२ तिमोथि 4:12 - आठपहरिया

¹² आङा तुखिकास एफिसासङि पाङ्‌सुएसुङे॥

२ तिमोथि 4:12 Iomraidhean Croise

मुलिचेला टोॽवा 18:19

हिट्‌नागा एफिसास खालाङ्‌गाङि ओटासुङ् पावालङा पिरिस्‌किला लोक् आकिलास हिट्‌नि डोक् नाडुचे॥ हिट्‌नुङ् पावालउम्‍बाक् याहुदिचिगा छुम्‍मापाङ्‌ङि खाडाउङ् याहुदिचिलोक् बादबिबाद चोगे॥

मुलिचेला टोॽवा 18:21

हिट्‌नुङ् पावालङा नाट्‌डे लोडुचिउङ् हिट्‌नागालोक् सेन्‍डे, “माङ्‌हाङ्‌ङाना उनिङ्‌ग्‍वा लिसे भोने, आङा फेरि खानि सोरि नोक्‍ङा टाङा॥” हिट्‌डे लोडुचिउङ् उन् चुवाखोङ्‌डाङ्‌ङि ठाङाउङ् एफिसासलाम्‍मा लाम्‌टिए॥

मुलिचेला टोॽवा 19:1

आपोल्‍लोस कोरिन्‌थि खालाङ्‌गाङि लिसाना बेला पावाल हिट्‌ना एसिया छेट्‌राङाना भिट्‌राङिना लाम्‍बो लिसाउङ् एफिसास खालाङ्‌गाङि होन्‍डाडाए॥ हिट्‌नि पावालङा इम्‍टेप्‍मा बिस्‍वासिचि टुबुचे॥

मुलिचेला टोॽवा 20:25

“हाट्‌ले खेम्‍सानुम्, माङ्‌हाङ् उमुलुक् खानि सोब्‍बेलोङ्‌सा आङा पारचार चोक्‍सा वासाङे, खानिङा फेरि आङा खोना बेला चा आटुबिन्‍नागा नुङ् आङा ठाहा टोगुएसुङे॥

मुलिचेला टोॽवा 20:4

हिट्‌नुङ् बेरियाङि युङ्‌ना पुरासङा उइछा सोपातोरस, थेसालोनिकेलाम्‍मा आरिस्‍ताखारस हिट्‌नुङ् सिकान्‍दास, डारबिङिना गायास, हिट्‌नुङ् तिमोथि हिट्‌नुङ् एसिया छेट्‌राङिना तुखिकास हिट्‌नुङ् तोरफिमास उन्‌लोक् टाक् उलिसाउङ् ओलाम्‌टिए॥

एफिसि 6:21

आङा नाहि खोड्‌डे वाङेट्‌ङा हिट्‌नुङ् पाक् चोक्‍ङेट्‌ङाना हिट्‌ना रिङ् खानिङा ठाहा टोगानुम् नुङ् आङा तुखिकास खानिङि पाङ्‌सुङ्‌गेट्‌टुङ्॥ ना तुखिकास आनिना मायालु झान्‍झा ए, हिट्‌नुङ् उन् टाङ्‌बाङाना सेवा काचोक्‍बा बिस्‍वासिलो ए॥ उन्‍ङा डोक् आन्‍याँना बारेङि खानि मालोडिटि हिट्‌नुङ् खानि निङ्‌ग्‍वा बोल्‍लेउ माचोगिबिडिटि॥

कालास्‌सि 4:7

आनिना मायालु झान्‍झा तुखिकासङा डोक् आङाना बारेङि सोब्‍बे रिङ् खानि मालोडिटि॥ उन् चा आनिलोक् एक्‍केउ टाङ्‌बाङाना सेवा काचोक् बिस्‍वासिलो सेवाक् ए॥

१ तिमोथि 1:3

आङा माकेडोनिया खाडाङ्‌ना बेला खान् आनुरोध चोक्‍ना गाड्‌डे डोक् एफिसास खालाङ्‌गाङि डोक् युङा, हिट्‌नुङ् माङ्‌जोगा रिङ् काहिसिक्‍बाचि हिट्‌नाडे चोक्‍नेनिन् नुङ् आग्‍याँ पिडुचि,

तितास 3:12

आङा आरतिमास नुङ् चा तुखिकास नुङ् चा खान् सोरि पाङ्‌सुङ्‌नामे खान्‌उम्‍बाक आङा टुब्‌सिङा निकोपोलिस एलालोक् आबा॥ पोङ्‌भोने हिट्‌नि डोक् आङा चुङ्‌ग्‍वाना बेला युङ्‌माना निङ्‌ग्‍वा चोगुएसुङ्‌ङे॥