1 आइछा गाड्डेना तिमोथि, खिरिस्ट येसुङा आपिना मायादायाङि बोल्लेउ लिसा॥
ओछेक्छेक् चोगानि, बिस्वासङि लाहाब् लिसायाक्टानि॥ निङ्ग्वा ठेलोक् चोगानुम् हिट्नुङ् बिस्वास्ङि डोरो लिसानि॥
हाट्ले आन्तेङि, टाङ्बाङाना ठेना ओबोल्ङा खानि बोल्लेउ लिसानि॥
खिरिस्टङा याङ्पिडाना साक्तिङा डोक् आङा नागा सोब्बे रिङ् चोक्मा हिडुङ्टुङ्॥
आइछा गाड्डेना तिमोथि, आङा खान् ना आग्याँ पिनाँ, खान्ङाना बारेङि पाइला डोक् माङ्हाङ् रिङ्लाम्मा माट्टि गाड्डे, हिट्नागा रिङ्लाम्मा आँट् टोगुङ् नुना खाबोर लोङ्सा नुलोक् टोॽवा चोगु॥
माङ्हाङ् उनिङ्ग्वा गाड्डे आङा पावाल खिरिस्ट येसुङाना मुलिचेला लिमा याङ्सेगे हिट्नुङ् खिरिस्ट येसुङि लिसाना चोलाङाना चामारसिङा बारेङि माप्मा लोङ्सा आङा याङ्पाङ्से॥
आइछा गाड्डेना तिमोथि, ना चिट्ठि खान् लोङ्सा आङा छेप्टुङ्गेट्टुङ्॥ आनि माङ्हाङ् पाबा हिट्नुङ् टाङ्बा खिरिस्ट येसुङाना मायादाया, लुक्माटुक्मा हिट्नुङ् हाङ्हाङ् खान्लोक् उलियाक्॥
पोङ्भोने माङ्हाङ्ङा आनिलोङ्सा किट्टिना हाङ्सा माखाक् टरो बोल्, माया हिट्नुङ् आप्पे लोङ्सा आधिन्ङि युङ्माना हाङ्सा आपिडैसे॥
हिट्डेउङ् माङ्हाङ्ङा सेगुचिगा ओयाप्मिचि लोङ्सा खिरिस्ट येसुलाम्मा टोगुम्ना मुक्टि हिट्नुङ् खोना बेला चा लाट्निना माहिमा ओटोगु नुङ् सोब्बे याङ्छामा आङा आङ्डुङ्टुङ्॥
टरो टाङ्बाङा घुवार याङ्फाडाउङ् सोब्बे पानिछोङ्बाचिङा खाबोर खेम्मा ओटोगु नुङ् उन्ङा पारचार चोक्माना बोल् याङ्पिडे॥ नाड्डेउङ् आङा किबाङाना ओयासिलाम्मा छुट्कारा टोगुङे॥
टरो सोरोक् आनि टाङ्बा हिट्नुङ् काहिङ्मेप्बा डाङ्बा येसु खिरिस्टङाना ओठोना हिट्नुङ् ओमायादायाङि पोसा खाडानि॥ हाट्ले हिट्नुङ् सोरोक् टाङ्बाङाना डोक् उनिङ् टो-टो उलियाक्॥ आमेन्॥