एफिसि 3:2 - आठपहरिया

² छेम्‍बा डोक्, माङ्‌हाङ्‌ङा आङा खाटाँ याङ्‌चोगाना रिङ् खानिङा आखेम्‍सुएसुम्‍मे, हिट्‌डेउङ् खानिङा उन्‍ङाना मायादाया बारेङि खेम्‍मा कोन्‌युक्॥

एफिसि 3:2 Iomraidhean Croise

मुलिचेला टोॽवा 13:2

ठिक् लेम्‍बा हिट्‌नागा उपासा उयुङाउङ् टाङ्‌बाङाना माङ्‌ध्‍यान् ओचोगेट्‌टागा बेला सेङ्‌सेङ्‌ना हाङ्‌साङा नाड्‌डे लोडुचे, “बारनाबास हिट्‌नुङ् सावाल जुन् टोॽवा लोङ्‌सा सेगुएसुङ्‌चिङे हिट्‌ना टोॽवाङि डोक् हिट्‌नागाचि साम्‍डानुम्‌चिम्॥”

मुलिचेला टोॽवा 13:46

टरो पावाल लोक् बारनाबास मिकेट्‌ने नाड्‌डे चेक्‍टाचे, “माङ्‌हाङ्‌ङाना रिङ् पाइला आन्‍याँ खानि याहुदिचिङि डोक् पारचार चोक्‍मा कोलाना डाना॥ टरो खानिङा ना रिङ् इन्‍कार आचोगुम्‍मे हिट्‌नुङ् लाट्‌निना चोला टोग्‍मा याप्‌मि खान्‌निना नुङ् खानिङा पारमान् आचोगुमे॥ हिट्‌डेउङ् आन्‍याँ खानिलाम्‍मा पानिछोङ्‌बाचि सोरि खाडिटिङा॥

मुलिचेला टोॽवा 22:21

“टरो टाङ्‌बाङा याङ्‌लोडे, ‘खान् खाडा, आङा खान् लाप्‍माङ् लाप्‍माङ् सोम्‍मा पानिछोङ्‌बाचि सोरि पाङ्‌नाँ॥’”

मुलिचेला टोॽवा 9:15

टरो टाङ्‌बाङा हानानिया लोडुए, “खान् खाडा, पोङ्‌भोने हिट्‌ना याप्‌मि लोङ्‌सा पानिछोङ्‌बाचि, हाङ्‌बाचि हिट्‌नुङ् इस्‍राएलि याप्‌मिचि सोरि आनिङ् पारचार चोक्‍मा लोङ्‌सा आङा सेगुएसुङे॥

रोमि 1:5

खिरिस्‍टलाम्‍मा माङ्‌हाङ्‌ङा सोब्‍बे आरु छोङ्‌बाचिलाउङ्‌सा उन्‍ङा चोगुना रिङ् लोमा उन्‍ङा मुलिचेलाचि लिमा आन्‍याँ मौका याप्‌मिपिडे, हिड्‌डेउङ् हिट्‌नागाँ उन् बिस्‍वास ओचोगुङ् उन्‍ङा माट्‌टुना रिङ् ओखेम्‍सुटु, हिट्‌नुङ् सोब्‍बेङा येसु खिरिस्‍ट मान् ओचोगुटु॥

रोमि 11:13

आङा खानि पानिछोङ्‌बाचि लोङ्‌सा खिरिस्‍टङाना मुलिचेला ए॥ हिट्‌डेउङ् हाट्‌ले आङा खानि नागा रिङ् लोनेट्‌नाँनि, पोङ्‌भोने आङा चोक्‍मा हिडुङ्‌ना आटोॽवा नुलोक् चोक्‍मा कोलुङ्‌टुङ्॥

रोमि 12:3

माङ्‌हाङ्‌ङा आङा खिरिस्‍टङाना मुलिचेला लिमा मायादाया याङ्‌पिडे, हिट्‌डेउङ् खानि सोब्‍बेलाउङ्‌सा नाड्‌डे लोनाँनि, खानि जोस्‍तो आवासेट्‌टि हिट्‌ना नुङ्‌ना याप्‍मा आप्‍पेलाउङ्‌सा मिट्‌नेनुम्॥ आनि येम्‌ङि जोम् आङ्‌गाचि उयुङ्‌ग्‍वा हिट्‌नुङ् सोब्‍बे आङ्‌गाङागा फाराक् फाराक् येम्‍बोक् युङ्‌ग्‍वा॥ हिड्‌डे डोक् आनि फाराक् खाले याप्‌मिचि लिसि चा खिरिस्‍टङा ठिक्‍ए येम्‌ङि खाले-खाले याप्‌मिचि आचोगेसे हिट्‌नुङ् ठिबाङ् आरकोलोक् आटोङ्‌सेसे॥ हिड्‌डेउङ् माङ्‌हाङ्‌ङा इम्‍टेप्‍मा याप्‍मा बिस्‍वास मापिडेसेगा हिट्‌ना गाड्‌डे खानिङा आप्‍पेलाउङ्‌सा न्‍याए चोक्‍मा कोन्‌युक्॥

१ कोरिन्‌थि 4:1

खानिङा आन्‍याँ खिरिस्‍टङाना ओसेवाक् हिट्‌नुङ् माङ्‌हाङ्‌ङाना ठोबाना रिङ् माप्‍मा जिम्‍मा काटोग्‍बाचि नुङ् मिप्‍मा कोन्‌युक्॥

गालाति 1:13

याहुदि धारमा लाडुङ्‌ना बेला आङाना बारे खानिङा आखेम्‍सुएसुम्‍मे॥ हिट्‌ना बेला आङा माङ्‌हाङ्‌ङाना माङ्‌पाङ्‌ङिगा आड्‌डिक् टुक्‍लोक् याङ्‌छामा चाट्‌टुङ्‌चिङे हिट्‌नुङ् जाखाम् चोक्‍मा कोलुङ्‌चिङे॥

