२ तिमोथि 3:17 - आठपहरिया

¹⁷ हिट्‌नुङ् माङ्‌हाङ्‌ङाना ओयाप्‌मिचिङा सोब्‍बे पारिग्‍गा नुगा टोॽवाचि चोक्‍मा उहिडुवाक् नुङ् डोक् धारमाछाप्‍ला पिबालाक् ए॥

२ तिमोथि 3:17 Iomraidhean Croise

मुलिचेला टोॽवा 9:36

योप्‍पा खालाङ्‌गाङि ताबिता उनिङ् लिसाना ठिबाङ् मेन्‍झेमा बिस्‍वासि डाना॥ (हिट्‌नाङाना उनिङ् गिरिक् रिङ्‌ङि डोरकास ओलोडुए, नाङाना उटुप् हारिनि लियुक्॥) हिट्‌नाँ आरु लोङ्‌सा ओचेट्‌नुना टोॽवा चोगुगा डागा हिट्‌नुङ् पाक्‍चा ओवानिगालोङ्‌सा घुवार फाडुचिगा डागा॥

२ कोरिन्‌थि 9:8

हिट्‌नुङ् माङ्‌हाङ्‌ङा खानि चाहाब् आलिसिगा नुङ्‌ना चा याप्‍मा डोक् आसिक् पिमा माहिडिटि॥ हिट्‌डेउङ् खोना थोक्‌ङि चा खानि खोना बेला चा आभोर आलिसिन्‍गा हिट्‌नुङ् खानिङा ख्‍वाप्‍पा नुना टोॽवा लोङ्‌सा जोम् पिमा आहिडुम्‍टुम्॥

एफिसि 2:10

माङ्‌हाङ्‌ङा आनि आचोगाना ए॥ खिरिस्‍ट येसुलोक् आनिना साम्‍बान्‍धा लिसानाँ, आनि चोलाङि नुना टोॽवा चोक्‍मा लाउङ्‌सा ओछोङ्‌ग्‍वाट् चोला आनि टोगुएसुम्‍मे॥ आनि हिट्‌नागा नुगा टोॽवा चोगुम् नुङ् माङ्‌हाङ्‌ङा पाइले डोक् टेयार चोगुएसुना॥

१ तिमोथि 6:11

टरो खान् माङ्‌हाङ्‌ङाना याप्‌मि, नाड्‌डेगा सोब्‍बे रिङ् खान्‍ङा नाडु, हिट्‌नुङ् माङ्‌हाङ् ओटोकानाङि पाक् नुना हिट्‌ना चोक्‍मा, भाक्‌ति चोक्‍मा, बिस्‍वासिलो लिमा, माया चोक्‍मा, धैइरेताङि लोक् मेयोक् लिमा कानिङ्‌ग्‍वा पिडु॥

२ तिमोथि 2:21

हिट्‌नुङ् याप्‌मिङा आप्‍पेलोङ्‌सा ओचाफेन्‍ना टोॽवालाम्‍मा सुद्‌दो चोगुटु भोने हिट्‌नाम्‍बाक् नुगा थोक्‌चि युङ्‌मा लोङ्‌सा चालाँ चोक्‍बालाक् भाँडा बारतान गाड्‌डेना डोक् लियुक्॥ हिट्‌नुङ् हिट्‌नाँ आप्‍पेलोङ्‌सा चोखो युङ्‌सुङ् पाङ्‌डाङ्‌बा लोङ्‌सा सोब्‍बे पारिक्‍ङाना नुना टोॽवाङि टेयार लियुक्॥

तितास 1:16

हिट्‌नागाँ माङ्‌हाङ् मिसेन् निसुएसुम्‍मे पिक्‍साम्‍बाक् ओमाट्‌टुगा, टरो उन्‌चि टोॽवा लाम्‍माम्‍बाक् माङ्‌हाङ् बिरोध ओचोगुना॥ हिट्‌नागा चिम्‍मा फुट्‌टुम्‌चिम्‍गा, रिङ् ओखेम्‌निगा हिट्‌नुङ् हिट्‌नागा खोना चा नुना टोॽवा चोक्‍मा काहिबा ओवाइगा॥

तितास 2:14

येसु खिरिस्‍टङा आनिगा सोब्‍बे पारिग्‍गा पापलाम्‍मा साम्‍मा लोङ्‌सा ओसोक्‍मा डोक् पिडुए॥ उन्‍ङा आनि चोख्‍याँ आचोगाउङ् आप्‍पे ओयाप्‌मिचि आचोगे, हिट्‌नुङ् नुना टोॽवा एरोक् चोक्‍माना निङ्‌ग्‍वा याप्‌मिचि पिडुचे॥

तितास 3:1

तितास, बिस्‍वासिचिङा सासाक्‌चि हिट्‌नुङ् ओठेडोङ्‌चिगा उछिक्‌ङि वामा हिट्‌नुङ् हिट्‌नागा आग्‍याँकारि हिट्‌नुङ् सोरोक् नुगा टोॽवाचि चोक्‍मा टेयार लिमा कोन्‌युक् पिक्‍सा मिप्‍मा मेट्‌टुचि॥

हिब्‍रु 10:24

हाट्‌ले ठिबाङ्‌ङा आरको माया चोक्‍माना रिङ् हिट्‌नुङ् नुना टोॽवा चोक्‍मा लाउङ्‌सा खोड्‌डेउङ् आँट् पिमा हिडुम्‌चिम्‌चिम्‍ना हिट्‌ना रिङ्‌ङि निङ्‌ग्‍वा चोगुम्॥