२ तिमोथि 3:16 - आठपहरिया

¹⁶ सोब्‍बे धारमाछाप्‍ला माङ्‌हाङ्‌लाम्‍मा टायाना ए, हिट्‌नुङ् ना हिसिक्‍मा, आरति पिमा, सोज्‍याँ चोक्‍मा, हिट्‌नुङ् धारमोति याप्‌मि लिमा तालिम पिमाउङ्‌सा आड्‌डिक् नुना ए॥

२ तिमोथि 3:16 Iomraidhean Croise

मात्‌ति 13:52

हिट्‌नुङ् येसुङा हिट्‌नागा लोडुचे, “हिट्‌डेउङ् टोनालोग्‌ङिना मुलुक् बारे सिक्‍छे ठाहा काटोक्‍बा ख्‍वाप्‍पा धारमाबिधि काहिसिक्‍बाचि पाङ्‌ङिना ठिबाङ् डाङ्‌बा गाड्‌डेना डोक् लियुक्॥ पाङ् ओडाङ्‌बाङा उन्‍ङाना ढुङ्‌गुरिक्‌लाम्‍मा ओछोङ्‌ग्‍वाट् रिङ्‌चि चा होट्‌टुटु, हिट्‌नुङ् पुरानो रिङ्‌चि चा होट्‌टुटु॥”

मात्‌ति 21:42

येसुङा हिट्‌नागा सिलाप्‍टुचे, “पाक् खानिङा धारमाछाप्‍लाङि छेप्‍बालाक् ना रिङ् पोढाँ आचोक्‌निम्‍गेट्‌निम्‍नै?– ‘लुङ् काछेट्‌बाचिङा ओलेप्‍टुना लिङ्‌गेॽवा डोक् पाङ् ओजाग्‌ङि छेट्‌माना उसुरङिना मुलि लिङ्‌गेॽवा लिसे॥ नाउम्‍टे टाङ्‌बा आप्‍पेङा डोक् चोगुना ए, हिट्‌नुङ् ना आनि नाजारङि आड्‌डिक् डोङ् ठोङ्‌डिना रिङ् ए॥’

मात्‌ति 22:43

येसुङा हिट्‌नागा सिलाप्‍टुचे, “हिड्‌डे भोने दाउद हाङ्‌बा सेङ्‌सेङ्‌ना हाङ्‌साङाना ओबोल्‍ङा आगुवाइ चोगुङ् उन् लाउङ्‌सा पोङ् ‘टाङ्‌बा’ नुङ् लोमा मेट्‌टुएना? पोङ्‌भोने उन्‍ङा नाट्‌डे माट्‌टुएसुए–

मात्‌ति 26:54

टरो हिड्‌नाड्‌डे लिसे भोनेम्‍टे धारमाछाप्‍लाङि नागा रिङ् लिमा डोक् कोन्‌युक् नुङ् छेप्‍बालाक् रिङ् खोड्‌डेउङ् युमा हियुक्‍ना टे?”

मात्‌ति 26:56

टरो माङ्‌काटाचिङा ओछेप्‍टुना धारमाछाप्‍लाङिना रिङ् उयुयाक् नुङ् डोक् नागा सोब्‍बे रिङ् लिसाना ए॥” हिट्‌नुङ् ओचेलाचि सोब्‍बेङा उन् ओपोक्‍टुढोङ् उपिन्‍डे॥

मारकुस 12:24

येसुङा हिट्‌नागा लोडुचे, “खानि आड्‌डिक् टुक्‍लोक् आबान्‌डिसिए, पोङ्‌भोने खानिङा धारमाछाप्‍लाङिना रिङ् हिट्‌नुङ् माङ्‌हाङ् ओबोल् बारे बुजा डोक् आचोक्‌निम्‍गेट्‌निम्॥

मारकुस 12:36

पोङ्‌भोने दाउद हाङ्‌बा सेङ्‌सेङ्‌ना हाङ्‌साङाना बोल्‍ङा नाड्‌डे पारिक् लोमा मेट्‌टुए– ‘माङ्‌हाङ् डाङ्‌बाङा आटाङ्‌बा लोङ्‌सा नाड्‌डे लोडुए, आङा कासाट्‌टुरचि कालाङ्‌घेप्‍पा उछिक्‌ङि मिचोक्‍ए सोम्‍मा खान् आछुप्‍टाङ्‌लेङ् युङा॥’