एफिसि 1:10

हिट्‌नुङ् जब ठिक्‍का बेला लियुक्, उन्‍ङा टोनालोग् हिट्‌नुङ् नाराङिगा सोब्‍बे थोक्‌चि खिरिस्‍टङाना उमुक्‍ठुङ्‌ङि एक्‍कै ठोङ् टाडुचिचि॥

एफिसि 3:7

माङ्‌हाङ्‌ङा याङ्‌पिडाना ओबोल्‍ङा हिट्‌नुङ् ओमायादायाङाना बारदानलाम्‍मा आङा ना नुना खाबोर पारचार चोक्‍माना टोॽवा टोगुङे॥

एफिसि 3:8

सोब्‍बे माङ्‌हाङ् ओयाप्‌मिचि माड्‌डे आङा सोब्‍बे नुङ्‌ना खाट्‌टिउना लिसाङ् चा खिरिस्‍टङाना आड्‌डिक् बाहुमुल्‍ले नुना खाबोर पानिछोङ्‌बाचि पारचार चोक्‍माना बारदान माङ्‌हाङ्‌ङा आङा याङ्‌पिडे॥

एफिसि 3:9

हिट्‌नुङ् सोब्‍बे थोक् काचोक्‍बा माङ्‌हाङ्‌ङा पाइलेलाम्‍मा डोक् सोगोप् युङ्‌सुना राहस्‍सेङाना योजाना सोब्‍बे याप्‌मिचि लोमाचि लाउङ्‌सा आङा याङ्‌सेगे॥

एफिसि 4:21

छेम्‍बा डोक्, खानिङा उन्‍ङाना बारेङि आखेम्‍सुम्‍मे हिट्‌नुङ् येसुङि डोक् छेम्‍बाना खाबोर युङ्‌ग्‍वा नुङ् सिकाँ आलिसिए॥

एफिसि 4:7

खिरिस्‍टङा आनि ठिबाङ् ठिबाङ्‌लाउङ्‌सा आत्‌मिक् बारदान आपिडाइसे॥ हिट्‌ना बारदान उन्‍ङा पिमा निङ्‌ग्‍वा चोगुचिगा लाउङ्‌सा पिडुएसुचे॥

कालास्‌सि 1:4

पोङ्‌भोने खिरिस्‍ट येसुङि लिसाना खानि बिस्‍वास लोक् माङ्‌हाङ्‌ङाना ख्‍वाप्‍पा ओयाप्‌मिचि खानिङा माया आचोगुम्‌चिम्‍गा रिङ् आन्‍याँ खेम्‍सेसुम्‍मे॥

कालास्‌सि 1:6

ना खाबोर खानि सोरि टाइसे, हिट्‌नुङ् ना खाबोर ख्‍वाप्‍पा नाराङिगा याप्‌मिचिङा बिस्‍वास ओचोगेट्‌टु, हिट्‌नुङ् माङ्‌हाङ्‌ङाना निङ्‌ग्‍वा टाना रिङ् ओचोगेट्‌टु॥ हिट्‌नाड्‌डे डोक् खानिङा माङ्‌हाङ्‌ङाना मायादाया बारेङि ना छेम्‍बाना खाबोर आखेम्‍सुम्‍ना हिट्‌नुङ् बुजा आचोगुम्‍ना बेलालाम्‍मा डोक् खानि माझाङि चा हिट्‌नाड्‌डे डोक् लिएट्॥

१ तिमोथि 1:11

ना छेम्‍बाना हिसिक्‍मा आसिक् कापिबा माङ्‌हाङ्‌ङाना माहिमित नुना खाबोर गाड्‌डे युङ्‌ग्‍वा॥ माङ्‌हाङ्‌ङा बिस्‍वास याङ्‌चोगाउङ् ना नुना खाबोर आङा याङ्‌पिडे॥

१ तिमोथि 1:4

हिट्‌नुङ् हिट्‌नागाँ माङ्‌जोगा छिॽवाक् मुन्‍डुम्‌ङि हिट्‌नुङ् टुबाठेबाचिगा छोप्‌निना बाङ्‌सावालिलेङ् निङ्‌ग्‍वा उपिडुन्‍चा॥ नाड्‌डेगा रिङ्‌ङा माङ्‌हाङ्‌ङाना योजाना माखाक् खेमाबुङ्‌माना रिङ् एरोक् होन्‌युक्, माङ्‌हाङ्‌ङाना टोॽवाउम् बिस्‍वास काचोक्‍बा याप्‌मिङा एडोक् चोक्‍मा हिडुटु॥

१ तिमोथि 2:7

हिट्‌ना उदेसेङि डोक् माङ्‌हाङ्‌ङा आङा पारचार काचोक्‍बा हिट्‌नुङ् मुलिचेला लिमा, पानिछोङ्‌बाचि लोङ्‌सा बिस्‍वास बारे हिट्‌नुङ् छेम्‍बाना खाबोर बारेङि हिसिक्‍मा उन्‍ङा याङ्‌सेगे॥ (आङा छेम्‍बा माट्‌टुटुङ्, टेप्‌निङ्‌ना॥)

२ तिमोथि 1:11

माङ्‌हाङ्‌ङा ना नुना खाबोर खेम्‍मेप्‍माचि लोङ्‌सा डोक् आङा पारचार काचोक्‍बा, मुलिचेला हिट्‌नुङ् काहिसिक्‍बा लिमा नियुक्‍ता याङ्‌चोगे॥