२ तिमोथि 1:10 - आठपहरिया

¹⁰ हाटले ना मायादाया आनि काहिङ्‌मेप्‍बा डाङ्‌बा खिरिस्‍ट येसु उङ्‌साउङ् माङ्‌हाङ्‌ङा आनि सोरि आनिमेट्‌टाइसे॥ उन्‍ङा डोक् आसेट्‌ना बोल् जाखाम् चोगुए हिट्‌नुङ् नुना खाबोरलाम्‍मा खोना बेला चा लाट्‌निना चोला आनिमेट्‌टे॥

२ तिमोथि 1:10 Iomraidhean Croise

लुका 11:36

हिट्‌डेउङ् कायेम् ख्‍वाप्‍पा व्‍हाङ् चोगाइसे भोने आथाबा डुम्‍बारिक् वाइना भोने हिट्‌ना सोब्‍बे व्‍हाङ् लियुक्॥ कुपिङा व्‍हाङ् चोगि गाड्‌डे डोक् सोब्‍बे कायेम् व्‍हाङ् लियुक्॥”

लुका 13:7

टब स्‍वाँराङि टोॽवा काचोक् चाकार लोडुए, ‘आङा सुम्‍बोक् बारखालाम्‍मा ना वामाखोक्‍पोङा उसा केङुटुनि नुङ् पुयेट्‌टुङ्, टरो केङ्‌मा केङ्‌नेट्‌नि॥ हाट्‌ले ना वामाखोक्‍पो चेप्‍टुडेसु, ना पोङ् बिट्‌थाङि स्‍वाँरा कोक्‍मा पिमाना?’

लुका 2:11

खेम्‍सानुम्, हाट्‌ले दाउद हाङ्‌बा पोङ्‌साना बेथलेहेम युक्‍ताम्‌ङि खानिलोङ्‌सा ठिबाङ् काहिङ्‌मेप्‍बा डाङ्‌बा पोङ्‌सेसे॥ उन् डोक् खिरिस्‍ट लियुक्॥

युहान्‍ना 1:9

हिट्‌ना छेम्‍बाना व्‍हाङ्‌म्‍बाक् ख्‍वाप्‍पा याप्‌मिचि छेम्‍बाना रिङ् निमेट्‌माचि लोङ्‌सा नाराङि टायागेट्‌टाना डाना॥

युहान्‍ना 14:6

येसुङा हिट्‌ना लोडुए, “लाम्‍बो, छेम्‍बा हिट्‌नुङ् चोला आङा डोक्॥ आङा माले आरु खोनालोक् चा पाबाङि खाप्‍मा हिनिना॥

युहान्‍ना 20:31

टरो येसुम्‍बाक् खिरिस्‍ट, माङ्‌हाङ् छा नुङ् बिस्‍वास चोगानुम्, हिट्‌नुङ् बिस्‍वासलाम्‍मा उन्‌ङि खानिङा चोला टोगानुम् नुङ् ना छाप्‍लाङि छेप्‍टेसे॥

युहान्‍ना 4:42

हिट्‌नागाँ हिट्‌ना मेन्‍झेमा ओलोडुए, “हाट्‌ले खान्‍ङा आमाट्‌टुना रिङ्‌ङा एरोक् माखाक्, टरो आन्‍याँ आप्‍पेङा खेम्‍सुम्‍माउङ् बिस्‍वास चोगुम्‍टुम्‍मा॥ उन् छेम्‍बा डोक् नाराङिना काहिङ्‌मेप्‍बा डाङ्‌बा नुङ् आन्‍याँ ठाहा टोगुएसुम्‍मे॥”

युहान्‍ना 5:40

टरो लाट्‌निना चोला टोक्‍माउङ्‌सा खानि आङा सोरि टामा निङ्‌ग्‍वा आचोक्‌निम्‍गा॥

मुलिचेला टोॽवा 13:23

“माङ्‌हाङ्‌ङा चामारसिङा चोगु गाड्‌डे डोक् दाउद उपुङ्‌लालाम्‍मा इस्‍राएलि याप्‌मिचि लोङ्‌सा ठिबाङ् काहिङ्‌मेप्‍बा डाङ्‌बा येसु पाङ्‌सुए॥

