२ थेसालोनिकि 2:2 - आठपहरिया

² कोइङा खोना चा माङ्‌हाङ्‌लाम्‍माना रिङ् काचेक्‍बाचि, चेक्‌टिना रिङ् आथाबा छेप्‍बालाक् रिङ्‌लाम्‍मा टाङ्‌बा पाइले डोक् टामाहिडे पिक्‍सा ओमाट्‌टुए भोने, हिट्‌नागा रिङ् आन्‍याँलाम्‍मा टायाना नुङ् खानि निङ्‌ग्‍वा ओेभेन्‌नि चा आथाबा चिन्‌तित् लिनेनिन्॥

२ थेसालोनिकि 2:2 Iomraidhean Croise

मात्‌ति 24:24

पोङ्‌भोने नाड्‌डेगा माङ्‌जोगा खिरिस्‍ट लोक् माङ्‌जोगा माङ्‌काटाचि ओठेट्‌युक्॥ हिट्‌नागाँ उहिडुलोक् सोम्‍मा माङ्‌हाङ्‌ङा सेगुचिगा याप्‌मिचि चा माङ् ठे-ठेगा चिन्‍ना लोक् डोङ् ठोङ्‌डिगा टोॽवा ओचोगुङ् ओबान्‍डुचिचि॥

मारकुस 13:7

जब खानिङा खेमाबुङ्‌मा लिसागा हिट्‌नुङ् खेमाबुङ्‌मा लियुगेट् पिक्‍सा ओमाट्‌टुगा रिङ् आखेम्‍सुम्‍टुम्, टरो खानि किट्‌नेनिन्॥ नाड्‌डेगा घाट्‌नाचिउम् लिमा डोक् कोन्‌युक्, टरो हिट्‌ना बेला डोक् नाराङाना आन्‍तेउम् लिनिना॥

लुका 21:19

माङ्‌हाङ्‌ङि बिस्‍वासिलो लिसानि हिट्‌नुङ् खानिङा खोना बेला चा लाट्‌निना चोला आटुबुम्‍टुम्॥”

लुका 21:9

जब खानिङा खेमाबुङ्‌मा रिङ् हिट्‌नुङ् याप्‌मिचि चेप्‍गाजालाक् ओचोग्‍गा आखेम्‍सुम्‍टुम्, खानि किट्‌नेनिन्॥ नाउम् पाइला लिमा डोक् कोन्‌युक्, टरो हिट्‌ना बेला डोक् नाराङाना आन्‍तेम्‍बाक् लिनिना॥”

युहान्‍ना 14:1

येसुङा चेलाचि लोडुचे, “खानि चिन्‌तित् लिनेनिन्॥ खानिङा माङ्‌हाङ् बिस्‍वास चोगानुम्, हिट्‌नुङ् आङा चा बिस्‍वास याङ्‌चोगानि॥

युहान्‍ना 14:27

“आङा खानिलोङ्‌सा हाङ्‌हाङ् पिनाढानाँनि॥ आप्‍पे आङाना हाङ्‌हाङ् खानि पिनाँनि हिट्‌नुङ् नाराङा आपिना गाड्‌डेना हाङ्‌हाङ् माखाक्॥ खानि निङ्‌ग्‍वा टुक्‍नेनुम् हिट्‌नुङ् किट्‌नेनिन्॥

१ कोरिन्‌थि 1:8

आनि टाङ्‌बा येसु खिरिस्‍ट उङ्‌ना लेम्‍बाङि खानि फाट्‌टुर माले लिसानि नुङ् उन्‍ङा खानि आन्‍ते सोम्‍मा बोल्‍लेउ माचोगिटि॥

१ कोरिन्‌थि 14:32

माङ्‌हाङ्‌लाम्‍माना रिङ् माप्‍माना बारदान लिसाना याप्‌मिङा आप्‍पेलाउङ्‌सा काबुङि युङ्‌मा काहिबा लियुक्॥ हिट्‌ना चेक्‍मा चा हियुक्, चेक्‍मा चा नामा हिडुटु॥

१ कोरिन्‌थि 7:26

ना बेला याप्‍मा याङ्‌छामा लिएट्, हिट्‌डेउङ् खोना याप्‌मि जुन् आवास्‍थाङि युङ्‌ग्‍वा हिट्‌डेडोक् युङ्‌नाँ ओचेट्‌नुयुक् नुङ् आङा मिट्‌नाँ॥

