एफिसि 1:7 - आठपहरिया

^7-8 माङ्‌हाङ्‌ङा आनि आड्‌डिक् लुक्‍मा आटुक्‍टाना रिङ् आनिमेट्‌टाउङ् खिरिस्‍टङाना ओहेलिक्‌लाम्‍मा आनि छुट्‌कारा आचोगेसे हिट्‌नुङ् आनि पाप छेमा आपिडेसे॥

एफिसि 1:7 Iomraidhean Croise

मात्‌ति 20:28

हिट्‌डेडोक् याप्‌मि छा चा आरुलाम्‍मा सेवा टोक्‍मालोङ्‌सा माखाक्, टरो आरु सेवा चोक्‍मा हिट्‌नुङ् जोम् याप्‌मिचि छुट्‌कारा पिमा आप्‍पे ओसोक्‍मा लेट्‌मा लोङ्‌सा टायाना॥”

मात्‌ति 26:28

ना ओछोङ्‌ग्‍वाट् माङ्‌हुप्‌ङाना आहेलिक् ए॥ ना हेलिक् जोम् याप्‌मिचिङा पाप छेमा ओटोगु नुङ् बागाँ चोक्‌युक्॥

मात्‌ति 6:12

आन्‍याँ पाप छेमा याप्‌मिचोगाबिडा, हिड्‌डे डोक् आन्‍याँ चा आन्‍याँ बिरुद्‌दाङि पाप ओचोगुगालाउङ्‌सा छेमा पिडुएसुम्‌चिमे॥

मारकुस 14:24

हिट्‌नुङ् येसुङा हिट्‌नागा फेरि लोडुचे, “ना ओछोङ्‌ग्‍वाट् माङ्‌हुप्‌ङाना आहेलिक् ए, ना याप्‍मा याप्‌मिचिगा लोङ्‌सा वेयुक्॥

लुका 1:77

हिट्‌नुङ् याप्‌मिचि उन्‌चि पापलाम्‍मा खोड्‌डे पारिक् छेमा ओटोगुङ् उहिङ्‌युग्‍गा हिट्‌ना रिङ् लोसिङा खान् आखाॽयुक्॥

लुका 24:47

धारमाछाप्‍लाङि नाड्‌डे चा छेप्‍टेसे, पापलाम्‍मा काएल्-काबु लिमाउङ् माङ्‌हाङ्‌लाम्‍मा पापङाना छेमा टोगुम्‍ना नुना खाबोर खिरिस्‍टङा उनिङ्‌ङि यरुसलेम खालाङ्‌गालाम्‍मा उटुम् लियुङ् ख्‍वाप्‍पा छोङ्‌चिङि पारचार चोक्‍मा कोन्‌युक्॥

युहान्‍ना 20:23

जुन्‍ङाना पाप खानिङा छेमा आचोगुम्‌बिडुम्‌चिम्‌चिम्, हिट्‌नागाँगा पाप छेमा लियुक्॥ टरो जुन्‍ङाना पाप खानिङा छेमा आचोक्‌निम्‌बिनिम्‌चिम्‍गा, हिट्‌नागाँ छेमा ओटोगुन्‍ना॥”

मुलिचेला टोॽवा 10:43

ख्‍वाप्‍पा माङ्‌काटाचिङा ओबारेङि नाड्‌डे ओमाट्‌टुए, ‘येसुङि बिस्‍वास काचोक्‍बा सोब्‍बेङा उनिङ्‌लाम्‍मा पापङाना माफ ओटोगुटु’॥”

मुलिचेला टोॽवा 2:38

हिट्‌नुङ् पाटरुसङा हिट्‌नागा लोडुचे, “खानि पापलाम्‍मा छेमा टोक्‍मा लोङ्‌सा काएल्-काबु लिसानिउङ् येसु खिरिस्‍टङाना उनिङ्‌ङि बाप्‌टिस्‍मा चोगानि॥ हिट्‌नुङ् सेङ्‌सेङ्‌ना हाङ्‌साङाना बारदान आटोगुम्‍टुम्॥

