२ तिमोथि 3:6 - आठपहरिया

⁶ पोङ्‌भोने हिट्‌नागा माड्‌डेङि कोइ-कोइ पाङ्-पाङ्‌ङि लिक्‍सा पापङा काङुचिगा हिट्‌नुङ् सोब्‍बे पारिक्‌ङागा ओचाफेन्‍ना निङ्‌ग्‍वाङा एरोक् इप्‍टुचिगा मुरखा मेन्‍झेमाचि उन्‌चि मुठिङि उयुङ्‌सुचिगा॥

२ तिमोथि 3:6 Iomraidhean Croise

मात्‌ति 11:28

“हाउ सोब्‍बे आपोप्‌टिगा हिट्‌नुङ् माफेङ्‌डिगा खानि सोब्‍बे आङा सोरि आबानि, आङा खानि आराम पिनाँनि॥

मात्‌ति 23:13

“इनामा, निङ्‌ग्‍वा ओमाक्‍पाचि, खानि धारमाबिधि काहिसिक्‍बाचि लोक् फारिसि याप्‌मिचि! पोङ्‌भोने खानिङा टोनालोग्‌ङिना मुलुक्‌ङिना ढुवारिक् याप्‌मिचिगा नाभाक्‌ङि आछाक्‍टुएसुम्‍मे॥ खानि आप्‍पे चा आलिगिन्‍गा, हिट्‌नुङ् लिग्‍मा ओकोन्‍गा याप्‌मिचि चा लिग्‍मा आपिनिम्‌चिम्‍गा॥

मात्‌ति 23:14

[“इनामा, निङ्‌ग्‍वा ओमाक्‍पाचि, खानि धारमाबिधि काहिसिक्‍बाचि लोक् फारिसि याप्‌मिचि! पोङ्‌भोने खानिङा लाङ्‌मेप्‍माचिगा पाङ्‌ठाङ् आनाप्‍टुम्‌चिम्‍गा, हिट्‌नुङ् आरु निमेट्‌माचि लाउङ्‌सा होप्‍मो सोम्‍मा केलोक् बिन्‌टि आचोगुम्‍गा॥ नाड्‌डेउङ् खानिङा आड्‌डिक् टुक्‍लोक् साजाए आटोगुम्‍टुम्॥]

मात्‌ति 4:24

नाड्‌डे लिसानाँ सिरिया छेट्‌रा टेप् उन्‍ङाना बारेङि याप्‌मिचिङा ओखेम्‍सुए, हिट्‌नुङ् याप्‌मिचिङा पारिक् पारिक्‍ङागा रोगाङा लाबुचिगा टुखाबाचि, ओचाफेन्‍ना रिमेट्‌ङा लाबुचिगा, हिट्‌नुङ् ठाप्‌चिलिङ् रोगाङा लाबुचिगा, हिट्‌नुङ् कुस्‍टा रोगिचि उन् सोरि ओटाडुचे॥ उन्‍ङा हिट्‌नागा ख्‍वाप्‍पा नुमानिङ् चोगुचे॥

मारकुस 4:19

हिट्‌नागाँ माङ्‌हाङ् रिङ् खेम्‍माउम् ओखेम्‍सुटु, टरो ना चोलाङि पाक् चामाना ठुङ्‌माना, खोड्‌डे पारिक् वागाठागा लिमाना हिट्‌नुङ् आरु रिङ्‌ङि चा निङ्‌ग्‍वा उपिडुङ् बिस्‍वासङि पोमा उहिनिगा, हिट्‌नुङ् पाक्‍चा टुल्‍फुल ओकेङुन्‍गा॥

१ कोरिन्‌थि 12:2

टाङ्‌बाङि बिस्‍वास चोक्‍मा पाइले खानि खोनालोक् खोना पाराङा चेक्‍मा डोक् ओचेक्‌निगा साम्‍माङ्‌चि साम्‍माङ् चोक्‍सा आवासिजाइगा रिङ् खानिङा ठाहा आटोगुएसुम्‍मे॥

१ तिमोथि 5:6

टरो लाङ्‌मेप्‍मा मोज्‍मोज्‍जा एडोक् चोक्‌युक् भोने, उन् हिङा चा सियाना याप्‌मि डोक् लियुक्॥

१ तिमोथि 6:9

टरो कोइङा वागाठागा लिमा एरोक् निङ्‌ग्‍वा पिडुटु भोने, निङ्‌ग्‍वा छिक्‍माङि हिट्‌नुङ् वारिक्‌ङि ठायुक्, हिट्‌नुङ् जोम् मुरखा रिङ्‌चि हिट्‌नुङ् याङ्‌छामा आपिना निङ्‌ग्‍वाङा जाखाम् चोक्‍माना हिट्‌नुङ् फ्याङ् मेग्‍माना रिङ् टाडुटु॥

