२ तिमोथि 2:15 - आठपहरिया

¹⁵ मोम्‍मासिमा मिलिए हिट्‌नुङ् छेम्‍बाना रिङ् नुलोक् चालाँ काचोक् सेवाक गाड्‌डे डोक् माङ्‌हाङ् उनिङ्‌ग्‍वा टालोक् उन् सोरि आप्‍पेलोङ्‌सा नुलोक् लिमायाक्‍मा कोसिस चोगा॥

२ तिमोथि 2:15 Iomraidhean Croise

मात्‌ति 13:52

हिट्‌नुङ् येसुङा हिट्‌नागा लोडुचे, “हिट्‌डेउङ् टोनालोग्‌ङिना मुलुक् बारे सिक्‍छे ठाहा काटोक्‍बा ख्‍वाप्‍पा धारमाबिधि काहिसिक्‍बाचि पाङ्‌ङिना ठिबाङ् डाङ्‌बा गाड्‌डेना डोक् लियुक्॥ पाङ् ओडाङ्‌बाङा उन्‍ङाना ढुङ्‌गुरिक्‌लाम्‍मा ओछोङ्‌ग्‍वाट् रिङ्‌चि चा होट्‌टुटु, हिट्‌नुङ् पुरानो रिङ्‌चि चा होट्‌टुटु॥”

मारकुस 4:33

याप्‌मिचिङा माङ्‌हाङ् रिङ् बुजा चोक्‍मा उहिडुलोक् सोम्‍मा येसुङा नाड्‌डेगा जोम् मुन्‍डुम्‌चि माट्‌टुङ् हिसिक्‍टुचे॥

लुका 12:42

येसु डाङ्‌बाङा पाटरुस लोडुए, “बिस्‍वासिलो चाकार हिट्‌नुङ् ठोना लिसाना याप्‌मि साइना होला? बिस्‍वासिलो चाकार हिट्‌ना लियुक्, जुन् पाङ् ओडाङ्‌बाङा आरु चाकारचि पुमा जिम्‍मा पिडुटु हिट्‌नुङ् ठिक्‍का बेलाङि डोक् हिट्‌नाङा चामा-ठुङ्‌मा हिट्‌नागा पिडुचिचि॥

मुलिचेला टोॽवा 2:22

“इस्‍राइलि याप्‌मिचि, ना रिङ् खानिङा खेम्‍सानुम्, माङ्‌हाङ्‌ङा डोङ् ठोङ्‌डिना टोॽवा हिट्‌नुङ् चिन्‍नालोक् नासारातङिना येसु खानिङि पाङ्‌सुए, हिट्‌नुङ् खानिङा उन्‍ङा चोगुगा टोॽवाचि ठाहा आटोगुएसुम्‍मे॥

मुलिचेला टोॽवा 20:27

पोङ्‌भोने माङ्‌हाङ्‌ङा चोगुना ख्‍वाप्‍पा योजाना मिठोप्‍ङे आङा खानि लोनाने॥

रोमि 14:18

जुन् याप्‌मिङा खिरिस्‍टङाना नाड्‌डे पारा सेवा चोगुटु, हिट्‌नाङा माङ्‌हाङ् उचाप् टामामेट्‌टुटु, हिट्‌नुङ् आरुङा चा उन् मान् ओचोगुटु॥

रोमि 16:10

आपेल्‍लेसलाउङ्‌सा चा आङाना बाबा लोडानुम् ए, उन्‍ङा आप्‍ठेरो बेलाङि चा खिरिस्‍टङि उन्‍ङाना बिस्‍वास छेम्‍बाना ए नुङ् पारमान् चोगुए॥ हिट्‌नुङ् आरिस्‍तोबुलास ओपाङ्‌ङिगा ख्‍वाप्‍पालाउङ्‌सा चा बाबा याङ्‌लोडाबिडानि॥

रोमि 6:13

खानि येम्‌ङिना खोना चा आङ्‌गाचि पाप चोक्‍मा हिट्‌नुङ् ओभेन्‍गा टोॽवा चोक्‍मा पिनेनुम्॥ टरो खानि आप्‍पेलाउङ्‌सा माङ्‌हाङ्‌ङि पिडानुम्, पोङ्‌भोने खानि आसिइगा याप्‌मिचि गाड्‌डेगा डोक् आवासेट्‌टिगा टरो हाट्‌ले खानिङा ओछोङ्‌ग्‍वाट् चोला आटोगुएसुम्‍मे॥ हिट्‌डेउङ् खानि आङ्‌गाचि ओचेट्‌नुना टोॽवा चोक्‍माउङ्‌सा माङ्‌हाङ् पिडानुम्॥

