एफिसि 1:6 - आठपहरिया

⁶ नाड्‌डेउङ् माङ्‌हाङ्‌ङा उन्‍ङाना मायालु छालाम्‍मा उन्‍ङाना माहिमालोक्‍ना मायादाया आनि आपिडानाँ उन् लोङ्‌सा पोए-पोए ठाङ्‌सुम्॥

एफिसि 1:6 Iomraidhean Croise

मात्‌ति 17:5

पाटरुस हिड्‌डे पिक्‍सा चेक्‍टेट्‌टाना बेला ओम्‍साना खिमेमा उङ्‌साउङ् हिट्‌नागा टेप्‍टुचे, हिट्‌नुङ् हिट्‌ना खिमेमा भिट्‌रालाम्‍मा ठिक् नाड्‌डेना रिङ् मुक्‍टे, “ना आङाना आमायालु छा, उन्‌लोक् आङा आड्‌डिक् हारका लिसाङे, उन्‍ङा मालोडिगा रिङ् खेम्‍सानुम्॥”

मात्‌ति 20:9

“हिट्‌नुङ् लेम्‍बोक् बाजे टोॽवाङि ओकेङागा खेतालाचि ओआबे, हिट्‌नुङ् हिट्‌नागा सोब्‍बेङा ठिक् लेम्‍बा चोक्‍बालाक् टोॽवाङाना निम्‍याक् ओटोगुए॥

मात्‌ति 3:17

हिट्‌ना बेला डोक् टोनालोग्‌लाम्‍मा ठिक् साब्‍दा मुक्‍टे, “ना आङाना आमायालु छा, उन्‌लोक् आड्‌डिक् टुक्‍लोक् आचाप् टाइसे॥”

लुका 2:14

“सोब्‍बे नुङ्‌ना उठुइ टोनालोग्‌ङि आयुङ्‌ना माङ्‌हाङ्‌ङाना निङ् टो-टो उलियाक्, हिट्‌नुङ् उन्‍ङा निङ्‌ग्‍वा टाडुचिगा ना नाराङिगा याप्‌मिचिङा हाङ्‌हाङ् निङ्‌ग्‍वा ओटोगुयाक्‍टुवाक्॥”

युहान्‍ना 10:17

“पाबाङा आङा माया याङ्‌चोक्‌युक्, पोङ्‌भोने आङा आचोला फेरि नोक्‍माउङ्‌सा भोक् चोगुङ्‌टुङ्॥

युहान्‍ना 3:35

माङ्‌हाङ् पाबाङा उइछा माया चोगुटु हिट्‌नुङ् ख्‍वाप्‍पा थोक् उमुक्‌ङि डोक् पिडुएसुए॥

रोमि 8:1

हिट्‌नाडेउङ् हाट्‌ले खिरिस्‍ट येसुङि भोरोसा उयुङ्‌सुगालाउङ्‌सा माङ्‌हाङ्‌ङा फाट्‌टुर लाबुन्‌चिन्‍गा॥

२ कोरिन्‌थि 4:15

नागा सोब्‍बे रिङ् खानि लोङ्‌सा नुलोक् उलियाक् नुङ् डोक् लिसागा ए, हिट्‌नाडे लिसानाँ आम्‍टेप्‍मा जोम् याप्‌मिचिङा माङ्‌हाङ्‌ङाना ओदायामाया ओटोगुटु॥ हिट्‌नालाम्‍मा याप्‌मिचिङा जोम् उन् पोए-पोए ओठाङ्‌सुटु, हिट्‌नुङ् ना रिङ्‌ङा माङ्‌हाङ्‌ङाना माहिमा लियुक्॥

२ कोरिन्‌थि 5:21

पोङ्‌भोने आनिउम्‍टे खिरिस्‍टलाम्‍मा माङ्‌हाङ् ओटोकानाङि धारमोति उलिसियाक् नुङ् पाप डोक् चोगुन्‍गेट्‌टुन्‍ना खिरिस्‍ट माङ्‌हाङ्‌ङा आनि पाप लाउङ्‌सा भोक् ठाङ्‌मा मेट्‌टुए॥

एफिसि 1:12

हिट्‌नाड्‌डेउङ् आनि याहुदिचिम्‍बाक् खिरिस्‍टङा आनि बाचाँ आचोक्‌युक् नुङ् आसा काचोक्‍बाचि माड्‌डे पाइलेगा याप्‌मिचि ए॥ उन्‍ङाना निङ्‌ग्‍वाम्‍बाक् आनिलाम्‍मा उन्‍ङा मान् टोक्‍मा कोन्‌युक्॥

एफिसि 1:14

माङ्‌हाङ्‌ङा उन्‍ङाना सेङ्‌सेङ्‌ना हाङ्‌सा बैना युङ्‌बालाक् ओफाबा गाड्‌डे आनि भिट्‌रा आठेन्‍डाबिडेसे॥ हिट्‌नुङ् ना रिङ्‌ङा उन्‍ङा सेगुचिगा याप्‌मिचि छेम्‍बा डोक् हिङुचिचि नुङ् निमेट्‌माना निङ्‌ग्‍वा चोगुए॥ ना रिङ्‌ङाम्‍बाक् माङ्‌हाङ्‌ङाना उनिङ् चोम्‍माना लोक् माहिमा चोक्‍माना रिङ् टाडुटु॥