मुलिचेला टोॽवा 20:28

हाट्‌ले खानि आप्‍पेलोङ्‌सा हिट्‌नुङ् सेङ्‌सेङ्‌ना हाङ्‌साङा खानि ओठेडोङ् माचोगिउङ् खानि मुक्‌ङि मापिडिगा बिस्‍वासिचि नुलोक् पुयानुम्‌चिम्॥ हिट्‌नुङ् माङ्‌हाङ्‌ङा आप्‍पे उइछा ओहेलिक्‌ङा इनुचिगा माङ्‌पाङ्‌ङि चा खानिङा नुलोक् पुयानुम्‌चिम्॥

मुलिचेला टोॽवा 3:19

हिट्‌डेउङ् हाट्‌ले खानि काएल्-काबु लिसानिउङ् खानि पापलाम्‍मा माङ्‌हाङ्‌लेङ् नोक्‍टानि, हिट्‌नुङ् उन्‍ङा खानि पाप माटुगिबिडिटि॥ हिट्‌नुङ् माङ्‌हाङ्‌लाम्‍मा खानिङा हाङ्‌हाङ् हिट्‌नुङ् बोल् आटोगुम्‍टुम्॥

रोमि 2:4

माङ्‌हाङ् आड्‌डिक् दाया हिट्‌नुङ् धैइरे काचोक्‍बा ए, उन्‍ङा खानि फेराँ लिसानि नुङ् माहाङ्‌सेट्‌टि, टरो पाक् खानिङाम्‍बाक् उन्‍ङाना दाया पाक् गाड्‌डेना चा माखाक् नुङ् आमिट्‌टिटिगि? पाक् खानि खानि पापलाम्‍मा नोक्‍टानि नुङ् माङ्‌हाङ्‌ङा दाया माचोगिना रिङ् खानिङा ठाहा ओटोक्‌निम्‍नै?

रोमि 3:24

टरो माङ्‌हाङ्‌ङा उन्‍ङाना मायादाया आनि आपिडे हिट्‌नुङ् धारमोति आचोगे॥ उन्‍ङा खिरिस्‍ट येसुलाम्‍मा आनि पापङाना साजाएलाम्‍मा छुट्‌कारा आपिडे॥

रोमि 3:25

माङ्‌हाङ्‌ङा खिरिस्‍ट येसु आनि पाप लाउङ्‌सा भोक् लिमा पाङ्‌सुए, हिट्‌नुङ् उन्‌ङि बिस्‍वास काचोक् याप्‌मिचिगा पाप ओहेलिक् वेडुङ् टुगुबिडुएसुचे॥ माङ्‌हाङ्‌ङा ना टोॽवा चोगुङ् उन् धारमोति नुङ् आप्‍पेलाउङ्‌सा पारकाट् चोगुए, पोङ्‌भोने पाइले माङ्‌हाङ् आड्‌डिक् धैइरे चोगे, हिट्‌नुङ् याप्‌मिचिङा ओचोगुना पापङाना साजाए पिडुवाट्‌टुन्‌चिन्॥

रोमि 9:23

हिट्‌नुङ् माङ्‌हाङ्‌ङा खोनालाउङ्‌सा दाया चोगुचिचि हिट्‌नुङ् पाइले डोक् उन्‍ङाना माहिमा टोक्‍मा टेयार चोगुचिगा याप्‌मिचि लाउङ्‌सा उन्‍ङाना बाहुमुल्‍ले माहिमा निमेट्‌मा उन्‍ङा नाड्‌डे चोगुए॥

१ कोरिन्‌थि 1:30

माङ्‌हाङ्‌ङा आनि खिरिस्‍ट येसुलोक् ठिक्‍ए आचोगाइसे, हिट्‌नुङ् आनिना ओचेट्‌नु लाउङ्‌सा माङ्‌हाङ्‌ङा खिरिस्‍ट डोक् आनिना ठोना आचोगाबिडे॥ खिरिस्‍टङा आनि माङ्‌हाङ् ओटोकानाङि धारमोति आचोगाइसे, हिट्‌नुङ् आनि चोखो लोक् सेङ्‌सेङ् आचोगाइसे, हिट्‌नुङ् पापलाम्‍मा आनि छुट्‌कारा आचोगाइसे॥