१ कोरिन्‌थि 2:6

टरो चा बिस्‍वासङि पासिङ् उलिसागालोक् ठोना लिसा गाड्‌डे आनि चेक्‌टिटि, टरो ना जुगङिना ठोना माखाक् आथाबा ना टालाङि सासान् काचोक्‍बाचिगा ठोना चा माखाक्, नागा सासान् काचोक्‌बाचिउम् एला डोक् ओमेग्‌युक्॥

२ कोरिन्‌थि 10:18

पोङ्‌भोने कोइङा आप्‍पेलाउङ्‌सा ठेलोक् चोगुटु भोने हिट्‌ना लाउङ्‌सा ओचेट्‌नुना लिनिना, टरो टाङ्‌बाङा डोक् ठेलोक् चोगुटु भोने, हिट्‌ना लाउङ्‌सा ओचेट्‌नुना लियुक्॥

२ कोरिन्‌थि 3:6

उन्‍ङा डोक् ओछोङ्‌ग्‍वाट् माङ्‌हुप्‌ङाना सेवा चोक्‍मा काहिबा आचोक्‌युक्॥ नाउम्‍बाक् छेप्‍बालाक् धारमाबिधिलाम्‍मा माखाक्, टरो सेङ्‌सेङ्‌ना हाङ्‌सालाम्‍मा ए॥ पोङ्‌भोने छेप्‍बालाक् धारमाबिधिङा आसेट्‌युक्, टरो सेङ्‌सेङ्‌ना हाङ्‌साङाम्‍बाक् चोला आपियुक्॥

२ कोरिन्‌थि 4:2

हिट्‌ना ओसाट्‌टोङि आन्‍याँउम्‍टे याप्‌मिचिङा ठोब्‍सा ओचोगुगा मोन्‌डिसिइना टोॽवा चोक्‍मा नाडेएसुम्‍मे॥ आन्‍याँ माङ्‌जो चा माट्‌निम्‍मागा, हिट्‌नुङ् माङ्‌हाङ् रिङ् चा फेराँ चोक्‌निम्‍मागा॥ टरो आन्‍याँ भोरोसायोगे नुङ् सोब्‍बे याप्‌मिचिङा बिस्‍वास याप्‌मिओचोक्‌याक् नुङ् आन्‍याँ छेम्‍बाना रिङ् पारचिन्‍दा माट्‌टुम्‍टुम्‍मा, हिट्‌नुङ् नाङाना साँचिम्‍बाक् माङ्‌हाङ् वाहेट्॥

२ कोरिन्‌थि 5:9

हिड्‌डेउङ् आन्‍याँ ना येम्‌ङि लिसिङा चा, टाङ्‌बालोक् लिसिङा चा, आन्‍याँना निङ्‌ग्‍वाम्‍बाक् उन्‍ङाना ओचाप् टालोक् चोक्‍मा ए॥

गालाति 1:10

आङा खानि लोनाँनि, आङा याप्‌मिचि खुसि मेप्‍मा कोन्‌निङ्‌गेट्‌निङ्‌चिङ्‌गा, टरो माङ्‌हाङ् खुसि मेप्‍मा कोलुङ्‌टुङ्॥ आङा याप्‌मिचि खुसि मेप्‍मा कोलुङ्‌चिङ्‌गा भोनेउम्‍टे आङा खिरिस्‍टङाना सेवा काचोक् लिनेएट्‌निङ् बे॥

एफिसि 1:13

हिट्‌नुङ् खानि पानिछोङ्‌बाचिङा चा ना नुना खाबोर हिट्‌ना मुक्‌टि आपिना छेम्‍बाना रिङ् आखेम्‍सुमुङ् खिरिस्‍टङि बिस्‍वास आचोगुम्‍मे॥ हिट्‌नुङ् जब खानिङा बिस्‍वास आचोगुम्‍मे, माङ्‌हाङ्‌ङा माङ्‌हुप् चोगुना सेङ्‌सेङ्‌ना हाङ्‌सा पाङ्‌सुङ् खानि उन्‍ङाना ओयाप्‌मिचि माचोगिना पारमान् मापिडिए॥

१ थेसालोनिकि 2:4

हिट्‌ना ओसाट्‌टोङि, माङ्‌हाङ्‌ङा आन्‍याँ उन्‍ङाना टोॽवा चोक्‍मा काहिबा याप्‌मिचोगाउङ् डोक् नुना खाबोर खेम्‍मेप्‍माना जिम्‍मा याप्‌मिपिडे॥ नाड्‌डेउङ् आन्‍याँ याप्‌मिचि खुसि मेप्‍मा माखाक्, टरो आनि निङ्‌ग्‍वा काछिक्‍बा माङ्‌हाङ् खुसि चोक्‍मा एलोक् आन्‍याँ चेक्‌टिटिङा॥