युहान्‍ना 10:35

माङ्‌हाङ्‌ङा उन्‍ङाना खाबोर काटोक्‍बाचि उन्‍ङा ‘माङ्’ लोडुचे, हिट्‌नुङ् धारमाछाप्‍लाङि छेप्‍बालाक् रिङ् माङ्‌जोना लिनिना॥

युहान्‍ना 3:20

ओचाफेन्‍ना टोॽवा काचोक्‍बा सोब्‍बेङा व्‍हाङ् चिम्‍मा उफुट्‌टुना, हिट्‌नुङ् हिट्‌नागाँ ओचोगुना टोॽवा व्‍हाङ्‌ङि ओठेट्‌युक् नुङ् उन्‌चि किप्‍माङा हिट्‌नागा व्‍हाङ्‌ङि ओटानिगा॥

मुलिचेला टोॽवा 1:16

हिट्‌नागा लोडुचे, “आम्‍भु-आन्‍झाचि, याहुदा इस्‍कारियोतङा आनिलोक् डोक् युङाउङ् माङ्‌हाङ्‌ङाना सेवा चोक्‍माना ओभागा चा टोगुना॥ टरो सेङ्‌सेङ्‌ना हाङ्‌साङा पाइला डोक् दाउद हाङ्‌बालाम्‍मा येसु लाप्‍मा लोङ्‌सा याप्‌मिचि लाम्‍बो कानिमेप्‍बा याहुदाङाना बारेङि धारमाछाप्‍लाङि छेप्‍टाना रिङ् युमा डोक् कोन्‌युक् पिक्‍सा लोडुए॥”

मुलिचेला टोॽवा 18:25

उन्‍ङा येसु डाङ्‌बाङा निमेट्‌टुना चोला टोगुम्‍ना लाम्‍बोङाना बारेङि हिसिक्‍मा टोगुएसुना, हिट्‌नुङ् आड्‌डिक् छोम्‍बोक् छोम्‍बोक् लिसाउङ् येसुङागा रिङ्‌चि ओचेट्‌नुलोक् याप्‌मिचि हिसिक्‍टुचिगा डागा॥ टरो चा आपोल्‍लोसङा युहान्‍नाङा पिडुचिगा बाप्‌टिस्‍मा एडोक् ठाहा टोगुएसुना॥

मुलिचेला टोॽवा 20:20

हिट्‌नुङ् खानि सोब्‍बे टोकानाङि हिट्‌नुङ् पाङ्-पाङ्‌ङि लिन्‍डुङुङ् खानिलोङ्‌सा नुना लिना रिङ् हिसिक्‍मा आङा नानेट्‌निङ्॥

मुलिचेला टोॽवा 20:27

पोङ्‌भोने माङ्‌हाङ्‌ङा चोगुना ख्‍वाप्‍पा योजाना मिठोप्‍ङे आङा खानि लोनाने॥

मुलिचेला टोॽवा 28:25

हिट्‌नुङ् हिट्‌नागा आ-आप्‍पे ओटोङ्‌नेएट्‌नि हिट्‌नुङ् हिट्‌निलाम्‍मा खाप्‍मा ठालाँ ओचोगुए॥ याप्‌मिचि खाप्‍मा टेयार उलिसाना बेला पावालङा आखेरि रिङ् लोडुचे, “सेङ्‌सेङ्‌ना हाङ्‌साङा खानि टुबाठेबाचि माङ्‌काटा यासैयालाम्‍मा नाड्‌डे लोडुचिगा रिङ् छेम्‍बा डोक् रैछो–

रोमि 15:4

आच्‍छो बेला धारमाछाप्‍लाङि छेप्‍टागा सोब्‍बे रिङ्‌चि आनि हिसिक्‍मालाउङ्‌सा छेप्‍टागा डागा॥ धारमाछाप्‍लाङिना रिङ्‌ङा आङ्‌मा हिमाना साक्‌ति हिट्‌नुङ् आँट् आनि आपियुक्, हिट्‌डेउङ् माङ्‌हाङ्‌ङा चोगुना चामारसिङा युयुक् नुङ् आनि आसा चोक्‍मा हिडुम्‍टुम्॥

रोमि 2:20

खानिङा धारमाबिधिलाम्‍मा माङ्‌हाङ्‌ङाना बारेङि छेम्‍बाना रिङ् ठाहा टोगुम्‍मागा नुङ् खानि आप्‍पेङा आमाट्‌टुम्‍गा, हिट्‌डेउङ् खानिङा पाक्‍चा बुजा ओचोगुन्‍गा हिट्‌नुङ् पिच्‍छाचि गाड्‌डेगा याप्‌मिचि हिसिक्‍माचि कोनुयुक् नुङ् आप्‍पेलाउङ्‌सा आमिट्‌टुम्‍गा॥