एफिसि 1:18

आनि खिरिस्‍टङि युङ्‌सुम्‍ना आसा खानिङा बुजा चोक्‍मा माङ्‌हाङ्‌ङा घुवार माफाडियाक् नुङ् आङा बिन्‌टि चोगुङ्‌टुङ्, हिट्‌नुङ्‌ना माङ्‌हाङ्‌ङा सेगुचिगा ओयाप्‌मिचि चामारसिङा चोगुना ओचेट्‌नुना रिङ्‌ङाना उटुप् खानिङा बुजा आचोगुम्‍टुम्, हिट्‌नुङ् उन्‍ङा सेगुचिगा याप्‌मिचिङा ओचोगुनाँ माङ्‌हाङ्‌ङा ठेना मान् टोगुटु॥

एफिसि 2:7

नाड्‌डेउङ् माङ्‌हाङ्‌ङा खिरिस्‍ट येसुलाम्‍मा उन्‍ङाना ओदाया आनि आनिमेट्‌टे, हिट्‌डेउङ् हान्‍डेङ्‌म्‍बाक् उन्‍ङाना ओदाया आम्‍टेप्‍मा ठेना नुङ् याप्‌मिचिङा उनिसुटु॥

फिलिप्‌पि 1:11

हिट्‌नुङ् येसु खिरिस्‍टङाना बोल्‌लाम्‍मा खानि चोलाङि धारमिक्‍ताङाना टोॽवा चोगानुम्, ना ओचेट्‌नुना टोॽवा याप्‌मिचिङा उनिसुङ् माङ्‌हाङ् मान् उपिडुटु हिट्‌नुङ् उनिङ् ओचोन्‍डुटु॥

फिलिप्‌पि 3:9

हिट्‌नुङ् आङा उन्‍ङाना लिमा उहिङाक् नुङ् हिड्‌डे चोगुङ्‌टुङ्॥ धारमाबिधि पालान् चोगुङ् माङ्‌हाङ्‌ङाना ओटोकानाङि आङा धारमि लिमा हिनिङ्‌ना॥ टरो खिरिस्‍टङि बिस्‍वास चोगुङुङ् एडोक् माङ्‌हाङ्‌ङा आङा धारमोति नुङ् याङ्‌लोयुक्॥

फिलिप्‌पि 4:19

हाट्‌ले आङा सेवा चोगुङ्‌ना माङ्‌हाङ्‌ङा खानिगा ख्‍वाप्‍पा आभोर मायुडिबिडिटि॥ उन्‌लोक् छिक्‍मा हिनिम्‍ना आड्‌डिक् याप्‍मा माक्‍फेन्‍सुबेन् युङ्‌ग्‍वा, हिट्‌ना खिरिस्‍ट येसुङि उलिसागालाउङ्‌सा पिडुचिचि॥

कालास्‌सि 1:13

माङ्‌हाङ्‌ङा डोक् आनि डुम्‍बारिक्‌ङिना साक्‌तिलाम्‍मा छुट्‌कारा आपिडे, हिट्‌नुङ् उन्‍ङाना ओमायालु छाङाना उमुलुक्‌ङि आसोन्‍डाइसे॥

१ पाटरुस 2:5

खानि चा उहिङ्‌ग्‍वाट् लुङ्‌गेॽवा लिसानिउङ् आबानि हिट्‌नुङ् आत्‌मिक् माङ्‌ठाना चोक्‍मा आप्‍पेलोङ्‌सा पिडानुम्॥ हिट्‌नि खानि येसु खिरिस्‍टङाना नाताङा चोगुनाँ माङ्‌हाङ्‌ङाना उनिङ्‌ग्‍वा टासुना आत्‌मिक् भोक् काठाङ्‌बा सेङ्‌सेङ्‌ना पुजारिङाना टोॽवा आचोगुम्‍टुम्॥

१ पाटरुस 2:9

टरो खानिम्‍टे माङ्‌हाङ्‌ङा मासेगिगा छोङ्‌बाचि, मुलुक्‌ङिना पुजारिचि, सेङ्‌सेङ्‌गा छोङ्‌बाचि, माङ्‌हाङ्‌ङाना आप्‍पे ओयाप्‌मिचि ए॥ खानिङा उन्‍ङाना ओबोल्‌ङाना टोॽवाचि पारचार चोगानुम् नुङ् उन्‍ङा खानि डुम्‍बारिक्‌लाम्‍मा उन्‍ङाना डोङ् ठोङ्‌डिना ओव्‍हाङ्‌ङि माआप्‌टिए॥

१ पाटरुस 4:11

कोइलोक् चेक्‍माना बारदान युङ्‌ग्‍वा भोने माङ्‌हाङ् उन्‌लाम्‍मा चेक्‌टि गाड्‌डे डोक् हिट्‌ना ओचेक्‌याक्॥ कोइङा सेवा चोगुटु भोने माङ्‌हाङ्‌ङा पिडुना बोल्‌लाम्‍मा हिट्‌नाँ सेवा ओचोगुवाक्॥ हिड्‌डेउङ् नागा ख्‍वाप्‍पा रिङ्‌ङि येसु खिरिस्‍टलाम्‍मा माङ्‌हाङ्‌ङाना डोक् उनिङ् टो-टो उलियाक्॥ ख्‍वाप्‍पा माहिमा हिट्‌नुङ् बोल् उन्‌ङि डोक् सोरोक् उलियाक्॥ आमेन्॥