२ तिमोथि 2:12 - आठपहरिया

¹² आनि उन् लोङ्‌सा सोरोक् याङ्‌छामा आङ्‌डुम्‍टुम् भोने, उन्‌लोक् डोक् सासान् चा चोगुम्‍टुम्, आनि उन् इन्‍कार चोगुम्‍मे भोने, उन्‍ङा चा आनि इन्‍कार आचोग्‌युक्॥

२ तिमोथि 2:12 Iomraidhean Croise

मात्‌ति 10:33

टरो खोनाङा आङा याप्‌मिचि सोरि इन्‍कार याङ्ओचोक्‌युक्, आङा चा हिट्‌ना टोनालोग्‌ङि युङ्‌ना आङाना पाबाङाना ओटोकानाङि इन्‍कार चोगुङ्‌टुङ्॥

मात्‌ति 26:35

टरो पाटरुसङा उन् नाड्‌डे लोडुए, “आङा खान्‌लोक् सिमा डोक् कोन्‍ना लिसे भोने चा आङा खान् इन्‍कार चोक्‍नेन्‍ना॥” हिट्‌नुङ् आरु ख्‍वाप्‍पा चेलाचिङा चा हिड्‌नाड्‌डे डोक् ओमाट्‌टुए॥

मात्‌ति 26:75

हिट्‌नुङ् “कोक्‍साबा ओक्‍मा नुङ्‌ना पाइले खान्‍ङा आङा सुम्‍बोक् खेप् सोम्‍मा इन्‍कार याङ्आचोक्‍ङा” पिक्‍सा येसुङा लोडुना रिङ् पाटरुसङा मिट्‌टुए॥ हिट्‌नुङ् उन् भारा होन्‍डाउङ् आड्‌डिक् टुक्‍लोक् हाबे॥

मारकुस 10:33

“खेम्‍सानुम्, आनि यरुसलेम खाडिगेट्‌टि॥ हिट्‌नि याप्‌मि छा याप्‌मिचिङा गाडुवाडाङ्‌बाचि हिट्‌नुङ् धारमाबिधि काहिसिक्‍बाचि मुक्‌ङि उपिडुटु, हिट्‌नुङ् हिट्‌नागाँ ओसेडुटु, हिट्‌नुङ् पानिछोङ्‌बाचि मुक्‌ङि जिम्‍मा उपिडुटु॥

मारकुस 8:38

हिट्‌नुङ् इम्‍मेप्‍माजामा टोॽवा काचोक्‍बाचि लोक् पापि टालाङिगा याप्‌मिचि आङालोक् हिट्‌नुङ् आङाना रिङ्‌लोक् मोन्‌युसियुक् भोने, याप्‌मि छा चा उन्‍ङाना माङ्‌हाङ् पाबाङाना माहिमा हिट्‌नुङ् सेङ्‌सेङ्‌ना माङ्‌हाङ् रिङ् काउग्‍बाचिलोक् उङ्‌ना बेला हिट्‌नालोक् मोन्‌युसियुक्॥”

लुका 12:9

टरो खोनाङा आङा याप्‌मिचि सोरि इन्‍कार याङ्ओचोक्‌युक्, हिट्‌नागा आङा चा माङ्‌हाङ्‌ङाना माङ्‌हाङ् रिङ् काउग्‍बाचि टोकानाङि इन्‍कार चोगुङ्‌चिङ्‌चिङ्॥

लुका 22:29

आमाङ्‌हाङ् पाबाङा सासान् चोक्‍माना आधिकार आङा याङ्‌पिडा गाड्‌डे डोक् आङा चा सासान् चोक्‍माना आधिकार खानि पिनाँनि॥

लुका 22:30

आङा सासान् चोगुङ्‌ना बेला खानि आङालोक् एक्‍केउ आयुङिउङ् आचाम्‍टुम् हिट्‌नुङ् हाङ्‌बा युङ्‌ना सिङासान्‌ङि आयुङिउङ् इस्‍राएलि याप्‌मिचिगा बारो छोङ्‌बाचि डोक् सासान् आचोगुम्‌चिम्‌चिम्॥”

लुका 9:26

टरो खानि याप्‌मिचि आङालोक् हिट्‌नुङ् आङा हिसिक्‍नानिगा रिङ्‌चिलोक् आमोन्‌डिसिए भोने, याप्‌मि छा चा आङा, माङ्‌हाङ् पाबाङाना, हिट्‌नुङ् सेङ्‌सेङ्‌गा माङ्‌हाङ् रिङ् काउग्‍बाचिलोक् माहिमाङि उङ्‌ना बेला हिट्‌ना मिसेन् निमा मोन्‌युसियुक्॥

मुलिचेला टोॽवा 14:22

हिट्‌नागाचिङा येसु डाङ्‌बाङि बिस्‍वास काचोक्‍बाचि बिस्‍वासङि बोलियो लिसानि पिक्‍सा आँट् पिडाचुए, हिट्‌नुङ् “माङ्‌हाङ् उमुलुक्‌ङि खाप्‍मा नुङ्‌ना उटुम्‌ङि आनि याङ्‌छामा, निङ्‌गुवा सागु हिट्‌नुङ् खेदो आङ्‌मा डोक् कोन्‌युक्” पिक्‍सा हिट्‌नागा लोडाचुचे॥

