२ तिमोथि 3:5 - आठपहरिया

⁵ हिट्‌नुङ् धारमाकारमा चोगि गाड्‌डे काचोक्‍बा, टरो हिट्‌निना साक्‌तिम्‍बाक् लाट्‌मा इन्‍कार ओचोगुगा॥ नाड्‌डेगा याप्‌मिचिलाम्‍मा खान् लाम्‍माङ् डोक् युङा॥

२ तिमोथि 3:5 Iomraidhean Croise

मात्‌ति 7:15

“माङ्‌जोगा माङ्‌काटाचिलाम्‍मा ओछेक्‍छेक् लिसानिउङ् युङानि, हिट्‌नागा टे भाराउम् सोजो ठुँबा गाड्‌डे उनिङ्‌युङ् खानि सोरि ओटायुक्, टरो हिट्‌नागाउम्‍टे ब्‍वाँसो गाड्‌डेगा डोक् उलियुक्॥

एफिसि 4:14

हिट्‌नुङ् आनि खाटिउगा पिच्‍छाचि गाड्‌डे लिसिन्‍गा॥ हिट्‌नुङ् हिॽवाङा आनि याम्‍बा-नायाम्‍बा आमुट्‌टि गाड्‌डे छालाँ काचोक् याप्‌मिचिगा ओचाप्‍पाङ् हुसिक्‍माङा आनि आवान्‌निना॥

२ थेसालोनिकि 3:14

खानिङि कोइङा ना चिट्‌ठिङि छेप्‍टुम्‍माना रिङ् पालान् चोक्‍मा टेन्‌निना भोने, हिट्‌ना साइना नुङ् मिसेन् निसानुम्, हिट्‌नुङ् हिट्‌ना खेम्‍गेन्‍डोक् लाप्‍नेनुम्, हिट्‌नाड्‌डेउङ् हिट्‌ना आप्‍पे मोन्‌युसियुक्॥

२ थेसालोनिकि 3:6

भुम्‍भु-झान्‍झाचि हिट्‌नुङ् आनो-आन्‍झाचि, आनि टाङ्‌बा येसु खिरिस्‍टङाना उनिङ्‌ङि आन्‍याँ खानि आग्‍याँ पिनाँनि, टोॽवा ओचोक्‌निगा स्‍वाकायु हिट्‌नुङ् आन्‍याँ हिसिक्‍टुम्‌चिम्‍मागा रिङ् ओटेन्‌निगा ख्‍वाप्‍पा बिस्‍वासिचिलाम्‍मा लाप्‍माङ् युङानि॥

१ तिमोथि 4:7

बिथाँङिगा माङ्‌हाङ् मालेगा रिङ्‌ङि हिट्‌नुङ् खेडोक्‍गा छिॽवा मुन्‍डुम्‌चिङि निङ्‌ग्‍वा पिडुन्॥ नाङाना ओसाट्‌टोङि माङ्‌हाङ्‌ङि भाक्‌ति ठाङ्‌मा आप्‍पेलोङ्‌सा तालिम पिडु॥

१ तिमोथि 4:8

कोइ-कोइङा ओमाट्‌टुगा, “कासारत चोक्‌युङ् ओयेम् तालिम पिडुटु भोने ओचेट्‌नुना डोक् लियुक्, टरो माङ्‌हाङ्‌ङि भाक्‌ति ठाङ्‌मा तालिम पिडुटु भोने सोब्‍बे रिङ् ओचेट्‌नुना लियुक्॥ पोङ्‌भोने ना रिङ्‌ङाउम्‍बाक् याप्‌मि नाराङि वाना बेला हिट्‌नुङ् हान्‍डेङ्‌ना चोलाङि फाइदा लोङ्‌सा चा चामारसिङा चोगुटु॥”

१ तिमोथि 5:8

टरो कोइङा आप्‍पे ओनातेदारचि हिट्‌नुङ् हिट्‌नि चा आप्‍पे ओपाङ्‌ठाङ्‌ङिगा याप्‌मिचि नुलोक् पुयुन्‌चिन्‍गा भोने, हिट्‌ना छेम्‍बाना बिस्‍वासि माखाक्, हिट्‌नुङ् हिट्‌ना याप्‌मि बिस्‍वास काचोक्‌निबा नुङ्‌ना चा ओचाफेन्‍ना लियुक्॥

१ तिमोथि 6:5

हिट्‌नुङ् याप्‌मिचिगा माझाङि खेमाबुङ्‌मा एडोक् होट्‌टुटु॥ हिट्‌नागाँगा उन्‌चि ठोना मासाइसे हिट्‌नुङ् छेम्‍बाना रिङ् ओनाडुएसुए, हिट्‌नुङ् माङ्‌हाङ्‌ङाना बारेङि हिसिक्‍माम्‍बाक् ओफाबा कामाँ चोक्‍माना ओचेट्‌नुना लाम्‍बो नुङ् हिट्‌नागाँ उमिट्‌टुगा॥

२ तिमोथि 2:16

खान्‍ङाम्‍बाक् माङ्‌हाङ् मान् चोगुन्‍गा रिङ्‌पान् नाडु, पोङ्‌भोने नाड्‌डेगा रिङ्‌ङा याप्‌मिचि झान् झान् आधारमोति चोगुटु॥

२ तिमोथि 2:23

टरो मुरखा हिट्‌नुङ् बिथाँङिगा बादबिबादचि नाडु॥ नाड्‌डेगा रिङ्‌पान्‌ङा खेमाबुङ्‌मा एरोक् होट्‌टुगा नुङ् खान्‍ङा ठाहा आटोगुएसुए॥

तितास 1:16

हिट्‌नागाँ माङ्‌हाङ् मिसेन् निसुएसुम्‍मे पिक्‍साम्‍बाक् ओमाट्‌टुगा, टरो उन्‌चि टोॽवा लाम्‍माम्‍बाक् माङ्‌हाङ् बिरोध ओचोगुना॥ हिट्‌नागा चिम्‍मा फुट्‌टुम्‌चिम्‍गा, रिङ् ओखेम्‌निगा हिट्‌नुङ् हिट्‌नागा खोना चा नुना टोॽवा चोक्‍मा काहिबा ओवाइगा॥

तितास 3:10

कासाम्‍बा याप्‌मि ठिक् इप्‍पोक् खेप् सोम्‍मा ओछेक्‍छेक् चोगु, हिट्‌नुङ् चा टेन्‍नेट्‌नि भोने हिट्‌ना खेम्‍गेन्‍चा लाप्‍टुन्॥