२ तिमोथि 4:18 - आठपहरिया

¹⁸ टाङ्‌बाङा आङा सोब्‍बे पारिक्‌ङागा ओचाफेन्‍गा रिङ्‌लाम्‍मा जोगाँ याङ्‌चोक्‌युक्, हिट्‌नुङ् उन्‍ङा सासान् चोगुना टोनालोग्‌ङि जोगाँ चोक्‍ङाउङ् याङ्‌खाट्‌युक्॥ उन्‍ङाना सोरोक् माहिमा उलियाक्॥ आमेन्॥

२ तिमोथि 4:18 Iomraidhean Croise

मात्‌ति 13:43

हिट्‌ना बेला धारमोति याप्‌मिचिम्‍बाक् उन्‌चि माङ्‌हाङ् पाबाङाना उमुलुक्‌ङि नाम् गाड्‌डे डोक् ओम्‍सा उयुङ्‌युक्॥ खेम्‍माना नुभेक् लोक्‍गाङा ना रिङ् नुलोक् खेम्‍सानुम्॥

मात्‌ति 25:34

हिट्‌नुङ् हाङ्‌बाङा उछुप्‍टाङ् उमुक्‌लेङ्‌गा लोडुचिचि, ‘आबानि, आङाना माङ्‌हाङ् पाबालाम्‍मा आसिक् आटोगुम्‍गा याप्‌मिचि, नारा उटुम् नुङ् डोक् खानि लोङ्‌सा टेयार चोग्‍बालाक् मुलुक् आधिकार चोगानुम्॥

मात्‌ति 6:13

निङ्‌ग्‍वा छिक्‍माङि ठामा आन्‍याँ याप्‌मिपिनेन्, टरो सैतानलाम्‍मा आन्‍याँ याप्‌मिसाम्‍डा॥ पोङ्‌भोने मुलुक्, साक्‌ति लोक् माहिमा सोरोक् खान्‍ङाना डोक्॥ आमेन्॥’

लुका 11:4

आन्‍याँ पाप छेमा याप्‌मिचोगाबिडा, पोङ्‌भोने आन्‍याँ चा आन्‍याँ बिरुद्‌दाङि पाप ओचोग्‍गालाउङ्‌सा छेमा पिडुम्‌चिम्‌चिम्‍मा॥ हिट्‌नुङ् निङ्‌ग्‍वा छिक्‍माङि ठामा आन्‍याँ याप्‌मिपिनेन्॥’”

लुका 12:32

येसुङा लोडुचे, “खाट्‌टिउना छुम्‍माङिगा आचेलाचि, खानि किट्‌नेनि! पोङ्‌भोने खानि टोकुबाङा उमुलुक् खानि पिमा लोङ्‌सा ओचाप् टाइसे॥

लुका 22:29

आमाङ्‌हाङ् पाबाङा सासान् चोक्‍माना आधिकार आङा याङ्‌पिडा गाड्‌डे डोक् आङा चा सासान् चोक्‍माना आधिकार खानि पिनाँनि॥

युहान्‍ना 17:15

खान्‍ङा हिट्‌नागा नारालाम्‍मा खाट्‌टुचि नुङ् आङा बिन्‌टि चोक्‌निङ्‌ना, टरो हिट्‌नागा सैतानलाम्‍मा जोगाँ चोगुचि नुङ् आङा बिन्‌टि ठाङ्‌सुङ्‌टुङ्॥

रोमि 11:36

छेम्‍बा, माङ्‌हाङ्‌ङा डोक् सोब्‍बे थोक् सिरिस्‌टि चोगुए, हिट्‌नुङ् सोब्‍बे थोक् उन्‍ङाना ओबोल्‌लाम्‍मा उलिसेसे, उन्‍ङाना मान् उलियाक् नुङ् सोब्‍बे थोक् उन्‍ङा सिरिस्‌टि चोगुए॥ हिट्‌नुङ् माङ्‌हाङ्‌ङाना उनिङ् सोरोक् टो-टो चोन्‍डुम्॥ आमेन्॥

रोमि 16:27

सोब्‍बे थोक् निसुना माङ्‌हाङ् उन् एना ए॥ येसु खिरिस्‍टङा चोगुनाँ सोरोक् माङ्‌हाङ्‌ङाना उनिङ् टो-टो चोन्‍डुम्॥ आमेन्॥

१ कोरिन्‌थि 1:21

नाराङिगा याप्‌मिचिङा आप्‍पे उन्‌चि ठोनाङा माङ्‌हाङ् मिसेन् निमा उहिडुन्‍ना रिङ् माङ्‌हाङ्‌ङाना ओठानाङा निरनाए चोगुए, हिट्‌ना ओसाट्‌टोङि आन्‍याँ पारचार चोगुम्‍माना मुरखा रिङ्‌लाम्‍मा डोक् बिस्‍वास काचोक् याप्‌मिचि हिङ्‌माना निङ्‌ग्‍वा चोगुए॥

