२ तिमोथि 2:14 - आठपहरिया

¹⁴ नागा रिङ् बिस्‍वासिचिङा उमिट्‌टुवाक् नुङ् लोडुचि॥ रिङ्-रिङ्‌ङि खेमागोम्‍मा टोॽवा चोक्‍नेनिन् पिक्‍सा टाङ्‌बा उनिङ्‌ङि ओछेक्‍छेक् चोगुचि॥ नाड्‌डेगा रिङ्‌ङि खेमाबुङ्‌मा होप्‍मा बिथाँङि एरोक् लियुक्, टरो नाड्‌डेगा रिङ्‌ङा काखेम्‍बा याप्‌मिचिगा निङ्‌ग्‍वा एरोक् रोक्‍टुटु॥

२ तिमोथि 2:14 Iomraidhean Croise

मात्‌ति 16:26

याप्‌मिङा ना नाराङिगा ख्‍वाप्‍पा थोक्‌चि टोगु चा छेम्‍बाना चोलाम्‍बाक् जाखाम् चोगुए भोने उन् लोङ्‌सा पाक् ओचेट्‌नुना लियुक्‍ना टे? याप्‌मिङा छेम्‍बाना चोला टोग्‍मा लाउङ्‌सा पाक् पिमा हिडुटुना?

मुलिचेला टोॽवा 13:10

“खान् सोब्‍बे ओचेट्‌नुना रिङ्‌ङाना साट्‌टुर, ओचाफेन्‍ना टोॽवा काचोक्‍बा हिट्‌नुङ् माक्‍ना निङ्‌ग्‍वाङा माइप्‍टाना खान् सैतानङाना उइछा, पाक् खान् टाङ्‌बाङाना छेम्‍बाना लाम्‍बो बिरुद्‌दाङि चेक्‍मा आनाडुन्‍नै?

मुलिचेला टोॽवा 15:24

आन्‍याँ मिपाङ्‌ङे आम्‍टेप्‍मा याप्‌मिचि खानिङि ओआबाउङ् एकेलेङ्‌ना रिङ् माहिसिक्‌टिउङ् खानि याङ्‌छामा मापिडिउङ् खानि निङ्‌ग्‍वा टुगाना रिङ् आन्‍याँ खेम्‍सुम्‍मे॥

रोमि 14:1

बिस्‍वासङि कामजोर उलिसागा आरु बिस्‍वासिचिलाउङ्‌सा मान् चोगानुम्‌चिम्, हिट्‌नुङ् हिट्‌नागाँ उन्‌चि निङ्‌ग्‍वाङि पाक् माहामाना आथाबा माङ्‌जोना उमिट्‌टुना रिङ्‌ङि बादबिबाद चोक्‍नेनुम्॥

गालाति 1:7

छेम्‍बा डोक् आरको नुना खाबोर वाइना, टरो कोइ-कोइ याप्‌मिचिङा खानि याङ्‌छामा पिमा माकोलेट्‌टि हिट्‌नुङ् खिरिस्‍टङाना नुना खाबोरलाम्‍मा खानि निङ्‌ग्‍वा आरकोलेङ् फेराँ चोक्‍मा माकोलेट्‌टि॥

एफिसि 4:17

हाट्‌ले आङा टाङ्‌बाङाना आधिकारलाम्‍मा खानि लोनाँनि, खानि माङ्‌हाङ् मिसेन् उनिसुन्‍गेट्‌टुन्‍गा याप्‌मिचि गाड्‌डे लिनेनिन्, पोङ्‌भोने हिट्‌नागाँगा मिप्‍माना निङ्‌ग्‍वा डोक् खेडोक्‍ना॥

१ थेसालोनिकि 4:1

हाट्‌ले भुम्‍भु-झान्‍झाचि हिट्‌नुङ् आनो-आन्‍झाचि, माङ्‌हाङ् खुसि मेप्‍मा खोड्‌डेना चाट्‌ला लिमा कोन्‌युक्‍ना हिट्‌ना बारेङि सिकाँ चोक्‍नैनाने, हिट्‌नुङ् हिट्‌ना पारा डोक् खानि आचोगेट्‌टि, हिट्‌नुङ् हाट्‌ले चा हिट्‌डे चोक्‍मा पोसा खाडानि नुङ् टाङ्‌बा येसुङि लोनाँनि, हिट्‌नुङ् बिन्‌टि चोगुम्‍टुम्‍मा॥

२ थेसालोनिकि 3:6

भुम्‍भु-झान्‍झाचि हिट्‌नुङ् आनो-आन्‍झाचि, आनि टाङ्‌बा येसु खिरिस्‍टङाना उनिङ्‌ङि आन्‍याँ खानि आग्‍याँ पिनाँनि, टोॽवा ओचोक्‌निगा स्‍वाकायु हिट्‌नुङ् आन्‍याँ हिसिक्‍टुम्‌चिम्‍मागा रिङ् ओटेन्‌निगा ख्‍वाप्‍पा बिस्‍वासिचिलाम्‍मा लाप्‍माङ् युङानि॥

१ तिमोथि 1:4

हिट्‌नुङ् हिट्‌नागाँ माङ्‌जोगा छिॽवाक् मुन्‍डुम्‌ङि हिट्‌नुङ् टुबाठेबाचिगा छोप्‌निना बाङ्‌सावालिलेङ् निङ्‌ग्‍वा उपिडुन्‍चा॥ नाड्‌डेगा रिङ्‌ङा माङ्‌हाङ्‌ङाना योजाना माखाक् खेमाबुङ्‌माना रिङ् एरोक् होन्‌युक्, माङ्‌हाङ्‌ङाना टोॽवाउम् बिस्‍वास काचोक्‍बा याप्‌मिङा एडोक् चोक्‍मा हिडुटु॥