रोमि 5:17

ठिबाङ् याप्‌मि आदामङा चोगुना पापङा सोब्‍बे याप्‌मिचि सिमा कोन्‍ना लिसे॥ टरो माङ्‌हाङ्‌ङाना मायादाया लोक् धारमिक्‍ताङाना बारदान ओटोगुगा याप्‌मिचिङा छेम्‍बाना चोला ओटोगुटु हिट्‌नुङ् ठिबाङ् याप्‌मि येसु खिरिस्‍टलाम्‍मा सासान् ओचोगुटु॥

रोमि 8:17

पोङ्‌भोने आनि माङ्‌हाङ् ओछालेट्‌चि ए, हिट्‌नुङ् ओछालेट्‌चि लाउङ्‌सा उन्‍ङा पिमा युङ्‌सुना आसिक् चा आनि टोगुम्‍टुम्, हिट्‌नुङ् हिट्‌ना आसिक् खिरिस्‍टलोक् एक्‍केउ आनि चा टोगुम्‍टुम्॥ टरो खिरिस्‍टङा मान् टोगु गाड्‌डे डोक् आनि चा मान् टोगुम्‍टुम् भोने, खिरिस्‍टङा याङ्‌छामा आङ्‌डु गाड्‌डे डोक् आनि चा याङ्‌छामा आङ्‌मा कोन्‌युक्॥

फिलिप्‌पि 1:28

हिट्‌नुङ् खानि बिरोधिचिलोक् खोना रिङ्‌ङि चा किट्‌नेनिन्॥ ना रिङ्‌ङा खानि साट्‌टुरचि माङ्‌हाङ्‌ङा जाखाम् चोगुचिगा रिङ्‌ङाना पारमान् हिट्‌नुङ् उन्‍ङा खानि माहिङिना रिङ्‌ङाना पारमान् मापिडिटि॥ माङ्‌हाङ्‌ङा डोक् नागा सोब्‍बे चोगुटु॥

१ तिमोथि 5:8

टरो कोइङा आप्‍पे ओनातेदारचि हिट्‌नुङ् हिट्‌नि चा आप्‍पे ओपाङ्‌ठाङ्‌ङिगा याप्‌मिचि नुलोक् पुयुन्‌चिन्‍गा भोने, हिट्‌ना छेम्‍बाना बिस्‍वासि माखाक्, हिट्‌नुङ् हिट्‌ना याप्‌मि बिस्‍वास काचोक्‌निबा नुङ्‌ना चा ओचाफेन्‍ना लियुक्॥

याहुदा 1:4

आङा ना रिङ् माट्‌टुङ्‌टुङ् पोङ्‌भोने कोइ-कोइ याप्‌मिचि खानि माझाङि सोगोप् उलिगाइसे, हिट्‌नागाँ माङ्‌हाङ् डोक् मान् ओचोगुन्‍ना॥ हाट्‌ले माङ्‌हाङ्‌ङा आनि लुक्‍मा आटुक्‍टानाँ सोब्‍बे ओभेन्‍गा टोॽवा चोक्‍मा आनि आपिडाइसे नुङ् हिट्‌नागा उपिग्‍गा, हिट्‌नुङ् आनिना ठिबाङ् एना डाङ्‌बा हिट्‌नुङ् टाङ्‌बा येसु खिरिस्‍ट इन्‍कार ओचोगुना॥ याप्‍मा बारखा पाइले नागा याप्‌मिचि फाट्‌टुर ओलाबुचिगा रिङ् धारमाछाप्‍लाङि छेप्‍टेसे॥

पारकास 1:6

हिट्‌नुङ् उन्‍ङाना माङ्‌हाङ् लोक् पाबाङाना उमुलुक्‌ङि सेवा चोक्‍मा उन्‍ङा आनि पुजारि आचोगेसे॥ येसु खिरिस्‍टङा सोरोक् मान् ओटोगुवाक् हिट्‌नुङ् उन्‍ङा सोरोक् सासान् ओचोगुवाक्॥ आमेन्॥

पारकास 1:9

आङा युहान्‍ना, खानि बिस्‍वासि साइबा॥ खानि गाड्‌डे डोक् आङा चा याङ्‌छामा आङ्‌डुएट्‌टुङ्, पोङ्‌भोने येसु आनि हाङ्‌बा ए, हिट्‌नुङ् उन्‍ङा आङ्‌मा हिमाना बोल् आनि आपियुक्॥ आङा माङ्‌हाङ् रिङ् पारचार चोगुङ्‌नाँ हिट्‌नुङ् येसुङाना बारेङि याप्‌मिचि लोडुङ्‌चिङ्‌नाँ आङा याप्‌मिचिङा पोत्‍मोस ओलोडुना टापुङि उयुङ्‌सेसाङे॥

