२ तिमोथि 3:3 - आठपहरिया

³ माया ओचोक्‌निगा, छेमा पिमा ओटेन्‌निगा, आरुङागा बिरुद्‌दाङि ओचाफेन्‍लोक् रिङ् काचोक्, वालाफेडुबा, आप्‍पेलोङ्‌सा आधिन्‌ङि उयुङ्‌निगा, आरु दुखे कापिबा, ओचेट्‌नुगा रिङ् चिम्‍मा काफुट्‌बा,

२ तिमोथि 3:3 Iomraidhean Croise

मात्‌ति 10:21

“भुम्‍भु-झान्‍झाचिङा आप्‍पे भुम्‍भु-झान्‍झाचि सेप्‍मालाउङ्‌सा उपिडुचिचि, हिट्‌नुङ् पाबाङा उइछाचि हिट्‌नुङ् उइछाचि पाबा-मामाचि बिरुद्‌दाङि ओकोब्‌युक् हिट्‌नुङ् हिट्‌नागा सेप्‍मा ओमेट्‌टुचिचि॥

मात्‌ति 4:1

हिट्‌नुङ् सैतानङा येसुङाना जाँच ओचोगुवाक् नुङ् सेङ्‌सेङ्‌ना हाङ्‌साङा उन् साक्‍चा उयुङ्‌निना डेन्‌ङि खाट्‌टुए॥

लुका 10:16

येसुङा ओचेलाचि लोडुचे, “खानि रिङ् काखेम्‍बाचिङा आरिङ् चा ओखेम्‍सुटु, हिट्‌नुङ् खानि एङ्‌फुट् माचोगिए भोने, आङा चा एङ्‌फुट् याङ्ओचोक्‌युक् हिट्‌नुङ् हिट्‌नाडेडोक् आङा एङ्‌फुट् काचोक्‍बाचिङा आङा याङ्‌पाङ्‌बा चा एङ्‌फुट् ओचोगुटु॥”

लुका 16:14

नागा सोब्‍बे रिङ् ओखेम्‍सुङ् फारिसि याप्‌मिचिङा येसु ओरेट्‌टुजोए॥ पोङ्‌भोने हिट्‌नागा माक्‍फेन्‍सुबेन्‌ङि ओटोम्‍सागा ओडागा॥

युहान्‍ना 6:70

येसुङा हिट्‌नागा लोडुचे, “पाक् आङा आप्‍पे डोक् खानि बारो जाना सेग्‍नानिगा माखाइ टे? टरो खानि माड्‌डेङि ठिबाङ्उम् दियाबालास डोक्॥”

रोमि 1:29

हिट्‌नागाँ सोब्‍बे पारिक्‍गा ओचाफेन्‍गा रिङ् एडोक् उमिट्‌टुगा, हिट्‌नुङ् ओभेन्‍गा रिङ्‌ङा इप्‍टुचिगा उलिगा॥ हिट्‌नागा लोभि हिट्‌नुङ् चिम्‍मा काफुट्‌चि, रेम्‍सुबा काहिक्‍बा, हिट्‌नुङ् याप्‌मि कासेट्, खेमाबुङ्‌मा ओचोग्‍गा, रिङ् काटेप् उलिगा॥ हिट्‌नागाँ आरुङागा निङ्‌ग्‍वा चोसेक् ओमेट्‌टुचिगा, आरुङागा रिङ् ओमाट्‌टुगा,

रोमि 1:31

हिट्‌नागा ठोनाबा, हिट्‌नुङ् काबुल ओचोगुगा रिङ् ओचोगुन्‍गा, हिट्‌नुङ् हिट्‌नागाँ आरु माया हिट्‌नुङ् दाया चा ओचोगुन्‌चिन्‍गा॥

१ कोरिन्‌थि 7:5

हिट्‌नुङ् ओयेम्‍बेछा लोक् ओमेच्‍छेमा ठिबाङ्‌ङा आरको इन्‍कार मिचोक्‍ङे एक्‍केउ इम्‍माजामा कोन्‌युक्॥ छोप्‍मोङ् धारि बिन्‌टि चोक्‍माउङ्‌सा साम्‌चिउङ् युङ्‌मा हिचिचि, हिट्‌नुङ्‌ना फेरि हिट्‌नागाचि एक्‍केउ युङ्‌मा कोन्‌युक्, हिड्‌डेउङ् हिट्‌नागाचिगा काम्‍जोरिङा चोगुनाँ सैतानङा वारिक्‌ङि ठेम्‍माहिडुन्‌चिन्‍गा॥