मुलिचेला टोॽवा 5:31

इस्‍राएलि याप्‌मिचि पापलाम्‍मा काएल्-काबु लिमा हिट्‌नुङ् पाप छेमा टोक्‍माउङ्‌सा माङ्‌हाङ्‌ङा उन् हाङ्‌बा हिट्‌नुङ् काहिङ्‌मेप्‍बा डाङ्‌बा चोगुउङ् उछुप्‍टाङ् उमुक्‌लेङ् युङ्‌सुए॥

रोमि 16:26

टरो ना रिङ् माङ्‌काटाचिङा पाइले डोक् ओछेप्‍टुए, हाट्‌लेम्‍बाक् माङ्‌हाङ्‌ङा पारचिन्‍दा चोगुएसुए॥ हिट्‌नुङ् याप्‌मिचिङा उन् बिस्‍वास ओचोगुवाक् हिट्‌नुङ् पालान् ओचोगुवाक् नुङ् सोरोक् लियुयाक्‍ना माङ्‌हाङ्‌ङा ख्‍वाप्‍पा छोङ्‌बाचिङि ना नुना खाबोर पारचिन्‍दा चोक्‍मा आग्‍याँ चोगुए॥

रोमि 2:7

जुन् याप्‌मिचिङा ओचेट्‌नुना टोॽवा ओचोगुयाक्‍टुटु, माङ्‌हाङ्‌ङाना माहिमा, मान् चोक्‍मा, हिट्‌नुङ् सिनिना चोला लाउङ्‌सा उहिङ्‌युक् हिट्‌नागा माङ्‌हाङ्‌ङा लाट्‌निना चोला पिडुचिचि॥

रोमि 3:31

पाक् बिस्‍वासङा ना धारमाबिधि बेकामे चोगुटु नुङ् खानि आमिट्‌टिटिगि? हिट्‌डे माखाक्, आन्‍याँ येसु खिरिस्‍टङि बिस्‍वास चोगुम्‍टुम्‍मा भोने, धारमाबिधि आझै काम लाहाब् लिना नुङ् आन्‍याँ बिस्‍वास चोगुम्‍टुम्‍मा॥

रोमि 6:6

आनिना ना चोलालाम्‍मा पापङाना आधिकार जाखाम् उलियाक्, हिट्‌नुङ् हाट्‌लेउङ् पापङाना ओकामारा आनि उलिसिन्‍चा नुङ् आनिना पाइलेना चोला याप्‌मिचिङा येसु खाप्‍चेङि उछुडुनाँ उन्‌लोक् डोक् खाप्‍चेङि छुडाना रिङ् आनिलाउङ्‌सा ठाहा युङ्‌ग्‍वा॥

१ कोरिन्‌थि 15:26

हिट्‌नुङ् सोब्‍बे नुङ्‌ना एङ्‌स्‍वाना साट्‌टुरम्‍बाक् कासेब्‍बा ए, हिट्‌ना खिरिस्‍टङा जाखाम् चोगुटु॥

१ कोरिन्‌थि 4:5

हिट्‌डेउङ् बेला मिलिए पाइले डोक् न्‍याए चोक्‍नेनुम्, टाङ्‌बा उङ्‌लोक् सोम्‍मा हाङ्‌सानुम्॥ टाङ्‌बाङा डोक् डुम्‍बारिक् डुम्‌ङि ठोबागा रिङ् व्‍हाङ्‌ङि पारकाट् चोगुटु, हिट्‌नुङ् याप्‌मिचिगा निङ्‌ग्‍वाङिगा रिङ् पारचिन्‍दा चोगुटु॥ हिट्‌ना बेला सोब्‍बे याप्‌मिचिङा ओचोगुना टोॽवालाम्‍मा टोक्‍माना जाए-जाए माङ्‌हाङ्‌लाम्‍मा ओटोगुटु॥

२ कोरिन्‌थि 5:4

पोङ्‌भोने ना येम्‌ङि वासिङानाँ याङ्‌छामाङा आन्‍याँ सोक्‍मा ठेक्‍टाउङ् केना सोक्‍मा लेडुम्‍टुम्‍मा॥ टरो आन्‍याँ सिमा हिट्‌नुङ् ना येम् नामाना निङ्‌ग्‍वा चोगिङागा माखाक्, टरो हिट्‌ना ओसाट्‌टोङि ना जाखाम् लियुङ् खाट्‌ना येम् खोना बेला चा लाट्‌निना येम्‌ङि फेराँ उलियाक् नुङ् टोनालोग्‌ङि लिना येम् टोक्‍मा निङ्‌ग्‍वा चोगुम्‍टुम्‍मा॥

