२ तिमोथि 3:8 - आठपहरिया

⁸ यान्‍नेस लोक् याम्‍बेरसङा मोसाङाना बिरोध चोगाचु गाड्‌डे डोक्, नागा याप्‌मिचिङा चा छेम्‍बाना रिङ् बिरोध ओचोगुगा॥ नागाँगा ठोना डोक् जाखाम् लिसाइसे हिट्‌नुङ् हिट्‌नागागाँ बिस्‍वास डोक् छेम्‍बाना माखाक्॥

२ तिमोथि 3:8 Iomraidhean Croise

मुलिचेला टोॽवा 15:24

आन्‍याँ मिपाङ्‌ङे आम्‍टेप्‍मा याप्‌मिचि खानिङि ओआबाउङ् एकेलेङ्‌ना रिङ् माहिसिक्‌टिउङ् खानि याङ्‌छामा मापिडिउङ् खानि निङ्‌ग्‍वा टुगाना रिङ् आन्‍याँ खेम्‍सुम्‍मे॥

रोमि 1:28

हिट्‌नुङ् हिट्‌नागाँ माङ्‌हाङ् पिमा कोन्‍ना मान् पिमा चा ओनाडुए॥ हिट्‌डेउङ् माङ्‌हाङ्‌ङा हिट्‌नागा चोक्‍मा लिनिना टोॽवा ओचोगुवाक् नुङ् उन्‌चि ओचाफेन्‍ना निङ्‌ग्‍वाङि डोक् लेडुचे॥

रोमि 16:18

पोङ्‌भोने नाड्‌डेगा याप्‌मिचिङा आनि टाङ्‌बा खिरिस्‍टङाना टोॽवा ओचोगुन्‍गा, टरो हिट्‌नागाँ उन्‌चि निङ्‌ग्‍वाङिगा रिङ् युमा एडोक् निङ्‌ग्‍वा ओचोगुगा॥ हिट्‌नागा याप्‌मिचिङा नुगा नुगा रिङ् ओमाट्‌टुङ् मोक्‍खाक् ओचोगुचिउङ् सोजो याप्‌मिचि उसुबुचिगा॥

एफिसि 4:14

हिट्‌नुङ् आनि खाटिउगा पिच्‍छाचि गाड्‌डे लिसिन्‍गा॥ हिट्‌नुङ् हिॽवाङा आनि याम्‍बा-नायाम्‍बा आमुट्‌टि गाड्‌डे छालाँ काचोक् याप्‌मिचिगा ओचाप्‍पाङ् हुसिक्‍माङा आनि आवान्‌निना॥

१ तिमोथि 1:19

खान्‍ङाना बिस्‍वास लोक् चोखो मिप्‍माना बोल् युङ्‌सुयाक्‍टु॥ आम्‍टेप्‍मा याप्‌मिचिङा उन्‌चिङा मिप्‍माना बोल् खेम्‍मा इन्‍कार ओचोगुए, हिड्‌डेउङ् उन्‌चि बिस्‍वास डोक् जाखाम् ओचोगुए॥

१ तिमोथि 4:2

नाड्‌डेगा हिसिक्‍मा माङ्‌जो काचोक्‍बा हिट्‌नुङ् उन्‌चि निङ्‌ग्‍वा माक्‍ना लिसागा याप्‌मिचिलाम्‍मा डोक् लियुक्, हिट्‌नुङ् हिट्‌नागाँगा मिप्‍माना बोल् जाखाम् लिसाइसे॥

१ तिमोथि 6:5

हिट्‌नुङ् याप्‌मिचिगा माझाङि खेमाबुङ्‌मा एडोक् होट्‌टुटु॥ हिट्‌नागाँगा उन्‌चि ठोना मासाइसे हिट्‌नुङ् छेम्‍बाना रिङ् ओनाडुएसुए, हिट्‌नुङ् माङ्‌हाङ्‌ङाना बारेङि हिसिक्‍माम्‍बाक् ओफाबा कामाँ चोक्‍माना ओचेट्‌नुना लाम्‍बो नुङ् हिट्‌नागाँ उमिट्‌टुगा॥

२ तिमोथि 4:15

हिट्‌नालोक् खान् ओछेक्‍छेक् लिसाउङ् युङा, पोङ्‌भोने हिट्‌नाँ आनि पारचार चोगुम्‍ना खाबोरङाना औधि डोक् बिरोध चोगुए॥

