२ तिमोथि 1:5 - आठपहरिया

⁵ खान्‌ङि लिसाना हिट्‌ना छेम्‍बाना बिस्‍वास आङा मिट्‌टुङ्‌टुङ्॥ हिट्‌ना बिस्‍वास डोक् पाइले काटुडुमा लोइस लोक् कामा युनिसङि डाना, हिट्‌नुङ् आझै हिट्‌ना बिस्‍वास डोक् खान्‌ङि चा युङ्‌ग्‍वा नुङ् आङा निस्‌चित लिसाइसाङे॥

२ तिमोथि 1:5 Iomraidhean Croise

युहान्‍ना 1:47

येसुङा नाथानेल उन्‌लेङ् आबागेट्‌टाना निसुङ् हिट्‌नाङाना बारेङि माट्‌टुए, “ठिबाङ् छेम्‍बाना इस्‍राइलि याप्‌मि पुयानुम्, उनिङ्‌ग्‍वाङि पाक्‍चा ओचाफेन्‍मा वाइना॥”

मुलिचेला टोॽवा 16:1

पावाल डारबि हिट्‌नुङ् लुस्‍टरा खालाङ्‌गाङि चा होन्‍डा टाए॥ हिट्‌नि तिमोथि उनिङ् लिसाना ठिबाङ् चेला डाना॥ उमाम्‍बाक् टाङ्‌बाङि बिस्‍वास काचोक् याहुदि छोङ्‌बाङिना डाना, टरो उप्‍पाम्‍बाक् गिरिक् छोङ्‌बा याप्‌मि डाना॥

मुलिचेला टोॽवा 26:26

पोङ्‌भोने हाङ् आग्‌रिपासङा नागा ख्‍वाप्‍पा रिङ्‌चि ठाहा युङ्‌ग्‍वा, उन् नागा रिङ् मिकिट्‌ङे लोमा हिडुङ्‌टुङ्॥ छेम्‍बा डोक्, उन्‍ङा नागा रिङ् नुलोक् ठाहा टोगुएसुए, पोङ्‌भोने नागा रिङ् सोगोप् लिसाना माखाक्॥

रोमि 14:14

टाङ्‌बा येसुङा खोना चा चामागा थोक्‌चि आसुद्‌दो उलिनिगा नुङ् आङा पारचिन्‍दा याङ्‌निमेट्‌टेसाङे॥ टरो कोइ याप्‌मिङा कोइ-कोइ चामागा थोक् आसुद्‌दो मिट्‌टुटु भोने, हिट्‌ना लोङ्‌सा डोक् आसुद्‌दो लियुक्॥

रोमि 14:5

कोइ याप्‌मिङा ठिक् लेम्‍बा आरु लेम्‍बा नुङ्‌ना सेङ्‌सेङ्‌ना मिट्‌टुटु, टरो आरको याप्‌मिङा ख्‍वाप्‍पा लेम्‍बा बोरो बोरना नुङ् मिट्‌टुटु॥ हिड्‌डेउङ् सोब्‍बे याप्‌मिङा पाक् उमिट्‌टुटुना हिट्‌ना रिङ्‌ङि हिट्‌नागा पाक्‍का लिमा कोन्‌युक्॥

रोमि 15:14

आम्‍भु-आन्‍झाचि हिट्‌नुङ् आनो-आन्‍झोचि, खानिङा याप्‌मिचि ओचेट्‌नुना चाट्‌ला आमेट्‌टुम्‌चिगा नुङ् आङा ठाहा टोगुङ्‌टुङ्॥ छेम्‍बा डोक्, खानिङा माङ्‌हाङ् बारेङि नुलोक् डोक् बुजा आचोगुएसुम्‍मे हिट्‌नुङ् ठिबाङ्‌ङा आरको हिसिक्‍मा आहिडुम्‌चिम्‌चिम् नुङ् आङा ठाहा टोगुङ्‌टुङ्॥

रोमि 4:21

हिट्‌नुङ् माङ्‌हाङ्‌ङा चोगुना चामारसिङा छेम्‍बा डोक् पुरो चोगुटु नुङ् आब्‍राहाम लाउङ्‌सा पाक्‍का डाना॥

रोमि 8:38

पोङ्‌भोने माङ्‌हाङ्‌ङाना ओमायालाम्‍मा आनि खोना चा रिङ्‌ङा साम्‍मा आहिनिना नुङ् आङा ठाहा टोगुएसुङे॥ आनि सिमा कोलेचा आथाबा उहिङ्‌ग्‍वाट् लिसि चा, उन्‍ङा माया ओचोक्‌युक्॥ हिट्‌नुङ् माङ्‌हाङ् रिङ् काउग्‍बाचि आथाबा ओभेन्‍गा रिङ्, आथाबा आरुङागा साक्‌ति, आथाबा हाट्‌लेसेन् लियेट्‌गा रिङ् आथाबा हान्‍डेङ् लिगा रिङ्‌ङा आनि माङ्‌हाङ्‌ङाना ओमायालाम्‍मा साम्‍मा आहिनिना॥