१ कोरिन्‌थि 7:9

टरो हिट्‌नागाँ आप्‍पे उन्‌चि निङ्‌ग्‍वा सेप्‍मा उहिडुन्‍ना भोने, हिट्‌नागाँ भ्‍या चोक्‍मा ओचेट्‌नु लियुक्॥ पोङ्‌भोने भ्‍या मिलिए लाम्‍सा युङ्‌मा नुङ्‌ना भ्‍या लिमा डोक् ओचेट्‌नुयुक्॥

१ थेसालोनिकि 4:8

हिड्‌डेउङ् जुन्‍ङा ना रिङ् इन्‍कार चोगुटु हिट्‌नाङाम्‍टे याप्‌मिङाना माखाक्, टरो माङ्‌हाङ् इन्‍कार चोगुटु, उन्‍ङा डोक् आप्‍पे उन्‍ङाना सेङ्‌सेङ्‌ना हाङ्‌सा आपियुक्॥

१ तिमोथि 3:11

हिट्‌डेडोक् हिट्‌नागाँगा उन्‌चि टालिमाङ्‌चि सोब्‍बेङा मान् ओचोगुना, आरुङागा बारेङि ओचाफेन्‍लोक् रिङ्‌पान् चोक्‍माना ओसाट्‌टोङि निङ्‌ग्‍वा काबुङि कायुङ्‌बा हिट्‌नुङ् सोब्‍बे थोक्‌ङि बिस्‍वासिलो लिमा कोन्‌युक्॥

तितास 1:8

याप्‌मिचि ओटानाँ ओरेक् काट्‌निना, नुगा रिङ्‌ङि निङ्‌ग्‍वा कापिबा, जोम् निङ्‌ग्‍वा कारिबा, निङ्‌ग्‍वा नुना, धारमोति याप्‌मि हिट्‌नुङ् आप्‍पे लोङ्‌सा मुठिङि कायुङ्‌बा याप्‌मि लिमा कोन्‌युक्॥

तितास 2:3

नाड्‌डेडोक् मासिङ्‌चि धारमोति चोलाङिना लाम्‍बोङि ओलाम्‌टियाक्, आरु खेडोक्‌बाक् ओचाफेन्‍गा ओलोडुन्‌चिन् हिट्‌नुङ् याप्‍मा युमालिङ् ठुङ्‌मा लिनिना पिक्‍सा हिसिक्‍टुचि॥ टरो हिट्‌नागाँ नुना खाबोर एडोक् याप्‌मिचि उहिसिक्‍टुचियाक्॥

याकुब 2:6

टरो खानिङाउम्‍टे पाक्‍चा ओवानिगा याप्‌मिचि हेला आचोगुएसुम्‌चिम्‍मे॥ पाक् वागाठागा याप्‌मिचिङा खानि मानिप्‌टिन्‍गै टे? पाक् हिट्‌नागाँ खानि मासाडिउङ् आदालात माखाट्‌टिन्‍गै टे?

२ पाटरुस 2:14

हिट्‌नागाँ इम्‍मेप्‍माजामा टोॽवा चोक्‍मा माले पाक्‍चा उन्‌चि निङ्‌ग्‍वाङि उमिट्‌टुन्‍गा, हिट्‌नुङ् पाप चोक्‍मा नामा डोक् ओनाडुन्‍गा॥ हिट्‌नागाँ बिस्‍वासङि निम्‍छारो याप्‌मिचि ढाँट ओफोक्‍टुचिगा, हिट्‌नुङ् पाप चोक्‍मा ओमेट्‌टुचिगा॥ हिट्‌नागाँ आप्‍पेलाउङ्‌सा आड्‌डिक् टोम्‌जिरिॽवा लिमाना रिङ्‌ङि एडोक् निङ्‌ग्‍वा उपिडुगा॥ माङ्‌हाङ्‌ङाना साराप हिट्‌नागा उठुङ्‌ङि ठायुक्॥

