एफिसि 1:1 - आठपहरिया

¹ आङा पावाल माङ्‌हाङ्‌ङाना उनिङ्‌ग्‍वालाम्‍मा याङ्‌सेगाना येसु खिरिस्‍टङाना मुलिचेलालाम्‍मा, एफिसास खालाङ्‌गाङिगा खिरिस्‍ट येसुङि बिस्‍वास काचोक् माङ्‌हाङ् ओयाप्‌मिचि लाउङ्‌सा ना चिट्‌ठि छेप्‍टुङ्‌गेट्‌टुङ्॥

एफिसि 1:1 Iomraidhean Croise

लुका 16:10

येसुङा फेरि लोडुचे, “खाट्‌टिउना रिङ्‌ङि बिस्‍वासिलो लिना याप्‌मि ठेना रिङ्‌ङि चा बिस्‍वासिलो लियुक्॥ हिट्‌डेडोक् खाट्‌टियुना रिङ्‌ङि बिस्‍वासिलो लिनिना याप्‌मि ठेना रिङ्‌ङि चा बिस्‍वासिलो लिनिना॥

मुलिचेला टोॽवा 16:15

हिट्‌नुङ् उन्‌लोक् ओपाङ्‌ङिगा ख्‍वाप्‍पाङा बाप्‌टिस्‍मा ओलाडुए॥ हिट्‌नुङ् हिट्‌नाँ ओपाङ्‌ङि युङ्‌मा आन्‍याँ स्‍या मेट्‌सा याप्‌मिलोडे, “खानिङा आङा छेम्‍बा डोक् बिस्‍वासि झान्‍झा आलोडिटिङा भोने, आपाङ्‌ङि आबानिउङ् युङानि॥” हिट्‌नुङ् हिट्‌नाँ आन्‍याँ ओपाङ्‌ङि खाप्‍मा डोक् याप्‌मि मेट्‌टे॥

मुलिचेला टोॽवा 18:19

हिट्‌नागा एफिसास खालाङ्‌गाङि ओटासुङ् पावालङा पिरिस्‌किला लोक् आकिलास हिट्‌नि डोक् नाडुचे॥ हिट्‌नुङ् पावालउम्‍बाक् याहुदिचिगा छुम्‍मापाङ्‌ङि खाडाउङ् याहुदिचिलोक् बादबिबाद चोगे॥

मुलिचेला टोॽवा 18:21

हिट्‌नुङ् पावालङा नाट्‌डे लोडुचिउङ् हिट्‌नागालोक् सेन्‍डे, “माङ्‌हाङ्‌ङाना उनिङ्‌ग्‍वा लिसे भोने, आङा फेरि खानि सोरि नोक्‍ङा टाङा॥” हिट्‌डे लोडुचिउङ् उन् चुवाखोङ्‌डाङ्‌ङि ठाङाउङ् एफिसासलाम्‍मा लाम्‌टिए॥

मुलिचेला टोॽवा 9:13

टरो हानानियाङा लोडुए, “हाउ आडाङ्‌बा, हिट्‌नाँम्‍टे यरुसलेमङिगा बिस्‍वासि याप्‌मिचि जोम् याङ्‌छामा चाट्‌टुचिगा याप्‍मा याप्‌मिचिलाम्‍मा आङा खेम्‍सुएसुङे॥

रोमि 1:1

आङा पावाल खिरिस्‍ट येसुङाना सेवाक्‌ङा ना चिट्‌ठि छेप्‍टुङ्‌गेट्‌टुङ्॥ माङ्‌हाङ्‌ङा आङा मुलिचेला लिमा याङ्‌सेगे, हिट्‌नुङ् माङ्‌हाङ्‌ङाना नुना खाबोर पारचार चोक्‍मा कोन्‍ना टोॽवाङि उन्‍ङा याङ्‌साम्‍डे॥

रोमि 1:7

हिट्‌डेउङ् खानि सोब्‍बे रोमङि आयुङिगा मायालु याप्‌मिचि खानिलाउङ्‌सा माङ्‌हाङ्‌ङा माया माचोगिटि हिट्‌नुङ् ओयाप्‌मिचि नुङ् माछेम्‌डिगा खानि लाउङ्‌सा ना चिट्‌ठि छेप्‍टुङ्‌गेट्‌टुङ्॥ हिट्‌नुङ् खानिलाउङ्‌सा माङ्‌हाङ् आनि पाबा लोक् आनि डाङ्‌बा येसु खिरिस्‍टङा मायादाया लोक् हाङ्‌हाङ् मापिड्‌याक् नुङ् आङा बिन्‌टि चोगुङ्‌टुङ्॥

रोमि 8:1

हिट्‌नाडेउङ् हाट्‌ले खिरिस्‍ट येसुङि भोरोसा उयुङ्‌सुगालाउङ्‌सा माङ्‌हाङ्‌ङा फाट्‌टुर लाबुन्‌चिन्‍गा॥