१ थेसालोनिकि 5:14

भुम्‍भु-झान्‍झाचि हिट्‌नुङ् आनो-आन्‍झाचि, स्‍वाकायु याप्‌मिचि ओछेक्‍छेक् चोगानुम्‌चिम्, उकिट्‌टागा लाउङ्‌सा आँट् पिडानुम्‌चिम्, निम्‍छारोचि घुवार फाडानुम्‌चिम्, हिट्‌नुङ् सोब्‍बे याप्‌मिचि आङ्‌डानुम्‌चिम् पिक्‍सा आरति पिनाँनि॥

१ तिमोथि 4:6

खान्‍ङा नागा रिङ्‌चि बिस्‍वासिचि आहिसिक्‍टुचे भोने खान् खिरिस्‍ट येसुङाना नुना सेवा काचोक्‍बा आलियुक्॥ खान्‍ङा पालान् आचोगुना बिस्‍वास लोक् नुना हिसिक्‍माङि डोक् खान् आपोए नुङ् ना रिङ्‌ङा डोक् मानिमेट्‌युक्॥

हिब्‍रु 4:11

कोइङा माङ्‌हाङ्‌ङा लोडुना रिङ् खेम्‍सुन्‍ना भोने, हिट्‌ना माङ्‌हाङ्‌ङाना आराम चोक्‍मा ठोङ्‌ङि उलिग्‍नेट्‌निगा इस्‍राइलि याप्‌मिचि गाड्‌डे डोक् लियुक्, हिट्‌नाड्‌डेउङ् आनि हिट्‌ना युङ्‌माना डेन्‌ङि लिग्‍मा आड्‌डिक् निङ्‌ग्‍वा चोगुम्॥

याकुब 1:12

निङ्‌ग्‍वा छिक्‍मा टानाँ आङ्‌मा काहिबा याप्‌मिम्‍बाक् माङ्‌हाङ्‌ङा आसिक् पिडुटु॥ हिट्‌नुङ्‌ना माङ्‌हाङ्‌ङा उन् माया काचोक्‌चि लाउङ्‌सा पिडुङ्‌चिङ्‌चिङ् नुङ् उन्‍ङा माङ्‌हुप् चोगुना चोलाङाना मुकुट् डोक् याङ्‌छामा काआङ्‌बा याप्‌मिङा टोगुटु॥

याकुब 1:18

उन्‍ङा सिरिस्‌टि चोगुचिगा थोक्‌चि माड्‌डे आनि सोब्‍बे नुङ्‌ना चाहाब् लिसिगा लिमा उहिडियाक् नुङ् छेम्‍बाना रिङ्‌लाम्‍मा उन्‍ङाना उनिङ्‌ग्‍वाङा डोक् आनि ओछालेट् चोक्‍माना निङ्‌ग्‍वा चोगुए॥

२ पाटरुस 1:10

हिड्‌नाड्‌डेउङ् भुम्‍बु-झान्‍झाचि हिट्‌नुङ् आनो-आन्‍झाचि, माङ्‌हाङ्‌ङा खानि माछेम्‌डिगा हिट्‌नुङ् मासेगिगा रिङ् छेम्‍बाना ए नुङ् निमेट्‌मा लाउङ्‌सा टुक्‍लोक् टोॽवा चोगानि, पोङ्‌भोने नाड्‌डेगा रिङ् खानिङा आचोगुम्‍टुम् भोने, खानि खोना बेला चा माङ्‌हाङ्‌लाम्‍मा लाप्‍माङ् आलिसिन्‍गा॥

२ पाटरुस 1:15

आङा सिङा चा नागा रिङ् खोना बेलाङि चा मुन्‍नेनुम् नुङ् आङा हिडुङ्‌लोक् सोम्‍मा खानि सोरोक् लोना याक्‍नाँनि॥

२ पाटरुस 3:14

नाड्‌डेउङ् मायालु आसाइबाचि, खानि नागा रिङ् उलियुक् नुङ् आहाङ्‌सेट्‌टुम्‍नाँ, उन्‍ङाना ओटोकानाङि खानि सेङ्‌सेङ्, ओखायोप् माले हिट्‌नुङ् उन्‌लोक् हाङ्‌हाङ्‌ङि युङ्‌मा बोल् चोगानि॥