गालाति 5:4

हिट्‌नुङ् खानिङा धारमाबिधि पालान् आचोगुमुङ् माङ्‌हाङ् सोरि धारमोति लिमा आकोलिटि भोने, खानि आप्‍पे खिरिस्‍टलाम्‍मा आसाम्‌डिएसिए, हिट्‌नुङ् खानि माङ्‌हाङ् ओमायादायालाम्‍मा लाप्‍माङ् आलिसिएसिए॥

एफिसि 1:18

आनि खिरिस्‍टङि युङ्‌सुम्‍ना आसा खानिङा बुजा चोक्‍मा माङ्‌हाङ्‌ङा घुवार माफाडियाक् नुङ् आङा बिन्‌टि चोगुङ्‌टुङ्, हिट्‌नुङ्‌ना माङ्‌हाङ्‌ङा सेगुचिगा ओयाप्‌मिचि चामारसिङा चोगुना ओचेट्‌नुना रिङ्‌ङाना उटुप् खानिङा बुजा आचोगुम्‍टुम्, हिट्‌नुङ् उन्‍ङा सेगुचिगा याप्‌मिचिङा ओचोगुनाँ माङ्‌हाङ्‌ङा ठेना मान् टोगुटु॥

एफिसि 1:9

माङ्‌हाङ्‌ङा उन्‍ङाना माङ्‌ठेना बुद्‌दि हिट्‌नुङ् ठोनालाम्‍मा खिरिस्‍टङि पुरो चोगुङ्‌टुङ् नुङ् माट्‌टुना उन्‍ङाना ठोबाना रिङ् चा आनि आनिमेट्‌टे॥

२ थेसालोनिकि 2:8

हिट्‌नुङ्‌ना धारमाबिधि मानाँ काचोक्‌निबा ठेट्‌युक्, टाङ्‌बा येसुङा ओयासिङाना ओसोक्‍माङा हिट्‌नुङ् उन् उङ्‌ना बेला ठेट्‌ना माहिमालाम्‍मा हिट्‌ना जाखाम् चोगुटु॥

२ तिमोथि 1:1

माङ्‌हाङ् उनिङ्‌ग्‍वा गाड्‌डे आङा पावाल खिरिस्‍ट येसुङाना मुलिचेला लिमा याङ्‌सेगे हिट्‌नुङ् खिरिस्‍ट येसुङि लिसाना चोलाङाना चामारसिङा बारेङि माप्‍मा लोङ्‌सा आङा याङ्‌पाङ्‌से॥

२ तिमोथि 1:8

हिट्‌डेउङ् आनि टाङ्‌बाङाना बारेङि माप्‍मा मोन्‌निसिनेन्, हिट्‌नुङ् आङा आनि डाङ्‌बाङाना उनिङ्‌ङि खाम्‍बाङ्‌ङि ठायाङे नुङ् मोन्‌निसिनेन्॥ टरो खान् चा आङालोक् नुना खाबोर खेम्‍मेप्‍मा याङ्‌छामा फोगु॥ ना चोक्‍मा लोङ्‌सा माङ्‌हाङ्‌ङा खान् बोल् मापियुक्॥

२ तिमोथि 4:1

माङ्‌हाङ् जामानि युङ्‌सुङ् हिट्‌नुङ् उसियागा हिट्‌नुङ् उहिङागा याप्‌मिचिगा न्‍याए काचोक्‍बा खिरिस्‍ट येसु जामानि युङ्‌सुङ्, हिट्‌नुङ् उन् उङ्‌ना हिट्‌नुङ् हाङ्‌बा लियुङ् सासान् चोगुना रिङ् बिचार चोक्‍सा खान् नाड्‌डेना आग्‍याँ पिनाँ,

२ तिमोथि 4:8

हाट्‌लेउम् आङालोङ्‌सा धारमिक्‍ताङाना मुकुट् युङ्‌गुवा, हिट्‌ना मुकुट् नुलोक् न्‍याए काचोक्‍बा टाङ्‌बाङा हिट्‌ना बेला आङा याङ्‌पियुक्, हिट्‌नुङ् आङा एडोक् माखाक्, टरो उन् टाना ओलाम्‍बो उपुयुगा सोब्‍बेलोङ्‌सा पिडुचिचि॥