२ पाटरुस 2:19

हिट्‌नागाँ याप्‌मिचिलोङ्‌सा सोतान्‍तर आलिसिए पिक्‍सा माङ्‌हुप् ओचोगुगा, टरो हिट्‌नागा आप्‍पेम्‍बाक् जाखाम् काचोक्‍बाङाना चाकार उलिगा॥ पोङ्‌भोने जुन् रिङ्‌ङा याप्‌मिङाना उनिङ्‌ग्‍वा मेट्‌टुटु हिट्‌ना रिङ्‌ङा डोक् हिट्‌ना चाकार चोगुटु॥

२ पाटरुस 3:3

सोब्‍बे नुङ्‌ना पाइले खानिङा ना रिङ् ठाहा टोक्‍मा कोन्‌युक्, आखेरि लेम्‍बा खिजेक्‍पा काचाट्‌चि खिजेक्‍पा चाट्‌सा हिट्‌नुङ् आप्‍पे उन्‌चिगा ओभेन्‍गा निङ्‌ग्‍वाङि वासा ओटायुक्॥

याहुदा 1:16

नाड्‌डेगा याप्‌मिचि सोरोक् गिन्‌गिन् काचोक्, आरु फाट्‌टुर कालाब्‌चि, ओचाफेम्‍मा निङ्‌ग्‍वा ओचोगुङ् हिट्‌ना गाड्‌डे डोक् काचोक्, हिट्‌नुङ् घामान्‌डि रिङ् काचेक्, हिट्‌नुङ् उन्‌चि निङ्‌ग्‍वाङा उमिट्‌टुगा रिङ् टोक्‍मा याप्‌मिचि फुरक्‍याँ काचोक् उलिगा ए॥

याहुदा 1:18

हिट्‌नागाँ खानि नाड्‌डे मालोडेसिगा, “आखेरि बेलाङि खिजेक्‍पा याङ्‌काचाट् याप्‌मिचि उलियुक्, हिट्‌नुङ् हिट्‌नागाँ उन्‌चि निङ्‌ग्‍वा गाड्‌डे ओचोगुङ् ओभेन्‍गा टोॽवाचि ओचोगुटु॥”

पारकास 13:15

हिट्‌नुङ् पाइलेना जिवाट्‌ङाना मुरति चेक्‍मा काहिबा उलियाक् हिट्‌नुङ् हिट्‌ना मुरति साम्‍माङ् चोक्‍मा ओटेन्‌निगा ओसेडुचियाक् नुङ् हिट्‌ना मुरतिङि सोक्‍मा ठेम्‍माना साक्‌ति ना जिवाट्‌ङा टोगुए॥

पारकास 13:17

ना छाप् माले साङा चा इम्‍मा हिट्‌नुङ् छोङ्‌मा ओटोग्‍वाट्‌टुन्॥ ना छाप्उम् हिट्‌ना पाइलेना जिवाट्‌ङाना उनिङ् आथाबा हिट्‌ना जिवाट्‌ङाना उनिङ्‌ङाना नाम्‍बार ए॥

पारकास 16:6

हिट्‌नागाँ खान्‍ङाना सेङ्‌सेङ्‌गा कायाप्‌मिचि हिट्‌नुङ् माङ्‌काटाचि ओसेडुचे॥ हिट्‌डेउङ् हाट्‌ले हिट्‌नागा खान्‍ङा हेलिक् ठुङ्‌मा आपिडुचिउङ् साजाए आपिडुचे॥ हिट्‌ना हिट्‌नागाँ टोक्‍मा डोक् कोन्‍ना रिङ् ए॥”

पारकास 17:6

हिट्‌नुङ् येसुङाना बारे साँचि उपिडुनाँ याप्‌मिचिङा ओसेडुचिगा माङ्‌हाङ् ओयाप्‌मिचिगा उन्‌चि हेलिक् ठुङुङ् टेडेएसुना मेन्‍झेमा आङा निसुङे॥ हिट्‌ना निसुङुङ् आङा आड्‌डिक् डोङ् ठोङ्‌डाङे॥