२ तिमोथि 1:18 - आठपहरिया

¹⁸ टाङ्‌बाङाना लेम्‍बा उन् टाङ्‌बाङा लुक्‍मा उटुक्‍टुवाक्॥ आङा एफिसासङि वासाङ्‌ना बेला उन्‍ङा आम्‍टेप्‍मा औधि घुवार याङ्‌फाडाना रिङ् खान् लाउङ्‌सा नुलोक् डोक् ठाहा युङ्‌ग्‍वा॥

२ तिमोथि 1:18 Iomraidhean Croise

लुका 1:72

उन्‍ङा आनि टुबाठेबाचिलोङ्‌सा लुक्‍मा टुक्‍माना रिङ् निमेट्‌मा लोङ्‌सा हिट्‌नुङ् उन्‌चिलोक् रेक्‍टुना सेङ्‌सेङ्‌ना माङ्‌हुप् युमालोङ्‌सा नाड्‌डेना टोॽवा आनि सोरि चोगुएसुए॥

लुका 1:78

पोङ्‌भोने आनि माङ्‌हाङ् लुक्‍मा काटुक् हिट्‌नुङ् मायालु ए॥ हिट्‌नुङ् टोनालोग्‌लाम्‍मा खिरिस्‍टलाउङ्‌सा भ्‍यानिक् छेना नाम्‌ङा ओलाप्‍को गाड्‌डे डोक् आनि उठुङ्‌ङि आपाङ्‌युबियुक्॥

लुका 8:3

हिट्‌नुङ् हेरोद हाङ्‌बाङाना ओपाङ्‌ठाङ् कापुबा मुलि हाकिम खुजासङाना ओमेन्‍झेमा योआन्‍ना, हिट्‌नुङ् सुसान्‍ना लोक् जोम् आरु मेन्‍झेमाचि ओडागा॥ नागा मेन्‍झेमाचिङा उन्‌चि माक्‍फेन्‍सुबेन् उपिडुचिउङ् येसु हिट्‌नुङ् ओचेलाचि घुवार ओफाडुचे॥

मुलिचेला टोॽवा 18:19

हिट्‌नागा एफिसास खालाङ्‌गाङि ओटासुङ् पावालङा पिरिस्‌किला लोक् आकिलास हिट्‌नि डोक् नाडुचे॥ हिट्‌नुङ् पावालउम्‍बाक् याहुदिचिगा छुम्‍मापाङ्‌ङि खाडाउङ् याहुदिचिलोक् बादबिबाद चोगे॥

मुलिचेला टोॽवा 18:21

हिट्‌नुङ् पावालङा नाट्‌डे लोडुचिउङ् हिट्‌नागालोक् सेन्‍डे, “माङ्‌हाङ्‌ङाना उनिङ्‌ग्‍वा लिसे भोने, आङा फेरि खानि सोरि नोक्‍ङा टाङा॥” हिट्‌डे लोडुचिउङ् उन् चुवाखोङ्‌डाङ्‌ङि ठाङाउङ् एफिसासलाम्‍मा लाम्‌टिए॥

मुलिचेला टोॽवा 19:1

आपोल्‍लोस कोरिन्‌थि खालाङ्‌गाङि लिसाना बेला पावाल हिट्‌ना एसिया छेट्‌राङाना भिट्‌राङिना लाम्‍बो लिसाउङ् एफिसास खालाङ्‌गाङि होन्‍डाडाए॥ हिट्‌नि पावालङा इम्‍टेप्‍मा बिस्‍वासिचि टुबुचे॥

१ कोरिन्‌थि 1:8

आनि टाङ्‌बा येसु खिरिस्‍ट उङ्‌ना लेम्‍बाङि खानि फाट्‌टुर माले लिसानि नुङ् उन्‍ङा खानि आन्‍ते सोम्‍मा बोल्‍लेउ माचोगिटि॥

१ कोरिन्‌थि 16:8

टरो पेन्‌तिकोसङाना चाडा सोम्‍मा आङा एफिसास खालाङ्‌गाङि डोक् युङ्‌ङा॥

१ कोरिन्‌थि 3:13

टरो न्‍याए लिना लेम्‍बा हिट्‌नागाँ खोड्‌डे पारागा पाङ् ओजाग्‌ङि चोक्‍मागा थोक्‌चि ओठेन्‍डुएना येसु खिरिस्‍ट उङ्‌युङ् ओठेट्‌युक्, उन्‍ङा ख्‍वाप्‍पा थोक् पारचिन्‍दा चोगुटु॥ हिट्‌ना बेला मिङा सोब्‍बेङा ओचोगुना टोॽवा पारकाट् चोगुटु, हिट्‌नुङ् ख्‍वाप्‍पाङा उन्‌चिङा ओचोगुना टोॽवा खोड्‌डेना नुङ् मिङि ठेन्‌युङ् जाँच चोक्‌युक्॥

२ कोरिन्‌थि 9:1

याहुदियाङिगा माङ्‌हाङ् ओयाप्‌मिचि हिट्‌नागा खिरिस्‍टङि बिस्‍वास ओचोगुगा लाउङ्‌सा भेटि पैसा पिडुम्‌चिम्‍ना बारेङि आङा खानिलाउङ्‌सा छेप्‍मायाक्‍मा कोन्‌निना॥

एफिसि 2:4

टरो माङ्‌हाङ्‌ङाना दाया औधि जोम्‍ना ए हिट्‌नुङ् उन्‍ङा आनि आड्‌डिक् माया आचोक्‌युक्॥

१ थेसालोनिकि 2:19

पोङ्‌भोने आनि टाङ्‌बा येसु उङ्‌ना बेला उन् सोरि आन्‍याँ ठेलोक् चोग्‍माना मुकुट्, आन्‍याँ आसा, हिट्‌नुङ् आनान्‍दा खानि डोक्, पाक् खानि डोक् माखाइ टे?