तितास 2:11

सोब्‍बे याप्‌मिचि मुक्‌टि पिमाचि लोङ्‌सा डोक् माङ्‌हाङ्‌ङा ओदाया पारकाट् चोगुएसुए॥

तितास 2:13

हिट्‌नुङ् आसिक्‌ङाना आसा आनि हाङ्‌सुएट्‌टुम्॥ हिट्‌ना डोक् आनि माङ्‌ठेना माङ्‌हाङ् हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना माहिमाङि ठेट्‌युक्॥

तितास 3:4

टरो आनि काहिङ्‌मेप्‍बा डाङ्‌बा माङ्‌हाङ्‌ङा ओदाया लोक् माया सोब्‍बे याप्‌मिचि लोङ्‌सा आनिमेट्‌टे,

हिब्‍रु 10:32

खानिङा पाइले खिरिस्‍टङाना व्‍हाङ् आटोगुम्‍ना बेलाङाना रिङ् मिट्‌टानुम्॥ खानिङा आड्‌डिक् टुक्‍लोक् याङ्‌छामा आआङ्‌डुम्‍चा बिस्‍वासङि दोरो आलिसिए॥

२ पाटरुस 1:1

येसु खिरिस्‍टङाना मुलिचेला हिट्‌नुङ् उन्‍ङाना सेवा काचोक् आङा सिमोन पाटरुसङा ना चिट्‌ठि छेप्‍टुङ्‌ना ए॥ आङा ना चिट्‌ठि आनि माङ्‌हाङ् हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना धारमिक्‍तालाम्‍मा आन्‍याँना गाड्‌डे डोक् बाहुमुल्‍ले बिस्‍वास आटोगुम्‍गा खानि ख्‍वाप्‍पालोङ्‌सा छेप्‍टुङ्‌गेट्‌टुङ्॥

२ पाटरुस 1:11

नाड्‌डेउङ् माङ्‌हाङ्‌ङा खानि आनि टाङ्‌बा लोक् काहिङ्‌मेप्‍बा डाङ्‌बा येसु खिरिस्‍टङाना खोना बेला चा लाट्‌निना उमुलुक्‌ङि लिग्‍मा खानि आड्‌डिक् निङ्‌ग्‍वालाम्‍मा डोक् आनुमोति मापिडिटि॥

२ पाटरुस 1:3

माङ्‌हाङ्‌ङाना ओबोल्‌लाम्‍मा सेङ्‌सेङ्‌ना चोलाङि हिट्‌नुङ् धारमोति चोलाङि हिङ्‌मा आनिलाउङ्‌सा चाहाबा लिना सोब्‍बे थोक् उन्‍ङा आपिडाइसे॥ पोङ्‌भोने उन्‍ङाना माहिमा लोक् भोलाइलाम्‍मा काछेम्‍बा माङ्‌हाङ् आनि मिसेन् निसुएसुम्‍मे॥

२ पाटरुस 2:20

हिट्‌नुङ् जब याप्‌मिचिङा आनि टाङ्‌बा लोक् काहिङ्‌मेप्‍बा डाङ्‌बा येसु खिरिस्‍ट मिसेन् उनिसुङ् नाराङिना जाखाम्‌ङि आठेन्‍ना रिङ्‌लाम्‍मा ओहोन्‍डाउङ् चा फेरि हिट्‌ना रिङ्‌ङि डोक् लाहाब् उलियुक् भोने, हिट्‌नागाँगा आवास्‍था पाइले नुङ्‌ना चा झान् ओचाफेन्‍लोक् लियुक्॥

२ पाटरुस 3:18

टरो सोरोक् आनि टाङ्‌बा हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना ओठोना हिट्‌नुङ् ओमायादायाङि पोसा खाडानि॥ हाट्‌ले हिट्‌नुङ् सोरोक् टाङ्‌बाङाना डोक् उनिङ् टो-टो उलियाक्॥ आमेन्॥

२ पाटरुस 3:2

आच्‍छो बेला सेङ्‌सेङ्‌गा माङ्‌काटाचिङा ओमाट्‌टुगा रिङ् हिट्‌नुङ् मुलिचेलाचिङा माहिसिक्‌टिगा टाङ्‌बाङाना आग्‍याँ खानिङा मिट्‌टानुम् नुङ् लोनाँनि॥