पारकास 2:13

खानि सैतानङा सासान् चोगुना डेन्‌ङि आयुङिगा नुङ् आङा ठाहा टोगुङ्‌टुङ्॥ टरोचा खानिङा आङा आझै बिस्‍वास आचोगियाक्‌टिङे॥ हिट्‌नुङ् आङाना बारेङि पारचार काचोक् बिस्‍वासिलो एन्‌टिपासलाउङ्‌सा पाक् लिसेना हिट्‌ना रिङ् आङा ठाहा टोगुङ्‌टुङ्॥ एन्‌टिपासलाउङ्‌सा याप्‌मिचिङा सैतानङा सासान् चोगुना खानि खालाङ्‌गाङि ओसेडुचा खानिङा आङि बिस्‍वास चोक्‍मा आनानेट्‌निम्॥

पारकास 20:4

हिट्‌नुङ् आङा सिङासान् निसुङे, हिट्‌नि न्‍याए चोक्‍मा आधिकार ओटोगुगा याप्‌मिचि उयुङासागा॥ हिट्‌नि येसुङाना खाबोर लोक् माङ्‌हाङ् रिङ् पारचार ओचोगुनाँ नाराङि उन्‌चि टेहेक् ओचेप्‍टुचिगा याप्‌मिचिगा हाङ्‌सा चा निसुङे॥ हिट्‌नागाम्‍बाक् हिट्‌ना जिवाट् लोक् हिट्‌नाङाना मुरति साम्‍माङ् ओचोग्‍वाट्‌टुन् हिट्‌नुङ् हिट्‌नाङाना छाप् उन्‌चि नाम्‍धाङ्‌ङि आथाबा उन्‌चि मुक्‌ङि चा ओवाडुवाट्‌टुन्॥ हिट्‌नागा फेरि उहिङ्‌ग्‍वाट् उलिसे हिट्‌नुङ् खिरिस्‍टलोक् ठिक् हाजार बारखा सासान् ओचोगुए॥

पारकास 20:6

छेम्‍बा डोक्, माङ्‌हाङ्‌ङा उसियागालाम्‍मा पाइलेना खेप् उहिङ्‌ग्‍वाट् चोगुचिगा याप्‌मिचि खुसि लोक् सेङ्‌सेङ् उलियाक्॥ हिट्‌नागा दोस्‍रो खेप् सिमा कोन्‌निना, टरो हिट्‌नागा माङ्‌हाङ्‌ङाना हिट्‌नुङ् खिरिस्‍टङाना पुजारि उलियुक्, हिट्‌नुङ् हिट्‌नागाँ ठिक् हाजार बारखा उन्‌लोक् सासान् ओचोगुटु॥

पारकास 3:10

ना नाराङि उयुङ्‌गा सोब्‍बे याप्‌मिचि जाँच् चोक्‍मा टाना आड्‌डिक् ठेना याङ्‌छामालाम्‍मा आङा खानि जोगाँ चोक्‍नाँनि, पोङ्‌भोने खानिङा याप्‍मा याङ्‌छामा आङ्‌डुमुङ् आङाना आग्‍याँ पालान् आचोगुएसुम्‍मे॥

पारकास 3:21

जुन् याप्‌मिङा दुस्‍टा मेट्‌टुटु, हिट्‌ना आङा युङ्‌ङाना डेन्‌ङि आङा सोरि युङ्‌माना आधिकार पिडुङ्‌टुङ्, हिट्‌नुङ् हिट्‌नाङा आङालोक् सासान् चोगुटु, खोड्‌डेउङ् आङा चा दुस्‍टा मेट्‌टुङेना, हिट्‌नुङ् हाट्‌ले आङा आङाना माङ्‌हाङ् पाबालोक् उन् युङ्‌ना डेन्‌ङि युङैसाङे॥

पारकास 3:8

खानिङा आचोगुम्‍ना टोॽवा आङा लाउङ्‌सा ठाहा युङ्‌ग्‍वा॥ खेम्‍सानुम्, आङा खानि सोरि ढुवारिक् ओङ्‌सुएसुङे, हिट्‌ना ढुवारिक् साङा चा छाक्‍मा उहिडुन्‍ना॥ खानिलोक् आङाना सेवा चोक्‍माना याप्‍मा बोल् वाइना नुङ् आङा ठाहा टोगुङ्‌टुङ्, टरो चा खानिङा आरिङ् आखेम्‍सुम्‍मे हिट्‌नुङ् आङि बिस्‍वास चोक्‍मा आनानिम्‍गेट्‌निम्‍ना॥

पारकास 5:10

हिट्‌नुङ् खान्‍ङा हिट्‌नागा आनि माङ्‌हाङ्‌ङा सासान् चोग्‍माचिगा याप्‌मिचि ओचोगुएसुचे हिट्‌नुङ् पुजारिचि गाड्‌डे डोक् माङ्‌हाङ्‌ङाना सेवा चोक्‍मा आपिडुचिचि, हिट्‌नुङ् हिट्‌नागाँ नाराङि सासान् ओचोगुटु॥”