१ तिमोथि 1:6

आम्‍टेप्‍मा याप्‌मिचि नागा ख्‍वाप्‍पा रिङ्‌चि ओनाडुङ् खेरोक्‍गा रिङ्‌चिङि ओबान्‍डाइसे॥

१ तिमोथि 4:8

कोइ-कोइङा ओमाट्‌टुगा, “कासारत चोक्‌युङ् ओयेम् तालिम पिडुटु भोने ओचेट्‌नुना डोक् लियुक्, टरो माङ्‌हाङ्‌ङि भाक्‌ति ठाङ्‌मा तालिम पिडुटु भोने सोब्‍बे रिङ् ओचेट्‌नुना लियुक्॥ पोङ्‌भोने ना रिङ्‌ङाउम्‍बाक् याप्‌मि नाराङि वाना बेला हिट्‌नुङ् हान्‍डेङ्‌ना चोलाङि फाइदा लोङ्‌सा चा चामारसिङा चोगुटु॥”

१ तिमोथि 5:21

माङ्‌हाङ् हिट्‌नुङ् खिरिस्‍ट येसु हिट्‌नुङ् सेग्‍बालाक् माङ्‌हाङ् रिङ् काउग्‍बाचि साँचि युङ्‌सुङुङ् आङा खान् ना आग्‍याँ पिनाँ, खोनालेङ् चा मिकेङ्‌ङे आङा लोनागा नागा रिङ्‌चि पालान् चोगु॥

१ तिमोथि 6:13

सोब्‍बे थोक्‌लोङ्‌सा चोला कापिबा माङ्‌हाङ् हिट्‌नुङ् पान्‌तियास पिलातास सोरि आङालोङ्‌सा साँचि कापिबा छेम्‍बाना रिङ् काचेक् खिरिस्‍ट येसु ओटोकानाङि, आङा खान् आग्‍याँ पिनाँ,

२ तिमोथि 1:6

हिट्‌डेउङ् आङा हिट्‌ना रिङ् मिट्‌टु नुङ् लोनाँ, आङा खान् उठुङ्‌ङि आमुक् युङ्‌सुङुङ् खान्‍ङा आटोगुना माङ्‌हाङ्‌ङा मापिडाना बारदान आहिदुलोक् चालाँ चोगु॥

२ तिमोथि 2:16

खान्‍ङाम्‍बाक् माङ्‌हाङ् मान् चोगुन्‍गा रिङ्‌पान् नाडु, पोङ्‌भोने नाड्‌डेगा रिङ्‌ङा याप्‌मिचि झान् झान् आधारमोति चोगुटु॥

२ तिमोथि 2:23

टरो मुरखा हिट्‌नुङ् बिथाँङिगा बादबिबादचि नाडु॥ नाड्‌डेगा रिङ्‌पान्‌ङा खेमाबुङ्‌मा एरोक् होट्‌टुगा नुङ् खान्‍ङा ठाहा आटोगुएसुए॥

२ तिमोथि 4:1

माङ्‌हाङ् जामानि युङ्‌सुङ् हिट्‌नुङ् उसियागा हिट्‌नुङ् उहिङागा याप्‌मिचिगा न्‍याए काचोक्‍बा खिरिस्‍ट येसु जामानि युङ्‌सुङ्, हिट्‌नुङ् उन् उङ्‌ना हिट्‌नुङ् हाङ्‌बा लियुङ् सासान् चोगुना रिङ् बिचार चोक्‍सा खान् नाड्‌डेना आग्‍याँ पिनाँ,

तितास 3:1

तितास, बिस्‍वासिचिङा सासाक्‌चि हिट्‌नुङ् ओठेडोङ्‌चिगा उछिक्‌ङि वामा हिट्‌नुङ् हिट्‌नागा आग्‍याँकारि हिट्‌नुङ् सोरोक् नुगा टोॽवाचि चोक्‍मा टेयार लिमा कोन्‌युक् पिक्‍सा मिप्‍मा मेट्‌टुचि॥

हिब्‍रु 13:9

खाले-खाले ओछोङ्‌ग्‍वाट् हिसिक्‍माङा छेम्‍बाना रिङ्‌लाम्‍मा गालात लाम्‍बोलेङ् माखाट्‌टिन्‍चा॥ पोङ्‌भोने चामा-ठुङ्‌मागा रिङ्‌ङा आनि निङ्‌ग्‍वा बोल्‍लेउ चोगुन्‍ना, टरो माङ्‌हाङ्‌ङाना मायादायाङा एडोक् आनि निङ्‌ग्‍वा बोल्‍लेउ चोगुटु॥ चामा-ठुङ्‌मागा थोक्‌ङाना नियाम पालान् ओचोगुगा लाउङ्‌सा फाइदा लिनिगेट्‌निना॥

२ पाटरुस 1:13

आङा हिङ्‌ङालोक् सोम्‍मा खानिलोङ्‌सा नागा रिङ् सोरोक् यान्‍दा चोक्‍मा मेट्‌मा ओचेट्‌नुयुक् नुङ् आङा मिट्‌टुङे॥