२ कोरिन्‌थि 8:9

पोङ्‌भोने आनि टाङ्‌बा येसु खिरिस्‍टङाना मायादाया खानिङा ठाहा आटोगुम्‍टुम्॥ उन् वागाठागा लिसा चा खानि लोङ्‌सा पाक्‍चा मालेना लिसे॥ उन् पाक्‍चा मालेना लिसाउङ् खानि वागाठागा चोक्‍मा उन्‍ङा नाड्‌डे चोगुए॥

एफिसि 1:14

माङ्‌हाङ्‌ङा उन्‍ङाना सेङ्‌सेङ्‌ना हाङ्‌सा बैना युङ्‌बालाक् ओफाबा गाड्‌डे आनि भिट्‌रा आठेन्‍डाबिडेसे॥ हिट्‌नुङ् ना रिङ्‌ङा उन्‍ङा सेगुचिगा याप्‌मिचि छेम्‍बा डोक् हिङुचिचि नुङ् निमेट्‌माना निङ्‌ग्‍वा चोगुए॥ ना रिङ्‌ङाम्‍बाक् माङ्‌हाङ्‌ङाना उनिङ् चोम्‍माना लोक् माहिमा चोक्‍माना रिङ् टाडुटु॥

एफिसि 1:18

आनि खिरिस्‍टङि युङ्‌सुम्‍ना आसा खानिङा बुजा चोक्‍मा माङ्‌हाङ्‌ङा घुवार माफाडियाक् नुङ् आङा बिन्‌टि चोगुङ्‌टुङ्, हिट्‌नुङ्‌ना माङ्‌हाङ्‌ङा सेगुचिगा ओयाप्‌मिचि चामारसिङा चोगुना ओचेट्‌नुना रिङ्‌ङाना उटुप् खानिङा बुजा आचोगुम्‍टुम्, हिट्‌नुङ् उन्‍ङा सेगुचिगा याप्‌मिचिङा ओचोगुनाँ माङ्‌हाङ्‌ङा ठेना मान् टोगुटु॥

एफिसि 1:6

नाड्‌डेउङ् माङ्‌हाङ्‌ङा उन्‍ङाना मायालु छालाम्‍मा उन्‍ङाना माहिमालोक्‍ना मायादाया आनि आपिडानाँ उन् लोङ्‌सा पोए-पोए ठाङ्‌सुम्॥

एफिसि 2:4

टरो माङ्‌हाङ्‌ङाना दाया औधि जोम्‍ना ए हिट्‌नुङ् उन्‍ङा आनि आड्‌डिक् माया आचोक्‌युक्॥

एफिसि 2:7

नाड्‌डेउङ् माङ्‌हाङ्‌ङा खिरिस्‍ट येसुलाम्‍मा उन्‍ङाना ओदाया आनि आनिमेट्‌टे, हिट्‌डेउङ् हान्‍डेङ्‌म्‍बाक् उन्‍ङाना ओदाया आम्‍टेप्‍मा ठेना नुङ् याप्‌मिचिङा उनिसुटु॥

एफिसि 3:16

उन्‍ङाना माङ्‌ठेना हिट्‌नुङ् माहिमित ओबोल्‌लाम्‍मा माङ्‌हाङ्‌ङाना ओहाङ्‌साङा खानि निङ्‌ग्‍वा बोल्‍लेउ माचोगिबिडिटि नुङ् आङा बिन्‌टि ठाङ्‌सुङ्‌टुङ्॥

एफिसि 3:8

सोब्‍बे माङ्‌हाङ् ओयाप्‌मिचि माड्‌डे आङा सोब्‍बे नुङ्‌ना खाट्‌टिउना लिसाङ् चा खिरिस्‍टङाना आड्‌डिक् बाहुमुल्‍ले नुना खाबोर पानिछोङ्‌बाचि पारचार चोक्‍माना बारदान माङ्‌हाङ्‌ङा आङा याङ्‌पिडे॥