तितास 1:11

नागाँगा यासि छाक्‍मा डोक् कोन्‌युक् पोङ्‌भोने नागाँ हिसिक्‍मा डोक् लिनिना रिङ्‌चि उहिसिक्‍टुचिउङ् ख्‍वाप्‍पा याप्‌मिचिगा बिस्‍वास डोक् धुरिठोङ् ओचोगुएसुए॥ नागाँ नाड्‌डेना टोॽवा ओचाफेन्‍लोक् ओफाबा कामाँ चोक्‍मा लोङ्‌सा एडोक् ओचोगुगा॥

तितास 3:3

ठिक् बेला आनि आप्‍पे चा डोम्‍डोम्‍गा, रिङ् खेम्‌निम्‍गा हिट्‌नुङ् ठागाँ लिसिगा याप्‌मि लिसिएसिगा॥ आनि जोम् ओचाफेन्‍ना निङ्‌ग्‍वा लोक् ओचाफेन्‍लोक् मोज्‍मोज्‍जाङाना कामारा लिसेइसिगा॥ आनि चोला ख्‍वाप्‍पा दुस्‍टा हिट्‌नुङ् रेक् काप्‍मा रिङ्‌ङा इप्‍टुएसुना, हिट्‌नुङ् याप्‌मिचिङा चिम्‍मा आफुट्‌टागा हिट्‌नुङ् याप्‌मिचि चिम्‍मा फुट्‌टुम्‌चिम्‍गा याप्‌मिचि वासेट्‌टिगा॥

२ पाटरुस 2:18

हिट्‌नागाँ खेडोक्‍गा ठे-ठेगा सिङ्‌सागा रिङ् ओमाट्‌टुगा, हिट्‌नुङ् ओचाफेम्‍मा टोॽवा चोक्‍मा ओनाडुङ् लोप्‍मो बिस्‍वासि उलिसागा याप्‌मिचि चा हिट्‌नागाँ उन्‌चि येम्‌ङा चिम्‍मा फुट्‌टुम्‍गा रिङ् ओचोगुङ् वारिक्‌ङि ओठेन्‍डुचिगा॥

२ पाटरुस 3:17

टरो मायालु आसाइबाचि, खानिङा नागा सोब्‍बे रिङ् पाइले डोक् ठाहा आटोक्‍माइडुम्‍मे॥ हिट्‌नाड्‌डेउङ् ओेछेक्‍छेक् चोगानि, हिड्‌नाड्‌डे लिसे भोने ओभेन्‍गाचिङा फाम्‍लेङ् चाट्‌मा माहिडिन्‍गा, नाभाँम्‍टे खानिङा माङ्‌हाङ्‌ङाना ओलाम्‍बो आनाडुम्‍टुम् हिट्‌नुङ् आमासिटि॥

याहुदा 1:16

नाड्‌डेगा याप्‌मिचि सोरोक् गिन्‌गिन् काचोक्, आरु फाट्‌टुर कालाब्‌चि, ओचाफेम्‍मा निङ्‌ग्‍वा ओचोगुङ् हिट्‌ना गाड्‌डे डोक् काचोक्, हिट्‌नुङ् घामान्‌डि रिङ् काचेक्, हिट्‌नुङ् उन्‌चि निङ्‌ग्‍वाङा उमिट्‌टुगा रिङ् टोक्‍मा याप्‌मिचि फुरक्‍याँ काचोक् उलिगा ए॥

याहुदा 1:18

हिट्‌नागाँ खानि नाड्‌डे मालोडेसिगा, “आखेरि बेलाङि खिजेक्‍पा याङ्‌काचाट् याप्‌मिचि उलियुक्, हिट्‌नुङ् हिट्‌नागाँ उन्‌चि निङ्‌ग्‍वा गाड्‌डे ओचोगुङ् ओभेन्‍गा टोॽवाचि ओचोगुटु॥”

याहुदा 1:4

आङा ना रिङ् माट्‌टुङ्‌टुङ् पोङ्‌भोने कोइ-कोइ याप्‌मिचि खानि माझाङि सोगोप् उलिगाइसे, हिट्‌नागाँ माङ्‌हाङ् डोक् मान् ओचोगुन्‍ना॥ हाट्‌ले माङ्‌हाङ्‌ङा आनि लुक्‍मा आटुक्‍टानाँ सोब्‍बे ओभेन्‍गा टोॽवा चोक्‍मा आनि आपिडाइसे नुङ् हिट्‌नागा उपिग्‍गा, हिट्‌नुङ् आनिना ठिबाङ् एना डाङ्‌बा हिट्‌नुङ् टाङ्‌बा येसु खिरिस्‍ट इन्‍कार ओचोगुना॥ याप्‍मा बारखा पाइले नागा याप्‌मिचि फाट्‌टुर ओलाबुचिगा रिङ् धारमाछाप्‍लाङि छेप्‍टेसे॥