२ तिमोथि 2:25 - आठपहरिया

²⁵ हिट्‌नुङ् बिरोध काचोक्‍बाचि मेयोक् लिमाउङ् सुधार काचोक् लिमा कोन्‌युक्॥ टैचा नाड्‌डे लिसे भोने माङ्‌हाङ्‌ङा हिट्‌नागा काएल्-काबु लिमाना निङ्‌ग्‍वा हिट्‌नुङ् छेम्‍बाना रिङ् टिग्‍माना निङ्‌ग्‍वा पिमा हिडुचिचि॥

२ तिमोथि 2:25 Iomraidhean Croise

मात्‌ति 11:29

आङाना जुवा खुयानुम् हिट्‌नुङ् आङालाम्‍मा सिकाँ लिसानि, पोङ्‌भोने आङा मेयोक्‍ना हिट्‌नुङ् आनिङ्‌ग्‍वा दायालु ए, हिट्‌नुङ् खानिङा आराम आटोगुम्‍टुम्॥

मात्‌ति 21:32

पोङ्‌भोने बाप्‌टिस्‍मा कापिबा युहान्‍ना छेम्‍बाना लाम्‍बो निमेट्‌मा लोङ्‌सा खानि सोरि टाए, टरो खानिङा उन् बिस्‍वास आचोक्‍नेयाट्‌निम्॥ टरो तिरो काफोक्‍बाचि लोक् वालाफेडुमाचिङा उन् बिस्‍वास ओचोगुए॥ खानिङा नागा रिङ् आनिसुम्‍चा काएल्-काबु आलिसिएट्‌टिन्, हिट्‌नुङ् उन् बिस्‍वास आचोक्‍नेयाट्‌निम्॥”

मारकुस 1:15

उन्‍ङा माट्‌टुए, “हाट्‌ले बेला लिसाइसे, माङ्‌हाङ् उमुलुक् नेट्‌टाङ् टाइसे॥ हाट्‌ले पापलाम्‍मा काएल्-काबु लिसानि हिट्‌नुङ् नुना खाबोरङि बिस्‍वास चोगानुम्॥”

युहान्‍ना 5:34

आङालोङ्‌सा याप्‌मिचिगा साँचि चाहाबा लिनिना, टरो खानिङा मुक्‌टि आटोगुम् नुङ् आङा नागा रिङ् माट्‌टुङ्‌ना॥

मुलिचेला टोॽवा 11:18

जब याहुदि बिस्‍वासिचिङा ना रिङ् ओखेम्‍सुए हिट्‌नुङ् पाटरुसलोक् बादबिबाद चोक्‍मा ओनाडुङ् नाड्‌डे पिक्‍सा माङ्‌हाङ्‌ङाना उनिङ् चोम्‍मा ठालाँ ओचोगुए, “हाट्‌लेम्‍टे माङ्‌हाङ्‌ङा पानिछोङ्‌बाचि चा उन्‌चि पापलाम्‍मा काएल्-काबु लिमाना हिट्‌नुङ् लाट्‌निना चोला टुब्‍माना लाम्‍बो पिडुचेगा रैछौ॥”

मुलिचेला टोॽवा 2:38

हिट्‌नुङ् पाटरुसङा हिट्‌नागा लोडुचे, “खानि पापलाम्‍मा छेमा टोक्‍मा लोङ्‌सा काएल्-काबु लिसानिउङ् येसु खिरिस्‍टङाना उनिङ्‌ङि बाप्‌टिस्‍मा चोगानि॥ हिट्‌नुङ् सेङ्‌सेङ्‌ना हाङ्‌साङाना बारदान आटोगुम्‍टुम्॥

मुलिचेला टोॽवा 20:21

आङा याहुदिचि हिट्‌नुङ् पानिछोङ्‌बाचि सोब्‍बे आ-आप्‍पे पापलाम्‍मा काएल्-काबु लिसानिउङ् माङ्‌हाङ्‌लेङ् नोक्‍टानि हिट्‌नुङ् आनि येसु डाङ्‌बाङि बिस्‍वास चोगानुम्” नुङ् पारचार चोगुङे॥

मुलिचेला टोॽवा 5:21

हान्‍डेङ् एका भ्‍यानिक माङ्‌ठानाङि हिट्‌नागा ओखाडे हिट्‌नुङ् याप्‌मिचि हिसिक्‍मा ठालाँ ओचोगुचे॥ टरो सानिङ्‌डाङ्‌बा हिट्‌नुङ् ओसाइबाचि काचाहरिङि उछुमे॥ हिट्‌नुङ् हिट्‌नागाँ याहुदि काचाहारि-कुन्‍डालङिगा सादास्‍सेचि हिट्‌नुङ् इस्‍राइलिचिगा सोब्‍बे ओठेडोङ्‌चि चा याहुदि काचाहारि-कुन्‍डालङि ओछेम्‍डुचे, हिट्‌नुङ् मुलिचेलाचि खाम्‍बाङ्‌लाम्‍मा आप्‍टानुम्‌चिम् पिक्‍सा खाम्‍बाङ्‌ङिगा हाकिमचि हिट्‌नागाँ ओलोडुचे॥

मुलिचेला टोॽवा 5:31

इस्‍राएलि याप्‌मिचि पापलाम्‍मा काएल्-काबु लिमा हिट्‌नुङ् पाप छेमा टोक्‍माउङ्‌सा माङ्‌हाङ्‌ङा उन् हाङ्‌बा हिट्‌नुङ् काहिङ्‌मेप्‍बा डाङ्‌बा चोगुउङ् उछुप्‍टाङ् उमुक्‌लेङ् युङ्‌सुए॥