फिलिप्‌पि 4:19

हाट्‌ले आङा सेवा चोगुङ्‌ना माङ्‌हाङ्‌ङा खानिगा ख्‍वाप्‍पा आभोर मायुडिबिडिटि॥ उन्‌लोक् छिक्‍मा हिनिम्‍ना आड्‌डिक् याप्‍मा माक्‍फेन्‍सुबेन् युङ्‌ग्‍वा, हिट्‌ना खिरिस्‍ट येसुङि उलिसागालाउङ्‌सा पिडुचिचि॥

कालास्‌सि 1:14

उइछाङा आनि छुट्‌कारा आपिडाइसे हिट्‌नुङ् आनि पाप माफ आचोगाबिडाइसे॥

कालास्‌सि 1:27

माङ्‌हाङ्‌ङा ओयाप्‌मिचिलाउङ्‌सा ना माहिमित ठोबाना रिङ् पानिछोङ्‌बाचि लाउङ्‌सा आड्‌डिक् चाहाब् लिना रिङ् नुङ् निमेट्‌माचिगा निङ्‌ग्‍वा चोगुए॥ ना ठोबाना रिङ्उम्‍बाक् खिरिस्‍ट खानिङि लिमा ए, ना रिङ्‌ङा खानि उन्‍ङाना माहिमा टोक्‍माना रिङ्‌ङाना निस्‍चाएता मापिडिटि॥

कालास्‌सि 2:13

ठिक् बेला खानिङा पाप आचोगुमुङ् हिट्‌नुङ् आझै खानिगा पापलोक्‍ना निङ्‌ग्‍वा टुक्‌निगेट्‌निना डानाउङ् खानि हाङ्‌साङि आसिएसिगा, टरो हाट्‌ले माङ्‌हाङ्‌ङा खानिगा ख्‍वाप्‍पा पापचि छेमा माचोगिबिडिउङ् खानि खिरिस्‍टलोक् उहिङ्‌ग्‍वाट् माचोगेइसे॥

कालास्‌सि 2:2

खानि ख्‍वाप्‍पाङा आँट् टोगानुम् हिट्‌नुङ् खानि खानिङि माया चोगानिउङ् एक्‍केउ लिसानि नुङ् आङा नाड्‌डे चोगुङ्‌ना॥ हिड्‌डे लिसानाँ खानि निङ्‌ग्‍वाङि आड्‌डिक् बोल्‍लेउ आलिसिउङ् सोब्‍बे माङ्‌हाङ्‌ङाना रिङ् बुजा चोक्‍मा आहिडुम्‍टुम्, हिट्‌नुङ् माङ्‌हाङ्‌ङाना ठोबाना रिङ् डोक् खिरिस्‍ट ए नुङ् मिसेन् आनिसुम्‍टुम्॥

१ तिमोथि 2:6

ख्‍वाप्‍पा याप्‌मिचि छुट्‌कारा पिमा उन् भोक् लिसे॥ ना खाबोर डोक् माङ्‌हाङ्‌ङा नाराङिगा याप्‌मिचि ठिक्‍का बेलाङि डोक् पिडुचे॥

तितास 2:14

येसु खिरिस्‍टङा आनिगा सोब्‍बे पारिग्‍गा पापलाम्‍मा साम्‍मा लोङ्‌सा ओसोक्‍मा डोक् पिडुए॥ उन्‍ङा आनि चोख्‍याँ आचोगाउङ् आप्‍पे ओयाप्‌मिचि आचोगे, हिट्‌नुङ् नुना टोॽवा एरोक् चोक्‍माना निङ्‌ग्‍वा याप्‌मिचि पिडुचे॥

तितास 3:6

आनि काहिङ्‌मेप्‍बा डाङ्‌बा येसु खिरिस्‍टलाम्‍मा माङ्‌हाङ्‌ङा सेङ्‌सेङ्‌ना हाङ्‌सा आनिङि छेल्‍बेल लिलोक् हुङ्‌सुए॥

हिब्‍रु 9:22

छेम्‍बा डोक्, धारमाबिधिङा माट्‌टु गाड्‌डे भोक् ठाङ्‌बालाक् हेलिक्‍ङा कारिब् कारिब् सोब्‍बे थोक् चोख्‍याँ चोगुटु, हिट्‌नुङ् हेलिक्‌ङाना भोक् मिठाङ्‌ङे पाप छेमा लिमा हिनिना॥

