२ थेसालोनिकि 3:4 - आठपहरिया

⁴ आन्‍याँ लोनानिगा नागा रिङ् खानिङा आचोगुएट्‌टुम् हिट्‌नुङ् सोरोक् आचोगुम्‍टुम् नुङ् टाङ्‌बाङि आन्‍याँ ढुक्‍का लिसिएसिङे॥

२ थेसालोनिकि 3:4 Iomraidhean Croise

मात्‌ति 28:20

आङा खानि आग्‍याँ पिनानिगा सोब्‍बे रिङ् पालान् चोक्‍मा हिट्‌नागा हिसिक्‍टानुम्‌चिम्॥ खेम्‍सानुम्, आङा जुगङाना आन्‍ते सोम्‍मा सोरोक् खानिलोक् एक्‍केउ लिङा॥”

रोमि 15:14

आम्‍भु-आन्‍झाचि हिट्‌नुङ् आनो-आन्‍झोचि, खानिङा याप्‌मिचि ओचेट्‌नुना चाट्‌ला आमेट्‌टुम्‌चिगा नुङ् आङा ठाहा टोगुङ्‌टुङ्॥ छेम्‍बा डोक्, खानिङा माङ्‌हाङ् बारेङि नुलोक् डोक् बुजा आचोगुएसुम्‍मे हिट्‌नुङ् ठिबाङ्‌ङा आरको हिसिक्‍मा आहिडुम्‌चिम्‌चिम् नुङ् आङा ठाहा टोगुङ्‌टुङ्॥

रोमि 15:18

आङा पारचार चोगुङ्‌ना रिङ् हिट्‌नुङ् खिरिस्‍टङा आङालाम्‍मा चोगुना टोॽवाङाना कारानङा पानिछोङ्‌बाचिङा माङ्‌हाङ्‌ङि बिस्‍वास ओचोगुए हिट्‌नुङ् माङ्‌हाङ् उनिङ्‌ग्‍वा गाड्‌डे ओचोगुए॥ हाट्‌ले आङा ना रिङ् नुङ्‌ना माले आरु याप्‍मा रिङ् माट्‌टुङुङ् ठेलोक् लिमा आँट् चोक्‌निङ्‌ना,

रोमि 2:7

जुन् याप्‌मिचिङा ओचेट्‌नुना टोॽवा ओचोगुयाक्‍टुटु, माङ्‌हाङ्‌ङाना माहिमा, मान् चोक्‍मा, हिट्‌नुङ् सिनिना चोला लाउङ्‌सा उहिङ्‌युक् हिट्‌नागा माङ्‌हाङ्‌ङा लाट्‌निना चोला पिडुचिचि॥

१ कोरिन्‌थि 14:37

खानिङि कोइङा आप्‍पेलोङ्‌सा माङ्‌काटा आथाबा सेङ्‌सेङ्‌ना हाङ्‌साङा याङ्‌पिडाना बारदान युङ्‌ग्‍वा नुङ् मिट्‌युक् भोने, आङा छेप्‍टुङ्‌ना नागा रिङ् टाङ्‌बाङाना आग्‍याँ डोक् नुङ् हिट्‌नाङा ठाहा टोक्‍मा कोन्‌युक्॥

१ कोरिन्‌थि 7:19

पोङ्‌भोने खाताना चोक्‍मा हिट्‌नुङ् खाताना मिचोक्‍मा ठेना रिङ् माखाक्, टरो माङ्‌हाङ्‌ङाना आग्‍याँ पालान् चोक्‍माउम्‍बाक् मुलि रिङ् ए॥

२ कोरिन्‌थि 2:3

हिट्‌नुङ् आङा आप्‍ङानाँ आङाना आचाप् टालोक् चोक्‍मा ओकोन्‍गा याप्‌मिचिलाम्‍मा आनिङ्‌ग्‍वा उटुक्‌नियाक् नुङ् आङा हिट्‌ना चिट्‌ठि छेप्‍टुङे॥ पोङ्‌भोने आङा मोज्‍जा लोङाना खानि सोब्‍बे चा मोज्‍जा आलोसिटि नुङ् छेम्‍बा डोक् आङा खानि सोब्‍बेङि बिस्‍वास चोगुङ्‌टुङ्॥

२ कोरिन्‌थि 2:9

हिट्‌डेडोक् आङा लोनानिगा सोब्‍बे रिङ् खानिङा आचोगुएट्‌टुम्‌नि माइनै नुङ् खानि निङ्‌ग्‍वा कोम्‍मा हिट्‌नुङ् ठाहा टोक्‍माउङ्‌सा आङा हिट्‌ना चिट्‌ठि छेप्‍टुङ्‌ना डाना॥