मुलिचेला टोॽवा 8:22

हिड्‌डेउङ् खान् ओचाफेन्‍ना निङ्‌ग्‍वालाम्‍मा काएल्-काबु लिसाउङ् टाङ्‌बाङि बिन्‌टि चोगु॥ उन्‍ङा निङ्‌ग्‍वा चोगुए भोने, खान्‍ङाना ना ओचाफेन्‍ना निङ्‌ग्‍वा छेमा माचोक्‌युबियुक्॥

गालाति 6:1

आम्‍भु-आन्‍झाचि हिट्‌नुङ् आनो-आन्‍झाचि, कोइ याप्‌मिङा ओचाफेम्‍मा टोॽवा चोगुना आटुबुम्‍मे भोने, खानि माङ्‌हाङ्‌ङाना ओहाङ्‌साङि दोरो आलिसागा मेयोक् लिसानिउङ् हिट्‌ना सुधार चोक्‍मा कोन्‌युक्॥ टरो ओछेक्‍छेक् चोगानि, नाभाउम्‍टे खानि चा निङ्‌ग्‍वा छिक्‍माङि ठामा आहिडिटि॥

१ तिमोथि 2:4

सोब्‍बे याप्‌मिचिङा मुक्‌टि ओटोगु हिट्‌नुङ् हिट्‌नागाँ छेम्‍बाना रिङ् बुजा ओचोगु नुङ् उनिङ्‌ग्‍वाङि युङ्‌ग्‍वा॥

१ तिमोथि 6:11

टरो खान् माङ्‌हाङ्‌ङाना याप्‌मि, नाड्‌डेगा सोब्‍बे रिङ् खान्‍ङा नाडु, हिट्‌नुङ् माङ्‌हाङ् ओटोकानाङि पाक् नुना हिट्‌ना चोक्‍मा, भाक्‌ति चोक्‍मा, बिस्‍वासिलो लिमा, माया चोक्‍मा, धैइरेताङि लोक् मेयोक् लिमा कानिङ्‌ग्‍वा पिडु॥

२ तिमोथि 3:7

हिट्‌नागा मेन्‍झेमाचि सिकाँम्‍बाक् सोरोक् सिकाँ उलिगा, टरो छेम्‍बाना रिङ्उम्‍बाक् पाइना हिट्‌ना साम्‍मा डोक् उहिडुन्‍गा॥

तितास 1:1

आङा पावाल माङ्‌हाङ्‌ङाना ओकामारा हिट्‌नुङ् येसु खिरिस्‍टङाना मुलिचेलाङा ना चिट्‌ठि खान्‌लोङ्‌सा छेप्‍टुएट्‌टुङ्॥ माङ्‌हाङ्‌ङा सेगुचिगा ओयाप्‌मिचि बिस्‍वासङि घुवार फासिङा हिट्‌नुङ् माङ्‌हाङ्‌ङा निङ्‌ग्‍वा टासुना चोला खोड्‌डे पारिक् हिङ्‌मा कोन्‌युक्‍ना हिट्‌ना छेम्‍बाना ठोना हिट्‌नागाँ ठाहा ओटोगु नुङ् माङ्‌हाङ्‌ङा आङा याङ्‌पाङ्‌साइसे॥

तितास 3:2

हिट्‌नागाँ आरु साक्‍चा ओचाफेन्‍लोक् ओलोडुन्‌चिन्‍चा, हिट्‌नुङ् खेमाबुङ्‌मा टोॽवा ओचोक्‌निचा हिट्‌नुङ् टोङ्‌ना हिट्‌नुङ् सोब्‍बेलोक् आड्‌डिक् मेयोक् उलियाक्॥

याकुब 1:17

ख्‍वाप्‍पा नुगा हिट्‌नुङ् सिद्‌दा थोक्‌चि टाङ्‌साङ्‌ङिगा ख्‍वाप्‍पा व्‍हाङ् काचोक्‍बा आनि माङ्‌हाङ् पाबालाम्‍मा टायुक्॥ उन् खोना बेला चा फेरबादाल लिनिना, उन् फेराँ लिना रिमेट् गाड्‌डेना माखाक्॥

१ पाटरुस 3:15

टरो खानि निङ्‌ग्‍वालाम्‍मा खिरिस्‍ट टाङ्‌बा नुङ् मान् चोगानुम्॥ खानिङि लिसाना आसाङाना बारेङि कोइङा मासिलाप्‌टिए भोने, हिट्‌नाङाना बारेङि माप्‍मा लाउङ्‌सा सोरोक् टेयार लिसानि॥

१ युहान्‍ना 5:16

कोइङा बिस्‍वासि भुम्‍भु-झान्‍झा आथाबा नाना-झान्‍झाङा पाप चोगुना निसुटु, हिट्‌नुङ् हिट्‌ना पापङाम्‍बाक् माङ्‌हाङ्‌लाम्‍मा सोरोक् लोङ्‌सा साम्‍डुना पाराना माखाक् भोने, हिट्‌नाङा उन्‌चि लोङ्‌सा माङ्‌हाङ्‌लोक् बिन्‌टि ठाङ्‌माबिमा कोन्‌युक्, हिट्‌नुङ् माङ्‌हाङ्‌ङा हिट्‌ना चोला पिडुटु॥ टरो माङ्‌हाङ्‌लाम्‍मा सोरोक् लोङ्‌सा आसाम्‍ना पाराना पाप चा लियुक्, नाड्‌डेना पाप लोङ्‌सा खानिङा बिन्‌टि ठाङ्‌मा कोन्‌युक् नुङ् आङा लोनेन्‌निन्‍गा॥