१ कोरिन्‌थि 4:12

हिट्‌नुङ् चामा-ठुङ्‌मा लोङ्‌सा आन्‍याँ आप्‍पे मुक्‍ङा टोॽवा चोगुम्‍टुम्‍मा॥ आरुङा साराप ओयाङ्‌नाँ हिट्‌नागा आसिक् पिडुम्‌चिम्‍मागा॥ याप्‌मिचिङा ओचाफेन्‍लोक् चाट्‌ला याप्‌मि ओमेट्‌नाँ आन्‍याँ आङ्‌डुम्‍टुम्‍मा॥

१ कोरिन्‌थि 4:17

नाड्‌डेउङ् आङा माया चोगुङ्‌ना हिट्‌नुङ् टाङ्‌बाङि बिस्‍वासङि बोल्‍लेउ आइछा गाड्‌डेना तिमोथि खानि सोरि पाङ्‌सुङ्‌गेट्‌टुङ्॥ आङा सोब्‍बे डेन्‌ङि लोक् ख्‍वाप्‍पा माङ्‌पाङ्‌ङि हिसिक्‍टुङ्‌चिङ् गाड्‌डे डोक् खिरिस्‍टङि आङाना आचोला खोड्‌डेना हिट्‌ना रिङ् उन्‍ङा खानि फेरि माहिसिक्‌टिटि॥

२ कोरिन्‌थि 1:1

माङ्‌हाङ् उनिङ्‌ग्‍वालाम्‍मा खिरिस्‍ट येसुङाना मुलिचेला आङा पावाल, हिट्‌नुङ् आनि झान्‍झा तिमोथिलाम्‍मा ना चिट्‌ठि ए॥ आङा ना चिट्‌ठि कोरिन्‌थि खालाङ्‌गाङि उलिसागा माङ्‌हाङ् माङ्‌पाङ्‌ङिगा याप्‌मिचि हिट्‌नुङ् आखैया छेट्‌राङि उयुङ्‌गा सोब्‍बे माङ्‌हाङ् ओयाप्‌मिचि लोङ्‌सा छेप्‍टुएट्‌टुङ्॥

गालाति 1:1

आङा पावाल मुलिचेलालाम्‍मा ना चिट्‌ठि छेप्‍टुङ्‌टुङ्॥ आङा खोना चा याप्‌मिलाम्‍मा आथाबा याप्‌मिचिगा आधिकारलाम्‍मा मुलिचेला लिसाङ्‌ना माखाक्, टरो येसु खिरिस्‍ट हिट्‌नुङ् उन् सियानालाम्‍मा उहिङ्‌ग्‍वाट् काचोक्‍बा माङ्‌हाङ् पाबाङा डोक् मुलिचेला लिमा याङ्‌सेगाना ए॥

गालाति 3:26

हाट्‌ले खानि सोब्‍बे बिस्‍वासलाम्‍मा डोक् खिरिस्‍ट येसुङि माङ्‌हाङ्‌ङाना ओछालेट्‌चि आलिसिएसिए॥

गालाति 3:28

हाट्‌ले खिरिस्‍ट येसुङि याहुदि याप्‌मि चा माखाक्, गिरिक् चा माखाक्, कामारा चा माखाक्, छुट्‌कारा टोगुना याप्‌मि चा माखाक्, येम्‍बेछा चा माखाक्, मेन्‍झेमा चा माखाक्, पोङ्‌भोने खिरिस्‍टङि खानि सोब्‍बे ठिक् एडोक् ए॥

गालाति 3:9

हिट्‌नाड्‌डेउङ् आब्‍राहामङा बिस्‍वास चोगुङ् आसिक् टोगु गाड्‌डे डोक् माङ्‌हाङ्‌ङि बिस्‍वास काचोक्‍बाचिङा चा हिट्‌डेना आसिक् डोक् ओटोगुटु॥

एफिसि 1:15

खानिङा टाङ्‌बा येसुङि आचोगुम्‍ना बिस्‍वास हिट्‌नुङ् माङ्‌हाङ् सोब्‍बे ओयाप्‌मिचि खानिङा माया आचोगुम्‌चिगा रिङ् खेम्‍सुङ्‌नाँ,

एफिसि 2:10

माङ्‌हाङ्‌ङा आनि आचोगाना ए॥ खिरिस्‍ट येसुलोक् आनिना साम्‍बान्‍धा लिसानाँ, आनि चोलाङि नुना टोॽवा चोक्‍मा लाउङ्‌सा ओछोङ्‌ग्‍वाट् चोला आनि टोगुएसुम्‍मे॥ आनि हिट्‌नागा नुगा टोॽवा चोगुम् नुङ् माङ्‌हाङ्‌ङा पाइले डोक् टेयार चोगुएसुना॥

