एफिसि 5:4 - आठपहरिया

⁴ हिट्‌टेप्‍मा एडोक् माखाक्, खानिङा मोन्‌डिसिइगा रिङ् चेक्‍नेनिन्, खेडोक्‍गा माङ्‌जोगा रिङ् चोक्‍नेनिन्, हिट्‌नुङ् खोङ्‌माना रिङ् चेक्‍नेनिन्, नाड्‌डेगा रिङ् चेक्‍मा बिस्‍वासिचि लाउङ्‌सा खान्‍डुन्‍ना॥ हिट्‌नागा ओसाट्‌टोङि, खानिङा सोरोक् माङ्‌हाङ् पोए-पोए ठाङ्‌माना रिङ् माट्‌टानुम्॥

एफिसि 5:4 Iomraidhean Croise

मारकुस 7:22

लोभि लिमा, रिङ् टेप्‍मा, वालाफेडुबा वालाफेडुमा लिमा, रिङ् खुना, खिजेक्‍पा चाट्‌मा, आङा डोक् चोक्‍मा हिट्‌नुङ् मुरखा टोॽवा चोक्‍मा रिङ् ओहोन्‌युक्॥

युहान्‍ना 6:23

टाङ्‌बाङा पोए-पोए ठाङ्‌सुङ् याप्‌मिचि चालेप्‍पा चामा पिडुचिगा डेन् सोरि तिबेरियास खालाङ्‌गालाम्‍मा आरु नाउचि चा होन्‍डा ओटाए॥

रोमि 1:28

हिट्‌नुङ् हिट्‌नागाँ माङ्‌हाङ् पिमा कोन्‍ना मान् पिमा चा ओनाडुए॥ हिट्‌डेउङ् माङ्‌हाङ्‌ङा हिट्‌नागा चोक्‍मा लिनिना टोॽवा ओचोगुवाक् नुङ् उन्‌चि ओचाफेन्‍ना निङ्‌ग्‍वाङि डोक् लेडुचे॥

२ कोरिन्‌थि 1:11

हाट्‌ले खानिङा आन्‍याँ लाउङ्‌सा बिन्‌टि आठाङ्‌सुमुङ् घुवार याप्‌मि आफाएट्॥ नाड्‌डेउङ् याप्‍मा याप्‌मिचिङा आन्‍याँना सुरेक्‍छे लाउङ्‌सा बिन्‌टि ओठाङ्‌सुना माङ्‌हाङ्‌ङा हिट्‌नागाँ ओचोगुना बिन्‌टिङाना उत्‍तार पिडुचिचि, हिट्‌नुङ् आरु जोम् याप्‌मिचिङा माङ्‌हाङ् पोए-पोए ओठाङ्‌सुटु॥

२ कोरिन्‌थि 9:15

माङ्‌हाङ्‌ङा आपिडाना माप्‍मा डोक् हिनिम्‍ना आड्‌डिक् बाहुमुल्‍ये बारदान लाउङ्‌सा उन्‍ङाना पोए-पोए उलियाक्॥

एफिसि 1:16

आङा खानि लाउङ्‌सा माङ्‌हाङ् सोरोक् पोए-पोए ठाङ्‌सुङ्‌टुङ्॥ हिट्‌नुङ् आङा जाइले बिन्‌टि चोगुङ्‌टुङ्, खानि लाउङ्‌सा चा बिन्‌टि चोगुङ्‌टुङ्॥

एफिसि 4:29

खानि यासिलाम्‍मा ओचाफेम्‍मा रिङ् होट्‌नेनुम्, टरो चेक्‍मा लिना रिङ् चेक्‍टानि, हिट्‌नुङ् सोब्‍बेलोङ्‌सा नुना लिना रिङ् एडोक् चेक्‍टानि, हिट्‌डेउङ् खान्‍ङा आमाट्‌टुना रिङ् ओखेम्‍सुगाँ आसिक् ओटोगुटु॥

फिलिप्‌पि 4:6

पाक् रिङ्‌ङि चा सुरटा चोक्‍नेनिन्, टरो सोब्‍बे रिङ् लाउङ्‌सा बिन्‌टि चोगानुम्॥ खानिलाउङ्‌सा आभोर आलिसिगा थोक् बिन्‌टि चोगानुमुङ् माङ्‌हाङ् लोडानुम् हिट्‌नुङ् उन्‍ङा चोगुना ख्‍वाप्‍पा थोक् लाउङ्‌सा पोए-पोए ठाङ्‌सानुम्॥