तितास 1:10

पोङ्‌भोने जोम् याप्‌मिचि आरुङाना उछिक्‌ङि उयुङ्‌निगा, खेरोक्‍गा रिङ् कामाप्‍बा हिट्‌नुङ् कासुब्‍बाचि ओवाहेट्॥ आझा खाताना चोक्‍मा कोन्‌युक् पिक्‍सा कापिग्‍बा याप्‌मिचि नाड्‌डेगा डोक् उलिगा॥

तितास 1:16

हिट्‌नागाँ माङ्‌हाङ् मिसेन् निसुएसुम्‍मे पिक्‍साम्‍बाक् ओमाट्‌टुगा, टरो उन्‌चि टोॽवा लाम्‍माम्‍बाक् माङ्‌हाङ् बिरोध ओचोगुना॥ हिट्‌नागा चिम्‍मा फुट्‌टुम्‌चिम्‍गा, रिङ् ओखेम्‌निगा हिट्‌नुङ् हिट्‌नागा खोना चा नुना टोॽवा चोक्‍मा काहिबा ओवाइगा॥

२ पाटरुस 2:14

हिट्‌नागाँ इम्‍मेप्‍माजामा टोॽवा चोक्‍मा माले पाक्‍चा उन्‌चि निङ्‌ग्‍वाङि उमिट्‌टुन्‍गा, हिट्‌नुङ् पाप चोक्‍मा नामा डोक् ओनाडुन्‍गा॥ हिट्‌नागाँ बिस्‍वासङि निम्‍छारो याप्‌मिचि ढाँट ओफोक्‍टुचिगा, हिट्‌नुङ् पाप चोक्‍मा ओमेट्‌टुचिगा॥ हिट्‌नागाँ आप्‍पेलाउङ्‌सा आड्‌डिक् टोम्‌जिरिॽवा लिमाना रिङ्‌ङि एडोक् निङ्‌ग्‍वा उपिडुगा॥ माङ्‌हाङ्‌ङाना साराप हिट्‌नागा उठुङ्‌ङि ठायुक्॥

१ युहान्‍ना 2:18

खानि आइछाचि गाड्‌डेगा, नाराङाना आखेरि बेलाम्‍बाक् ना डोक् ए॥ खिरिस्‍टङाना ओसाट्‌टुर टायुगेट् नुङ् खानिङा आखेम्‍सुएसुम्‍मे॥ जोम् खिरिस्‍टङाना ओसाट्‌टुरचिम् टे पाइले डोक् ओटामाइडे॥ ना रिङ्‌लाम्‍मा डोक् नाराङाना आखेरि बेला ए नुङ् आनि ठाहा टोगुम्‍टुम्॥

१ युहान्‍ना 4:1

मायालु आसाइबाचि, आङा सेङ्‌सेङ्‌ना हाङ्‌सालाम्‍मा चेक्‍ङाना नुङ् उपिग्‍गा सोब्‍बे बिस्‍वास चोक्‍नेनुम्‌चिम्, टरो हिट्‌नागालोक् लिसाना हाङ्‌सा माङ्‌हाङ्‌ङाना इ माखाक् इ नुङ् नुलोक् कोलानुमुङ् पुयानुम्, पोङ्‌भोने ना नाराङि जोम् माङ्‌जोगा माङ्‌काटाचि ओवाहेट्॥

पारकास 2:20

टरो आङालोक् खानि बिरुद्‌दाङि माट्‌माना ठिक् रिङ् युङ्‌ग्‍वा, खानिङा हिट्‌ना इजेबेल ओलोडुना मेच्‍छेमा उन्‍ङा निङ्‌ग्‍वा चोगुना रिङ् चोक्‍मा आपिडुम्‍मे॥ हिट्‌ना मेच्‍छेमाङा आप्‍पेलाउङ्‌सा माङ्‌काटा नुङ् माट्‌टुना, टरो हिट्‌नाङा आङाना सेवा काचोक्‌चि इम्‍मेट्‌माजामा टोॽवा चोक्‍मा हिट्‌नुङ् साम्‍माङ् ठानाङि ठाङ्‌बालाक् थोक् चामा हिसिक्‍टुचिउङ् ढाँट फोक्‍टुएसुचे॥

पारकास 2:6

टरो खानिङि ठिक् ओचेट्‌नुना रिङ् युङ्‌ग्‍वा, आङा निकोलाइटास ओलोडुचिगा ओचाफेन्‍गा रिङ् चिम्‍मा फुट्‌टुङ् गाड्‌डे डोक् खानिङा चा चिम्‍मा आफुट्‌टुम्‍गा॥