२ तिमोथि 3:2 - आठपहरिया2 पोङ्भोने हिट्ना बेलागा याप्मिचि आप्पेलोङ्सा एडोक् माया काचोक्बा, ओफाबा एरोक् कामाँ चोक्मा निङ्ग्वा कापिबा, ओठेयुजागा, धामास कापिबा, आरु खिजेक्पा काचाट्, मामा-पाबाचिगा रिङ् ओटेन्निगा, आधान्याबादि हिट्नुङ् आधारमोति उलियुक्॥ Faic an caibideil |
२ तिमोथि 3:2
43 Iomraidhean Croise
“टरो खानिङा खानि साट्टुरचि चा माया चोगानुम्चिम्, हिट्नुङ् हिट्नागा नुलोक् चाट्ला मेट्टानुम्चिम्॥ हिट्नुङ् फेरि टोक्माना निङ्ग्वा युङ्सा नाॽवा पिनेनुम्चिम्, हिट्नुङ् खानिङा ठेना इनाम् आटोगोम्टुम् हिट्नुङ् खानि सोब्बे नुङ्ना ठेना माङ्हाङ्ङाना ओछालेट्चि आलिसिटि, पोङ्भोने उन्ङा निङ्ग्वा एकेलेङ् ओचोग्गा हिट्नुङ् दुस्टाचि चा लुक्मा टुक्टुचिचि॥
हिड्नाड्डेउङ् खानिगा पापलोक्ना निङ्ग्वालाम्मा ओहोन्गा ओभेन्गा रिङ्चि चोक्मा नाडानुम्॥ हिट्नागाम्बाक् इम्मेप्माजामा टोॽवा, आसुद्दो टोॽवा चोक्मा, निङ्ग्वाङि छोम्बोक् छोम्बोक् लिमा, भेन्ना निङ्ग्वा चोक्मा, हिट्नुङ् लोभि लिमा ए॥ याप्मा लोभि लिमाम्बाक् मुरति साम्माङ् चोक्मा गाड्डे डोक् ए॥
हिट्नाँ माङ्हाङ् बिरोध चोगुटु हिट्नुङ् याप्मिचिङा माङ्हाङ् नुङ् उमिट्टुगा ख्वाप्पा थोक्चि हिट्नुङ् माङ्ध्यान् ओचोगुगा सोब्बे थोक्ङाना बिरोध चोगुटु, हिट्नुङ् हिट्नाँ आप्पे लोङ्सा सोब्बे नुङ्ना ठेना चोगुटु॥ नाट्टेप्मा एरोक् माखाक्, हिट्ना माङ्हाङ्ङाना माङ्ठानाङि युङ्युक् हिट्नुङ् आङा डोक् माङ्हाङ् पिक्सा माट्टुटु॥
पोङ्भोने माक्फेन्सुबेन्ङि माया चोक्माम्बाक् सोब्बे पारिक्ङागा ओचाफेन्ना निङ्ग्वाङाना लाम्बो लियुक्॥ आम्टेप्मा याप्मिचिङा ओफाबा कामाँ चोक्माङि एरोक् निङ्ग्वा उपिडुङ् बिस्वास चा ओनाडुएसुए, हिट्नुङ् कोइ याप्मिचिङा उन्चि निङ्ग्वा छुरिङा फाडि गाड्डे आड्डिक् याङ्छामाङा ओफाडुएसुए॥
हिट्नाड्डे डोक् ठाङ्बेन् याप्मिचि, खानि माङ्पाङ्ङिगा एल्डारचिगा आधिन्ङि युङानि॥ खानि ख्वाप्पा मेयोक् लिसानिउङ् युङानि हिट्नुङ् ठिबाङ्ङा आरकोङाना सेवा चोगानुम्॥ पोङ्भोने धारमाछाप्लाङि नाड्डे छेप्टेसे, “माङ्हाङ्ङा ओठेयुजागा याप्मिचि बिरोध चोगुचिचि, टरो मेयोक् उलिगा याप्मिचि मायादाया चोगुचिचि॥”
Sanasan