२ कोरिन्‌थि 8:22

हिट्‌नाड्‌डेउङ् हिट्‌नागालोक् आरको आन्‍याँ झान्‍झा चा पाङ्‌सुम्‍गेट्‌टुम्‍मा॥ ना झान्‍झाङा पाइले डोक् याप्‍मा खेप् घुवार फामाना आड्‌डिक् निङ्‌ग्‍वा चोगुना रिङ् आन्‍याँ याप्‌मि निमेट्‌टेसे॥ हिट्‌नुङ् हाट्‌ले ना झान्‍झाङा खानि आड्‌डिक् भोरोसा माचोगिनाँ आझै याप्‍मा घुवार फामाना निङ्‌ग्‍वा चोगेसे॥

गालाति 5:10

खानिङा आङा लोनानिगा रिङ् नुङ् आरुलेङ् निङ्‌ग्‍वा आपिनिम्‍ना नुङ् आङा टाङ्‌बाङि बिस्‍वास चोगुङ्‌टुङ्॥ टरो खानि याङ्‌छामा काचाट् जो उलि चा माङ्‌हाङ्‌ङा हिट्‌ना साजाए पिडुटु॥

फिलिप्‌पि 1:6

माङ्‌हाङ्‌ङा खानि निङ्‌ग्‍वाङि ठिक् नुना टोॽवा उटुम् चोगुएसुए, हिट्‌नुङ् उन्‍ङा एडोक् येसु खिरिस्‍ट नोक्‍ना उङ्‌ना बेला हिट्‌ना टोॽवा चोक्‍मा हिडुटु नुङ् आङा बिस्‍वास चोगुङ्‌टुङ्॥

फिलिप्‌पि 2:12

नाड्‌डेउङ् मायालु आम्‍भु-आन्‍झाचि, आङा खानिलोक् लिसाङ्‌नाँ खानिङा सोरोक् आरिङ् पालान् आचोगुम्‍मे, हाट्‌ले आङा खानिलाम्‍मा लाप्‍माङ् लिङा चा खानिङा आरिङ् झान् याप्‍मा टेम्‍मा कोन्‌युक्॥ हिट्‌नुङ् खानिङा आटोगुम्‍ना मुक्‌टिङाना रिङ् पारकाट् चोक्‍मा आड्‌डिक् मिहिनेत चोगानुम्, हिट्‌नुङ् आड्‌डिक् मान् हिट्‌नुङ् किट्‌सा माङ्‌हाङ् पालान् चोगानुमुङ् हिड्‌डे चोगानि॥

१ थेसालोनिकि 4:10

छेम्‍बा डोक्, खानिङा माकेडोनिया छेट्‌राङिगा ख्‍वाप्‍पा बिस्‍वासि भुम्‍भु-झान्‍झा हिट्‌नुङ् नाना-झान्‍झाचिलाउङ्‌सा माया आचोगुएसुम्‌चिम्‍मे॥ हिट्‌नुङ् भुम्‍भु-झान्‍झा हिट्‌नुङ् नाना-झान्‍झाचि हाट्‌ले चा जोम् माया चोगानुम्‌चिम् नुङ् खानि आनुरोध चोक्‍नानि॥

२ थेसालोनिकि 3:12

हाट्‌ले नाड्‌डेगा याप्‌मिचि लाउङ्‌सा टाङ्‌बा येसु खिरिस्‍ट उनिङ्‌ङि आन्‍याँ नाड्‌डेना आग्‍याँ हिट्‌नुङ् आरति पिडुम्‌चिम्‌चिम्‍मा, हिट्‌नागा स्‍वाक् मिचेक्‍ङे उन्‌चि टोॽवा ओचोगुवाक् हिट्‌नुङ् आप्‍पे टोॽवा ओचोगुङ् कामाँ ओचोगुङ् ओच्‍वाक्॥

२ थेसालोनिकि 3:6

भुम्‍भु-झान्‍झाचि हिट्‌नुङ् आनो-आन्‍झाचि, आनि टाङ्‌बा येसु खिरिस्‍टङाना उनिङ्‌ङि आन्‍याँ खानि आग्‍याँ पिनाँनि, टोॽवा ओचोक्‌निगा स्‍वाकायु हिट्‌नुङ् आन्‍याँ हिसिक्‍टुम्‌चिम्‍मागा रिङ् ओटेन्‌निगा ख्‍वाप्‍पा बिस्‍वासिचिलाम्‍मा लाप्‍माङ् युङानि॥

फिलेमोन 1:21

आङा बिस्‍वास चोगुङ्‌टुङ्, खान्‍ङा आङा लोनाना रिङ् आचोगुटु हिट्‌नुङ् आझै ना नुङ्‌ना चा याप्‍मा आचोगुटु नुङ् आङा खान्‌लोङ्‌सा छेप्‍टुएट्‌टुङ्॥