१ पाटरुस 2:24

आनि पाप लाउङ्‌सा सिइउङ् धारमिक्‍ता लाउङ्‌सा हिङि नुङ् खिरिस्‍ट आप्‍पेङा ओयेम्‌ङि आनि पाप खाप्‍चेङि खुयुए॥ हिड्‌नाड्‌डेउङ् उन्‍ङाना खेसिक्‌लाम्‍मा खानि आनुइए॥

१ पाटरुस 3:18

पोङ्‌भोने खिरिस्‍ट आनि पाप लोङ्‌सा एक्‍के खेप् सिए॥ ठिबाङ् नुना याप्‌मि कायाङ्‌छाबा याप्‌मिचि लाउङ्‌सा सिए॥ खिरिस्‍टङा आनि माङ्‌हाङ् सोरि खाप्‍माउङ्‌सा हिड्‌डे चोगुए॥ उन् याप्‌मिचिगा गाड्‌डे येम्‌ङि लिसानाँ सिए, टरो माङ्‌हाङ्‌ङाना ओहाङ्‌साङा उन् फेरि उहिङ्‌ग्‍वाट् चोगुए॥

१ युहान्‍ना 2:12

खानि आइछाचि गाड्‌डेगा, खानि लाउङ्‌सा आङा छेप्‍टुएट्‌टुङ्, पोङ्‌भोने उन्‍ङाना उनिङ्‌ङि खानि पाप छेमा लिसाइसे॥

१ युहान्‍ना 2:2

उन् आप्‍पे डोक् आनि पाप टुग्‍माउङ्‌सा भोक् लिसे, हिट्‌नुङ् आनि लाउङ्‌सा एरोक् माखाक्, टरो नाराङिगा सोब्‍बे याप्‌मिचि लाउङ्‌सा चा ए॥

१ युहान्‍ना 4:10

छेम्‍बाना मायाम्‍बाक् ना ए, माङ्‌हाङ् आनि माया चोगुम्‍ना माखाक्, टरो उन्‍ङा आनि माया आचोगे, हिट्‌नुङ् आनि पाप टुग्‍मा लोङ्‌सा भोक् लिमा उन्‍ङा आप्‍पे उइछा पाङ्‌सुए॥

पारकास 14:4

हिट्‌नागा खोना चा मेच्‍छेमाचिलोक् ओचाफेन्‍ना टोॽवा ओचोक्‍नेट्‌निगा हिट्‌नुङ् उन्‌चि आप्‍पेलाउङ्‌सा चोखो उयुङ्‌सुएसुए॥ हिट्‌नागाँ थुमा खोनालेङ् खाट्‌चा उन् रोक् उरिक्‍टुना डाना॥ हिट्‌नुङ् नाराङिगा याप्‌मिचिलाम्‍मा छुट्‌कारा ओटोगुगा याप्‌मिचि हिट्‌नागा डोक् ए, हिट्‌नुङ् माङ्‌हाङ् लोक् थुमा लोङ्‌सा ओसाम्‍डुचिगा पाइलेगा याप्‌मिचि हिट्‌नागा डोक् ए॥

पारकास 5:9

हिट्‌नागाँ नाड्‌डे पिक्‍सा ठिक् ओछोङ्‌ग्‍वाट् छाम्‍लो ओठाक्‍टुए, “ना छाप्‍लाङाना मुठा खान्‍ङा एडोक् काप्‍मा आहिडुटु हिट्‌नुङ् हिट्‌नागा छाप्‌चि ओङ्‌मा योग्‍ए खान् एडोक् ए, पोङ्‌भोने याप्‌मिचिङा खान् मासेडे, हिट्‌नुङ् खान्‍ङा काहेलिक् आवेडुङ् ख्‍वाप्‍पा छोङ्‌बाचि, खाले-खाले रिङ् काचेक्, सोब्‍बे याप्‌मिचि हिट्‌नुङ् ख्‍वाप्‍पा देसङिगा माङ्‌हाङ् लाउङ्‌सा छुट्‌कारा आपिडुचे॥