१ तिमोथि 1:3

आङा माकेडोनिया खाडाङ्‌ना बेला खान् आनुरोध चोक्‍ना गाड्‌डे डोक् एफिसास खालाङ्‌गाङि डोक् युङा, हिट्‌नुङ् माङ्‌जोगा रिङ् काहिसिक्‍बाचि हिट्‌नाडे चोक्‍नेनिन् नुङ् आग्‍याँ पिडुचि,

२ तिमोथि 1:12

हिड्‌डेउङ् आङा याङ्‌छामा आङ्‌डुएट्‌टुङ्॥ टरो आङा मोन्‌निङ्‌सिनिङ्‌ना पोङ्‌भोने आङा साक्‌ङि बिस्‍वास चोगुएसुङेना हिट्‌ना ठाहा टोगुएसुङे॥ हिट्‌नुङ् उन्‍ङा आङा जिम्‍मा याङ्‌पिडाना रिङ् उन्‍ङा डोक् हिट्‌ना बेला सोम्‍मा लोङ्‌सा जागेडा चोगुङ् युङ्‌सुटु नुङ् आङा ढुक्‍का वाङेट्‌ङा॥

२ तिमोथि 1:16

ओनेसिफरस हिट्‌नुङ् ओपाङ्‌ठाङ्‌ङिगा याप्‌मिचि टाङ्‌बाङा लुक्‍मा उटुक्‍टुचियाक्, पोङ्‌भोने उन्‍ङा आङा याप्‍मा खेप् खाम्‍बाङ्‌ङि लिसाङ्‌ना आङा टुब्‌सिङा टाए हिट्‌नुङ् आँट् याङ्‌पिडे, हिट्‌नुङ् आङा खाम्‍बाङ्‌ङि वासाङ्‌नाँ चा उन् मोन्‌निसिनेट्‌नि॥

२ तिमोथि 1:17

टरो जब उन् रोमङि आबे, उन्‍ङा आङा मिटुप्‍मे सोम्‍मा याङ्‌कोलायाक्‍टे॥

२ तिमोथि 4:12

आङा तुखिकास एफिसासङि पाङ्‌सुएसुङे॥

२ तिमोथि 4:8

हाट्‌लेउम् आङालोङ्‌सा धारमिक्‍ताङाना मुकुट् युङ्‌गुवा, हिट्‌ना मुकुट् नुलोक् न्‍याए काचोक्‍बा टाङ्‌बाङा हिट्‌ना बेला आङा याङ्‌पियुक्, हिट्‌नुङ् आङा एडोक् माखाक्, टरो उन् टाना ओलाम्‍बो उपुयुगा सोब्‍बेलोङ्‌सा पिडुचिचि॥

हिब्‍रु 6:10

माङ्‌हाङ् न्‍याए काचोक्‍बा ए॥ माङ्‌हाङ्‌ङा खानिङा आचोगुम्‍ना ओचेट्‌नुना टोॽवा हिट्‌नुङ् ओयाप्‌मिचि घुवार आफाडुम्‌चिम्‍मुङ् उन् माया पारकाट् आचोगुम्‍ना रिङ् उन्‍ङा मुन्‍डुन्‍ना॥ खानिङा हाट्‌ले चा हिट्‌नागा हिड्‌डेना सेवा डोक् आचोगेट्‌टुम्॥

१ पाटरुस 1:10

ना मुक्‌टि बारेङि डोक् ख्‍वाप्‍पा थोक् ठाहा टोक्‍मा लाउङ्‌सा माङ्‌काटाचिङा नुलोक् ओकोलुए, हिट्‌नुङ् ना मुक्‌टि डोक् माङ्‌हाङ्‌ङा खानि मापिडिटि नुङ् पाइले डोक् ओमाट्‌टुए॥

पारकास 2:1

उन्‍ङा आङा नाड्‌डे याङ्‌लोडे, “एफिसास खालाङ्‌गाङिगा माङ्‌पाङ्‌ङिना माङ्‌हाङ् रिङ् काउग्‍बा लाउङ्‌सा ना खाबोर छेप्‍टु॥ “ना खाबोरम्‍बाक् छुप्‍टाङ् उमुक्‌ङि सि चोक्‌चिङ्‌गेट् याङुना हिट्‌नुङ् सि टेप्‍मा साम्‍मेङ्‌ङा चोक्‍बालाक् कुपिदानिचि माझालाम्‍मा लाम्‌टियेट्‌ङाना ए॥