२ थेसालोनिकि 1:9 - आठपहरिया

⁹ हिट्‌नागाँ खोना बेला चा जाखाम् लिनिना साजाए ओटोगुटु, हिट्‌नुङ् हिट्‌नागा टाङ्‌बाङाना ओटोकानालाम्‍मा हिट्‌नुङ् उन्‍ङाना आड्‌डिक् बोल्‌ङाना माहिमालाम्‍मा ओसाम्‌युक्॥

२ थेसालोनिकि 1:9 Iomraidhean Croise

मात्‌ति 16:27

पोङ्‌भोने याप्‌मि छा उन्‍ङाना माङ्‌हाङ् रिङ् काउग्‍बाचिलोक् ओमाङ्‌हाङ् पाबाङाना माहिमाङि उङ्‌युक्, हिट्‌नुङ् हिट्‌ना बेला सोब्‍बे याप्‌मिचि उन्‌चिङा ओचोगुना टोॽवाङाना पारतिफल उन्‍ङा पिडुचिचि॥

मात्‌ति 22:13

टब हाङ्‌बाङा ओचाकारचि लोडुचे, ‘हिट्‌ना ओलाङ् उमुक्‌ङि रेक्‍टानुमुङ् हिट्‌ना भारा डुम्‍बारिक् डुम्‌ङि लेप्‍टानुम्, हिट्‌नि याप्‌मिचि ओहाप्‌युक् हिट्‌नुङ् केङ् ओचान्‍डुटु॥’”

मात्‌ति 24:30

“हिट्‌नुङ्‌ना याप्‌मि छा उङ्‌ना चिन्‍ना टाङ्‌साङ्‌ङि ठेट्‌युक्, हिट्‌नुङ् नाराङिगा सोब्‍बे छोङ्‌चि सानिङ्‌ग्‍वा ओलोयुक्॥ हिट्‌नुङ् हिट्‌नागाँ याप्‌मि छा टाङ्‌साङ्‌लाम्‍मा खिमेमाङि साक्‌ति हिट्‌नुङ् ठेना माहिमालोक् उङ्‌युगेट्‌ना उनिसुटु॥

मात्‌ति 25:41

“हिट्‌नुङ्‌ना उन्‍ङाना ओफेङ्‌साङ्‌लेङ् उलिसागा याप्‌मिचि लोडुचिचि, ‘हाउ माङ्‌हाङ्‌ङाना साराप् आठायिगा याप्‌मिचि! आङालाम्‍मा खाडालेट्‌टानि, हिट्‌नुङ् दियाबालास लोक् उदुतचि लोङ्‌सा टेयार चोक्‍बालाक् खोना बेला चा सिनिना मिङि खाडानि॥

मात्‌ति 25:46

“हिट्‌नुङ् हिट्‌नागाँम्‍बाक् लाट्‌निना साजाए ओटोगुटु, टरो धारमोति याप्‌मिचिउम्‍बाक् खोना बेला चा लाट्‌निना चोलाङि उलिक्‌युक्॥”

मात्‌ति 26:24

धारमाछाप्‍लाङि छेप्‌टि गाड्‌डे याप्‌मि छा सिमा खाप्‍मा डोक् कोन्‌युक्॥ टरो इनामा हिट्‌ना याप्‌मि लोङ्‌सा, जुन्‍ङा याप्‌मि छा धोका पिडुटु॥ हिट्‌ना याप्‌मिउम्‍टे पोङ्‌नेट्‌निना डोक् बे ओचेट्‌नुना लिसे॥”

मात्‌ति 7:23

हिट्‌नुङ् आङा हिट्‌नागा पारचिन्‍दा लोडुङ्‌चिङ्‌चिङ्, ‘हाउ, ओभेन्‍गा टोॽवा काचोक्‍बाचि, आङा खानि खोना बेला चा मिसेन् निनेन्‍गेट्‌निन्‍गा, आङालाम्‍मा खाडाजानि!’