एफिसि 2:13

टरो हाट्‌ले खानि खिरिस्‍ट येसुलोक् एक्‍केउ आलिसेसिए॥ ठिक् बेला खानि माङ्‌हाङ्‌लाम्‍मा लाप्‍माङ् आलिसिए, टरो हाट्‌लेम्‍बाक् माङ्‌हाङ् आप्‍पेङा खिरिस्‍टङा ओहेलिक्‌लाम्‍मा खानि नेट्‌टाङ् माचोगेसिए॥

एफिसि 2:6

हिट्‌नुङ् माङ्‌हाङ्‌ङा आनि खिरिस्‍टलोक् उहिङ्‌ग्‍वाट् आचोगे, हिट्‌नुङ् टोनालोक्‌ङिना डेन्‌ङि खिरिस्‍ट येसुलोक् एक्‍केउ आयुङ्‌से॥

एफिसि 6:21

आङा नाहि खोड्‌डे वाङेट्‌ङा हिट्‌नुङ् पाक् चोक्‍ङेट्‌ङाना हिट्‌ना रिङ् खानिङा ठाहा टोगानुम् नुङ् आङा तुखिकास खानिङि पाङ्‌सुङ्‌गेट्‌टुङ्॥ ना तुखिकास आनिना मायालु झान्‍झा ए, हिट्‌नुङ् उन् टाङ्‌बाङाना सेवा काचोक्‍बा बिस्‍वासिलो ए॥ उन्‍ङा डोक् आन्‍याँना बारेङि खानि मालोडिटि हिट्‌नुङ् खानि निङ्‌ग्‍वा बोल्‍लेउ माचोगिबिडिटि॥

कालास्‌सि 1:2

आङा ना चिट्‌ठि कालास्‌सि खालाङ्‌गाङि माङ्‌हाङ्‌ङाना सेङ्‌सेङ्‌गा ओयाप्‌मिचि खिरिस्‍टङि बिस्‍वासिलो बिस्‍वासि भुम्‍बु-झान्‍झाचिलोङ्‌सा छेप्‍टेट्‌टुङ्॥ माङ्‌हाङ् आनि पाबाङा खानि मायादाया लोक् हाङ्‌हाङ् मापिड्‌याक्॥

पारकास 17:14

हिट्‌ना जिवाट् हिट्‌नुङ् ठिमेक् हाङ्‌बाचि माङ्‌हाङ्‌ङाना थुमा बिरुद्‌दाङि उचुङ्‌युक्, टरो थुमा लोक् उन् बिस्‍वास काचोक्‌चिङा हिट्‌नागा ओमेट्‌टुचिचि, पोङ्‌भोने उन् डाङ्‌बाचिगा टाङ्‌बा हिट्‌नुङ् हाङ्‌बाचिगा हाङ्‌बा ए॥ थुमालोक् उलिसागा बिस्‍वासिचिम्‍बाक् माङ्‌हाङ्‌ङा छेम्‍डुचिगा, सेगुचिगा हिट्‌नुङ् बिस्‍वासिलो उलिसाउङ् उन्‍ङाना सेवा काचोक् याप्‌मिचि ए॥”

पारकास 2:10

हाट्‌ले खानिङा आङ्‌डुम्‍लाबुम्‍ना याङ्‌छामालोक् किट्‌नेनिन्॥ खानि बिस्‍वास जाँचा चोक्‍माउङ्‌सा खानि माड्‌डे कोइ-कोइ सैतानङा खाम्‍बाङ्‌ङि माठेन्‌डिटि॥ हिट्‌नुङ् खानिङा ठिमेक् लेम्‍बा टेप्‍मा याङ्‌छामा आआङ्‌डुम्‍टुम्॥ टरो सिमा डोक् कोन्‍ना लिचा आङि बिस्‍वास चोक्‍मा नानेनुम्, हिट्‌नुङ् आङा खानि खोना बेला चा लाट्‌निना चोलाङाना इनाम् पिनाँनि॥

पारकास 2:13

खानि सैतानङा सासान् चोगुना डेन्‌ङि आयुङिगा नुङ् आङा ठाहा टोगुङ्‌टुङ्॥ टरोचा खानिङा आङा आझै बिस्‍वास आचोगियाक्‌टिङे॥ हिट्‌नुङ् आङाना बारेङि पारचार काचोक् बिस्‍वासिलो एन्‌टिपासलाउङ्‌सा पाक् लिसेना हिट्‌ना रिङ् आङा ठाहा टोगुङ्‌टुङ्॥ एन्‌टिपासलाउङ्‌सा याप्‌मिचिङा सैतानङा सासान् चोगुना खानि खालाङ्‌गाङि ओसेडुचा खानिङा आङि बिस्‍वास चोक्‍मा आनानेट्‌निम्॥