एफिसि 5:6

ना रिङ् छेम्‍बा डोक्, टरो खानि माड्‌डे कोइङा ना रिङ् ओलाडुन्‍गा हिट्‌नुङ् हिट्‌नागाँ नागा पाप चोक्‍मालाम्‍मा खानि माछाक्‌टिन्‍गा॥ खोना याप्‌मिङा चा नाड्‌डेगा खेडोक्‍गा रिङ् ओमाट्‌टुङ् खानि छाम्‍मा ओटोगुन्‍चा॥ पोङ्‌भोने हिट्‌डेगा पाप चोगुम्‍नाँ डोक् माङ्‌हाङ्‌ङाना ओरेक् काडे॥ हिट्‌डेउङ् उन्‍ङा उरिङ् ओखेम्‍सुन्‍गालाउङ्‌सा साजाए पिडुचिचि॥

१ थेसालोनिकि 3:3

हिट्‌डेउङ् नाड्‌डेगा याङ्‌छामा लिनाँ साङा चा हारेस ओचोन्‍चा॥ नाड्‌डेगा याङ्‌छामाउङ् आङ्‌मा लाउङ्‌सा आनिम्‌बाक् आसेगिगा नुङ् खानि आप्‍पेङा नुलोक् ठाहा आटोगुएसुम्‍मे॥

१ थेसालोनिकि 4:15

टाङ्‌बाङा आप्‍पे माट्‌टुना उरिङ्‌लाम्‍मा आन्‍याँ खानि लोनाँनि, टाङ्‌बा उङ्‌ना लेम्‍बा सोम्‍मा आनि काहिङ्‌बाचिङा हिट्‌नागा उसियाडागालोङ्‌सा खोनाङा चा काक्‍मा हिनिम्‌चिम्‍गा॥

१ थेसालोनिकि 5:2

पोङ्‌भोने युसा याङ्‌काखुट् टाया गाड्‌डे डोक् टाङ्‌बा उङ्‌ना लेम्‍बा ठाहा डोक् मिटोक्‍ङे टायुक् नुङ् खानिङा नुलोक् ठाहा आटोगुएसुम्‍मे॥

२ थेसालोनिकि 2:15

नाड्‌डेउङ् भुम्‍बु-झान्‍झाचि हिट्‌नुङ् आनो-आन्‍झाचि, खानिङा बिस्‍वास आचोगुम्‍ना रिङ्‌ङि बोल्‍लेउ लिसानिउङ् युङानि, हिट्‌नुङ् आन्‍याँ यासिङा खानि लोनानि चा आथाबा चिट्‌ठि छेप्‍टुमुङ् हाक्‍नानि चा खानिङा आटोगुम्‍ना हिसिक्‍माना रिङ् बिस्‍वास चोगायाक्‍टानुम्॥

२ थेसालोनिकि 3:17

आङा पावालङा आप्‍पे आमुक्‌ङा डोक् बाबा ए पिक्‍सा छेप्‍टुएट्‌टुङ्॥ आङा छेप्‍टुङ्‌ना चिट्‌ठि नुङ् सोब्‍बेङा ठाहा टोग्‍माना पाराम्‍बाक् ना डोक् ए॥ आङा सोब्‍बे चिट्‌ठि ना पारा डोक् छेप्‍टुङ्‌गा॥

पारकास 19:20

हिट्‌नुङ् हिट्‌ना जिवाट् हिट्‌नुङ् हिट्‌ना उनिङ्‌ङि डोङ् ठोङ्‌डिना टोॽवा काचोक् माङ्‌जोना माङ्‌काटा टाङ्‌राङ्‌बाङि ठाङानाङा कैद चोगुए॥ हिट्‌ना माङ्‌जोना माङ्‌काटाङा डोङ् ठोङ्‌डिगा टोॽवा चोगुङ् हिट्‌ना जिवाट्‌ङाना छाप् ओलाडुगा लोक् हिट्‌नाङाना मुरति साम्‍माङ् काचोक्‌चि मुसिक्‍पा चाट्‌टुएसुचिगा डागा॥ हिट्‌नुङ् टाङ्‌राङ्‌बाङि ठाङानाङा हिट्‌नागाचि इप्‍पाङ् उहिङ्‌ग्‍वाट् डोक् गान्‍धकङा हाट्‌टेट्‌टाना मिङाना उभुङ्‌रोङि लेप्‍टुचे॥