लुका 13:27

टरो उन्‍ङा फेरि माट्‌टुटु, ‘खानि साइगा? आङा खानि मिसेन् निनेनिन्‍गा॥ हाउ दुस्‍टा याप्‌मिचि, आङालाम्‍मा खाडाजानि॥’

युहान्‍ना 5:14

हिट्‌नुङ्‌ना येसुङा हिट्‌ना माङ्‌ठानाङि टुबुङ् लोडुए, “खेम्‍सु, खान् नुमानिङ् आलिसाइसे॥ फेरि पाप चोगुन्, हिट्‌डे आचोगे भोने खान्‌ङि आझै जोम् ओचाफेन्‍ना रिङ् ठामाहियुक्॥”

फिलिप्‌पि 3:19

आन्‍तेङि माङ्‌हाङ्‌ङा हिट्‌नागा जाखाम् चोगुचिचि॥ उन्‌चि निङ्‌ग्‍वाङि जे चोक्‍मा उमिट्‌टे हिट्‌ना चोक्‍मा डोक् हिट्‌नागाँगा लाउङ्‌सा ठेना ए॥ मोन्‌डिसिइना रिङ् डोक् हिट्‌नागा ठेलोक् ओचोग्‍गा॥ हिट्‌नुङ् हिट्‌नागाँ नाराङिगा रिङ्‌ङि एडोक् उन्‌चि निङ्‌ग्‍वा उपिडुगा॥

१ थेसालोनिकि 5:3

हिट्‌ना बेला याप्‌मिचिङा सोब्‍बेलेङ् “हाङ्‌हाङ् युङ्‌ग्‍वा हिट्‌नुङ् पाक्‍चा ओचाफेन्‍ना वाइना” पिक्‍सा ओमाट्‌टुगेट्‌टुना बेला मेच्‍छेमा छाडाङ्‌मा बेथा लाहाब् लिसि गाड्‌डे डोक् ठाहा डोक् मिटोक्‍ङे हिट्‌नागा उठुङ्‌ङि नास ठायुक्, हिट्‌नुङ् खोना चा ना जाखाम्‌लाम्‍मा होम्‍मा उहिनिगा॥

२ थेसालोनिकि 2:8

हिट्‌नुङ्‌ना धारमाबिधि मानाँ काचोक्‌निबा ठेट्‌युक्, टाङ्‌बा येसुङा ओयासिङाना ओसोक्‍माङा हिट्‌नुङ् उन् उङ्‌ना बेला ठेट्‌ना माहिमालाम्‍मा हिट्‌ना जाखाम् चोगुटु॥

तितास 2:13

हिट्‌नुङ् आसिक्‌ङाना आसा आनि हाङ्‌सुएट्‌टुम्॥ हिट्‌ना डोक् आनि माङ्‌ठेना माङ्‌हाङ् हिट्‌नुङ् काहिङ्‌मेप्‍बा डाङ्‌बा येसु खिरिस्‍टङाना माहिमाङि ठेट्‌युक्॥

हिब्‍रु 10:29

हाट्‌ले खानि आप्‍पेङा निङ्‌ग्‍वा रिसानुम् टे, जुन्‍ङा माङ्‌हाङ् छा चिम्‍मा फुट्‌टुटु, जुन्‍ङा आनि सेङ्‌सेङ् आचोक्‍ना माङ्‌हुप्‌ङाना हेलिक्‌ङाना मान् चोगुन्‍ना, हिट्‌नुङ् मायादाया आपिना सेङ्‌सेङ्‌ना हाङ्‌सा इन्‍कार चोगुटु हिट्‌नागाँ झान् आड्‌डिक् टुक्‍ना साजाए ओटोगुटु॥

२ पाटरुस 2:17

नागा याप्‌मिचि चुवा मालेगा उपुन्‌चि गाड्‌डेगा, हिट्‌नुङ् हिॽवा हुन्‍डारिङा मुट्‌टुना खिमेमा गाड्‌डेगा ए॥ नागा लाउङ्‌सा माङ्‌हाङ्‌ङा पातालङि माकुन्‍धेरेक्‍ना डेन् टेयार चोगुएसुए॥

