचि, मुलुक्‌ङिना पुजारिचि, सेङ्‌सेङ्‌गा छोङ्‌बाचि, माङ्‌हाङ्‌ङाना आप्‍पे ओयाप्‌मिचि ए॥ खानिङा उन्‍ङाना ओबोल्‌ङाना टोॽवाचि पारचार चोगानुम् नुङ् उन्‍ङा खानि डुम्‍बारिक्‌लाम्‍मा उन्‍ङाना डोङ् ठोङ्‌डिना ओव्‍हाङ्‌ङि माआप्‌टिए॥

१ पाटरुस 4:14

खानिङा खिरिस्‍टङि बिस्‍वास आचोगुम्‍नाँ याप्‌मिचिङा मालोडिजाए भोने खानि हारका लिसानि, पोङ्‌भोने माङ्‌हाङ्‌ङाना माहिमित ओहाङ्‌सा खानिलोक् लियुक्॥