१ कोरिन्‌थि 10:13

खानि चोलाङि आरु याप्‌मिचि निङ्‌ग्‍वा छिक्‍माङि ओठाया गाड्‌डे डोक् खानि चा आठाइसे॥ टरो माङ्‌हाङ् बिस्‍वासयोग्‍ए वाहेट्, हिट्‌नुङ् उन्‍ङा खानिङा आङ्‌मा डोक् आहिनिम्‍लोक् निङ्‌ग्‍वा छिक्‍माङि ठामा मापिडिन्‍गा॥ टरो खानिङा आङ्‌मा हिडानुम् नुङ् उन्‍ङा निङ्‌ग्‍वा छिक्‍मालाम्‍मा भारा होम्‍माना लाम्‍भो चा माचोगिबिडिटि॥

१ कोरिन्‌थि 15:50

आमायालु आम्‍भु-आन्‍झाचि हिट्‌नुङ् आनो-आन्‍झाचि, आङा खानि लोमा कोन्‍नानिगा रिङ्उम्‍बाक्, ना हेलिक् लोक् साङाना येम् सियुक्॥ हिट्‌नुङ् ना ओछोङ्‌गुवाट् मिले सोम्‍मा माङ्‌हाङ्‌ङाना खोना बेला चा लाट्‌निना मुलुक्‌ङि युङ्‌मा टोगुन्‍ना॥

२ कोरिन्‌थि 1:10

उन्‍ङा आन्‍याँ आड्‌डिक् किप्‍माडुङ् सिमालाम्‍मा याप्‌मि हिङ्‌मेट्‌टे, हिट्‌नुङ् उन्‍ङा फेरि चा आहिङ्‌मेट्‌युक्॥ उन्‌ङि आनि आसा युङ्‌सुएसुम्‍मे, हिट्‌नुङ् उन्‍ङा आनि फेरि फेरि चा आहिङ्‌मेट्‌युक्॥

गालाति 1:5

सोब्‍बे याप्‌मिचिङा माङ्‌हाङ् उनिङ् सोरोक् टो-टो ओचोगुवाक्॥ आमेन्॥

१ थेसालोनिकि 5:23

सान्‌ति कापिबा माङ्‌हाङ् आप्‍पेङा खानि सोब्‍बे पारिक्‌ङि चोखो माचोग्‌याक्, हिट्‌नुङ् आनि टाङ्‌बा येसु खिरिस्‍ट मिउङ्‌ङे सोम्‍मा खानि हाङ्‌सा, सोक्‍मा हिट्‌नुङ् येम् फाट्‌टुर मालेना उलियाक्॥

२ थेसालोनिकि 3:3

टरो टाङ्‌बाउम् बिस्‍वासिलो वाहेट्॥ उन्‍ङा डोक् खानि बोल्‍लेउ माचोगिटि हिट्‌नुङ् सैतानलाम्‍मा जोगाँ माचोगिटि॥

१ तिमोथि 1:17

हाट्‌ले सोरोक् सासान् काचोक्‍बा हाङ्‌बा, खोना बेला चा सिनिना हिट्‌नुङ् निमा हिनिम्‍ना ठिबाङ् माङ्‌हाङ्‌लोङ्‌सा सोरोक् आदार लोक् माहिमा उलियुयाक्‌याक्॥ आमेन्॥

१ तिमोथि 6:16

उन् एडोक् खोना बेला चा सिनिना हिट्‌नुङ् उन् व्‍हाङ्‌ङि युङ्‌ना, उन् सोरि साक्‍चा खाप्‍मा उहिनिना॥ उन् साङा चा खोना बेला चा उनिसुन्‍गेट्‌टुन्‍ना हिट्‌नुङ् निमा चा उहिडुन्‍ना॥ उनिङ् टो-टो उलियाक् हिट्‌नुङ् उन्‍ङाना बोल् सोरोक् उलियाक्॥ आमेन्॥

२ तिमोथि 1:12

हिड्‌डेउङ् आङा याङ्‌छामा आङ्‌डुएट्‌टुङ्॥ टरो आङा मोन्‌निङ्‌सिनिङ्‌ना पोङ्‌भोने आङा साक्‌ङि बिस्‍वास चोगुएसुङेना हिट्‌ना ठाहा टोगुएसुङे॥ हिट्‌नुङ् उन्‍ङा आङा जिम्‍मा याङ्‌पिडाना रिङ् उन्‍ङा डोक् हिट्‌ना बेला सोम्‍मा लोङ्‌सा जागेडा चोगुङ् युङ्‌सुटु नुङ् आङा ढुक्‍का वाङेट्‌ङा॥

