२ तिमोथि 2:20 - आठपहरिया

²⁰ वागाठागा लिसागा पाङ्‌ठाङ्‌ङि भाँडा बारतान साम्‍याङ् हिट्‌नुङ् रुपाकङागा एरोक् उलिनिगा, हिट्‌नि सिङ्‌ङागा हिट्‌नुङ् खाम्‍मागा चा उलियुक्॥ खोना खोना भाँडा बारतानम्‍बाक् मान् पिमा लोङ्‌सा चालाँ चोगुम्‍टुम् भोने, खोना खोनाम्‍बाक् लेप्‍टुम्‍गा थोक्‌चि युङ्‌मा लोङ्‌सा चालाँ चोगुम्‍टुम्॥

२ तिमोथि 2:20 Iomraidhean Croise

युहान्‍ना 8:49

येसुङा हिट्‌नागा लोडुचे, “आङा टोन्‍डेबाङा याङ्‌खोट्‌निगेट्‌निना॥ आङा आङाना माङ्‌हाङ् पाबा मान् चोगुङ्‌टुङ्, टरो खानिङा भोने आङा ओचाफेन्‍लोक् याङ्आमेट्‌टिङागा॥

रोमि 9:20

टरो हाउ याप्‌मि, खान् साइना माङ्‌हाङ्‌ङा चोगुना रिङ् बिरोध काचोक्? खाम्‍ङाना भाँडाङा हिट्‌ना चोगुना याप्‌मि “पोङ् खान्‍ङा आङा नाड्‌डे पाराना याङ्आचोगेना” नुङ् लोडुटुनि टे?

१ कोरिन्‌थि 3:9

पोङ्‌भोने आनि सोब्‍बेम्‍बाक् माङ्‌हाङ्‌ङाना टोॽवा काचोक्‌चि ए, हिट्‌नुङ् माङ्‌हाङ्‌ङाना ओबेङ्‌सिम्‍बाक् खानि ए॥ हिट्‌नुङ् खानिम्‍बाक् माङ्‌हाङ्‌ङा चोगुना पाङ् ए॥

२ कोरिन्‌थि 4:7

हाट्‌ले आनि निङ्‌ग्‍वाङि ना ओम्‍ना व्‍हाङ् युङ्‌ग्‍वा, टरो आनिम्‌बाक् ना आड्‌डिक् बाहुमुल्‍ए माक्‍फेन्‍सुबेन् युङ्‌बालाक् खाम्‍माङाना भाँडा गाड्‌डेगा ए॥ हिट्‌डेउङ् ना ठेना साक्‌तिम्‍बाक् माङ्‌हाङ्‌लाम्‍मा टायुक्, आनि आप्‍पेलाम्‍मा माखाक् ए नुङ् ना रिङ्‌ङा पारचिन्‍दा चोगुटु॥

एफिसि 2:22

हिट्‌नुङ् खानि सोब्‍बे चा उन्‌लोक् ठिक्‍ए आलिसियुङ्, खानि हिट्‌ना सेङ्‌सेङ्‌ना माङ्‌ठाना आलिसेट्‌टि, हिट्‌नाडेउङ् माङ्‌हाङ् उन्‍ङाना सेङ्‌सेङ्‌ना हाङ्‌सालाम्‍मा खानिङि युङ्‌युक्॥

१ तिमोथि 3:15

नाड्‌डेउङ् चा आङा खान्‌ङि आप्‍मा आबेला लिसाङे भोने, माङ्‌हाङ्‌ङाना ओयाप्‌मिचिङि आनि चाल चालान् खोड्‌डे पारिक् लिमा कोन्‌युक्‍ना हिट्‌ना खान्‍ङा ठाहा टोक्‍मा कोन्‌युक्॥ माङ्‌हाङ्‌ङाना ओयाप्‌मिचिउम्‍बाक् उहिङ्‌गुवाट् माङ्‌हाङ्‌ङाना माङ्‌पाङ् हिट्‌नुङ् ना छेम्‍बाना रिङ्‌ङाना ठोक्‍ला हिट्‌नुङ् ओजाग् ए॥

१ पाटरुस 2:5

खानि चा उहिङ्‌ग्‍वाट् लुङ्‌गेॽवा लिसानिउङ् आबानि हिट्‌नुङ् आत्‌मिक् माङ्‌ठाना चोक्‍मा आप्‍पेलोङ्‌सा पिडानुम्॥ हिट्‌नि खानि येसु खिरिस्‍टङाना नाताङा चोगुनाँ माङ्‌हाङ्‌ङाना उनिङ्‌ग्‍वा टासुना आत्‌मिक् भोक् काठाङ्‌बा सेङ्‌सेङ्‌ना पुजारिङाना टोॽवा आचोगुम्‍टुम्॥