एफिसि 3:7 - आठपहरिया7 माङ्हाङ्ङा याङ्पिडाना ओबोल्ङा हिट्नुङ् ओमायादायाङाना बारदानलाम्मा आङा ना नुना खाबोर पारचार चोक्माना टोॽवा टोगुङे॥ Faic an caibideil |
एफिसि 3:7
22 Iomraidhean Croise
माङ्हाङ्ङा आङा खिरिस्टङाना मुलिचेला लिमा मायादाया याङ्पिडे, हिट्डेउङ् खानि सोब्बेलाउङ्सा नाड्डे लोनाँनि, खानि जोस्तो आवासेट्टि हिट्ना नुङ्ना याप्मा आप्पेलाउङ्सा मिट्नेनुम्॥ आनि येम्ङि जोम् आङ्गाचि उयुङ्ग्वा हिट्नुङ् सोब्बे आङ्गाङागा फाराक् फाराक् येम्बोक् युङ्ग्वा॥ हिड्डे डोक् आनि फाराक् खाले याप्मिचि लिसि चा खिरिस्टङा ठिक्ए येम्ङि खाले-खाले याप्मिचि आचोगेसे हिट्नुङ् ठिबाङ् आरकोलोक् आटोङ्सेसे॥ हिड्डेउङ् माङ्हाङ्ङा इम्टेप्मा याप्मा बिस्वास मापिडेसेगा हिट्ना गाड्डे खानिङा आप्पेलाउङ्सा न्याए चोक्मा कोन्युक्॥
आङा पानिछोङ्बाचिलाउङ्सा माङ्हाङ्ङाना बारेङि ओचेट्नुना खाबोर पारचार चोगुङुङ् खिरिस्ट येसुङाना सेवा चोगुङ्टुङ्॥ नाड्डेउङ् पुजारिङा भेटि ठाङ्सु गाड्डे डोक् आङा चा हिट्नागा माङ्हाङ्ङाना उनिङ्ग्वा टासुना भेटि ठाङ्मा हिडुङ्टुङ्, पोङ्भोने सेङ्सेङ्ना हाङ्साङा हिट्नागा सेङ्सेङ्गा याप्मिचि चोगुएसुचे॥
टरो हाटले आङा खोड्डेना लिसेसाङेना हिट्ना माङ्हाङ्ङा आङा आड्डिक् माया लोक् घुवार याङ्फाडानाँ डोक् ए, हिट्नुङ् उन्ङा आङा मायादाया याङ्चोगानाँ आरु मुलिचेलाचि नुङ्ना याप्मा रिङ् चोक्मा काहिबा लिसेसाङे॥ टरो चा आङा आप्पेङाम्बाक् माखाक्, टरो ख्वाप्पा थोक् माङ्हाङ्ङा घुवार याङ्फाडाउङ् चोगुङे॥
हिट्नुङ् उन्ङि बिस्वास काचोक् आनि लोङ्सा उन्ङाना आड्डिक् ठेना साक्तिङाना बारेङि खानिङा बुजा चोगानुम् नुङ् चा बिन्टि चोगुङ्टुङ्॥ ना बोल्लाम्मा डोक् माङ्हाङ्ङा खिरिस्ट सियानालाम्मा उहिङ्ग्वाट् चोगुए, हिट्नुङ् टोनालोक्ङि आड्डिक् मान् चोगुम्ना डेन्ङि युङ्सुए॥ हिट्डेडोक् आनिङि चा उन्ङा टोॽवा चोगुटु॥
हिट्नुङ् आन्याँ चा माङ्हाङ्ङि पोए-पोए ठाङ्सुम् याक्टुम्टुम्मा, पोङ्भोने खानिङा आन्याँलाम्मा आखेम्सुम्ना माङ्हाङ्ङाना रिङ् खानिङा याप्मिङाना रिङ् गाड्डे माखाक्, टरो माङ्हाङ्ङाना रिङ् डोक् नुङ् आलाडुमे॥ छेम्बा डोक् ना माङ्हाङ् उरिङ् डोक्॥ ना रिङ् डोक् बिस्वास काचोक् खानिङि टोॽवा चोगुएट्टु॥
Sanasan