२ कोरिन्‌थि 6:6

आन्‍याँ फाकाट्‌ना लिसिङाउङ्, आन्‍याँ ठोनाङा, आङ्‌मा हिमाना हिट्‌नुङ् दायाङा, सेङ्‌सेङ्‌ना हाङ्‌साङा, हिट्‌नुङ् छेम्‍बाना मायाङा,

१ तिमोथि 1:5

ना आग्‍याँङाना मुलि रिङ्उम्‍बाक् माया ए, नाउम्‍बाक् चोखो निङ्‌ग्‍वा, ओचेट्‌नुना मिप्‍माना बोल् हिट्‌नुङ् छेम्‍बाना बिस्‍वासलाम्‍मा होन्‌युक्॥

१ तिमोथि 4:6

खान्‍ङा नागा रिङ्‌चि बिस्‍वासिचि आहिसिक्‍टुचे भोने खान् खिरिस्‍ट येसुङाना नुना सेवा काचोक्‍बा आलियुक्॥ खान्‍ङा पालान् आचोगुना बिस्‍वास लोक् नुना हिसिक्‍माङि डोक् खान् आपोए नुङ् ना रिङ्‌ङा डोक् मानिमेट्‌युक्॥

२ तिमोथि 1:12

हिड्‌डेउङ् आङा याङ्‌छामा आङ्‌डुएट्‌टुङ्॥ टरो आङा मोन्‌निङ्‌सिनिङ्‌ना पोङ्‌भोने आङा साक्‌ङि बिस्‍वास चोगुएसुङेना हिट्‌ना ठाहा टोगुएसुङे॥ हिट्‌नुङ् उन्‍ङा आङा जिम्‍मा याङ्‌पिडाना रिङ् उन्‍ङा डोक् हिट्‌ना बेला सोम्‍मा लोङ्‌सा जागेडा चोगुङ् युङ्‌सुटु नुङ् आङा ढुक्‍का वाङेट्‌ङा॥

२ तिमोथि 3:15

हिट्‌नुङ् कापिच्‍छा बेलालाम्‍मा डोक् खान्‍ङा सेङ्‌सेङ्‌ना धारमाछाप्‍ला बारेङि ठाहा आटोगुएसुए॥ नागा रिङ्‌ङा डोक् खान् खिरिस्‍ट येसुङि लिसाना बिस्‍वासलाम्‍मा टोगुम्‍ना मुक्‌टि बारेङि बुजा चोक्‍माना ठोना मापियुक्॥

हिब्‍रु 11:13

नागा सोब्‍बे याप्‌मिचिङा माङ्‌हाङ्‌ङि बिस्‍वास ओचोगुङ् डोक् उसिए, टरो माङ्‌हाङ्‌ङा पिमा लाउङ्‌सा चोगुना चामारसिङा हिट्‌नागाँ ओटोग्‍वाट्‌टुन्॥ टरो चा हिट्‌नागाँ माङ्‌हाङ्‌ङा चोगुएसुना चामारसिङा लाप्‍माङ्‌लाम्‍मा उनिसुङ् हारका उलिसे॥ हिट्‌नुङ् हिट्‌नागाँ आप्‍पेलाउङ्‌सा ना नाराङि लाम्‍बोङि ओलाम्‌टियागोन्‍गा हिट्‌नुङ् भारागा याप्‌मिचि नुङ् बुजा ओचोगुए॥

हिब्‍रु 6:9

आमायालु आम्‍भु-आन्‍झाचि हिट्‌नुङ् आनो-आन्‍झाचि, आन्‍याँ खानि बारेङि नाड्‌डेगा रिङ् माट्‌टुम्‍मा चा हाट्‌ले छेम्‍बा डोक् खानि टाङ्‌बालोक् आलाम्‌टिएट्‌टिगा रिङ् आन्‍याँ ठाहा टोगेसुम्‍मे॥ हिट्‌ना रिङ्‌ङा डोक् माङ्‌हाङ्‌ङा खानि माहिङे नुङ् आनिमेट्‌युक्॥

१ पाटरुस 1:22

हाट्‌ले खानिङा छेम्‍बाना रिङ् मानाँ आचोगुमुङ् खानि निङ्‌ग्‍वा सेङ्‌सेङ् आचोगुम्‍नाँ खानि भुम्‍भु-झान्‍झाचि हिट्‌नुङ् नाना-झान्‍झाचि छेम्‍बाना माया चोगानुम्‌चिम्, हिट्‌नुङ् निङ्‌ग्‍वालाम्‍मा डोक् ठिबाङ्‌ङा आरको माया चोग्‍गा चोग् चोगानि॥