एफिसि 2:5 - आठपहरिया

⁵ हिट्‌नाड्‌डेउङ् आनि पाप चोगुमुङ् सिएसिगा नुङ् चा उन्‍ङा खिरिस्‍ट सियानालाम्‍मा उहिङ्‌ग्‍वाट् चोगुङ् आनि चोला आपिडे॥ माङ्‌हाङ्‌ङा मायादाया माचोगिनाँ उन्‍ङा खानि माहिङेसिए॥

एफिसि 2:5 Iomraidhean Croise

लुका 15:24

पोङ्‌भोने ना आइछा सियेसाना, टरो फेरि उहिङ्‌ग्‍वाट् लिसाइसे॥ ना मासेसाना, टरो टुबाइसे॥’ हिट्‌नुङ् हिट्‌नागा आनान्‍दा चोक्‍मा ठालाँ ओचोगुए॥

युहान्‍ना 5:21

पोङ्‌भोने पाबाङा उसियागा याप्‌मिचि उहिङ्‌ग्‍वाट् चोगुचिउङ् चोला पिडुचिचि, हिट्‌डेडोक् छाङा चा उन्‍ङा निङ्‌ग्‍वा चोगुचिगालाउङ्‌सा चोला पिडुचिचि॥

युहान्‍ना 6:63

माङ्‌हाङ्‌ङाना ओहाङ्‌साङा याप्‌मिचि लोङ्‌सा चोला पिडुचिचि॥ याप्‌मि आप्‍पेङाम्‍बाक् चोला पिमा हिडुन्‍ना॥ आङा खानि ना रिङ्उम्‍बाक् माङ्‌हाङ्‌ङाना ओहाङ्‌सालाम्‍मा लोनानिगा ए, जुन्‍ङा चोला आपियुक्॥

मुलिचेला टोॽवा 15:11

हिट्‌नाडे चोगिन्‍चा, हिट्‌नागा गाड्‌डे डोक् आनि चा येसु डाङ्‌बाङाना दायाङा हिङिना रिङ्‌ङि आनि बिस्‍वास चोगुम्‍ना॥”

रोमि 16:20

हिट्‌नुङ् हाङ्‌हाङ् कापिबा माङ्‌हाङ्‌ङा एला डोक् सैतान उठुङ्‌ङि सासान् चोक्‍माना बोल् खानि मापिडिटि हिट्‌नुङ् हिट्‌ना जाखाम् चोगुटु॥ आनि टाङ्‌बा येसुङाना मायादाया खानिलोक् उलियाक्॥

रोमि 3:24

टरो माङ्‌हाङ्‌ङा उन्‍ङाना मायादाया आनि आपिडे हिट्‌नुङ् धारमोति आचोगे॥ उन्‍ङा खिरिस्‍ट येसुलाम्‍मा आनि पापङाना साजाएलाम्‍मा छुट्‌कारा आपिडे॥

रोमि 4:16

नाड्‌डेउङ् ना चामारसिङा बिस्‍वासलाम्‍मा टायुक्॥ ना चामारसिङा माङ्‌हाङ्‌ङा आनि खेरोक् डोक् आपिडेसे॥ हिट्‌नुङ् ना चामारसिङा आब्‍राहामङागा ख्‍वाप्‍पा पुङ्‌लाचिगा लोङ्‌सा पाक्‍का चोगुएसुए॥ ना चामारसिङाम्‍बाक् धारमाबिधि पालान् काचोक्‌चि लोङ्‌सा एडोक् माखाक्, टरो आब्‍राहाम गाड्‌डे बिस्‍वास काचोक्‌चि ख्‍वाप्‍पा लोङ्‌सा चा ए, पोङ्‌भोने आब्‍राहामबाक् आनि सोब्‍बेङाना टुबाठेबा ए॥

रोमि 5:10

पोङ्‌भोने आनि माङ्‌हाङ्‌ङाना ओसाट्‌टुर लिसिना बेला डोक् उन्‍ङा उइछा आनि लाउङ्‌सा सिमा पाङ्‌सुङ् आनि ओसाइबाचि आचोगेसे॥ छेम्‍बा डोक्, हाट्‌ले आनि ओसाइबाचि लिसिनाँ आनि उन्‍ङा उइछाङाना ओचोलालाम्‍मा आहिङ्‌युक्॥