रोमि 3:2

छेम्‍बा डोक्, याहुदि लिमाउङ् सोब्‍बे खालेङाना फाइदा युङ्‌ग्‍वा॥ सोब्‍बे नुङ्‌ना पाइलेउम् माङ्‌हाङ्‌ङा उन्‍ङाना सेङ्‌सेङ्‌ना रिङ् याहुदिचि पिडुचे॥

रोमि 4:23

हाट्‌ले ना रिङ् “माङ्‌हाङ्‌ङा आब्‍राहाम धारमोति याप्‌मि नुङ् लाडुए” नुङ् आब्‍राहाम लोङ्‌सा एडोक् छेप्‍टाना माखाक्॥

१ कोरिन्‌थि 12:7

सोब्‍बेङाना ओचेट्‌नु लिमाउङ्‌सा सेङ्‌सेङ्‌ना हाङ्‌साङाना ओटोॽवा ओठेट्‌याक् नुङ् ख्‍वाप्‍पालाउङ्‌सा माङ्‌हाङ्‌ङा बारदानचि आपिडाइसे॥

गालाति 3:8

माङ्‌हाङ्‌ङा आब्‍राहाम लोडुए, “खान्‌लाम्‍मा डोक् सोब्‍बे छोङ्‌बाचिङा आसिक् ओटोगुटु॥” हिट्‌डेउङ् माङ्‌हाङ्‌ङा पानिछोङ्‌बाचि बिस्‍वासलाम्‍मा धारमोति चोगुचिचि नुङ् धारमाछाप्‍लाङा पाइले डोक् नुना खाबोर माट्‌टुएसुना॥

२ तिमोथि 2:25

हिट्‌नुङ् बिरोध काचोक्‍बाचि मेयोक् लिमाउङ् सुधार काचोक् लिमा कोन्‌युक्॥ टैचा नाड्‌डे लिसे भोने माङ्‌हाङ्‌ङा हिट्‌नागा काएल्-काबु लिमाना निङ्‌ग्‍वा हिट्‌नुङ् छेम्‍बाना रिङ् टिग्‍माना निङ्‌ग्‍वा पिमा हिडुचिचि॥

२ तिमोथि 4:2

माङ्‌हाङ् रिङ् पारचार चोगु, बेला लिचा लिनिचा पारचार चोक्‍मा टेयार लिसा, सोब्‍बे थोक्‌चि निङ्‌ग्‍वा रेक्‍टुङ् हिट्‌नुङ् हिसिक्‍टुचिउङ् साल्‍लाह पिडुचि, खेमा लाप्‍टुचि हिट्‌नुङ् आँट् पिडुचि॥

हिब्‍रु 11:1

हाट्‌ले बिस्‍वासम्‍बाक् आसा चोगुम्‍ना रिङ्‌ङि ढुक्‍का लिमा हिट्‌नुङ् निनिम्‍गेट्‌निम्‍ना रिङ्‌ङि छेम्‍बा भोरोसा चोग्‍मा ए॥

हिब्‍रु 3:7

हिड्‌नाड्‌डेउङ् सेङ्‌सेङ्‌ना हाङ्‌साङा माट्‌टुटु, “हाट्‌ले खानिङा माङ्‌हाङ्‌ङा ओसोर आखेम्‍सुम्‍मे भोने,

हिब्‍रु 4:12

पोङ्‌भोने माङ्‌हाङ् उरिङ् उहिङ्‌ग्‍वाट् हिट्‌नुङ् साक्‌तिसालि ए, हिट्‌नुङ् ना इप्‍पोक्‌लेङ् ओधार लिसाना चेप्‍सा नुङ्‌ना चा आड्‌डिक् यान्‍ना ए॥ चेप्‍साङा याप्‌मिङाना उमिकिलिक्‌चि हिट्‌नुङ् उसारुॽवाङाना उछि फाडु गाड्‌डे डोक्, ना रिङ्‌ङा भिट्‌रा ठेट्‌निना हिट्‌ना याप्‌मिङाना ओसोक्‍मा हिट्‌नुङ् हाङ्‌साङाना ओभागा फाडुटु, हिट्‌नुङ् याप्‌मिङाना उनिङ्‌ग्‍वाङिना रिङ् लोक् पाक् चोक्‍मा मिट्‌टुटुना हिट्‌ना चा जाँच चोगुटु॥