कालास्‌सि 3:8

टरो हाट्‌ले खानिङा चा रेक् काप्‍मा, मिक् टुग्‍मा, चिम्‍माफुप्‍मा, लोमाजामा, यासिलाम्‍मा होन्‍गा फुवारि रिङ् नामा कोन्‌युक्॥

१ थेसालोनिकि 3:9

खानि लोङ्‌सा माङ्‌हाङ्‌ङि आड्‌डिक् पोए-पोए ठाङ्‌सुम्‍मा चा हिट्‌ना खाट्‌टिप्‍मा लियुक्, पोङ्‌भोने खानिङा आचोगुम्‍नाँ आनि माङ्‌हाङ् ओटोकानाङि आन्‍याँ आड्‌डिक् हारका लिसिएसिङे॥

१ थेसालोनिकि 5:18

जे सुके लिचा माङ्‌हाङ् पोए-पोए ठाङ्‌सानुम्, पोङ्‌भोने खिरिस्‍ट येसुङि खानिङा नागा रिङ्‌चि डोक् चोगानुम् नुङ् माङ्‌हाङ्‌ङाना उनिङ्‌ग्‍वा ए॥

फिलेमोन 1:8

नाड्‌डेउङ् खान्‍ङा पाक् चोक्‍मा कोन्‌युक्‍ना हिट्‌ना चोगु नुङ् लोनाँ॥ हिट्‌नुङ् खिरिस्‍टङि आँटि लिङाउङ् खान्‍ङा नाड्‌डे चोगु लोमा बे हिनें॥

हिब्‍रु 13:15

हिड्‌डेउङ् येसुङाना उनिङ्‌लाम्‍मा आनि यासिङा सोरोक् माङ्‌हाङ् उनिङ् चोन्‍डुम्, हिट्‌नाम्‍बाक् उन्‌लाउङ्‌सा ठाङ्‌सुम्‍ना आनिना भोक् ए॥ ना निङ् चोम्‍माम्‍बाक् आनि यासिङा उन् डोक् टाङ्‌बा नुङ् लाड्‌मा ए॥

२ पाटरुस 2:18

हिट्‌नागाँ खेडोक्‍गा ठे-ठेगा सिङ्‌सागा रिङ् ओमाट्‌टुगा, हिट्‌नुङ् ओचाफेम्‍मा टोॽवा चोक्‍मा ओनाडुङ् लोप्‍मो बिस्‍वासि उलिसागा याप्‌मिचि चा हिट्‌नागाँ उन्‌चि येम्‌ङा चिम्‍मा फुट्‌टुम्‍गा रिङ् ओचोगुङ् वारिक्‌ङि ओठेन्‍डुचिगा॥

२ पाटरुस 2:7

हिट्‌नुङ् उन्‍ङा धारमोति याप्‌मि लोत चा जोगाँ चोगुए॥ लोत सादामङिगा ओभेन्‍गा याप्‌मिचिगा चिम्‍मा फुट्‌टुम्‍गा चाट्‌लालाम्‍मा आड्‌डिक् याङ्‌छाडाइसाना॥

याहुदा 1:10

टरो नागा याप्‌मिचिङाम्‍टे आप्‍पे चा बुजा ओचोग्‍वाट्‌टुन्‍ना रिङ् खिसि ओचोगुगा॥ हिट्‌नागा पाक्‍चा मिमिट्‌ङे ओचाफेन्‍ना रिङ् काचोक् ठोनाबा जिवाट्‌चि गाड्‌डेगा डोक् ए, हिट्‌नुङ् हिट्‌नागाँ आप्‍पेलाउङ्‌सा नागा रिङ्‌लाम्‍मा डोक् जाखाम् ओचोगुटु॥

याहुदा 1:13

हिट्‌नागा याप्‌मिचि सामुन्‍दराङिना किट्‌टुम्‍ना चुवा ओभेट्‌लेॽवा गाड्‌डेगा ए, हिट्‌नुङ् सामुन्‍दराङि किट्‌टुम्‍ना चुवा ओभेट्‌लेॽवा कोबा गाड्‌डे डोक् नागाँगा टोॽवा चा चिम्‍मा फुट्‌टुम्‍ना ए॥ हिट्‌नागा लाम्‍बो ओबान्‍डुगा चोक्‌चिङ्‌गेट्‌चि गाड्‌डेगा डोक्, हिट्‌नुङ् हिट्‌नागा लाउङ्‌सा माङ्‌हाङ्‌ङा सोरोक् लाउङ्‌सा पातालङि माकुन्‍धेरेक्‍ना डेन् युङ्‌सुएसुए॥