रोमि 5:6

छेम्‍बा डोक्, पाइले आनि पापलाम्‍मा छुट्‌कारा टोक्‍मा आनि पाक्‍चा चोक्‍मा हिनेट्‌निम्॥ टरो जब माङ्‌हाङ्‌ङा टोङ्‌सुना बेला टाए, खिरिस्‍ट आनि पापि याप्‌मिचि लोङ्‌सा सिए॥

रोमि 5:8

टरो आनि पापि लिसिनाँ डोक् माङ्‌हाङ्‌ङा खिरिस्‍ट आनि लाउङ्‌सा सिमा पाङ्‌सुङ् उन्‍ङा औधि माया आचोक्‍ना रिङ् आनिमेट्‌टे॥

रोमि 8:2

पोङ्‌भोने आनि खिरिस्‍ट येसुलोक् एक्‍केउ लिसिनाँ सेङ्‌सेङ्‌ना हाङ्‌साङा आनि ओछोङ्‌ग्‍वाट् चोला आपिडेसे, हिट्‌नुङ् पाप चोक्‍मालाम्‍मा हिट्‌नुङ् सिमाना रिङ्‌लाम्‍मा छुट्‌कारा आपिडेसे॥

२ कोरिन्‌थि 13:14

टाङ्‌बा येसु खिरिस्‍टङाना मायादाया, माङ्‌हाङ्‌ङाना ओमाया हिट्‌नुङ् सेङ्‌सेङ्‌ना हाङ्‌साङाना साङ्‌गाटि खानि सोब्‍बेलोक् उलियाक्॥

एफिसि 2:1

पाइले खानिङा माङ्‌हाङ् बिरुद्‌दाङि पाप आचोगुम्‍मुङ् हाङ्‌साङि सिमाना साजाए आटोगुम्‍मे॥

एफिसि 2:8

पोङ्‌भोने माङ्‌हाङ्‌ङाना ओदायामायाङा हिट्‌नुङ् खानिङा आचोगुम्‍ना बिस्‍वासलाम्‍मा माङ्‌हाङ्‌ङा खानि माहिङेसिए॥ हिट्‌नुङ् खानि आप्‍पेङा आचोगुम्‍ना टोॽवालाम्‍मा माखाक्, नाम्‍टे माङ्‌हाङ्‌ङाना बारदान ए॥

एफिसि 5:14

हिट्‌डेउङ् याप्‌मिचिङा नाड्‌डे ओमाट्‌टुटु, “हाउ आइम्‌सिगा याप्‌मिचि, कोबानि हिट्‌नुङ् सिमालाम्‍मा उहिङ्‌ग्‍वाट् लिसानि, हिट्‌नुङ् खिरिस्‍टङाना व्‍हाङ् खानिङि ओम्‌युक्॥”

कालास्‌सि 2:13

ठिक् बेला खानिङा पाप आचोगुमुङ् हिट्‌नुङ् आझै खानिगा पापलोक्‍ना निङ्‌ग्‍वा टुक्‌निगेट्‌निना डानाउङ् खानि हाङ्‌साङि आसिएसिगा, टरो हाट्‌ले माङ्‌हाङ्‌ङा खानिगा ख्‍वाप्‍पा पापचि छेमा माचोगिबिडिउङ् खानि खिरिस्‍टलोक् उहिङ्‌ग्‍वाट् माचोगेइसे॥

तितास 2:11

सोब्‍बे याप्‌मिचि मुक्‌टि पिमाचि लोङ्‌सा डोक् माङ्‌हाङ्‌ङा ओदाया पारकाट् चोगुएसुए॥

तितास 3:5

हिट्‌नुङ् माङ्‌हाङ् ओदायाङा आनि आहिङ्‌मेट्‌टे टरो आनि आप्‍पेङा धारमिक् टोॽवा चोगुम्‍नाँ माखाक्॥ उन्‍ङा आनि ओछोङ्‌ग्‍वाट् चोला आपिडे हिट्‌नुङ् उन्‍ङा सेङ्‌सेङ्‌ना हाङ्‌सा आनि आपिडाउङ् आनिगा सोब्‍बे पापचि टुगुए हिट्‌नुङ् ओछोङ्‌ग्‍वाट् लाम्‍बोङि लाम्‌टिमाना बोल् आपिडे॥

पारकास 22:21

टाङ्‌बा येसुङाना मायादाया सोब्‍बे याप्‌मिचिलोक् उलियाक्॥ आमेन्॥