१ युहान्‍ना 1:2

जब ना चोला पारकाट् लिसे, आन्‍याँ निसुम्‍मे॥ हिट्‌नुङ् हाट्‌ले उन् लाट्‌निना चोला ए नुङ् खानि साँचि पिनाँनि हिट्‌नुङ् खानि लोनाँनि॥ उन् माङ्‌हाङ् पाबालोक् डाना हिट्‌नुङ् आनि सोरि पारकाट् लिसे॥

१ युहान्‍ना 4:14

हिट्‌नुङ् माङ्‌हाङ् पाबाङा उन्‍ङाना छा नाराङिना काहिङ्‌मेप्‍बा डाङ्‌बा लिमा पाङ्‌सुना नुङ् आन्‍याँ निसुम्‍मे, हिट्‌नुङ् नाङाना डोक् साँचि पिडुम्‍टुम्‍मा॥

पारकास 18:1

हिट्‌नुङ्‌ना आङा टोनालोग्‌लाम्‍मा यो उङ्‌सागेट्‌टाना आरको माङ्‌हाङ् रिङ् काउग्‍बा निसुङे॥ ना माङ्‌हाङ् रिङ् काउग्‍बाङाना माङ्‌ठेना ओसाक्‌ति डाना॥ हिट्‌ना माङ्‌हाङ् रिङ् काउग्‍बा ओम्‍से हिट्‌नुङ् नारा डोक् व्‍हाङ् चोगुए॥

पारकास 2:7

“खानि सोब्‍बेलोक् खेम्‍माना नुभेक् युङ्‌ग्‍वा, हिट्‌डेउङ् माङ्‌हाङ् ओहाङ्‌साङा खानि माङ्‌पाङ्‌ङिगा लाउङ्‌सा पाक् मालोडिटिगा हिट्‌ना नुलोक् खेम्‍सानुम्॥ हिट्‌नुङ् जुन् याप्‌मिङा दुस्‍टाङाना ओसाक्‌ति मेट्‌टुटु हिट्‌ना आङा माङ्‌हाङ्‌ङाना टोनालोग्‌ङिना बाकेंचाङि लिसाना चोला आपिना सिङ् उभुङ्‌माङि केङ्‌ग्‍वाना टुल्‍फुल चामा पिडुङ्‌टुङ्॥

पारकास 20:14

हिट्‌नुङ् हिट्‌ना चोलाङाना छाप्‍लाङि उन्‌चि निङ् छेप्‌निगेट्‌निगा याप्‌मिचि माङ्‌हाङ्‌ङा मि भुङ्‌रोङि ठेन्‍डुचिचि॥ हिट्‌नुङ्‌ना हिट्‌नि मिरतु हिट्‌नुङ् पाताल काइले चा लिनिना, पोङ्‌भोने नागा मिङाना भुङ्‌रोङि लेप्‌युक्॥ हिट्‌ना मिङाना कुन्‍डाङि पिमाना साजाएम्‍बाक् इप्‍पोक् खेप् सिमा नुङ् ओलोडुटु॥

पारकास 22:14

हिट्‌नुङ् जुन् याप्‌मिचिङा उन्‌चि लोट्‌लिङ् सेङ्‌सेङ् ओहोप्‍टुटु, हिट्‌नागालोक् माङ्‌हाङ् आड्‌डिक् हारका लियुक्, हिट्‌नुङ् हिट्‌नागाँ चोला आपिना टुल्‍फुल चामाना हाक ओटोगुटु हिट्‌नुङ् खालाङ्‌गाङिना ढुवारिक्‌लाम्‍मा लिक्‍माना आधिकार ओटोगुटु॥

पारकास 22:17

सेङ्‌सेङ्‌ना हाङ्‌सा हिट्‌नुङ् खिरिस्‍टङाना बेहुलिङा नाड्‌डे माट्‌टुटु, “आबानि॥” जुन्‍ङा नागा रिङ् खेम्‍सुटु हिट्‌नाँ चा ओमाट्‌टुवाक्, “आबानि॥” खोना लाउङ्‌सा ओवेप्‍मा काडेसेना हिट्‌ना ना चोला आपिना चुवा ठुङ्‌ङा ओआब्‍याक्॥