२ तिमोथि 4:1

माङ्‌हाङ् जामानि युङ्‌सुङ् हिट्‌नुङ् उसियागा हिट्‌नुङ् उहिङागा याप्‌मिचिगा न्‍याए काचोक्‍बा खिरिस्‍ट येसु जामानि युङ्‌सुङ्, हिट्‌नुङ् उन् उङ्‌ना हिट्‌नुङ् हाङ्‌बा लियुङ् सासान् चोगुना रिङ् बिचार चोक्‍सा खान् नाड्‌डेना आग्‍याँ पिनाँ,

हिब्‍रु 11:16

टरो हिट्‌नागा याप्‌मिचिङाम्‍टे आझै ओचेट्‌नुना देस खाप्‍माना निङ्‌ग्‍वा ओचोगुए, हिट्‌नाम्‍बाक् टोनालोग् ए॥ हिट्‌नाड्‌डेउङ् हिट्‌नागा याप्‌मिचिगा माङ्‌हाङ् नुङ् लोमा चा माङ्‌हाङ् मोन्‌निसिनिना, पोङ्‌भोने उन्‍ङा हिट्‌नागा लोङ्‌सा ठिक् खालाङ्‌गा टेयार चोगुबिडुएसुचे॥

हिब्‍रु 12:22

टरो खानिम्‍टे सियोन झोन्‍झोबा हिट्‌ना यरुसलेम खालाङ्‌गाङि आटाइसे, हिट्‌नाउम् टोनालोग्‌ङि युङ्‌ग्‍वा॥ खानिम्‍टे उहिङ्‌ग्‍वाट् माङ्‌हाङ्‌ङाना खालाङ्‌गाङि आटाइसे, हिट्‌ना आड्‌डिक् जोम् माङ्‌हाङ् रिङ् काउग्‍बाचि उयुङ्‌ना डेन्, हिट्‌नि हिट्‌नागा उछुमाउङ् हारका लिसा उन्‍ङाना उनिङ् ओचोन्‍डुएट्‌टु॥

याकुब 2:5

आमायालु आम्‍भु-आन्‍झाचि हिट्‌नुङ् आनो-आन्‍झाचि, खेम्‍सानुम्, पाक् माङ्‌हाङ्‌ङा नाराङिगा पाक्‍चा वानिगालाउङ्‌सा बिस्‍वासङि बोल्‍लेउ चोक्‍मा हिट्‌नुङ् माङ्‌हुप् चोगुना उमुलुक् उन् माया काचोक्‌चि पिमाउङ्‌सा सेगुवाट्‌टुन्‌चिन्‌गि टे?

१ पाटरुस 1:5

खानि बिस्‍वासङा चोगुनाँ माङ्‌हाङ्‌ङाना ओबारगाट्‌ङा मुक्‌टि लोङ्‌सा सुरेक्‍छे माचोगिएसिए॥ हिट्‌नाम्‍बाक् आन्‍तेङिना बेलाङि पारकाट् लिमा टेयार युङ्‌ग्‍वा॥

१ पाटरुस 5:11

माङ्‌हाङ्‌ङा सोरोक् साक्‌तिलोक् सासान् ओचोगुवाक्॥ आमेन्॥

२ पाटरुस 1:11

नाड्‌डेउङ् माङ्‌हाङ्‌ङा खानि आनि टाङ्‌बा लोक् काहिङ्‌मेप्‍बा डाङ्‌बा येसु खिरिस्‍टङाना खोना बेला चा लाट्‌निना उमुलुक्‌ङि लिग्‍मा खानि आड्‌डिक् निङ्‌ग्‍वालाम्‍मा डोक् आनुमोति मापिडिटि॥

२ पाटरुस 3:18

टरो सोरोक् आनि टाङ्‌बा हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना ओठोना हिट्‌नुङ् ओमायादायाङि पोसा खाडानि॥ हाट्‌ले हिट्‌नुङ् सोरोक् टाङ्‌बाङाना डोक् उनिङ् टो-टो उलियाक्॥ आमेन्॥

याहुदा 1:1

येसु खिरिस्‍टङाना सेवाक्, हिट्‌नुङ् याकुबङा उन्‍झा, आङा याहुदालाम्‍मा माङ्‌हाङ् पाबाङा माया माचोगिउङ् माछेम्‌डिगा हिट्‌नुङ् येसु खिरिस्‍टङि सुरेक्‍छे माचोगिगा लाउङ्‌सा ना चिट्‌ठि छेप्‍टुएट्‌टुङ्॥