२ तिमोथि 3:4 - आठपहरिया

⁴ धोका कापिबा, फेलेवाले चोक्‍सा वाना, होप्‍मो-होप्‍मो चोक्‍सा लाम्‌टिना, माङ्‌हाङ् माया चोक्‍मा ओसाट्‌टोङि मोज्‍मोज्‍जाङि निङ्‌ग्‍वा टिसुना,

२ तिमोथि 3:4 Iomraidhean Croise

मुलिचेला टोॽवा 19:36

ना रिङ् छेम्‍बा डोक्, साक्‍चा माखाक् पिग्‍मा उहिनिगा॥ हिट्‌डेउङ् खानिङा नुलोक् निङ्‌ग्‍वा डोक् मिचोक्‍ङे पाक्‍चा ओचाफेन्‍ना टोॽवा चोक्‍नेनिन्॥

मुलिचेला टोॽवा 7:52

खानि टुबाठेबाचिङा ख्‍वाप्‍पा माङ्‌काटाचि ओचाफेन्‍लोक् ओमेट्‌टुचे॥ हिट्‌नागाँ माङ्‌हाङ्‌ङाना सेङ्‌सेङ्‌ना धारमोति हाङ्‌बा टायुगेट् पिक्‍सा खाबोर कालो माङ्‌काटाचि चा हिट्‌नागाँ ओसेडुचे॥ हाट्‌ले खानिङा टायाना सेङ्‌सेङ्‌ना सेवाक्‌ङाना बिरुद्‌दाङि आकोबिउङ् उन् आसेडुमे॥

रोमि 11:20

ना रिङ् छेम्‍बा डोक्, याहुदिचिङा खिरिस्‍टङि बिस्‍वास ओचोग्‍वाट्‌टुन्, हिट्‌नुङ् हिट्‌नागा ओएगाडे॥ हिट्‌नुङ् खानिङा बिस्‍वास ओचोगुम्‍नाँ खानि हिट्‌नागाँगा ठोङ्‌ङि आवासेट्‌टि॥ हिट्‌नाडेउङ् खानिङा खानि नाबुक् ठेलोक् चोक्‍नेनुम्, टरो माङ्‌हाङ्‌लोक् किट्‌टानिउङ् युङानि॥

रोमि 16:18

पोङ्‌भोने नाड्‌डेगा याप्‌मिचिङा आनि टाङ्‌बा खिरिस्‍टङाना टोॽवा ओचोगुन्‍गा, टरो हिट्‌नागाँ उन्‌चि निङ्‌ग्‍वाङिगा रिङ् युमा एडोक् निङ्‌ग्‍वा ओचोगुगा॥ हिट्‌नागा याप्‌मिचिङा नुगा नुगा रिङ् ओमाट्‌टुङ् मोक्‍खाक् ओचोगुचिउङ् सोजो याप्‌मिचि उसुबुचिगा॥

१ तिमोथि 3:6

माङ्‌पाङ्‌ङिना ओठेडोङ् लोप्‍मो बिस्‍वास चोगुना लिमा लिनिना॥ हिट्‌डे लिसे भोने हिट्‌ना घामान्‌डि लियुक् हिट्‌नुङ् सैतानङा टोक्‍माना दान्‍डाङि ठायुक्॥

१ तिमोथि 5:6

टरो लाङ्‌मेप्‍मा मोज्‍मोज्‍जा एडोक् चोक्‌युक् भोने, उन् हिङा चा सियाना याप्‌मि डोक् लियुक्॥

१ तिमोथि 6:17

ना नाराङिगा वागाठेगालोङ्‌सा ठेलोक् ओचोक्‌नि नुङ् आग्‍याँ पिडुचि, हिट्‌नुङ् लाट्‌युजाना माक्‍फेन्‍सुबेन्‌ङि माखाक्, टरो आनि मोज्‍मोज्‍जा चोक्‍मा लोङ्‌सा सोब्‍बे थोक् जोम् आपिना माङ्‌हाङ्‌ङि उन्‌चि आसा उयुङ्‌सु नुङ् लोडुचि॥

याहुदा 1:19

खानिङि बाजो काटाब्‍बा याप्‌मिचि नागा डोक्॥ नागा उन्‌चि सारिरिक निङ्‌ग्‍वा गाड्‌डे ओचोग्‍गा, हिट्‌नुङ् नागालोक् उन्‌चि निङ्‌ग्‍वाङि सेङ्‌सेङ्‌ना हाङ्‌सा लिनिना॥

याहुदा 1:4

आङा ना रिङ् माट्‌टुङ्‌टुङ् पोङ्‌भोने कोइ-कोइ याप्‌मिचि खानि माझाङि सोगोप् उलिगाइसे, हिट्‌नागाँ माङ्‌हाङ् डोक् मान् ओचोगुन्‍ना॥ हाट्‌ले माङ्‌हाङ्‌ङा आनि लुक्‍मा आटुक्‍टानाँ सोब्‍बे ओभेन्‍गा टोॽवा चोक्‍मा आनि आपिडाइसे नुङ् हिट्‌नागा उपिग्‍गा, हिट्‌नुङ् आनिना ठिबाङ् एना डाङ्‌बा हिट्‌नुङ् टाङ्‌बा येसु खिरिस्‍ट इन्‍कार ओचोगुना॥ याप्‍मा बारखा पाइले नागा याप्‌मिचि फाट्‌टुर ओलाबुचिगा रिङ् धारमाछाप्‍लाङि छेप्‍टेसे॥