२ पाटरुस 3:7

हिट्‌नाड्‌डे डोक् ना बेला लिसाना टाङ्‌साङ् लोक् नारा चा मिलाम्‍मा जाखाम् चोक्‍माउङ्‌सा माङ्‌हाङ् उरिङ्‌ङा डोक् जोगाँ चोगुङ् युङ्‌सुएसुए॥ उन्‍ङा आधारमोति याप्‌मिचि जाखाम् चोक्‍माउङ्‌सा न्‍याए चोक्‍माना लेम्‍बा सोम्‍मा टाङ्‌साङ् लोक् नारा युङ्‌सुएसुए॥

याहुदा 1:13

हिट्‌नागा याप्‌मिचि सामुन्‍दराङिना किट्‌टुम्‍ना चुवा ओभेट्‌लेॽवा गाड्‌डेगा ए, हिट्‌नुङ् सामुन्‍दराङि किट्‌टुम्‍ना चुवा ओभेट्‌लेॽवा कोबा गाड्‌डे डोक् नागाँगा टोॽवा चा चिम्‍मा फुट्‌टुम्‍ना ए॥ हिट्‌नागा लाम्‍बो ओबान्‍डुगा चोक्‌चिङ्‌गेट्‌चि गाड्‌डेगा डोक्, हिट्‌नुङ् हिट्‌नागा लाउङ्‌सा माङ्‌हाङ्‌ङा सोरोक् लाउङ्‌सा पातालङि माकुन्‍धेरेक्‍ना डेन् युङ्‌सुएसुए॥

पारकास 20:11

आङा ठिक् ठेना फुट्‌ना सिङासान् हिट्‌नुङ् हिट्‌नि ठिबाङ् युङेसाना निसुङे॥ हिट्‌नुङ् नारा लोक् टाङ्‌साङ् उन्‍ङाना ओनाभाक्‌लाम्‍मा मासाडा चे, हिट्‌नुङ् नारा लोक् टाङ्‌साङ् फेरि साङा चा उनिस्‍वाट्‌टुन्॥

पारकास 20:14

हिट्‌नुङ् हिट्‌ना चोलाङाना छाप्‍लाङि उन्‌चि निङ् छेप्‌निगेट्‌निगा याप्‌मिचि माङ्‌हाङ्‌ङा मि भुङ्‌रोङि ठेन्‍डुचिचि॥ हिट्‌नुङ्‌ना हिट्‌नि मिरतु हिट्‌नुङ् पाताल काइले चा लिनिना, पोङ्‌भोने नागा मिङाना भुङ्‌रोङि लेप्‌युक्॥ हिट्‌ना मिङाना कुन्‍डाङि पिमाना साजाएम्‍बाक् इप्‍पोक् खेप् सिमा नुङ् ओलोडुटु॥

पारकास 21:8

टरो डारछेरुवा याप्‌मिचि, धोका कापि याप्‌मिचि, चिम्‍मा फुट्‌टुम्‍ना टोॽवा काचोक्‌चि, याप्‌मि कासेट्, हिट्‌नुङ् इम्‍मेट्‌माजामा टोॽवा काचोक्‌चि, चाटाके याप्‌मिचि, मुरति साम्‍माङ् काचोक् याप्‌मिचि हिट्‌नुङ् माङ्‌जो रिङ् ओचेग्‍गा याप्‌मिचि मि लोक् गान्‍धाक् हाट्‌ना भाट्‌टिङि ओठायुक्॥ हिट्‌नाम्‍बाक् दोस्‍रो खेप् सिमा ए॥”

पारकास 22:15

टरो हिट्‌ना खालाङ्‌गा भाराम्‍बाक् कोछुबाचि गाड्‌डे चाट्‌ला उलिसागा याप्‌मिचि, टुनामुना ओचोग्‍गा, इम्‍मेप्‍माजामा टोॽवा काचोक् याप्‌मिचि, याप्‌मि कासेट्‌चि, मुरति साम्‍माङ् काचोक्‌चि, हिट्‌नुङ् माङ्‌जो रिङ् लोमा मोज्‍जा ओलोगा हिट्‌नुङ् माङ्‌जो रिङ् काचेक् याप्‌मिचि उलियुक्॥